وين اللي يقول كل مشكلة ولها حل !!!!

[wads]

إلى جميع من يقرأ هذا الموضوع : من لدية حـــــــل فلا يبخل علينا وبورك في مساعي الجميع
* المشكلة هي أن عندي سيارة داتسون موديل 2002 غمارة اشتريتها جديدة ولها معي ما يقارب التسعة أشهر ( ذبحتني بالمطبات والمنااااقــز وخصوصاً في الكفرات الخلفية وما أدري ويش التعديلات اللي أسويها عليها حتى تصير مريحة . مع العلم إني جربت داتسون موديل 97 غمارة وكانت مريحة بالحيل ما هي زي موديل 2002 ) ويش الحل الله يعطيكم العافية والراحة .:mad:

[لـقـنـاص]

الأخ / wads السلام عليكم
كنت أتمنى أني أعرف حل ولو بسيط للمشكلة اللي أنت فيها ، حتى يكون لي الشرف في تقديم خدمة للي مثلك . سعدنا بمرورك في هذه الخيمة وأتمنى من الجميع المساعدة والفزعة لأخينا wads +=+=+=

[Bader-M]

معروف ان الددسن
97 اريح من الجديد
ولا بالفرق
.....
والحل اذا كنت تبي ررايي
خلها على ماهي عليه
كلها كم يوم وتتعود عليها:D

[القناص]

جرب تغير الكفرات الى ميشلان
بتلاحظ فرق في الليونه

ودمتم

[ابوياسر 11]

السلام عليكم
إلى أخي راعي الددسن2002،أولاً يمدحون المساعدات الامريكيه ،مع انهن رخيصات.
ثانياً:لاتنسى كفرات هاااانكوك ترى إذا ركبتهن كنك راكب على كنب00
أنا مجرب وهي هايلكس عاد وشلون ددسن..
تقبل تحياتي والعذرعلى التأخر

محبكم : المجرووح

[شبوب]

انا والله ما جربت لا موديل 97 ولا 2002

ولكن اعتقد فرق العمر بين السيارتين وهو خمس سنوات اعتقد له دور كبير

وممكن اقولك رأي ثاني وهو 00000


ليش ما تجرب تشيل ( السسته الام ) ؟؟!!



تحياااااااااااتي ،،،

[النفود]

هلا باwads
ورا ماتركب مساعدات مرسدس بس ترى مادري هي تركب على الددسن
لاني اعرف واحد مركبها على هايلكس ولا يناقز الموتر...

[الراسيـــــــ]

السلام عليكم
اخوي wads ولايهونون الربع
انت ارحم من غيرك اركب هايلكس غمارة شد بلد والا شاص تلقى الفرق شاسع
وما دامك تقارن موترك بال97 ومعك حق لانهن دداسن اتوقع الحل ومثل ماقالو الاخوان
شل السستة الاخيرة او حط بداله وحده مقصصة وبتريحك من المطاب والمناقز.
وما ادري اذا كان شبوب يقصد كذا ؟
والكفرات والمساعدات كلهن لهن دور ، واذا بدور الليونة بالكفرات ترى الهانكوك مطلوبك كما تفضل aboklood .





الراسيــــــــــــــــــــــــــ
alnfod@hotmail.com




.

[wads]

الأخوه الأفاضل / السلام عليكم ورحمة الله وبركاته وبعد:-
أولا : أقدم اعتذاري للجميع على تأخري في الردود على كل من شارك برأيه ومشورته ، وأتمنى من الجميع قبول عذري = كما قال الشاعر ( لو الليالي علمن كان ما غيب *** ولا غيب عن لقياك بأية وسيلة )
ثانيا : أشكر كل من شارك في حل مشكلتي شكرًا جزيلا والله يعطيكم العافية والصحة والسعادة . وإليكم الردود:

( 1 ) الأخ العزيز [ طاير بالعجة ] بارك الله فيك على هذا الاقتراح وأعتبرها بادرة طيبة منك في حل هذه
المشكلة . ولكن يا أخي السيارة معي لها أكثر من تسعة أشهر وما زالت مضايقتني في عدم الراحة وما
قدرت أتعود عليها أضف إلى ذلك اللي يركب معي على طول يشكي منها لأنه ما عنده دركسون يتجود
فيه . وشكرا ،،،

( 2 ) الأخ العزيز [ القناص ] سلمك الله وإني أعتز بهذه المشاركة الفعالة منك والله يعطيك ألف عافية ، وكثر
الله من أمثالك . بس يا أخي أنا كم مرة أنزل الهواء في الكفرات إلى 15 ومع ذلك ما أشوف فرق كبير
في الليونة مع العلم إن الكفرات اللي فيها من نوع ( برجستون ) ، فلو غيرت الكفرات زي ما قلت
بتكون أريح من الكفرات اللي فيها ؟ ولك أجمل التحيات ،،،

( 3 ) الأخ العزيز [ aboklood ] والله إن كلامك يفتح النفس ، مثل الفلفل مع الأكل يفتح الشهية . الظاهر
إني أبنطلق بسرعة وأركب مساعدات أمريكية قبل ما يدرون الناس عنهن ويرفعون سعرهن . بس أبغى
أسألك يا غالي : المساعدات اللي تقول يركبن بدون ترهيم ولا لازم يكون فيه تعديل وترهيم . وعلى
طاري المساعدات الله إنه يساعدك ويوفقك وين ما وجهت يا غالي . مغليكم ومحبكم بالحيل .... wads
مشكوووور :D :p ;)

( 4 ) الأخ العزيز [ شبوب ] مشكوووور وما قصرت على الرأي السديد ، والله فكرة حلوة . لكن يا أخي لو
شلت السستة الأم وبغيت بعدين أحمل عليها حمل ثقيل شوي برايك ما تنكسر السست ؟ تحياااااتي ،،،

( 5 ) الأخ العزيز [ النفود ] يسلم مخك على هذا الحل الرائع . والله يعطيك 999 عافية . لكن يا عزيزي
أبسألك عن سعر المساعدات هاذي رخيصة ولا غالية ؟ وهل أغير كل المساعدات ولا اللي وراء بس ؟
وشكرًا ،،،

( 6 ) الأخ العزيز [ راسيـــــ ] يعطيك العافية أخوي على هذا الرد الجميل ، ويعجبني فيك احترامك وتقديرك
للآخرين والله يزين حالك ويدلك هالوطن اللي تدور عليه - مزحة خفيفة- وإن شاء الله أبجرب وأشوف
النتيجة والله يزينها . مشكور والله يحقق أمانيك ،،،

[النفود]

هلا wads
خويي اللي شاريها مركبها ورا وشاريها 120 ريال

[wads]

هـــــــــلا والله وألف وسبع وسبعين مرحبا بك يالغالي ( النفود ) تسلم والله على تعاونك ومعلوماتك القيمة ، سعرها معقوووووول . والله يحقق أمانيك .

[ابوياسر 11]

معليش ياأخوي على التأخير تعرف المقناص مايخلي الواحد يفتح الجهازإلا بعد مايحلل والد ينه؟؟!!!!!!!!!

أقول المساعدات بلا ترهيم ولا غيره ، خذهن وعطهن (أبوهنووود)بالصناعيه ومايقصر يركبهن لك بنصف ساعه،،،
وترى فيه مساعدات شفتهن مع واحد معه ددسن2002 - على حسب كلامه يقول إمراتيات - والله أنا ماأعرفهن... لكن ميزتهن إنك أنت تتحكم بوزنيتهن وتغيرهن زي ماتبي وبيد ك لاجهد ولا غير ه.. بس لف الدركسون يمين آخرشيئ وزين اللي يسار والعكس للي يمين، يعني له أرقام مثلا رقم (1) تخلي الموتر مرتاح؟؟ ويريحك وبالخط
كنك راكب [ كابرس] من الراحه.. ومثلاً رقم(5) يخلي الموتر شاد وهذا يصلح بالنفود
عشن مب كل شوي تنزل اللحيه وترقى كان تروح لحية الموتر هوااااا!!
والارقام اللي بينهن بين 1 الى 5 تتفاوت بالشدو الراحه وغيره (نصيحه لايفوتنك)
بس بهن عذروب واحد وكااااايد وهو.......
الدراهم (الحبايب)يروحن عشن راحة أظهري .....؟؟؟!!!
والعذر على الاطاله وأبشر باللي تبـيه (كلنا جباهن صاااغيه)؟؟!

محبكم : المجرووح

[wads]

تسلم يا أخوي aboklood حقيقة كلامك دواء وأشكرك من قلبي على هذه المعلومات المفيدة والرائعة وما قصرت يا غالي . حقيقة لا قالوا { ترى الطيب والطيب كما القصر وظلاله *** ذرن لك عن اللاهب ولا صرت برداني }

محبكم / wads
:D :D :D :light: :good: