المساعد الشخصي الرقمي

مشاهدة النسخة كاملة : ولا ندم من استشار .. ويقرقع الباترول


دسم الشوارب
12/09/2007, 03:28 AM
السلام عليكم ... شلونكم .. عساكم بخير
أنا يا إخوان أفر معارض الشفا من كم يوم
ماتعجبت من الاسعار مع انها نار شابه ..
ولا من الكتمه ولا الزحمة
ولا من بليلة الجوال
أنا تعجبت من جيوب الباترول .. نعم الباترول
أدور لي ربع من موديل 93 إلى 97
والرابط العجيب ان كلها بيبانها تقرقع .. إذا بغيت اصك بابه لازم يرقى فوق
فاللي ابي اعرفه .. هل هي كلها كذا ولا مجرد صدفة .. لأني انا الصراحة ما قط جربت الباترول
وعلى الطريق ياليت احد يقدر لي كم سعر باترول ربع موديل 96 نظيف وقزاز كهرب ..
المتهني
12/09/2007, 03:46 AM
وعليكم السلام اخي الكريم .....
اكيد ان الجيوب في ازدياد لقبالية الشتاء
والبيبان يبيلهن وزن فقط وهذا امر طبيعي الا اذا كان جايه سمكره والا شي
والباب اللي ورا لا بد من قرقعته سواء للجديد والا القديم
اما السعر والله اذا كان نظيف من 28 الى 30 الف
على حسب علمي
عاشق السيل
12/09/2007, 05:49 AM
وعليكم السلام ورحمة الله وبركاته ،،

الموديلات هذي طبيعي فيها التفك رغم قوتها وكثرة الطلب عليها وهذا بسبب إنها تطرب الواحد وين ماراح ،،

بس إذا تبي رايي خذ من موديل 98 وفوق تراها متماسكة أفضل من القديمة وعزمها أقوى وأقل خرابات وأريح مركب وأهدى مكينة وأرفع عن الأرض ،، والاختيار لك ،،،،،


تقبل مروري يالغالي ......





.
مخاوي قناص
12/09/2007, 02:28 PM
السلام عليكم ونا اخوك القرقعه في البيبان تحتاج ربل ووزن وتسير زي الحلاوه وقليل قليل النضييييف في الربع دور على مهلك ولاتستعجل
مـدحـدر
12/09/2007, 02:43 PM
كنت ناوي اشري ربع باترول من الموديلات القديمه

بس لما شفت اسعارهن واصله المريخ

حولت على الباترول اربع ابواب ستاندر

ولقيته ارخص من الربع

الربع النيسان عليه طلب عجيب

اما الابواب انا عندي باب السواق يبي وزنيه حسب كلام اللي شافوه

والله يعينك
باترول للأبد
12/09/2007, 03:06 PM
وعليكم السلام ورحمة الله وبركاتة يالنسبة للقرقعة اللي في البيبيان أتوقع يبي لهم ميزان
Black VTC
12/09/2007, 05:58 PM
القرقعة طبيعية و مثل ما قال الاخوان يبيلها وزن و ربل و تأكد اهم شي ان القرقعة بسيطة (لاتكون بسبب صدمة عنيفة على الباب ).. والله يرزقك من واسع فضله ..
دسم الشوارب
13/09/2007, 01:02 PM
هلابك راعي الوفا .. أشكرك لافادتك وجزاك الله خير ..
هلابك عاشق السيل .. اشكرك للنصيحة
هلابك مخاوي قناص وعليكم السلام.. ودي استعجل لأنها كل مالها وتغلا .. شكرا للنصيحة
هلابك أبخص .. لقيت اربع بيبان بس انه كبير علي انا عزوبي .. واشكرك على إفادتك
هلا بالباترول للابد .. شكرا للنصيحة ..
هلابك بلاك في تي سي .. اشكرك لإفادتك وجزاك الله خير ..