@@@ فزعتكم الكمبريسر حق المكيف يصير نار @@@@

[راع الحبارى]

الدينمو او مايطلق عليه الكمبريسرالخاص باالمكيف يصير نار اذا شغلت

المكيف طبعا السياره جيب vxr 93 حجم الدينمو 20 والله ياجماعه ابغا فزعتكم العطله هذه

وانا افك واربط وكل باكستاني وهندي وغيرهم تعرفت عليهم بسبب هالمكيف

طبعا 8 مرات يحترق الكلتش حق الدينمو واللي يقول غير بلف واللي يقول غير اديتر والله بلشت

قلت النشاما يجيبون الحل

فزعتكم الله يوفقكم

[الدحبول]

أشتر كمبروسر بس ترى ماعليه ضمان
وده عند كهربائي فنان يركبة من 200 إلى 300
بأقل من هذا السعر لا تركب
لانهم مايعرفون يركبون
ولا حتى يعبون فريون
يلي قولك 100 أو 90 أو 150
هذا ماعنده سالفة

[رجل كريم]

تأكد من نوع الفريون يمكن غير مناسب لسيارتك ..

تحياتي ..

[كريموف]

السلام عليكم ورحمة الله
أنا أرى بما إن الكلتش أحترق كثير يعني العله باطنية أي داخل الكمبريسور
لأنه لو كانت من برا كان ما يحترق الكلتش كثير
عندي سؤال هل الصوت حق الكمبريسور متغير عن أول واجد
والتبريد كيف هل مازال يبرد زي أول
ودمت بأحسن حال

[الرحال050]

حياك الله راعي الحباري الحل في تغيير الشيك ولف الي في الثلاجه وانشاء الله يضبط الكمبرسر

[راع الحبارى]

الف مليون شكر لكم\\

على تفاعلكم معي زادكم الله توفيقا

المشكله الله اعلم يمكن واحده من ثنتين
1) الاديتر حق المكيف ربما يحتاج تغيير بجديد ( لأني جربت بواحد مستعمل ولانفع )
2) بلف الثلاجه عندي احساس اني اذا شغلت الثلاجه جاه البلا والخراب

==============================
لعلمكم غيرت كمبريسر من التشليح ونفس العله بس رجعنه لصاحبه

[راع الحبارى]

بسم الله

سوينا طلب للأديتر لأنه غير موجود وان شاء الله يوم السبت موجود ونركبه والتوفيق بيد الله والشكر لله ثم لكم

على توجيهاتكم ارجو ان لاتبخلوا وفقكم الله