المساعد الشخصي الرقمي

مشاهدة النسخة كاملة : ياجماعه ابي حل لمشكلتي مع الباث فندر


ابوغلا2004
12/09/2007, 10:26 PM
السلام عليكم ورحمة الله وبركاته
عندي باثفايندر 2004 اوتماتيك وعندي مشكلة الحرارة إذا كنت مسرع فوق 140
تصل الحرارة النصف ويطلع الماء مع القربة وإذا وقفت ألقا الأديتر ناقص ماء كثير أعبيه علبتين ماء مقطر او اكثر!
و السيارة ماشوف فيها تهريب!
ثانياً:
اذا شغلت الموتر الصباح يطلع للسيور صوت مزعج جداً وش الحل.
رجاء خاص من الأخوه الرد على الموضوع ولكم تحياتي
:d :d :d ((((((((((((((((مبارك عليكم الشهر)))))))))))))))):d :d :d
أبوناصر
13/09/2007, 12:30 AM
أما الحرارة فأسبابها كثير ممكن الأديتر يبيله تصييخ

ممكن بلف الماء

ممكن تماتيك المروحة

ممكن طرمبة الماء


جرب تصيخ الأديتر لأنه هو الأسهل

واذا المويه تدور في الأديتر وتضخ اذا دعست بنزين فمعنا الطرمبة والبلف كويس

يبقا التماتيك وهذا يبيله فني يشوفه ويحكم وإن كان مع دعسة البنزين يزيد الهواء ويدفع هوا بقوة فمعناه ان التماتيك زين


أتمنى أكون أفدتك



وبالنسبة للسيور إن كانه صرصرة فيبيله تشد عليها شوي



والشهر علينا وعليك مبارك
بن محفوظ
13/09/2007, 04:40 AM
شد على السيور وشحمها ..وبالنسبة للحرارة . انا مثلك غيرت موية الرديتر + تماتيك المروحةوالحرارة على ماهي عليه .والظاهر يبي لها تسييخ ...
ق ب م 632
13/09/2007, 03:36 PM
طيب الحراره ترتفع مع المكيف والا بدون مكيف



ياليت تجرب بدون مكيف وتمشى على الموتر وتعطينا خبر هو يحتر بعد كذا والا لا




وان شاء الله مايكون الا خير
مكحل الحنشان
13/09/2007, 04:21 PM
شف وان اخوك انا معي موتر نفس موترك ونفس الموديل بس قير عادي
قبل شهرين بدت ترتفع عندي الحرارة مرة وحدة بدون تدرج يعني اليوم امشي 150 ولا يحتر والحرارة زي العسل بكره امشي 130 ترتفع الحرارة
الصراحة على طول شكيت بالبلف لان الحرارة بدت ترتفع بدون تدرج
ونويت اغير البلف
بس نصحني واحد من الربع اني اصيخ اول
قلتله وين اصيخ الموتر جديد ولا مشى واجد مامشى الا 100 الف
قالي ماعليك صيخ وما جاك بوجهي
والله وما كذبت خبر وروح اصيخ
يوم فتحت الرديتر لقيت حوالي 50% من الشرايح متسدد
وبعد التصييخ رجعت الحرارة زي العسل

يعني الزبدة نصيحتي لك انك تتاكد ان مافي تهريب ماء وان المراوح مظبوطة والخراطيش كلها سليمة
انك تروح تسوي للموتر تصييخ لانك مسويه مسويه الحين ولا بعدين
وترى تكلفة التصييخ من 90 الى 130 مع الماء وحسب المحل
ورديتر الباث سهل فكه وتركيبه


هذا اللي عندي ويرى الحاضر مالا يرى الغائب
وااااسف على الاطالة

وشوكرنن
بواردي الدلم
13/09/2007, 05:11 PM
الصراحه مازيد على كلام الاخوان الا نقطه وحده


يقولون احيانا تكون الحراره من كلتش تماتيك المروحه وكل اللي يبيله يغير زيته بقيمه 20 ريال

الموضوع موجود في المنتدى بس نسيت اسمه على ماظن اسمه الحل لحراره الباث

اما بالنسبه للسيور مثل ماقالو بس شدها اذا يبي لها شد واسحب العيار ونقط على السير من داخل وانشاء الله تزين علومك



بعدين ياشباب ممكن افهم وش الفايده من البلف انا اشوف امه قلق واحيانا يسكر الخرطوش ويقفل واخر شي تظطر انك تنطله لاكن بعد ايش بعد ماتنكوي براس المكينه اذا انشعر

صدقوني انه مايصلح في جونا خاصه في الصيف
اما في الشتاء برضو ماعليك اهم شي عند تحميه السياره الصباح للدوام
ولاتنسون انا عرب عادي عندنا لو تتاخر نص ساعه لذالك طيرو بلف الحراره قبل مايطير مكاينكم
بواردي الدلم
13/09/2007, 05:36 PM
ابشرك لقيت الحل




في نفس الخيمه الصفحه الثانيه تلقى الموضوع

الحقوا ياللي لهم مشاكل بالحراره مع الباث
ابوغلا2004
15/09/2007, 01:03 AM
اشكر جميع الأخوه على مرورهم واسف على التأخير في الرد
بالنسبه للتسييخ سيخته مرتين العام الماضي وهالسنه تقريباً قبل شهرين والحراره جت فجئه كنت مسافر والأمبير فوق الربع بشي بسيط يوم وقفت عند احد المحطات والمكيف شغال يوم نقزت فوق النص طفيت المكيف ومشيت بدون مكيف المهم الحراره نزلت شي بسيط وقفت مره ثانيه والمكيف طافي نقزت ثانيه مشيت يوم نزلت المهم وقفت الموتر ومن بكره تفقدت الأديتر واذا هو ناقص تقريباً لتر اواقل المهم نامت الحراره لمدت شهر ونصف فجئه قبل يومين ارتفع للثلث.
امابالنسبة للسيور شديناهن بس مافيه فايده.
salehhd
17/09/2007, 03:23 AM
السلام عليكم

اشوف انك تشيف على بلف الحرارة ومروحة التبريد الكهربائية وكلتش المروحة
وبالنسبة للسير ركب جديد وريح بالك
والله يعينك
وفي انتظار الي يحصل معك