اللي معه ددسن دفرنسين يتفضل

[إيسوزو ديماكس]

بعد التحية والسلام

اخواني المكشاتية موضوعي اليوم هو عبارة عن سؤال :confused: :j يقول:


ما اهم ماتنصح به اصحاب اللدداسن الدفرنسين ان يضيفوه لسيارتهم

واتمنى من كل شخص ان يذكر التجهيزات التي قام بأ ضافتها لسيارته

وماهي المشاكل التي واجهها - وماهو الشي الذي لايستطيع الإستغناء عنه


مع خالص الشكر والتقدير...:D

[الوشيقري]

السلام عليكم, اذا شريت ددسن دفرنسين جديد فعليك بما يلي:
1-رفع السياره مع مساعدات.
2- جنوط وكفرات( ركب مقاس 16 وكفرات حجمها وعرضها معقول)ولاانصح بحقات السفاري لانها تثقل.
3- تلبيس المراتب والدرقسون والطبلون.
4- كشاف مقالايت وقاعدته عند رجلين الراكب.( تراه مهم جدا).
5- فيبر للصندوق وتانكي عرض( لاتركب توانك وشنطه).
6- دعامه( لاتركب الكبيره اللي فيها مساحيت وفواريع بل ركب الي اصغر منها وبدون شي).
7- سحابات ورى المرتبه الخلفيه( سحاب من السحابات لاتخليه مقسوم عشان ياخذ البندق).
8- ماطور هواء ولا تثبته في الكبوت بل خله محمول معك في شنطه.
9- فرارات طبعا عشان تخفف الموتر.
10- شد وشراع وخل الشراع مفكوك وذلك للاستعداد لرحلات بموسم الامطار والجنوب.

على كذا خلاص وماعاد بفى الا عدة الشاي والطبخ .
هذه وجهة نظري الخاصه وكل شخص له رغبته الخاصه, وسامحني على التقصير, لكن انا لي سنوات وحنا نطلع بددسن دفرنسين ونعرف كل اموره والاشياء الي تركب عليه, ولقيت هذي الاشياء هي المناسبه بدون زياده او نقصان, وعلى فكره لاتحرص على تعريض الكفرات والجنوط مره, حنا الي معنا مركبين عليه جنوط باث فايندر سياحي, وفي وجهة نظري انها هبال, عرض مممتاز ووزن ممتاز.
تبي تكلفك هذي الاشياء تقريبا من 2000 الى 3000 ريال اذا دبرت الجنوط منا والا منا, وصدقني تستاهل وراح يطلع الموتر كامل مكمل ماشاءالله وتبي ترتاح.
اسف على الاطاله والمعذره على التقصير, والسلام عليكم ورحمة الله وبركاته.