اسعار ونيت 454 و 350 صورة

[رجل كريم]

السلام عليكم ورحمة الله وبركاته:

اتمنى من يعرف عن اسعار الوانيتات الحمر القديمة يعلمنا .. طبعا من موديلات السبعينات والثمانينات وغير ملعوب فيها واللي مكانيها 454 و350 قير عادي رفرف مثل اللي في الصورة ..

تحياتي ..

http://tbn0.google.com/images?q=tbn:t5PKU82j03JgEM:http://o9o9.net/2/uploads1/71f218651d.jpg (http://images.google.com.sa/imgres?imgurl=http://o9o9.net/2/uploads1/71f218651d.jpg&imgrefurl=http://www.t-cops.com/vb/t8363.html&h=384&w=512&sz=361&hl=ar&start=5&um=1&tbnid=t5PKU82j03JgEM:&tbnh=113&tbnw=150&prev=/images%3Fq%3D%25D9%2588%25D9%2586%25D9%258A%25D8%2 5AA%2B454%26svnum%3D10%26um%3D1%26hl%3Dar%26sa%3DN )

[abo_abdalah]

مرحبا اخوي داكار
بالنسبه لاسعارها على حسب النظافه والموديل فالسعر يفرق من موديل 79 الى 82 الى 86
بس عتدي سؤال اخوي داكار اذا ماعندك مانع الصوره ذي تعرف راعيها؟؟؟؟

[تيتشر]

السعر يختلف باختلاف النظافه وعلى حسب خطاب الموتر

في ونيتات توصل لل 50 من نظافتها ويكون الواحد خاطب الموتر

[ALOTAIBI]

كل عام وانتم بخير

79 اميز وارغب من المديل اللي بعده تعرف ليش لان الدفرنس 79 اخف من اللي بعده وسعره لقيته في احد المنتديات من 18 الف الى 27
هذا بالنسبه للمكاين الكبيره 454

والله الموفق

[رجل كريم]

مرحبا اخوي داكار
بالنسبه لاسعارها على حسب النظافه والموديل فالسعر يفرق من موديل 79 الى 82 الى 86
بس عتدي سؤال اخوي داكار اذا ماعندك مانع الصوره ذي تعرف راعيها؟؟؟؟



حياك الله اخوي ابو عبدالله .. بالنسبة للصورة ما اعرف راعيها ..

ودي يا بوعبدالله تقولي المرغوب اكثر الموديل القديم او الحديث ..؟

شاكر مرورك وتقبل تحياتي ..

[رجل كريم]

الاخ الكريم /تيتشر

معقولة يوصل سعر السيارة لهذا المبلغ الخرافي على قدمها حتى لوكان راعيها مثل ماتقول خاطب ..!:confused:

ياريت توضح اكثر وشاكر لك مرورك الكريم ..

[رجل كريم]

كل عام وانت طيب وبصحة وسلامة اخوي العتيبي وكذلك الاخوة الاعضاء ..

طيب اخوي بالنسبة للمكاين 350 قير عادي نظيف كم يجيب ..؟ موديل 79 80 82

ولك شكري وتقديري ..

[rpk]

اذا كنت ناوي على واحد انحش عن مكينت 454 خربات وعامود كرنك وقطع غاليه ونادره وصيانه صعبه 350 وبس انا معي 454 _79 غيرت المكينه 350

[رجل كريم]

اذا كنت ناوي على واحد انحش عن مكينت 454 خربات وعامود كرنك وقطع غاليه ونادره وصيانه صعبه 350 وبس انا معي 454 _79 غيرت المكينه 350



اخي الكريم /rpk


يراودني شعور ان الـ454 متعب وانت بكلامك اكدت لي الشي هذا .. وياريت تقدر تعطيني سعر الوانيت 350


موديلات 79 80 82


وشاكر مرورك وتقبل تحياتي ..

http://www.mstaml.com/imagesData/323731.jpg

[SilverSniper]

عندي 77 شفر... مكينته 454... ما قد طلب قطع ومكينته حمرا شد بلاده ما فكيتها أبد..
454 قليلة خراباته... وجمس بدون 454 ددتسن ماهو جمس..
أسعارهن.. النظيف تلقاه بحروة الثلاثين أو دون شوي.. أرخص النظيف بحرة الخمسطعش..
تحياتي.. :)

[مـدحـدر]

فيه معرض بالخرج شغله كله جموس


أسال اهل الخرج عنه

علماً اني ماني من سكان الخرج بس شهرته وصلت لنا

حبيت افيدك

[ALOTAIBI]

350 طال عمرك اكيد تلقاه ارخص تقريبا 10 الى 15ولكن في الحقيقه من جهة الأستخدام اليومي اكيد اطيب من454
و454 مامن عيوب ممتاز بس البنزيم يقطه وعزومه يهول خل 350 يقعد

[عسلوف]

الاخوان اخبر لكم جمس زي الي بالصورة ماشي حدود ل 55 الف فقط لانه كان رسمي تبع القاعدة الجوية سيارة ادارية واشتراها شخص اعرفه وصبغها من الخارج لان القاعدة الجوية حاطين خط ازرق عليها بس السيارة شبه الجديد والظاهر موديلها 80 والمكينة 350 واذا احد جاد بالشراء ترك جواله على الخاص

[رجل كريم]

الاخوة الكرام /

SilverSniper
أبخص
ALOTAIBI

شاكر لكم جميعا مشاركاتكم وافاداتكم التي وضحت الصورة بشكل جيد .. وللاخ الكريم عسلوف اسأل الله ان يرزق صاحبك البيعة الطيبة ..

للجميع شكري وتقديري

[الدحبول]

يبتدأ من 5 الاف يوصلن إلى 30 ومافي سعر ثابت لي الموديلات القديمة الموديلات القديمة أنت تقيم الموتر يعني على نظافته
تقيم على حسب النظافة القير والمكينة والدفرنش و الداخل و وقفت الموتر فقط
مثل موديل 79 قير عادي دبل نظيف حده 10 وإذا كان راعية متمسك فيه 12 فقط
أخوي داكار أنا بعت هايلوكس 94 إستاندر يعني راديو دريش عادي وطاره عادي والقير عادي
بعته 14 الاف الموتر جاه صدمات في الرفارف الخلفية وتسمكر
يلي شترى هايلوكس مسال على المشى إنصدم لانه موديل قديم
إذا انت ودك تشتري
أنصحك بالقير العادي والدفرنشين مكينة 454 هو الارغب في السوق
من 83 إلى 87 لانه أفضله

[رجل كريم]

إذا انت ودك تشتري
أنصحك بالقير العادي والدفرنشين مكينة 454 هو الارغب في السوق
من 83 إلى 87 لانه أفضله


نصائح قيمة اخي الدحبول واشكرك عليها بس انت قلت الدفرنشين تقصد الدبل ولا انا غلطان ..؟


تقبل تحياتي ..

[الدحبول]

نعم أقصد دبل

[بدون مقدمات]

العفو اخوي الدحبول علي اي اساس قلت
من 83 إلى 87 لانه أفضله
اسمحلي انت غلطان
واسأل راعين الجموس
إذا ماقالوا لك 79 وتحت
http://www.mekshat.com/pix/upload/images48/mk17747_image(105).jpg
وهذا معي من وكالته موديله 76 بدون مكيف والمكينه 350
واحد بيبادلني بموديل 83 454 مكيف راس براس وموتره مضروب بويه وانضف من موتري وانا ماوافقت:no2:
واتمنى اني ماغلطت عليك :cool:
وآسف على الاطاله :redcar:

[الدحبول]

العفو اخوي الدحبول علي اي اساس قلت
من 83 إلى 87 لانه أفضله
اسمحلي انت غلطان
واسأل راعين الجموس
إذا ماقالوا لك 79 وتحت
http://www.mekshat.com/pix/upload/images48/mk17747_image(105).jpg
وهذا معي من وكالته موديله 76 بدون مكيف والمكينه 350
واحد بيبادلني بموديل 83 454 مكيف راس براس وموتره مضروب بويه وانضف من موتري وانا ماوافقت:no2:
واتمنى اني ماغلطت عليك :cool:
وآسف على الاطاله :redcar:
أنا ما أقصد ان 79 و تحت مايصلح
بس مره دخلت أشتري أغراض قطع غيار جمس سوبر حصلت واحد يدور شبك موديل 79
بس من 83 إلى 87 قطع غيارة متوفرة
أنا عن نفسي
يعجبني الونيت بو رفرف من 1982 إلى 1987
والمكينة 454
والقير عادي
أنا ما أقصد 350 ماتصلح بس انا أرغب 454
في ناس معه فلوس VXR ما تبي تشتريه علشانه 8 سرندل و يشتري GXR

[الدحبول]

وهذي صورة المبروك
http://www.mekshat.com/pix/upload/images48/mk17747_image(105).jpg
الله يعطيك خيره ويكفيك شره
لو تعطين صور له من الداخل الطبلو وديكوراته
وصور له من الجنب والموخره
ولاتزعل وهذي حبة خشم
جعل راسك سالم

[الفين6]

[quote=داكار;1127139]
السلام عليكم ورحمة الله وبركاته:




اتمنى من يعرف عن اسعار الوانيتات الحمر القديمة يعلمنا .. طبعا من موديلات السبعينات والثمانينات وغير ملعوب فيها واللي مكانيها 454 و350 قير عادي رفرف مثل اللي في الصورة ..


تحياتي .
اذا مصمم عليه لاتشتري الا من موديل81 وفوق لان الكبوت تجي اقصر واحلى ولا تنكسر مع النص وسهلة الفتح والاغلاق
اما بالنسبه للمكينه صحيح ان454 اقوى واحسن عزم لاكن قطعها الاصلي قليله
وتصليحها ماكل ميكانيكي يظبطها
يعني 350او305 طيبه وحليله ورخيصه

[رجل كريم]

الاخوة الكرام /

عضو بقراطيسه

الدحبول


شاكر لكم مداخلاتكم ..


الاخ الكريم /الفين 6

شاكر لك مرورك وتعليقك .. ووجهة نظر طيبة من وجه طيب ..ولايهونون الاخوة ..

تحياتي

[مايغرز]

كل كلام الاخوان عدل 00 وازيد عليه ال 350 مو شين00 بس اللي يبي يطرب عليه بل 454 يا حلو عوار الراس اللي يجي منه 0000

[NissaN 1990]

يا أخ دحبول والأخوه الأعظاء السلام عليكم وكل عام وأنتم بخير وأقول لك وللي يدور على الونيتات النظاف واللي أسعارها منا سبه يروح لمعرض الشمري اللي بالخرج ويلقى عنده الطلب اللي يبيه ومكاين 350 أو 454 وكلها نظيفه وأغلبها مخزن ولا هو ملعوب فيها وأحسب من 15000 ريال إلى حول ال 50000 ريال وشكراً بس حتى أبو 15000 نظيف وجديد....http://www.mekshat.com/vb/images/icons/icon14.gif

[fza3]

ماقدر اقول شي بعد الشباب

[T U R K I 0 9 0]

السلام عليكم ورحمة الله وبركاته


http://tbn0.google.com/images?q=tbn:t5PKU82j03JgEM:http://o9o9.net/2/uploads1/71f218651d.jpg

بالنسبه للموتر هذا
موديله 86 ومبيوع ب 36 اذا ماكنت غلطان وراعيه من الشرقيه
وانا عندي 83 --454 للبيع ومسيوم ب 27000 ونظيف احمر
وهالحين قطع ماعاد فيه لا 454 ولا 350
واللي يحب الجموس وعنده موتر لايفرط فيه :no2:

[رجل كريم]

الاخ الكريم /مايغرز

شاكر مرورك وتعليقك ..
==

الاخ الكريم /NissaN 1990

اشكر لك مرورك ومشاركتك المفيدة ..
==


الاخ الكريم /fza3

شاكر قراءتك للموضوع
==

الاخ الكريم /Turk090i


http://tbn0.google.com/images?q=tbn:t5PKU82j03JgEM:http://o9o9.net/2/uploads1/71f218651d.jpg

شكلك شغال في المعارض او المرور ..:D الصراحة ماعندي علم بالموتر وراعيه .. وشاكر لك مداخلتك الجميلة .. الله يهنيك بموترك ويجعله مركب العافية ..

للجميع تقبلوا تحياتي ..

[T U R K I 0 9 0]

لا والله العششششششق

خلانا نحفظ ارقام اللوحات واشكالهن

وهذا اعرف راعيه وهو من عشاقها :)

[بواردي الدلم]

ابشر والله بعزك جوك اهل الخرج


بالنسبه للمعرض المشهور هو معرض الشمري



وترى وصفه سهل للي جاي من الرياض يمسك المسار الايسر من عند التفتيش الى ان يصل اول اشاره ثم يروح سيده ثم الاشاره الثانيه سيده ثم الثالثه يسار ثم يجيك دوار خذه سيده ثم الدوار الثاني سيده ثم اشاره التقاطع ملخبط شوي كانه متفرع فرعين جهه سيده في يميين وجهه سيده في يسار رح للثانيه سيده في يسار يجيك البازعي على يمينك سيده الين يجيك معرض الشمري تراه حول التشاليح او اسئل اقرب تشليح وبيدلك
ومع السلامه اذن ابروح افطر

[رجل كريم]

لا والله العششششششق

خلانا نحفظ ارقام اللوحات واشكالهن

وهذا اعرف راعيه وهو من عشاقها :)




انا اشهد ان العشق جنووووون ..:D

[رجل كريم]

الاخ الكريم / بواردي الدلم


بيض الله وجهك وماقصرت كفيت ووفيت .. ورحم الله والديك ..


لك خالص تحياتي ..

[ذئب اليل]

بسم الله الرحمن الرحيم

أخوي دكار الجمواس القديمة مرقوبة عند بعض الناس واسعارة متفوتة حسب انضافة انا اعرف واحد اشترا جمس 78 ب48 الف
لاكن الموتر وكالة

[رجل كريم]

حياك الله اخوي ذيب الليل

موديل 78 وبـ 48 الف اشوفه غالي حيل وانا اخوك ..
الا اذا كان اصفار فهذا شي ثاني .. ومستحيل تلقى اصفار يعني من ثلاثين سنة وتوه ما تحرك ..

تحياتي ..

[بدون مقدمات]

من ناحيه قطع الغيار فموديلات 79 وتحت صعب تلقاها
وال82 وفوق متوفره بشكل اكبر
واشكر الاخ الدحبول
على الايضاح

[رجل كريم]

اخوي/عضو بقراطيسه


اعتقد قطع المكينة والجير واحدة .. يمكن الاختلاف في الهوبات والاصطبات .. واشياء بسيطة ..


شاكر لك تعقيبك وتقبل تحياتي ..

[Somebody]

السلام عليكم ورحمة الله وبركاته

مرحبا اخوي داكار

بالنسبة للموتر اللي في الصورة 1986 ولكنه شبة جديد

الموتر في الشرقية وآخر علم وصلني ان الموتر شراه شخص من قطر ودفع فيه 55000

اذا لديك نيه تبي تشتري النصيحه خذ جديد ولا تتبهدل في القديم

القديم اذا نظيف واااااقف منه الحكي غالي سواء 350 -454

قيمته اغلى من موديل 2004 وانت احسبها مضبوط وقارن بين الجديد والقديم من حيث الإستهلاك

الجديد امسك الخط وبعد الله ما يجيك شر اما القديم حتى لو انه على قولتهم مخزن لابد من العلل اللي تخليك

تزور الورش وتصير زبون دااااائم

بالنسبة لي جربت الجمس جديد وقديم واتضح لي ان أيااااامنا القديمه راااحت وراااحت الجموس معها

يعني بمعنى آخر كل دوله ولها رجالها.

ملاحظه ترى اكتب الكلام هذا ونا عندي 1987 تقول لي ليش تتكلم بما سبق وانت تملك 1987 اقووول لك

الهوى غلاب ......


تحيااااااتي للجميع

[رجل كريم]

وعليكم السلام ورحمة الله وبركاته:


اخي الكريم /Somebody


شاكر لك مداخلتك ومن كلامك وكلام بعض الاخوة اللي جربوا هالموتر ان الواحد يدفع زيادة وياخذ شبه الجديد افضل له ..


لك شكري وتقديري ..