المساعد الشخصي الرقمي

مشاهدة النسخة كاملة : مشكلة بالدبل .. (اذا شغلته ومشيت سيده كويس وذا لفيت طقطق)



ابوريناد1979
14/09/2007, 05:09 AM
السلام عليكم
يا اخوان الموتر ددسن دفرنسين 2000 , ومركب له فرارات
اذا شغلت الدبل ومشيت سيده ماعندك مشكله وذا لفيت اسمع طقطقه قويه شوي ويوقف الكفر اللي قدام كني راقي مطب , خابر المشكله كايده واتوقع انها عكوس لكن بغيت العلم الوكاد من اهل الخبره .
وكم تتوقعون تكلفه الإصلاح التقريبيه وهل متوفر لع قطع تجاريه (تخبرون حقين الصناعيه اذا انت ماتعرف وش المشكله بالضبط ممكن يصقعك بقيمه من راسه)
وتقبلو تحياتي

عاشق السيل
14/09/2007, 09:37 AM
وعليكم السلام ورحمة الله وبركاته ،،

زي ماقلت أخوي المشكلة ومافيها خلاف من العكوس ،، ولو رحت للصناعية القديمة بالرياض فيه ورش هناك شغلتهم العكوس بس وأكيد بيعطونك المفيد ،، وإذا كنت خايف يلعبون عليك لاتقرر عند أول واحد لازم تمر على كم ورشة علشان تاخذ الزبدة وبعدها شف اللي يناسبك والله يوفقك للأفضل واللي فيه خيرة لك ولموترك ،،

وانتظر غيري لعلك تستفيد أكثر وتقبل مروري يالغالي .....





.

ابوريناد1979
14/09/2007, 12:55 PM
جزاك الله خير اخوي عاشق السيل ويعطيك العافيه

ابوعبيده
14/09/2007, 01:35 PM
طيب والي اذا لف يسار قوه في الشارع وطلع صوت هل هو عكوس ........

نرجو الافاده

hozoom
14/09/2007, 02:52 PM
السلام عليكم



يا اخوان الموتر ددسن دفرنسين 2000 , ومركب له فرارات
اذا شغلت الدبل ومشيت سيده ماعندك مشكله وذا لفيت اسمع طقطقه قويه شوي ويوقف الكفر اللي قدام كني راقي مطب , خابر المشكله كايده واتوقع انها عكوس لكن بغيت العلم الوكاد من اهل الخبره .
وكم تتوقعون تكلفه الإصلاح التقريبيه وهل متوفر لع قطع تجاريه (تخبرون حقين الصناعيه اذا انت ماتعرف وش المشكله بالضبط ممكن يصقعك بقيمه من راسه)


وتقبلو تحياتي


السلام عليكم ورحمة الله وبركاته
تقبل الله من الجميع وجعل طاعاتكم في موزاين حسناتكم شافعةً لكم .
اخواني الكرام
اخي ابو ريناد حسب خبرتي فإن الصوت وحسب تشخيصي هو جنزير الدبل والله أعلم وتكلفته 200ريال شغل يد
و 700ريال قيمة الجنزير
وفق الله المسلمين لما يحب ويرضى
ارجوكم حافظوا على الصلاة ولاتنسوا التراويح
وكل عام وانتم بخير

shaheenshah
14/09/2007, 05:50 PM
المشكلة في العكوس

خالي الذيب
15/09/2007, 01:28 AM
اخوي ابوريناد 1979 اركد شوي اللي اعرفه عن الدبل اذا شغلتة والسيارة على ارضية صلبه مثل الاسفلت ومشيت بخط مستقيم لايحدث ولاتسمع شي لكن اذا لفيت يمين او يسار وكل مازادت اللفة تسمع صوت وتحس ان الموتر ماهو راضي يمشي وتقول الكفرات قدام مجيمة وهذا شي طبيعي وتقدر تجربة على اكثر من سيارة دبل وبعض الناس يفحص الدبل بهذه الطريقة ويحصل هذا بدون فررات واذا كان الفرار على free louk يعني اعرف انقليزي فيمكن تركيبة خطاء
ارجو ان عندي سالفة

عبد الله الفايز
15/09/2007, 02:03 AM
إذا هي طقطقة عادية وصعوبة يسيطة في اللفة فهي تقريبا في كل السيارات

جرب سيارة ثانية في نفس الظروف قبل تستعجل بالفك والربط

ان شاء الله دعواك سهلة

nejjer
15/09/2007, 03:00 AM
ابو ريناد المشكله هذي صارت معي وكانت بالبداية اذا لفيت طلع صوت طقطقة وتطورت المشكله إلين لطبيت النفود وانا امشي سيدة يطقطق وطلعت المشكله بالجنزير وركبت جنزير دبل ديزل يباني تلقاه بالتشليح اقوى من جنزير البنزين لكن انت جرب انك تنتل الموتر نتل وانت معدل الكفرات شف يطلع طقطقة او ادخل النفود وامش عليه وراح يتوضح لك كل شي

برق بريده
15/09/2007, 05:41 PM
انا صارت لي نفس المشكله وسحبت عليه
وخرب علي الدبل قبل كم يوم
وقالي المكانيكي ان الخراب من سستة البنز داخل الكارونه
المكانيكي سعودي ومتعامل معه

والله اعلم