حر باكستاني أحمر مجهم للبيع

[أخو وضحة]

السلام عليكم ورحمة الله وبركاته
وشهر كريم انشاء الله ودعوا الطيور بيزيين مع رمضان بالصبح والعصر وبالتوفيق للجميع
وهذا أخر موضوع لي ابتابعه 5 أيام وابحط رجلي على الساحل عاد انتم تعرفون ليه ههههههههههه
المهم :-
حر باكستاني أحمر مجهم الطول 16وشي والعرض 16وشي علومه مع راعيه الأول يقول العام صايد أرنب وعلم على كروان ولا تردد طلبها والسنة هذي ما شاف شي وانا شاريه من مقيضه لأجل أتكسب فيه الحق حق
أشرط على الطير الركاده بالموتر من الصبح للصبح وركاده على اليد والوكر وأشرط على الطير طلعه 100%
وصحته مشروطه على المستشفى كشفت عليه قبل ثلاثة أيام في مستشفى الفيفا في جدة
بقي معه الأمواس فقط والثالثة والنايفة تسوق وطولت عليكم لكن أخليكم مع الصور

http://www.mekshat.com/pix/upload/images47/mk45474_jgdhgkhgj.jpg


http://www.mekshat.com/pix/upload/images47/mk45474_mjhbgjygj.jpg




http://www.mekshat.com/pix/upload/images47/mk45474_jhkjh.jpg


والسوم وصل 4700ريال ونسمع منكم وأنا قريب من البيعة وخمسة أيام أو أقل بأتابع واروح الساحل انشاء الله أدعولي بواحد تام بس ولا أبي غيره ههههههههه

[الصامل111]

مبروك عليك الشهر وياليت تعطينا صوره لظهر الطير

[أخو وضحة]

أبشر يالصامل 111 قريب أنزلها انشاء الله

[فنجون]

هذا الطير ليس ادهم بل خضر

[أخو وضحة]

فنجون حياك الله الطير حمر وأنا أخوك ما هو قولي أنا بس قول صقارين كثر
ومشكور على مرورك

[أخو وضحة]

الصامل 111 وهذا ظهر الطير

http://www.mekshat.com/pix/upload/images47/mk45474_20070911(001).jpg


http://www.mekshat.com/pix/upload/images47/mk45474_20070911.jpg

[الصامل111]

مشكور اخو وضحى الطير عليه سوم سابق ولا لا

[أخو وضحة]

نعم وصل السوم 4700 ريال

[طارق الحربي]

محلك ؟

والطير وش عمره ؟

[خوي بوعوض]

السلام عليكم مبارك عليك الشهر هاذا الطير خضر وارقط مب حمر ولا لف صوب الحمر الله هم راسه محووومر حنى اهل قطر نسميه وكري حرار ولا الطير ارقط خضر مافي كلام

[kavian]

hi my frind:your falcon is small and u have kept this falcon more than 6 months in home and the color is very very normal ahmar.....tnx....bye

[طارق الحربي]

kavian


if you want to buy just bit

but don't try to make this falcon as a cheap falcon

we know your mean and don't try to be an expert in falcon's :)

[خيال الصبحا]

وعليكم السلام
الاخ اخو وضحه
الله يرزقك البيعه الي
تتمناها ، ويبارك لك وللشاري
بس ليش تقول بواحد تام بس
ولا أبي غيره ، الله يرزقك بتوام
اثنين قل امين ، وانا مادخلت موضوعك
على شان هالشيء ، ولكن شدني كلام
الايراني ويقول الطير صغير ومربوط 6 شهور
الظاهر انه بدا يلعب مثل ماقالوا عنه ، ويوم دخلت
قلت خلين ارد عليك وشكرًا

[عبرود الشمال]

Kavian
keep your opinion to yourself & no one asked for it with all respect

[BeLoveLy]

السلام عليكم و رحمة الله و بركاته
ماشاء الله تبارك الرحمن طير مبروك
الله يبارك للبايع و المشتري

تقبلو مروري
اخوكم : عبدالرحمن

[((الخالدي))]

الله يوفقك بالبيعة الطيبة

[قلب شاهين]

الله يرزقك بالبيعه الطيبه ،،

[ملك المقناص]

السومه ب2500ريال مكاني الدمام

[BeLoveLy]

السلاام عليكم و رحمة الله و بركاته
يا اخوي ملك المقناص
يقولك الطير مسيوم بـ 4700 و انت تسوم بـ 2500
للعب بزران هو ؟؟؟ :no2:
الله يهديك بس
مشكلة بعض الاخوان انه ما يشوف السومات الي قبله و يسوم بكيفه:no2:
الله يهديك يا بو هيثم :no:


تقبلو مروري
أخوكم : عبدالرحمن

[ابو سفيان]

سلام عليكم ورحمة الله وبركاته
تعليق بصيط جدا
أولا
الي يقول ان الطير خضر انا شفت الطير الطير حمر لكن التصوير كان رديء جدا وطير مو فرخ وكري حر كما يقول بعض الناس الطير حر مدري كيف حكم عليه
ثانيا
الرجال قال السومه ويجي واحد يطرح هذي السومه مدري هو ما يبي الناس تسترزق ولا يطير الزباين ولا وشقصده
الله يصلح الجميع ونرجو من الله عدم الوقوع في هذي الامور لان الكل لا يريد ان ياتي احد ويبخس سلعته او يعيب في السلعه
انا شفت الطير وأسومه 5000 ريال وتراني صامل وبقوه

[أخو وضحة]

السلام عليكم ورحمة الله وبركاته
وش فيكم يالربع زعلتوا واختلفتو في اللأراء واحد معصب وواحد يسوم والإيراني ما أعرف وش يبربر فيه
على العموم حصل خطاء بسيط في قياس الطير مقاس الطير حاليا 16 ونصف × 16
طارق الحربي حياك الله مكاني مكه والطير ينقل هالسنه رابع ومشكور على مرورك
خوي بو عوض هذا عندكم في قطر لكن عندنا في السعودية لا الأخضر نقول له أحمر والأحمر نقول له بني والبني نقول له أصفر يا أخوي أنا ما عرضت طير عشان تعلمني بلونه وفصيلته ومن قال ان هذا وكري حرار يا اخي اذا كان عندك سوم سوم والا خلك ساكت (قل خيرا أو اسكت )
انت يالإيراني وش تقول انا ما ادري وش الحقيقة لكن يقولون تبينوا قبل أن تصيبوا وعلى العموم مشكور على مرورك
خيال الصبحا الله يسمع منك ويرزقك بعد بـ100تام وخل الإيراني يبربر على كيفه مدري يوم انه يقول الطير صغير ومربوط 6 شهور شكله كان مربوط مع الطير هههههههه
belovegy مشكور على المرور
الخالدي وقلب شاهين الله يسمع منك ويعطيكم العافية ومشكورين على المرور
ملك المقناص الله يحيك ومشكور على مرورك وعلى سومتك وعسى الله يعطيك على قد نيتك
أبو سفيان كيف حال أبو جهل هههههههههههههه لا تزعل ما غير أمزح معك وسومة طيبة من وجه أبيض
ومدري هو انت الي جيت بالجيب النيسان الأزرق يوم الخميس على العموم مشكور وما قصرت
ولو سمحتو انا ما عرضت الطير لأجل تعلموني وش فيه ووش عليه واحد يعلمني لونه ووش أصله والثاني يقول صغير ومربوط 6 شهور الي عنده سوم يسوم والا يسكت أحسن له
وشكرا .............

[أخو وضحة]

أبو سفيان مبروك عليك الطير وعزالله انك تستاهل
انباع الطير اليوم على أبو سفيان بـ 5500 ريال
وشكرا

[ابو سفيان]

انا ابو جهل يا خو ضبعه هههههههههههههههه ما دريت عنك انك تحش لان الطير من يوم ما خته وان من بيت في الثاني ولا حاد قال فيه اي عيب ومشكور على البيعه والله يبارك فيك ومرر المزحه

[أخو وضحة]

الله يباركلك فيه يا أبو فسيان أوه قصدي سفيان ههههههه