## تكفون..الي معه يوكون او جمس يتفضل !!!!

[مهموم]

السلام عليكم ورحمة الله وبركاته
امبارك عليكم الشهر

الموضوع ومافيه انه معي جمس صالون وقبل كم يوم اخربت عدادات الطبلون
( امبير البنزين , امبير السرعة ,امبير ضغط الهواء ) صارة تطلع وتنزل
على كيفها
الي يعرف وش السالفة يوجهنا . جزاكم الله خير ............

[أبو مسفر]

المشكلة شكلها كهربائية
سو فحص بالكمبيوتر بـ 70 ريال تحسم في حالة التصليح وان شاء الله خير

[hamo0o0ody]

كم موديل الجمس وهل هو على الضمان او انتهاء
انا واحد من الشباب معه جمس صارت له نفس المشكله وراح للوكاله وصلحوه على الضمان

[مغلي]

شي يقهر من جد انا معي يوكن 2002 وعداد البنزين زي قلته شكله بيوهقني مهما امشي دائما معلق في الفل !!!!!!!!!

[المميـز]

شي يقهر من جد انا معي يوكن 2002 وعداد البنزين زي قلته شكله بيوهقني مهما امشي دائما معلق في الفل !!!!!!!!!



إإإإإإإإإلحق على نفسك وغير طرنبة البنزين

الموديلات الجديده من 2000 وفوق اول ماتبدأ تخرب الطرنبه تخرب زي كذا العداد هو اللي يخرب بالبداايه

وبعدين الطرنبه

والشيء هذا مجرب من اثننين من الزملاء واحد معه يوكن 2001 وبدأت المشكله من عداد البنزين وغير الطرمبه والعوامه وكلفته كامله 1000 ريال

والثاني نفس المشكله

والله يكون بالعون

[الدحبول]

في موضوع لي الاخ منبسط تم نقاش الموضوع فيه وجد السبب والاحل
بحاول الدور عليه
ومبارك عليك الشهر وعلى جميع الاعضاء والزوائر

[مهموم]

اشكر الأخوان ( ابو مسفر \ hamo0o0ody\ مغلي\ المميز \الدحبول ) على الرد ...


واحد من الجيران يقول يعرف واحدً صايراً معه نفس الشي تقريباً
وراح للوكالة وقالوله ان المشكلة فيه قطعة كهربائية تغيرها وتنحل المشكلة
لاكن تطلعلك مشكلة ثانية وهي انها تكلفك 1700 ريال عشان اتصلحها !!!:no: .

[سداااااح]

مشاااكل اليوكن 1- عدادت الطبلون2-طرمبة البانزين3-قسام المكيف4- الدبل يشبك لحاله عند التشغيل لسياره5- الدرايش ما تشتغل لاتنزل ولا تطلع الا من عند السائقالخلاصه ((((((كهرباء اليوكن والجمس فيها عيب مصنعي))))))وانا من عشاااااق اليوكن ؟؟؟؟؟؟
ملاحظه
الخربات لليوكن والجمس من موديل 96 الى 2005

[ابوجعفر]

الجمس معروفه خرابات انه عرف واحد معه جمس موديل 2004 سوبربان
نفس المشكله الطبلون خربان وكم مره يوده للوكاله ويرجع نفس المشكله.

[لملوم]

اخي الكريم نفس المشكله المره الاول صلحوه الجميح فى اربع ايام
المره الثانيه وديته الجميح واخذ 12 يوم رحت لهم قالو ماجه الدور اخذته والمشكله مازلت فيه
عموما كل يوم اعبي بانزين يوم 5 ريال ويوم 15 ريال
السياره يوكن 2005 والرزق على الله
وفيه مشله ثانيه الدبل يوهق فى الرمل احيانا مايعشق

[a f h]

الشهر مبارك على الجميع جعلنا الله وايكم من صوامة وقوامة المقبولين بخصوص مشاكل عدادات الجمس يمدحون ورشة غرب صناعية العويضة وصفها اذا تعديت نفق الامير سلمان وجهك للغرب اول اشارة تديور جهة الشرق اول شارع على اليمين تدخل تمشي حوالي 500م تجيك ورشة على اليسار اسمها عبدالرحمن الجميح .

[ق ب م 632]

موترك يبي له طقم حساسات كامله للبنزين و للعداد السرعه وللحراره ويمكن يكلف شوي بس تنسى همه



وعلى فكره هذه صارت معنا ايام الجمس

[راع الكرم]

مبروك عليكم الشهر أجمعين بالنسبة لليوكن هذي مشاكله على طول وهذا عيب مصنعي بحت..الحقيقة سيارة لايعلا عليها ولكن المشكلة في الكهرباء مستمرة..في واحد من الاخوياه عنده نفس المشكلة الطبلون نصه طافي ونص شغال وعداد البنزين يلعب.

[ابوسليم]

الله يعينك وكل مسلم على وكلاءالسيارات مالك الا تروح للوكاله
وانتبه تروح لحد يتعبث بسيارك:no2: ترى بعض الورش يلعبون بالسيارة لعب

----------------

[السنع كله]

خذ وانا اخوك هذا الرقم المجاني للشركة الام وستجد عندهم الفزعه رقمهم ....(8008973779)هم في البحرين لكن عندهم صيانة متنقلة لا علاقة لها بالوكلاء المحليين

[مغلي]

إإإإإإإإإلحق على نفسك وغير طرنبة البنزين



الموديلات الجديده من 2000 وفوق اول ماتبدأ تخرب الطرنبه تخرب زي كذا العداد هو اللي يخرب بالبداايه


وبعدين الطرنبه


والشيء هذا مجرب من اثننين من الزملاء واحد معه يوكن 2001 وبدأت المشكله من عداد البنزين وغير الطرمبه والعوامه وكلفته كامله 1000 ريال


والثاني نفس المشكله



والله يكون بالعون



مشكور اخي العزيز

مشكلة الطرمبه الاصليه انها سيئة الصنع مثل وكالتها

وافكر اركب طرمبة فكس ار

بس اي ورشه تتقن الشغله هذي بالرياض

[جاك العلم]

بع الموتر ورتح منه

[مغلي]

مشكور اخي العزيز



مشكلة الطرمبه الاصليه انها سيئة الصنع مثل وكالتها


وافكر اركب طرمبة فكس ار



بس اي ورشه تتقن الشغله هذي بالرياض




اي ورشه تتقن الشغله هذي بالرياض

[الرسن]

هههههههههههههههههههههههههههههههههههههههههههههههههه
عموما خالي معه يوكن 2005 يضحك اذا شاف امبيرات اليوكن يرقصن
يموت من الضحك والفرفشة واذا خلص ضحك رجعت الامبيرات الى وضعها الطبيعي
يقول حتى اليوكن عنده احساس اذا شافني زعلان يضحكني ويرقصني
واقول لللاخ ترا الوضع طبيعي اصبر عليها شوي وترجع لوضعها الطبيعي وسلامتك
ومعالسلامة

[بدون لوحات]

المشكله فى الارث ما شبك فى الشا صى خذ من سالب البطا ريه وعند تحرك العدادت اشبك الارث ان اركدت العددات ابحث عن سا لب ظفيرة العدادت وشد عليها

[خبراوي]

اخوي عندنا يوكن موديل 2004

ونفس المشكله في العدادات

رحنا الوكاله التوكيلات بالدمام وطبعن الموتر مب تحت الضمان مخلص

بس قالوا هذا عيب مصنعي بناخذ العداد كامل بنوديه دبي ويتم تقريبا اسبوعين ويردون شغال تمام ويعطون واحد بداله مؤقت وابلاش يعني هم يتكلفون بالشغله لانه عيب مصنعي واللحين ولله الحمد شغال تمام والله يوفقك ان شاء الله

[Waleed1]

السلام عليكم ورحمة الله

طبعاً مشكلة شركة جينرال موتر أنه كل سنة تطور فى سياراتها والتطوير يدخل الشركة فى أشكاليات دائمة فمثلاً سوبر موديل الفين يظل السوبر اللى مشاكلة أقل مع العلم المفروض كل ماتجدد تقل الخرابات، بس التطوير يضر،، زى ماتفضل اخونا الخبرواى هذى مشكلة فى العدادات لانها ألكترونية وخرابها يحتاج الى أرسالها لدبى والله والكوبة ماأدرى لية مايكون عندهم جهاز المعايرة فى السعودية وأحنا أكثر أستهلاك بمئات المرات عن باقى دول الخليج.

عموماُ أنا عندى عداد السرعة وعداد الكهرب معلق من أكثر من شهرين، وأذكر لى زميل عندة يكون 2004 ماطلوا فية اللين أنتهى الضمان وبعدين قلك أدفع وحقيقة يقولون أن مبلغها كبير بس ماأدرى هو 1700 ريال أخاف أكثر، شوف تحت الضمان يقولك دبى وتأخذ وقت وأذا انتة الضمان يتغير الكلام

عموماً الله يعينك مالك ألا تشيك مع الوكالة بعد العيد والله يعينى ويعينك

[Swordfish]

غيرت طرمبة البنزين مرتين ايام التأمين والحين ما شي الحال بس المشكلة لما ينقص البنزين عن الربع يطيح الانبير على الاخير ولما ارجع افلل التانكي شويتين ويصلح جمس2002 وسلامتكم

[ع العمرو]

السلام عليكم اخي اناعندي جمس 2003والعدادحق البطاريه يلعب له سنتين وعداد البنزين نوره ضعيف وانا فاك الموتر وكاله وغير ذللك الدوده تطلع صوت وغيرتها يومه جديد واشوفها هليومين راجعة من جديد تطلع صوت اما انبير البطاريه احيانا يرضى علينا وينضبط من روحه ودمتم اخوكم ع العمرو ابوسليمان:d