ألحقوا ياراعين الباث وخصوصا اللي حرارتة زايدة ..........

[A.B.A]

السلام عليكم ورحمة الله وبركاتة




أنا أخوكم وصراحة مليت من الحرارة الموجودة بموتري وهو باث 2003
تماتيك ..


صراحة كلفني واجد وطلع الخراب من شغلة كلفتني 20 ريال فقط


نبدا القصة ...........
الحرارة كانت عندي ترتفع حتى تصل فوق النص بشوي وكل ما أكلم أحد يقول عادي
وصراحة الباث من كثر غلاتة مارتاح بالي وكل يوم أقعد أفكر وين المشكلة وطبيعي
هذا الكلام كلة بعد مـــــــــــــا
ما صيخت الراديتر
وغيرة دوا الراديتر بأصلي من الوكالة
وغيرة الترمستات من الوكالة
وغيرة غطا الرديتر من الوكالة


وهم الحرارة ما تغيرة وصراحة ضاقت بي الوسيعة



ولـــــــــــــــــــكن وبعد مالقيت العلاج للحراره أرتاح بالي


والعلاج لكم بالتفصيل
1 كلتس مروحة المكينة يوجد لة زيت يسمى (((( سيليكون أويل ))))
قمت بشرائة وبعد أن فتحت الكلتش من الموتر توجد بة أربع براغي قمت بفكها
وتنظيفة من الداخل وبعدها قمت بتعبئتة بالزيت الجديد وهو عبار عن أنبوبين
الواحد منهم بطول الأصبع وبعدها قمت بأعادة كل شي بمكانة والحمد لله


الحرارة راحت وصار الموتر حرارتة على الخط العريض الثاني

وشكرا أخوكم A.B.A

[فهد 1426]

جزاك الله كل خير ــ والحمدلله على حل المشكله

[AL-OTAIBI]

السلام عليكم ورحمة الله و بركاته

اولا على البركه اخوي راعي الباث على وجود الحل

و فعلا ترى الكلتش و بلاوية هي اللي غالبا تسبب الحراره بس بعض الناس يروح يدور المشكله في الرديتير و لا الثرمستات و لا ساعة الحراره و يتعب و يخسر فلوس و الحل بسيط قدام عينه المفروض ان الواحد يبدا في الاشياء السهله بعدين يروح للاشياء الكبيره و الصعبه علشان ما يخسر فلوس على الفاضي.
وعلى فكره انا صارتلي نفس مشكلتك في ددسن 2006 و طلعت المشكله في كلتش المروحه و ضبطتها و الحين تمام ما شاءالله .
مشكور اخوي على توضيح الفكره

تقبل مروري أخوك : العتيبي

[A.B.A]

مشكورين يا أخوان على المرور وصراحة
أنا ما حطيت هذي التجربة ألا أن ودي محد يتعب ويكثر من الخساير
وليدوم التعاون بيننا في منتدانا العزيز


أخوكم A.b.a

[m666]

الحمد لله على سلامتة الموتر


اخوي حبيت اٍسئلك وين موقع الكلتش أو هو نفسه توماتيك المروحة ووشلون اعرف انه خربان

[فهد606]

وعليكم السلام ورحمه الله وبركاته

الله يجزاك خير ويسلم عمرك الف شكر بسراحه انا عانيت من الحراره وبعض الاحان توصل الاتش

بس اخوي ياليت انك توضح اكثر
كلتش المروحه وشلون ا فكه وهو وين موقعه بالضبط


الله يعطيك الف عافيه اخوي وماقصرت

[sawa900]

الف شكر على الموضوع لكن ياليت تعلمنا من وين نشتري السلكون وانا حاط مراوح سوبارو يعني شايل المروحه

[A.B.A]

السلام عليكم ورحمة الله وبركاتة
يأ أخوان ((( كلتش المروحة ))) هو اللي تركب علية مروحة المكينة
اللي لونها أبيض يكون بوسطها شي ينقالة (( كلتش المروحة )) لونة رصاصي
بعد ما تفكة من المكينة من خلال أربع براغي ومن ثمة تفك المروحة عنة أيضا
من خلال أربع براغي ومن ثمة يكون الكلش ملك يدك ويوجد بة أيضا أربع براغي
ومن ثمة قم بفتحة بالنص راح ينقسم ألي قسمين وفي الداخل يوجد السيليكون القديم
وطبعا بعد أزالتة نضع السيليكون الجديد
ويجب أيكون السيلكون فقط علبتين الواحدة بطول الأصبع


وبالنسبة لأماكن وجودة هي عند قطع الغيار اليابانية وللعلم أنة لا يوجد بالوكالة لأنة أرخص من الكلتش


ويسمى (((أويل سيليكون)))

أخوكم A.B.A

[ابوقاسم]

مشكور يخوك على عرض التجربة
وكل يوم اشوف فيك شي ينحب يالباث
بس ياليت تدعم شرحك بصور ولو بالجوال
واحنا بانتظارك

[بواسامه]

معلومة قيمه
بس الكلتش اذا خرب ومسك او قفل تنزل الحراره وتريد الحنه في الموتر
فهل كان خربان يعني قافل ولا ايش بالظبط
وفقك الله

[A.B.A]

للمعلومية الكلتش كان مرتخي معي

وأذا بقيت تعرف أنة مرتخي أولا أذا كانت السيارة جاية من مشوار ومحترة أفتح الكبوت وخل أي واحد من العيال يطفي السيارة وأنت قاعد تشوف المروحة كم لفة تفل أذا لفت واجد وبعدين وقفت تكون مرتخية
وشكراااا

[hbhb]

اخوي الله يعطيك العافيه بس ممكن لو نكلف عليك وتقوم بتصويره وتنزيله في الموضوع

[ابوغلا2004]

بيض الله وجهك ياخوي A.B.A وجعله في موازين حسناتك ومبارك عليك الشهر.:good:

[أبوناصر]

والله لو تدعم كلامك بالصور والله تسوي فينا معروف



فك المروحة والكلتش سهله بس فك التماتيك واضافة السلكون


وشكل السلكون هذي يبيلها صور الله لا يهينك

[RJA]

الله يجزاك خير...
ولايوريك مكروه ...

[خالد940]

بيض الله وجهك .

[ابوغلا2004]

الله لايهينك نبي صوره لشكل الزيت ومن وين مشتريه من الرياض او غير الرياض وجز اك الله الف خير:) :) :) :) :)

[بواردي الدلم]

ياخوي ورنا الصور الله يرحم والديك نبي نستفيد تكفى

[جريح الخطاوي]

زيــن اللـي لقيت الحـــــــل....حمدللـه الحـــرارة عنــدة معتدله على الخط الثاني.....بــس مانستغنــي عن خبـــــرتك الايام طويلة...والحـــر عنــدنا...بالحيــل....وهــاذي معلومه ابي اخبيهــا للزمــن..
شكلــك بالحيــل تفكــ وتــربط بالسيارة.....مشاءالله عليكــ..