النيسان معي ثقييييل بالحيل ؟؟؟؟؟؟؟؟

[قشاع الرمث]

السلام عليكم ورحمة الله وبركاته

مبارك عليكم الشهر

مساكم الله وبالخير جميع

يا جماعة الخير عندي نيسان 2001 4 ابواب sgl-e
فيه مشكله بالممشى ما يتعدى 145 ولاصار ناطح الهوا
ما يمشي حتى 120 وبالطلعات تنزل سرعته من 145 الى 115
وللمعلوميه المكينه صافيه وكل الميكانيكيين يقولون السياره ما به شي
وطبعا السياره بنزين . بخاخ . وسويت له صيانه شامله +صفيه مكينه
من الى . يعني بواجي واسلاكهن وصفايه بنزين وفلتر هوا .....

ومرفوعه من ورى بياي استرالي زايد الارتفاع من ورى عن قدام
يمكن 4 سانتي .

الي عنه الحل الاكيد يعطيني اياه

ما ودي اغير شي ولا تتغير السياره علي .

وش الحل . لا تخلوني

بانتظار الردود ..

[حمد808]

القير عادي او تماتيك

[قشاع الرمث]

السلام عليكم ورحمة الله وبركاته

اخوي حمد كيف حالك

القير عادي . مكينته 4500 ...

وبانتظار الحل ....

[الرس999]

هلا أخوي
ركب عليه راس هدرز بس,وفرارت لدفرنش الي قدام وانشاء الله يطيب خاطرك الممشئ

[الثويرات]

http://www.mekshat.com/pix/upload/images39/mk55341_zaz.gif


انصحك نصيحه لله اذا تبي موترك يخف وينشط


فك طرمبة البنزين واحلتها بزباله وركبله طرمبة فتك وشوف الفرق لان الباترول 4500 وخصوص من موديل 99-200/2001 كلها طرمباتها ضعيفه على البخخات لان البخاخ يبي ضغط قوي شوي..

[م.أبوإبراهيم]

أأيد كلام الثويرات ميه بالميه وإن شاء الله هو الصحيح

[قشاع الرمث]

السلام عليكم ورحمة الله وبركاته

جزاكم الله خير

اخوي الثويرات

هل الطريقه مجربه يعني مظمونه
والا اقعد اغيره بمبلغ وقدره
ثم مايكون فيه فرق ...

ولك جزيل الشكر...

[تنوم]

اخوي من واقع تجربه تأكد من منظم الهواء والخرطوش الهواء الي بين القربه والبخاخ اذا كان ينسم غيره وتشوف الفرق ولا المنظم اذا كان خربان غيره وتشوف الفرق

[الثويرات]

http://www.mekshat.com/pix/upload/images39/mk55341_zaz.gif



الله يرضى عليك مالي مصلوح اكذب عليك شي جربته بنفسي

[بواردي الدلم]

سوال مهم هل مقاس الكفرات نفس مقاس شد البلد ولا اكبر كلما زاد مقاس الكفر تلخبطت عليك امور واجد اول شي يضعف عزمه ويعطيك العداد قراءه اقل من الواقع ويلعب في قير الموتر ولاحد يستهتر في مقاس الكفرات

[قشاع الرمث]

السلام عليكم ورحمة الله وبركاته

جزاكم الله خير جميعا

الاخ الثويرات وانا اخوك ما احد كذبك
ولا هذا المقصد ولاكن كان ودي اتاكد
والف شكر على العموم ابجرب باذن الله
واعطيكم خبر .

مع الشكر الجزيل لتفاعلكم ...

[مواطن]

انا يااخ قشاع صار معي نفس المشكلة ومافيه شي ماسويته والحل مثل ماقالوا لك غير طرمبه البنزين وحط طرمبة باترل فتك والشي الثاني اذا عندك تقطيع او تعتعه من حساس الهوا والله يعينك عليه بالوكاله ب1700 ريال وتراه مهم من ناحية ثقل الموتر لانه يضعف العزم وآ سف على التطويل

[جبلاوي]

شكرا لردود الأخوان
لكن انا باعتقادي اولا يحل المشكلة الأساسية اللي تخلي الموتر يرجع لطبيعته لأن ال 4500 ممشاة في الخط زين ثم بعد ذلك اذا يبي يزود القوة يشوف حلول اخرى مثل الهدرز والفرارات والطرمبة

[Abu Saad]

تاكد من الدزق والكلتش .
والله اعلم.