المساعد الشخصي الرقمي

مشاهدة النسخة كاملة : مشكلة في القير التماتيك


بوابة التاريخ
13/09/2007, 03:09 PM
السلام عليكم
الاخوة الكرام بعد التحية اسأل الله ان يبارك لكم في رمضان وان يعيننا واياكم فيه على الصيام والقيام

عندي سيارة باث فندر 2005 ماشيه فوق المية

المشكلة عندي طلعت قبل اسبوع تقريباً وهي ان القير اذا جا ينقل النقله الاولى تحس فيه نتعه بسيطه او طقه خفيفة

ولما امشي بالموتر ولا اوصل للنقله في القير واترك البنزين تلقاه يطق بعد زي الاولى خفيفة

وش رايكم يالربع؟؟؟ وش تتوقعون المشكلة

وابشروا بدعوة على الفطور:)
ق ب م 632
13/09/2007, 03:23 PM
الامر هين وانا اخوك


لكن ماقلت فلتر القير متى مغيره؟؟



اذا كان له فتره طويله غيره وغير زيت القير ويرجع كل شى تمام باذن الواحد الاحد




ولاتنسى تدعيلي وتدعي كل مسلم
بوابة التاريخ
13/09/2007, 03:33 PM
الغالي ق ب م
يا مال العافية على سرعة الرد

انا دخلته الوكاله قبل اسبوعين وقلت لهم غيروا الفلتر وزيت القير ويقولون انهم غيروه

والمشكله موجوده الآن

وجزاك الله خير يالغالي وما قصرت
ق ب م 632
13/09/2007, 03:43 PM
حق وواجب طال عمرك

ودامهم يقولون غيرنا الفلتر ماادرى اخوي اذا موتر عزمه متغير وصاير ضعيف او لاحظت عليه شى غير النتله اللي تقول عنها؟؟



غثيتك بكثر الاسئله
سنيوووور
13/09/2007, 04:01 PM
وعليكم السلام
كل عام وانت بخير
ارجع يم الوكاله وخلهم يفحصون القير لان اي عملية صيانه ضمانها 6 اشهر او 15000كم
ودمتم سالمين..........................
بوابة التاريخ
13/09/2007, 04:09 PM
انا ملاحظ شي بسيط في نقص العزم اخوي ق ب م

واقول في نفسي وسواس:)

وش رايك؟؟


الاخ سنيووور ...........آخر الدواء الكي:)
بوابة التاريخ
14/09/2007, 03:32 AM
؟؟؟
وش الراي
باترول 585
14/09/2007, 02:17 PM
هلا اخوي بوابة التاريخ ..

تأكد ان الوكاله مغيرين الفلتر والزيت حق القير لانهم تراهم عادي يقولون انهم مغيرينه ولا يغيرونه والمشكله ترا طبيعيه انا كان معي باث 2004 وطلعت عندي وغيرت الفلتر والزيت وضبط والباترول نفس الحكايه
أبوأديب
14/09/2007, 02:26 PM
أخوي بوابة التاريخ ........
شييك على الصليب بالعمود ..
ابو؟؟؟
15/09/2007, 03:47 AM
اتوقع انها جلد المقصات الخلفية اذا كنت تسمع صوت طقه واذا بغيت تتأكد من كلامي قبل لاتجي المطبة حط القير علي Nاذا طلع الصوت يعني منها
وللمعلوميةجلد السفاري تركب علي الباث
بوابة التاريخ
15/09/2007, 01:53 PM
جزاكم الله خير جميعاً

بس يا اخوان النتعه او الطقه ما تجي مع المطبات يعني دايم تجي

يا خوفي يصيرون ما غيروا الفلتر ......
لما جيت آخذ السيارة قلت وين الفلتر القديم ليه ما حطيتوه مع القطع اللي غيرتوها قالوا ما حطيناه عشان ما يوصخ السيارة ؟؟
الساهر2003
15/09/2007, 11:12 PM
اخوي ريح راسك الفلتر حديد مايتغيرالا اذا في القير مشكلة والطقه عندي في الباث 2005 تماتيك من الدفرنس فيه فضاوة وهي طبيعية وللمعلومية شيك على زيت الدفرنس الخلفي راح تلقيه ناقص وزده ويخف الموتر العجيب زيت الدفرنس الخلفي يختلف عن الامامي ثقيل حيل مثل العسل يكرم العسل والقراء وبامكانك تغير زيت القير فقط في اي مكان 3 ونص ثم زده لما يضبط على اربع علب انا عندي نتعه خفيفه وطقه قويه شوي واهم شي زيت القير لا يكون ناقص واذا انت شاك في شيي رح للوكاله واسال واحد في الصيانة سعودي لابس نضاره هو الوحيد في الصيانه في الرياض
والسلام
بوابة التاريخ
15/09/2007, 11:40 PM
جزاك الله خير اخوي الساهر