ماهي السيارات التي عرف عنها انها تنقلب !!!!!!

[ليالي المكشات]

السلام عليكم

شباب وش السيارات الي اشتهرت انها تنقلب
ناس قالوا الشاص عرف انه ينقلب
وناس قالوا الربع تويوتا
وناس قالو الهايلكس
وناس قالوا الهايلكس دفرنسين

الى درجة ان بعض الاباء يرفض انة يشتري لولدة هذه السيارات بحجة ان هذه السيارات اشتهر دايما انه تقلب
فيقوله اشتر يوكن او اكس بلور او درانقو ((دوج))
او شروكي بسبب هذه السيارات افضل من ناحية صعوبة انها تنقلب

وش قولكم يا رعين الجيوووووووووووووب بهذا الكلام !!!!!

[salehhd]

السلام عليكم

مافي سيارة الا تنقلب والجيبوب معروف انها معرضة للانقلاب اكثر من غيرها بسبب ارتفاعها عن الارض لذلك ينصح بخطورة المناورات المفاجئة
وجيبوب تويوتها قد اكون اكثرها عرضة لانها مرتفعه زيادة عن اللزوم والهايلوكس مايحتاج بعير ومافية عرض ومثلة البرادو

[googl11]

السلام عليكم
عزيزي ذكرتن بسالفه تضحك مره
كنت في احد الدول الاسيويه وكنت على علاقه في بعض العوائل في تلك الدول لغرض التجاره ومره كنت جالس انا والعائله الاسيويه والا جا واحد من ربعهم على سيكل وجلسنا نتناقش على موضوع المواصلات تصدق وش قالي قالي تصدق ان هالسيكل عمره ماطاح على جنب من شريته له الان 9 شهور معي
تصدقون يوم استوعبت الموضوع على حرصهم على قيمه الشى وسلامة الانسان مت من الضحك عارف ليه ( ياخوي فيه حوادث انقلاب تصير عندنا في شوارع فرعيه وشلون ما ادري )
مره طلعت من البيت للشارع اناضر السماء احسب فيه قصف جوي طبعا بعد ماراح الصوت الا واحد من الجيران قال لا هذا واحد داخل بحوش ابو فلان وده يتقهوى تدرون انه داخل الحوش الين بنط بالفله
(((((((( ما اقول الا الركاده ولو بسيكل ماراح تنقلب انشاءالله )))))))))

[مساير الليل]

مافيه مثل الهايلكس دفرنسين ولا إذا كان عليه سلق والله ألي كملت ؟

[Alwaily-Q8]

السلام عليكم

مافي سيارة الا تنقلب والجيبوب معروف انها معرضة للانقلاب اكثر من غيرها بسبب ارتفاعها عن الارض لذلك ينصح بخطورة المناورات المفاجئة
وجيبوب تويوتها قد اكون اكثرها عرضة لانها مرفتعة زيادة عن اللزوم والهايلوك مايحتاج بعير ومافية عرض ومثلة البرادو


صدقت تجنب المناورات المفاجئه على الطريق (( لأهل الجيوب))

[مهوس صيد]

انا معي هالكيس دفرنسين يوم ادخل لفه شوي مسرع احس انه بنقلب

[رجل كريم]

وعليكم السلام ورحمة الله وبركاته:


على حسب الارتفاع واللف المفاجيء ..(المناورات)

تحياتي ..

[Nawaf alrawaily]

يا خوي سبب الأنقلاب السرعة الزائدة . حتى وإن كانت كابرس وحابة الأرض صدقني لتشوفها متسلقيه على ظهرها ,

[راعي الركيات]

يا خوي سبب الأنقلاب السرعة الزائدة . حتى وإن كانت كابرس وحابة الأرض صدقني لتشوفها متسلقيه على ظهرها ,


اتفق معك اخوي مكتف العقرب فعلآ الارتفاع ليس سبب قوي لعدم ثبات السياره
لكن عامل المفجائه له دور كبير في الانقلاب او التسبب في حادث لاقدر الله

[غالي]

المعروف عن سريع الانقلاب فعلا السيارات الكبيره بشكل عام بغض النظر عن السرعه مثل ماقالوا بعض الاخوان
مثلا لو تمشي 120 وتلف بقوه بجيب محتمل انقلابه
اما لو سياره صغيره كابريس او غيرها على نفس السرعه 120 محتمل زحفها وليس انقلابها

واكثر انقلاب
اكثر انقلاب
اكثر انقلاب
من وجهة نظري هي السيارات ذات الدفع الرباعي بسبب فعالية الكفرات الاربعه وسهلة انقلابها ... والله اعلم

اما سؤالك عن الجيوب سريعة الانقلاب .... على حسب سماعي وشوفي بكثره انقلابها
1- الشاص
2- الربع
3-لاندكروزر صالون (عند ضرب الكفر لاقدر الله)
4- الباجيرو
5- لاندروفر
6- رانج روفر 2001 وتحت
7- الجي ام سي سوبربان ( عند ضرب الكفر 99 وتحت)

والله اعلم

[نديم السهر]

يعطيكم العافيه جميعآ

على ما اسمع واشوف ومثل ماقالو الاخوان

الجيب الشاص

الربع

لاندكروز والصالون خاصه مع البنشر طبعآ فيي بعض الموديلات

السفاري ماشاء الله قليل ينقلب

[باثفندر]

http://www.mekshat.com/pix/upload/sign/images/mk41765.gif


السيارات اذا كانت شد بلد كفراتها وارتفاعها تكون باذن الله اامن بس المعروف عن بعض السيارات سرعة

انقلابها مثل :-

الشاص واللاند اذا كان عليه بوالين وعلى سرعة ومنعطف قوي سرعة الانقلاب .

النيسان الربع اذا كان مرفوع وعليه بالون

الرانجلر اذا كان مرفوع ولاغير له مساعدات ايضا

وجهه نظر .

[ملك الغضى]

:mad: انا عندي وجهة نظر انه كل مازادت المسافة بين الجنط ودعسة الكفر زادت نسبة حدوث الانقلاب والدليل انظر المرسدس والبيام تجد المسافة قصيرة جدا ايضا انا اسمع ان الباترول اكثر امان بعد الله عند ضرب الكفرمن اللاند اخيرا اقول سلملي على المرسدس عند ضرب الكفر والله ان يضرب الكفر ويتقطع وانت ماشي والله ماتدري :j

[ابو سمحه]

===== جيب تا يوتا اسرع انقلاب في المسا يف=====

[*الـزيـن*]

يابعدي مافيه شي ماينقلب

انا شايف بي ام دبليو موديل السنه وفل كامل الي ماوراه شي قسم بالله انه منقلب مايقارب اربع الى 6 قلبات

والتعامل الزين مع الموتر والسرعه لها دور يعني الي ينقلبون في مواترهم يعني ماجاء من فراغ ابد يعني عمرك سمعت واحد يمشي في موتره وفجئه ينقلب من الباب للطاقه ( ماقد صارت )





اخوك الزين

[أبووليد..]

معلييييييش ياشباب ..
المعروف عن الشاص انه ماسك أرضه وثابت ..
وإسأل مجرب ..

[اسهيل]

اولأ مبارك عليكم الشهر
الشي الثاني : اعتقد ان اكثر سيارة معرضه للنقلاب هي البفاندر(فاندر )نيسان
حتى انه مكتوب على الشمسية حقت السواق في بعض المديلات تجنب المناورة الحادة يعني انتبه تلف بسرعه :(

[اسهيل]

اولأ مبارك عليكم الشهر
الشي الثاني : اعتقد ان اكثر سيارة معرضه للنقلاب هي البفاندر(فاندر )نيسان
حتى انه مكتوب على الشمسية حقت السواق في بعض المديلات تجنب المناورة الحادة يعني انتبه تلف بسرعه :(

[محب النبى]

اولا الحافظ الله سبحانه

ثم ترجع للسواق وغير كذا لا والف لا

وصلى الله على محمد وال محمد

[غضنفر]

عن سابق تجربة
الشاص تويوتا ما فيه اسهل من قلبته بالنفود
ولا يهون ولده الاصغر الربع
وحتى ولد عمهم الهلكس دفرنسين
ارتفاع هائل يقابله ضعف شديد في انظمة الثبات
قارن بين ربع النيسان والتويوتا
من ناحية الدفرنس الامامي والخلفي
بغض النظر عن كون النيسان ياي والتويوتا سست
في النيسان بتلقى اكثر من عمود للتوازن يربط بين الكفر الايمن والايسر
في التويوتا زين ان حطوا لك واحد

[الوعد قدام]

السلام عليكم

شوف في المقطع وش صار لـ الشاص

هدية لبو وليد الي يقول الشاص ماسك ارضه يمكن يقصد ماسك سعره


http://mob.fahrs.com/blue-16.html

على فكره الشاص 2008 بـ 99000

[ابو ناصر2020]

شف هي اول شي حفظ الله
وثاني شي السواقه انا معي هايلوكس دبل والحمد لله مرتاح بس مامن سرعه
واحد من اخوياي معه هايلوكس دبل انقلب وكان يمشي 80 كيلو بساعه
ولا بردميه مهوب بلفه او شي ثاني زحف الهايلوكس الين انقلب ولا كان مركب كفرات عريضه مرره
ووالشاص بعد يقلب والربع والصالون

واخيرن الحافظ الله سبحانه

[رجـ الصدى ـع]

طيب ياشباب وش أقل الدفع الرباعي تعرض للإنقلاب .. من وجهة نظري:
- الباترول .. لدرجة أن واحد كان يفحط بموتر أبوه .. باترول ربع حق الحرس .. ولاتشوف إلا تعقيييييد .. أمحق حفظ للأمانة والحبل على الغارب .
- شروكي .. إذا لم يرفع .

[شاهين الباز]

ما قصرو الإخوان وكل شخص هو ابخص بموتره....


لكن أنا من وجهة نظري إن السياره من يوم تشوفها تعرف هل هي سهلة الإنقلاب ولا لا

يعني تقارن الإرتفاع بالعرض وعرض الكفرات ورفعها ونوع المساعدات هل هي سست ولا ياي ولا هيدروليك !!!


والله أعلم

[تيتشر]

اذكر يوم كنت صغييييييييييير جلست مع اخوي واخوياه

وجالسين يضحكون على واحد من اخوياهم معاه مازدا طبعا اظن موديلها 83 او شي زي كذا وكانوا يسمونها بقره لانها تنقلب بسرعه

تحياتي

<=== قصة حياته

[ابوريناد1979]

ولابهون البرادو
اعرف واحد معه وماشي بتقاطع طلع له راعي لومينا وضربه على البيبان وانقلب على طول :confused:

[شبح الصحراء]

الى درجة ان بعض الاباء يرفض انة يشتري لولدة هذه السيارات بحجة ان هذه السيارات اشتهر دايما انه تقلب
فيقوله اشتر يوكن او اكس بلور او درانقو ((دوج))
او شروكي بسبب هذه السيارات افضل من ناحية صعوبة انها تنقلب

وش قولكم يا رعين الجيوووووووووووووب بهذا الكلام !!!!!
شكلك مسوي دعاية للأمريكي مع ان مافيه اخطر من الجمس اذا ضرب كفر كم من عائلة راحت فيها بسبب انقلابة جمس ، والياباني ليس أكثر عرضة للإنقلاب من الأمريكي ولكن لأن الأمريكي أقل انتشار من الياباني فقليل تسمع عن حوادث الأمريكي وكذلك لا تنسى ان اكثر من يشتري الأمريكي هم كبار السن وأصحاب العوائل لأنه مريح وهذه الفئة من الناس سواقتها راكدة علشان كذا قليل تسمع عن سيارة امريكية تنقلب بعكس الياباني اكثر انتشار وكثير من يشتريه شباب وأنت تعرف سواقة الشباب .

هذا مقطع لليوكون اللي تقول عنه آمن ، انقلب بالنفود بكل سهولة !!! :

http://www.phroon.com/up/download-2.asp?file=gmc_yukon108.zip

[الدحبول]

جميع سيارات الدفع الرباعي سواء أمريكي أو يابانية أو حتى الالماني
لي ارتفاعة عن سطح الارض وخصوص في الاماكن الوعرة مثل الصخور والرمال وفي حال الاستهتار
مثل راعي اليوكن مستهتر وطلع على صخرة ونقلب لاحول والاقوة إلا بالله
وراعي الشاص بعد أحد يوقف بهذي الطريقة
الحمد الله
الصناعات السيارات بدائة في تطور كبير وتم وضع النظامة لي المحافضة على ثبات
بالنسبة اليابانين أتوقع بعد عشر سنوات رح يكبونه في سياراتهم ورح يخلونه إختياري أقصد تويوتا

[سفير الجزيرة]

البراود سريع الإنقلاب لأنه مثل خبزة التوست واقف وسهل الإنقلاب في الملفات القوية

[السنع كله]

الارتفاع له دور عرض السيارة بالنسبة لطولها له دور والقيادة والركادة لهما اكبر الاثر 000ايام زمان كان البيجو اكثر السيارت انقلاب

[sal7]

كل السيارات بيد الرجال ما تنقلب و السياره اللي بيد بزر لو هي
bmw تبي تنقلب

و انا جربت الشاص و الربع التايوتا و السلقه (و انتم بالكرامه)
كلها بالطرد نمشي بالمطينات شيء ما يصدق و كذالك بالنفود

و للمعلوميه الربع التايوتا أرسا من الباترول في الجلد و في النفود
العكس الباترول أفضل من الربع
و صدقون الموتر على يد سواقه

في امان الله

:)

[مدور ربيع]

الاكيد ان السيارات المرتفعه .. (( جميع سيارات الدفع الرباعي ))


هي الاسرع انقلابا .. وهذا موجود بكتلوج السيارات ,, لدرجة انهم يحذرون من الرياح الجانبيه القويه .. خوف من الانقلاب

وهذا الامر شيء طبيعي .. حتى مع الاغراض العاديه , فكل مارتفع الشيء سهل انقلابه


وتأتي طريقة القيادة كعنصر اساسي , فبعض السائقين (( مثل مقطع اليوكن )) هو من سبب الانقلاب لنفسه , لانه لم يتصرف

بالشكل الصحيح , والاجدر انه استمر بنفس سرعته , وما ترك الحمل على الكفر الامامي ولو حاول الانعطاف يمين ماصار له شيء


عموما .. من الاسباب القويه للانقلابات .. هو غلطات السائقين بالتعامل مع الكفرات الاماميه

[مغلي]

اي سياره دبل وايضا رفيعه عن الارض مثل الجمس واليوكن والجيوب كلها بدون استثنااااااااااااااااااااااء بس هناك اختراع شفته من مده عباره عن مساعد يمنع الانقلاب وسعره كان بحدود ال 2000 ريال

[محتري السيل]

وعليكم السلام

كل مازاد الأرتفاع وصغر طول المحاور بين الكفرات كانت أكثر عرضة من غيرها للأنقلاب

وكل شيء بقضاء الله وقدرة

[alkongrs]

منتب قالب الا اذكتبه الله لا تسرع ومنت قالب باذن الله تعالى

[Alwaily-Q8]

اي سياره دبل وايضا رفيعه عن الارض مثل الجمس واليوكن والجيوب كلها بدون استثنااااااااااااااااااااااء بس هناك اختراع شفته من مده عباره عن مساعد يمنع الانقلاب وسعره كان بحدود ال 2000 ريال


يا ليت لو تكلمنا عن هذا الاختراع وتعطينا معلومات اكثر...

وشكراً

[بواردي الدلم]

مافيه اسرع من قلبه البيجو والجيب السوزوكي

[عاشق البراد]

طيب ياشباب وش أقل الدفع الرباعي تعرض للإنقلاب .. من وجهة نظري:
- الباترول .. لدرجة أن واحد كان يفحط بموتر أبوه .. باترول ربع حق الحرس .. ولاتشوف إلا تعقيييييد .. أمحق حفظ للأمانة والحبل على الغارب .
- شروكي .. إذا لم يرفع .



على طاري الشيروكي يالحبيب ..لايفوتكم المقطع (حسبي الله عليه)

http://www.youtube.com/watch?v=6mFoQtpsVQA

[الفارس الأسمر]

جيوب تايوتا أكثر أنقلاب في الخليج