المساعد الشخصي الرقمي

مشاهدة النسخة كاملة : تحذير شديد اللهجه لمستخدمي كاميرات Canon


system
15/09/2007, 12:02 AM
:
:
:
:
:
:
:
مساكم الله بالخير جميعا اعضاء مكشات وبعد....

ندخل بالموضوع على طول بدون مقدمات واحد من الشباب شرا كاميرا كانون 7.1 ميجابكسل مااعرف موديلها بالضبط المهم خربت العدسه راح وداها لاكسترا طبعا على الضمان اخذوا منه الكاميرا وفكوا البطاريه والمموري وقالوله خلها معاك بعد اسبوع صلحوها واستلمها يدور البطاريه ....مافيه شي (ضيعها الطيب) رجع لاكسترا يبي يشتري بطاريه ((البطاريه ليثيوم)) قالوله مااااااافيه طيب شلون وش الحل قالوا نشوف الوكيل (القريشي) ونتصل عليك وشهر كامل صفط راح خاوينا للوكيل ودخل على المدير سوري قاله بكل ثقه ماعندنا بطاريه!!!! دبر حالك!!!!!!!!!!!!!!!!!!!!

هذي القصه باختصار والغرض منها العبره لكل من يفكر يشتري كانون لازم يسأل عن البطاريه اول لان بدونها الكاميرا ماتسوى رييييييال .

الصراحه انا مستغرب من هالوكيل التعبان شلون ما يوفر هالقطعه المهمه مع العلم ان موديلها قبل سنه ونص تقريبا.
الوشاح
15/09/2007, 01:16 AM
الصراحه انا مستغرب من هالوكيل التعبان شلون ما يوفر هالقطعه المهمه مع العلم ان موديلها قبل سنه ونص تقريبا.

لاجديد .. هذا حال وكيل كانون
عبد الله الفايز
15/09/2007, 01:45 AM
لو نظمت مسابقة عالمية تحت مسمى ( أسوأ وكيل في الكرة الأرضية لفاز بها القريشي بكل جدارة عن وكالته لكانون ) اسألني أنا واستشهد بنفل
على كل حال تستطيع أخي الكريم أن تشتريها من مواقع النت بكل سهولة وعندك أيضا محلات الحارثي في عماير الراجحي فيه يماني ممتاز اسمه سليمان يمكن يقدر يوفرها لك
ولو احتجت مساعدتي فأنا مستعد

تحياتي
صقر عتيبه
15/09/2007, 03:05 AM
مشكور اخوي على هالمعلومه
وجزاك الله خير
وإنشاء الله يستفيدون الاخوان هواة التصوير
راعي الروضة
15/09/2007, 03:10 AM
يارجال الطاسه ضايعه 000 فق خشتك يرزقك الله 0000 خذ اي وكالة والعب على خلق الله ماعنك حماية مستهلك ولا يحزنون000 لكن الشرهه ماهي عليهم0000 على وزارةالتجارةاللي نايمه في العسل
sari sami
15/09/2007, 12:14 PM
غش تجاري فعلا بدون رغابة .صدقونى القريشي لازم تسحب منه وكالة كانون وذلك لانه مهتم في الشنط اكثر من الكميرات ولان الشنط ليس لها قطع غيار يمكن ... المفروض يترك كميرات كانون افضل له ولنا ايضاً.. رمضان كريم
ZAMAN1
15/09/2007, 12:40 PM
الحل : شكوى على الغرفة التجارية
وبيوفرون لك القطعة غصب عليهم حتى لو يفكونها من كاميرة جديدة
system
15/09/2007, 01:05 PM
الوشاح
عبدالله الفايز
صقر عتيبه
راعي الروضه
ساري سامي
زمان 1

شكرا تفاعلكم وتنويركم للموضوع....

لكن حرام 1400 ريال تروح على الفاضي
والغرفه التجاريه مااضن يسوون شي بتقعد الكاميرا عندك اليييين تصير مثل الكاميرا الفوريه.
ذيب ميسان
15/09/2007, 01:08 PM
المعروف أن كاميرات كانون تعلى و لا يعلى عليها ولديها جودة عالية في الصور
لكن القريشي أسوأ وكيل في الخليج إن لم يكن في العالم أجمع
قطع غيار غير متوفرة .. صيانة سيئة .. أسعار مباااااالغ فيها .. خدمة سيئة جداً
والمشكلة و رأس البلى من وزارة التجارة اللي نايمة .. المهم ماعلينا من هذي الوزارة لأننا فقدنا الأمل منها
لكن أنا عندي لك الحل ..
تروح يالطيب عند وكيل نيكون " أحمد عبدالواحد " هو يدبر لك أي شيء لكاميرات كانون
أو تستطيع شراءها من النت على طول و بأرخص الأسعار
و الله يوفقك
عبد الله الفايز
15/09/2007, 01:17 PM
http://www.adigicam.com/vb/showthread.php?t=21259


http://www.friendsoflight.com/forum/showthread.php?t=20797


أرجو أخي الكريم الاطلاع على هذين الرابطين وستجد في أحدهما الحل بإذن الله تعالى
الضاحي
15/09/2007, 01:44 PM
انا سبق اني راسلت شركة كانون اتشكى من سوء خدمات القريشي ولاجاني رد منهم

يمكن لو نراسل بشكل اكبر ينتبهون ويعرفون ان وكيلهم في السعوية قاعد يدمر سمعتهم
system
15/09/2007, 11:16 PM
الديره نت\كلامك صحيح ومشكور على النصيحه راح ابلغ خوينا.

عبدالله الفايز\مواقع مايحتاج الصراحه اشكر تفاعلك.

راس الشهامة\دام ماردوا عليك مااضن بيردون على احد.

انا رحت للرياض وعلى وصف الشباب خليت واحد من العيال يوديني لمحلات الحارثي اللي بالبطحا لاني ناوي على كاميرا بس بطارياتها(AA)توبه من الليثيوم بس للأسف ماحصلت s5 الظاهر الشباب مخلصينها هههههههه يقولي اليمني بعد فتره بنجيب دفعه ولا باقي الانواع كلها متوفره مثل s3\g7\h9 انحديت لكارفور اللي بغرناطه وشريتها ب1999 غاليه شوي بس قلت دامني بالرياض فرصه.
جدة غير
16/09/2007, 01:39 AM
السلام عليكم ورحمة الله وبركاته
خذلك كمرة بطاريتها aa وريح نفسك

جزاك الله خير على التنبيه
mohd26
16/09/2007, 02:40 AM
حماية المستهلك في الوطن العربي المفروض يسمونها حماية التاجر
المفروض التاجر يصرف لك كاميرا الى ان يتم تصليح كامريتك
للاسف هذا في بلدان غير بلدانا
system
17/09/2007, 01:45 AM
جده غير\هذا اللي صار.
mohd26\الله يخلف.
سامي العنزي
17/09/2007, 02:30 AM
لو فيه حماية مستهلك ماصار كذا اهم شي
يبيع الكاميرا ولا فكر فيك
اهم شي المال
حسبي الله عليهم .
علي الشهري
17/09/2007, 05:35 PM
هنا ميزة كانون s3
بطارية عادية
عبدالله العمرو
17/09/2007, 09:07 PM
أخي سيستم / لاعدمتك
شكراً لهذا التنويه الذي أيقض توجهي فإلى هذه اللحظة فكرت أن أكون كانونيّاً !!!!
لذا سأفكر بذلك بعد انقلاب القريشي المستحيل :) ....

لعل نيكون تجد نفسها في خضم ذلك التيه .... أو يتأكد تفوق سوني ....


تحياتي ..
شاص
19/09/2007, 11:29 AM
لماذا لا نتخذ خطوات عملية للتفاهم مع هذا الوكيل ؟؟

يعني لماذا لا نعد أكثر من نموذج لرسالة بريدية على إيميل الشركة يبين فيها سوء خدمات الوكيل وعدم خدمته لمنتجات الشركة مع الإقبال الشديد والطلب الكبير مما دفع الكثير إلى البحث عن كاميرات من إنتاج شركات أخرى نظراً لجودة وكلائها ؟؟
أبوعبد المحسن
20/09/2007, 12:55 AM
طيب أخوي ما تحصلها بالامارات.
يعني لو تدور وكيل كانون هناك وتتصل عليهم ويرسلونها لك

( ماجربتها لكن حاول )

وبصراحه توني ادري ان وكيلها بها المستوى السيء
ابو شكاع
20/09/2007, 06:46 AM
السلام عليكم ورحمة الله وبركاته
خذلك كمرة بطاريتها aa وريح نفسك

جزاك الله خير على التنبيه
.
.
.
.
.
هذا الهرج السنع
mohd26
20/09/2007, 04:30 PM
انتوا لاحظوا حماية المستهلك دايما يخفون وسيلة الاتصال بهم
يعني في الاسواق ما تحصل تلفوناتهم وفي النت ما تحصل بريدهم الالكتروني
الشكوى لله
شبح الصحراء
21/09/2007, 09:26 AM
القريشي! ههههه ما ادري يبيع شنط أو كاميرات وش جاب هذا لهذاك!!! .
اكثر الوكلاء عقلياتهم قديمة ولا يعرفون حاجة اسمها خدمات ما بعد البيع .

صارت لي نفس المشكلة ولكن مع كاميرة اتش بي أخذت الكاميرة ونسيت الشاحن وأنا مسافر وجيت الرياض طبعاً البطارية الليثيوم فضت قلت اروح الوكيل عند اكسترا واشتري شاحن ( على بالي شاحن نوكيا بالبقالة تحصله :D ) المهم قال الوكيل ما فييييييه! قلت وشلون مافيه؟ قال دبر عمرك ما نبيع شواحن !!! الكاميرة يوم اشتريها قيمتها فوق الف ريال والحمد لله اني رجعت من السفر وحصلت الشاحن ولا طشيت الكاميرة بالزبالة ، وحصلت لي مشكلة ثانية مع نفس الوكيل اشتريت طابعة اتش بي وخربت بعد نهاية الضمان ودورت لها قطع وما حصلت حتى عند الوكيل مع ان الطابعة ماركة معروفة وقيمتها فوق الف ومية ريال وليست من الطابعات الرخيصة ام مئة وخمسين ريال !.
السؤال المطروح أين خدمات ما بعد البيع!!! .

اذكر لكم قصة تبين لكم حرص الشركات في الدول المتقدمة على توفير خدمات ما بعد البيع لزبائنها وهذه القصة حصلت لشركة تويوتا في أمريكا قبل عشرات السنين عندما فرغت مستودعات قطع الغيار لهذه الشركة وتورط الزبائن فلم تنتظر تويوتا وصول البواخر التي تحمل القطع من اليابان بل قامت فوراً بتفكيك بعض السيارات الجديدة في معارضها وتحويلها لقطع غيار .
system
26/09/2007, 09:34 AM
اشكر جميع من تفاعل مع الموضوع وارحب بجميع الحلول .
وانا ماكتبت هالموضوع الا لاخذ الحيطه والحذر من هالحراميه اللي ما همهم الا جمع المال .
العابرنت
26/09/2007, 10:15 AM
مدري الوكاله مغصوبه عليه ولا هو شبعان ولا همه الناس ؟؟ واتوقع الاخيره
المهم جيت وكالتهم ابي شنطه للكاميرا قال ما فيه ؟؟؟؟؟؟؟

وكاله كاميرات عالميه + وكاله شناط عالميه = ما عندة شنطه للكاميرا

ياليت الشكاوي ترسل للشركة يوميا .............. علشان تسحب منه الوكالة ولا وزارة التجارة ما فيها خير ؟؟؟؟؟؟؟؟؟؟؟؟؟