جهاز مارشال للبيع مع ريش (( اخت الجديدة))

[طلق الصيد]

عندي جهاز تتبع للصقور ((اخت الجديدة ))
نوع الجهاز المارشال((وولد لييف))
ابو 16 ريشة جهاز عملي
مع ريشة واحدة جديدة استعمال بسيط

[شبراق]

هل سيم ؟

كم حدك فيه ؟

الريشة كم رقمه وش نوعه مارشال السوداء ؟ وكم كيلو تجيب ؟

[الدكتور00]

أخوي ( طلق الصيد ) ..



مساك الله بالخير ،،








لو تكرمت نبي صورة للريشة .. أو عطنا ماركتها ونوعها الله يحفظك ،،
وبخصوص الجهاز هو كما ذكرت WILD LIFE .. إمريكي ومعروف .. لكن مهب مارشل ، المارشل شركة مختلفة .







وسلامتك ،،،،،،،،،،

[Turki1]

اخي /طلق الصيد
ياليت تذكر نوع الجهاز بالضبط،هل هو من نوع مارشال ام نوع وايلد لايف؟
والله يرزقك البيعه الطيبه.

[طلق الصيد]

السلام عليكم ورحمة الله وبركانه
اما بخصوص الريشة رقم 14
الجهاز مكتوب عليه (( وولد ليف))

[طلق الصيد]

وصل الجهاز ((10)) كيلو
اما نوع الريشة سوف ارد قريبا ان شاء الله

[Turki1]

حياك الله اخوي طلق الصيد
افتح الباب 1200 ريال.
والله يرزقك البيعه الطيبه.

[طلق الصيد]

سامة طيبة من وجه طيب

[الواثق 7]

السلام عليكم
راح ب 1300

[ابوحافظ]

اذا الجهاز wild Life ومعه ريشه علي انا ب1650ريال


انتظر ردك وربي يرزقك ويرزقنا

[خالدي]

السلام عليكم ورحمه الله وبركاته
عندي ب1700
بشرط انه سليم وياصل على كلامك 10كيلووان الريشه مارشيل

[الصامل111]

الجهاز علي 2000

شرط سلامة الجهاز والريشه توصل من 3الى 5 كيلو مانبى العشره

[طلق الصيد]

بيض الله وجيهكم على ذا السامات
ولكن حسب ماقال صاحب السلعة مابيبع بذا السعر
ولكن من ناحية النظافة انا اضمن الجهاز للاستعمال لفترة طويلة
وصاحب الجهاز يشرط اذا الجهاز ماوصل اكثر من (10) كيلو الجهاز له مجانا
والله يربح الجميع ان شاء الله

[المري]

الجهاز عندي ب 3000 ريال .. وعسى الله يرزق راعي الجهاز..

وتسلم اخوي طلق الصيد وماقصرت..

اخوك -بومعيض

[ابوحافظ]

مساكم الله بالخيررر. وحلال المسلم بالمزاد عندي ب3100ريال


الله يرزقنا ويرزقك ان شاءالله

[خالدي]

اخوي الريشه هي
ارتي ولا بورماكس

[طلق الصيد]

مساكم الله بالخيررر. وحلال المسلم بالمزاد عندي ب3100ريال


الله يرزقنا ويرزقك ان شاءالله
السلام عليكم ورحمة الله وبركاته
بيض الله وجيهكم على ذا السامات الطيبه
واذا انت صامل يابوحافظ
(( الجهاز نصيبك))وراسلني على الخاص
والله يربحنا ويربح الجميع

[قرناس الرياض]

الجهاز اسومه 3500 ريال اذا انت بالرياض وهذا رمي اذا بتبيع اخوك ابوراكان 0507735617

[المري]

اخوي قرناس الرياض الرجال طلق الصيد نصب لأخونا لبو حااافظ..

[ابوحافظ]

ان شاءالله شرينا . والله لايهينك يابومعيض





طلق الصيد استفسر عن الدي اتش ال ؟ وشصااار

[((الخالدي))]

الصور لو تكرمت

[طلق الصيد]

السلام عليكم ورحمة الله وبركاته
اخواني الاعزاء
الصراحة زعلتوني منكم
لو انا مكانكم واشتريت سلعه ماراح اتشرط على البايع مثلا اعطيه قيمه خياليه ثم اقول وصلي لي عند بيتي ــ بقول للرجال انا في المكان الفلاني وباجيك ان شاء الله اذا هو بيقدر يقصر علي المسافه بيض الله وجهه واذا مايقدر انا ملزوم اجيه لي عند بيته ماهوب انكم تشرطون علي اجيكم في مناطقكم هذا ماهوب عدل الا اذا احد منكم عنده راي ثاني هذا راجع له ولكن هذا المنتدى للتعارف بين الطيبين
لكن ارجوا منكم المداخله في هذا الموضوع كل واحد يدلي برايه اذا انا غلطان انصحوني (( ومستعد اجيه لو اخر الدنيا )) مافيه احد يتعلم في بطن امه مع ذلك انا ملاحظ هذه الظاهره في المنتدى وهذا دليل على ان بعض الاخوان غير صامل على سامته مع ذلك انا قلت لبعض الاخوان انا باجيكم عند الحدود
اسمحولي على ذا المداخله والاطاله وجزاكم الله الف خير ننتظر الردود منكم

[ابوحافظ]

وعليكم السلام ورحمة الله وبركاته




صباح الخير اخوي طلق الصيد



بالنسبه لي الجهاز ان شاءالله من نصيبي وانا عند سوومتي وصامل ولا اظن اني قد سمت سومه وجنبت؟


وصار بيني وبينك اتصال وقلتلك اسألي الدي اتش ال بكم يشحنون الجهاز لرفحا؟


وامس اتصلت عليك ولا رديت علي ولاعطيتني علم عن الشحن بكون انك بترد لي خبر؟


وان شاءالله مايجي مني قصور.. وابشر بالحق ومايلحق اذا علي خطا؟؟

[الف999]

الجهاز اذ منباع انا بشريه بالرياض 0555494971

[قرناس الرياض]

المعذرة يا اخوان تراني ما ادري ان الجهاز بيع او لا انا رميت بسومتي ولا شغت سومة طلق الصيد وانا قلت اذا انت بالرياض لأنني بالرياض واذا البايع بغير الرياض الله يربحه لأن هذا جهاز ولازم يجرب على لمسافات وتجرب الريشه ... وما اعتقد فيه احد بيرسل سلعته لأحد وهو ما استلم مبلغها ولا فيه احد بيرسل فلوسه وهو ما جرب الجهاز ولا يدري عنه وهذا بالنسبة للي ما يتعارفون الا عن طريق الموقع أو ما بينهم علاقة اما اللي يتعارفون ويعرفون بعض وقد تقابلوا او صار بينهم بيع وشراء فالثقة تكون بينهم موجودة ولا انا غلطان يا اخوان وكل واحد يشتري من منطقته افضل عشان ما تجي سالفة بيض الله سود الله وغيره وهذا الواقع والله يربح البايع ويوفق الشاري وتمنياتي للجميع بالتوفيق والصيد الوفير من الحباري والله يرزقنا الربيع ويغيثنا قولوا امين اخوكم قرناس الرياض وفي امان الله

[المري]

بيض الله وجهك اخوي قرناس الرياض على ذا الكلام الطيب وعزالله انك

ماقصرت.. طال عمرك..

اخوك - بومعيض

[sss1000sss]

الجهاز عندي بــــ 3300
والله يرزقك ويرزقنا

[أبتسم دائما]

السلام عليكم

العلم ياشباب نجحة الشويه ولا لسه نحنو هنا ياشباب نتابع .....

ياطلق الصيد سمعني صوتك بعت ولا لسه

[اسيرالصمت]

السلام عليكم ياليت تر سلي رقمك وعلي انا اذا الجهاز مهو مفكوك وانظيف وضمان المسافه علي 3200
ورسلي رقمك

[F77]

السلام عليكم ياليت تر سلي رقمك وعلي انا اذا الجهاز مهو مفكوك وانظيف وضمان المسافه علي 3200
ورسلي رقمك



الموضوع قديم يالطيب انتبه لتاريخ العرض
بــ 2007

تحياتي ,,,

[أبو فااارس]

ههههههههههههاآ آ آ آ آ آ آ آ آي يا آ آ آلله من زوغة عقل المسلم الرجال قامت تزاود والعرض له خمس سنوات زين اللي نبهت الربع ياf77 و الله يرزق كل واحد منكم بالجهاز اللي تمنونه