المساعد الشخصي الرقمي

مشاهدة النسخة كاملة : اللي عنده خبر عن ميكانيكي مظبوط


.أبوعبدالرحمن
14/09/2007, 10:00 PM
السلام عليكم ورحمة الله وبركاته
الدريشة مقفلة تعال ادخل










اخواني الاعضاء

اللي يخبر لي ورشة مظبوطة ( ميكانيكي )

لان عندي الباث كل يوم ويطلع لي مشكلة في الفرامل

يوم ورا ويوم خلف

لا احد يقول لي وسواس الصوت واااااااااااااااااااااااااااااااضح بل انه مزعج وليس من راى مثل من سمع


وتكفون طبعا المكان الرياض
الدحبول
14/09/2007, 11:20 PM
غير الفحمات والقماشات ورح يسويله وزنية
وإنشاء الله تضبط
rayes3
15/09/2007, 12:12 AM
اخوي الشهر عليك مبارك
فيه باكستاني اسمه امير في صناعية ام الحمام من الجهة الشرقيه قريب من محلات اصلاح الرديتر
.أبوعبدالرحمن
15/09/2007, 09:52 AM
وانا اخوك يالدحبول مغيرة في الوكالة حسبي الله عليهم والله لا يوفقهم
ولا فيه فايدة ومع خرط الهوبات


اخوي ريس 3 الله يعطيك العافية طيب ممكن تذكر لي اسم الورشة او الرقم


ونحن بانتظار البقية
abosami
15/09/2007, 10:53 AM
أخوي العزيز
ورشة المجد في الصناعية القديمة فيها ميكانيكي إسمه عارف هندي الجنسية تخصص فحمات مر عليه وخله يفحص الموتر وإن شاء الله تضبط الأمور معك
ترا بعض الأحيان تخرط الهوب وفيه إعوجاج وهذا اللي سبب المشكلة عندك في السابق وصارت معي
بإذن الله يضبط الموتر وطمنا بعد ماتمر الورشة وأسأل أي واحد في الصناعية عن ورشة المجد يدلك عليها وترا الورشة تفتح جنوب شرق
ابو فرح1
15/09/2007, 12:07 PM
الله يعينك .

فيه ورشة بالصناعية القديمة اسمها ( السويد الحديث ) ممتازه كنك في وكالة ماشاء الله .

وفاهمين شغلهم زين خاصه ( الميكانيكا ) .

وصفهم وانت داخل من تحت كبري الصناعية متجه ( شرق ) ثاني لفه على يدك اليمين ادخل معها تتعدى اول تقاطع رئيسي بعده ميتين متر تجي على يدك اليمن .

جربهم ان شاء الله يحلون مشكلتك .
راعي الموزر
15/09/2007, 09:47 PM
شف فيه اتراك بشارع احمدبن حنبل ورشه ذرا خلف محطة بترو اقبال بعد ما تعدى سلاح الحدود ويجيك هرفي
.أبوعبدالرحمن
15/09/2007, 10:47 PM
الله يعطيكم العافية


وان شاء الله اتواصل معكم بكل جديد يحصل