سوال لاهل المعرفه بطرق السعوديه

[الماستر]

السلام عليكم

اذا كنت بمكه وتبي بريده هل لازم توصل للرياض وتروح لخط بريده ولا فيه طريق مختصر ثاني بين مكه وبريده ؟

مع الشكر للجميع

[shaheenshah]

الظاهر فيه طريق مختصر وان شاء الله يفيدونك الشباب

[عاشق سفر]

وعليكم السلام ورحمة الله وبركاته...

شف يالماستر عندي لك طريقين اعرفها وهي خبرتي ومدري اذا في طريق اقرب منها او لا بس الاغلب انه مافيه

الطريق الاول واللي لو انا مكانك راح امشي معاه وهو انك تواصل لجده ومن جده للمدينة ومن المدينة لبريده

وهالطريق مسافته كالتالي:

مكة - جدة = 90 كيلو
جدة المدينة 400 كيلو
المدينة القصيم 467 كيلو
والمسافة بتكون عليك 467+400+90 = 957كيلو متر

اما الطريق الثاني هو انك تطلع للطائف ووتمسك خط الرياض لين توصل مفرق البجادية والقصيم وتدخل القصيم من جنوبها الشرقي بس ماعندي علم بهالخط لا من المسافة ولا من زينه وشينه وباذن الله بيوصفون لك الشباب...

بالنسبة انك ترجع للرياض ومن الرياض لبريده والله مسااااااااااااااافة ومشواااااااااااااااااااااااااااااااار وازين لك تروح للطريق الاول اللي من المدينة...

لانه المسافة من مكة للطائف 160 كيلو مع السيل
الطائف الرياض 780 كيلو
الرياض القصيم 350 مدري 300 او قريب من هالرقم <<<<< نسيت والله بس اكيد انت ابخص واحسبها

نجمع ونقول 160+780+ لنفرض انها 300 = 1240 كيلو تقريبا

شف يالغالي والله هذا الحساب صحيح ودقيق وبتلقى اللوحات وبتشوف ان حتى الارقام اللي كتبتها انا بالتحديد صح الا المسافة بين الرياض والقصيم ملخبط فيها


لكن الطريق الاقرب من حيث علمي ومعرفتي وتجربتي هو مكة جدة المدينة بريده

درب السلامة يالغالي...








.

[اعقاب]

اخي العزيز
تطلع من الطائف شرق للرياض واذا وصلت الى ظلم لف يسار
موجه الى عفيف وبعده توجه الى البجاديه شرق ايظا
وقبل البجاديه بيجيك لوحه تبين طريق الرس يسار اي تتوجه شمالا
ولاوصلت الرس حصلت لوائح بريده
وسلم على اهلها
وهذا اقرب الطرق انا ماشيه

[الوانيت1]

http://www.mnq8.com/mybox/getimg.php?image=247 b



وفية مفرق أى طريق ممتاز من عند البجادية الى بريدة حول 300 كيلو طريق جديد رحت علية قبل أسبوعين ولاااا عاد أوضح من هاالخريطة المرفقة أعلاة وتروح وتجى بالسلامة أنت وكل مسلم....////.

http://alsaha.fares.net/sahat?128@78.G4DYhPE3OZF.0@.3baa6241

[شاهد عيان]

الأسهل :
طريق ( مكة - المدينة المنورة - القصيم السريع ) بس إنتبة أحتمال وجود جمال داخل السريع في طريق المدينة المنورة القصيم على الرغم من وجود شبك !.

المختصر :
طريق ( مكة - الطائف - ظلم - عفيف - البجادية - الجمش - نفي - دخنة - الرس - بريدة )

[ذيب صعافيق]

أحسن طريق هو مكه المدينه بريده تقول ليش ؟طريق سريع (دولي)وتسلم من الحناكيه القصيم حيث انها منطقت باديه 0غنم بعارين دداسن 000000؟

[برق بريده]

انا مع كلام اخوي ذيب صعافيق ولو زاد عليك الخط شوي

[السفيرنواف]

أنا إللي أشوفه إذا كان طريق القصيم سريعفالأفضلمكة ومن ثما المدينة ومن ثما القصيمأفضل من ظلم والسبب لأنها مناطق أو بالأصح محافظات وقرى وطرقها صعبه على ما أظن مثل خط الجنوب

[الماستر]

شكر للجميع على التوضيح

[مساعد99]

احسن طريق يااخوي . وانا ماشي معاه
في شهر شعبان الماضي 1428
تطلع من مكة الى المدينة تجي لوحة
تقول المدينة المنورة 400 ك
وعند وصولك اول المدينة تجي لوحة تقول القصيم يمين بحيث انك ماتدخل داخل المدينه .
وتمشي حتى تمسك الطريق تجي لوحة تقول القصيم 476 ك
وهذا الطريق افضل بكثير من طريق
( مكة - الطائف - ظلم - عفيف - البجادية - الجمش - نفي - دخنة - الرس - بريدة )
لانه من مكة الى ظلم طريق مزدوج
ومن ظلم الى الرس طريق مفرد وخطر جدا
ومن الرس الى بريدة طريق مزدوج
لكن الافضل الطريق الاول بكثير .وانا ماشي مع هذا وهذا ..
ويقول المثل ( سمح الدروب لوطالت )
وسلامتكم ..

[برق المنشا]

أفضل طريق / مكة ـــــــ المدينة ــــــــ بريدة ـــــ وهذا طريق سريع ومغطى بكافة الخدمات
أقرب طريق/ مكة ــــــــ الطائف ـــــ المويه ــــــ عفيف ــــــ ثم بعد عفيف نقطة تفتيش تلف يسارالى ضرية ثم من ضرية الى الرس ومن الرس طبعا بريدة ولكن هذا الطريق لاتمشيه الا بالنهار.وهو طريق زراعي وبري وتنقصه الخدمات ولكن من ضرية الى الرس حوالي 150 فقط ومن ضرية الى عفيف 70
يعني يختصر عليك حوالي 100 كم
وهو الأفضل اذا ما قارنته بـــ طريق البجاادية الرس