المساعد الشخصي الرقمي

مشاهدة النسخة كاملة : ورشة سمكرة ( ثقة )


وسيـع البـنايد
15/09/2007, 03:39 PM
السلام عليكم ورحمة الله وبركاته ..


ياجماعة الخير .. الورش في الصناعية كثيرة وكل واحد يمدح و الثاني يذم


الغش ياكافي في كل مكان والذمة ماعاد لها ذكر عندهم لاحول الله
اللي يعرف له ورشة في السمكرة والبوية رجال ثقات ويخافون الله ولو سعرهم غالي
المهم إن شغلهم زين وموثوق فيه ..
لا يبخلون علينا


بـ اسم الورشة - الوصف - أرقام تلفون إن تيّسر
لو يكون في الصناعية القديمة ( الأمير سلمان ) أفضل


وله دعوة طيبة في رمضان ونذكرهـ بالخير
وبيدخل السرور في صدورنا ويجزاه ربي عنا كل خير
وسيـع البـنايد
15/09/2007, 05:11 PM
up جزاكم الله خير
مطر جدة
15/09/2007, 05:53 PM
وعليكم السلام ورحمة الله وبركاته

وين موقعك اخي الكريم .. بأي مدينة .. ؟؟
أبــ تميم ــو
15/09/2007, 05:55 PM
ورشة الوجدان في الصناعيه القديمه إذا خليت ميزان المجد ومحل رزاز وورشة مرات (علي بن مبارك بن مرضاح) على يمينك يبي يجي بعدها ملف صغير يمين ادخل معه تمشي تقريباً 50 متر شف الورشه على يمينك ..
خابر ان وصفي ما هنا زود لكن الشكوى لله ما هنا توصيف يسوى خاصه في هالصناعيات ..


أخوك/
أبــ تميم ــو
وسيـع البـنايد
15/09/2007, 10:08 PM
موقعي في الرياض - يا مطر جدة

أخوي أبو تميم الله لايهينك ووصفك زين لكن ميزان المجد أكثر من فرع
أيه فيهم .. ؟
وسيـع البـنايد
16/09/2007, 09:53 AM
up
وينكم يا أهل الورش ..
aziz2727
16/09/2007, 10:47 AM
شف الله يحفظك في ورشة وفاء
هذي الله يسلمك في الصناعية القديمة وانت نازل غرب مع شارع الجمعيه كنك متجه يم جهة دوار الخرج بيجيك اخر تقاطع قبل الشارع العمومي لف يسار وامش بيجيك تقاطع لف يسار وشف الورشه على طول يسارك بالماريه في الزاوية حقة التقاطع بنشر صغير شغلهم زين بس غااااااااااالين لاكن اذا كانت السيارة تستاهل فترى مهيب حسوفه
وسيـع البـنايد
16/09/2007, 03:00 PM
الله لا يهينك أخوي aziz
والله إني اسمع عن وفاء الورشة والتلميع واضح غنهم متميزين
وانا محتار وافكر بالفرودس مع اني غالي لكن شغلهم يبرد الكبد
وعلما إن السمكرة أبيها بدون بوية لأن فيه دقة على الباب تبي لها فنان
saudaa
13/08/2009, 02:25 PM
ان مجرب وفاء والله شغلهم شغل وكالة اتحداك احد يطلع الموتر ان فيه صدمة
ابولولو
13/08/2009, 03:15 PM
اخوي وفاء درجه اولي من ناحيه الفلوس بالعلبات يكون كوي والوجدان شغلهم ممتاز اشتغلت عندهم سياره 2008 غمارتين وياخذون فلوس اقل من وفاء وعندك الشباب