المساعد الشخصي الرقمي

مشاهدة النسخة كاملة : الفزعة: البطاريات AAA والشاحن Gp الخاص بها


كروكي
20/09/2007, 12:55 PM
السلام عليكم ورحمة الله وبركاته


اخواني تكفون دلوني وش الحل في اللي انا فيه


القصه وما فيها اني شريت كمرة canon S5 من الوكيل الي بعمارة المملكة


البيعة تمت على الكمرة واالشنطة والشاحن GP و البطاريات معها


اثناء الاستخدام البطاريات ما تكفي الا من 2 الى 5 صور


ولذلك استخدم البطاريات السبير الي كنت مستعد بها لمثل هال الحالات


مالكم بطولها


رجعت للوكيل قال الضمان ما يشمل الهدية ( معتبر الشاحن والبطاريات هديه )


لا ويقول انا انصحك بالكمرات ذات البطاريه الليثيم ( وشو بعده ، هال الكلام ما طلع الا ذلحين)


يالربع


انا مقتنع بالكمره وكذلك البطاريات( لإمكان إستخدام الاسبير بسهوله وتوفرها بكل مكان)


الحل والفزعه يا الوجيه الطيبه في :


اولاُ : وش الحل بالشاحن الي عندي والبطاريات


ثانيا: ماهو افضل شاحن وبطاريه بديلة عن GP


ثالثا: كم قوة البطاريه المناسبة للكمرة


شاكر لكم الفزعة مسبقا


اخوكم / كروكي
كانو1
20/09/2007, 01:19 PM
أخوي كروكي السلام عليكم
والله يالضمان عندنا في السعودية خرطي كله ما عاد أصدق أي ضمان من كثر ما حصلي .
أنصحك مر على ساكو وخذلك من عندهم شاحن وبطاريات قابلة للشحن وترى الأنواع اللي عندهم صيني بعضها طيب ويشحن معظم البطاريات أهم شيء إن البطارية تكون قابلة لإعادة الشحن .
أتمنى أني قد أفدتك ولا أريد سوى الدعاء .
الوشاح
20/09/2007, 01:57 PM
الموضوع سهل ...... مر على اكسترا غرناطه واشتر بطاريات سانيو بدون شاحن ( الشاحن عندك )
2500ma واذا ماحصلت خذ 700 تكفيك

ومبروك عليك الكمرا
كروكي
20/09/2007, 02:12 PM
مشكور اخوي كانو1 على مرورك
____________________________


اخوي الوشاح تعتقد المشكلة في البطاريات


وهل شركة سانيو جيده


مع العلم ان العامل الي في الوكالة اتصل بالصيانه وانا موجود في المحل


وكلمت الي في الصيانة وقال ان شاحن وبطاريات سوني هي الافضل


( شف يمدح شركه غير شركته خوش وكاله )


بس حبيت اخذ وجه نظر المجربين والي عندهم شواحن وبطاريات


لان ما يمدح الشي الا الي مجربه


اخوكم / كروكي
عبدالله العمرو
20/09/2007, 02:37 PM
أخوي كروكي :

لعلمك أولاً : إن أي بطارية قابلة للشحن يجب ألاّ تقل فترة شحنها عن 8 ساعات لأول مرة ...

يعني وانا اخوك أي بطارية جديدة أو أي جهاز يعمل بالشحن اتركه 8 ساعات حتى لو اعطاك إشارة اكتمال الشحن ... هالكلام لأول مرة تشحن فيها الجهاز أو البطارية ... و في المرات الجاية تشحن حسب إشارة الشاحن ...

ثانياً / لا تترك البطارية حتى تفرغ تماما وتعصر كل ما فيها من طاقة لأن الكثير من البطاريات إن فقدت كل طافتها لا تستجيب للشحن مرة أخرى .....

وثالثاً وأنا أخوك إن كان حولك فرع لــ ( جيان أو أي من الأسواق الكبيرة ) خذ بطاريات- AAA- ENERGIZER وتأكد إنها RECHARGABLE قابلة للشحن وهناك شاحن ضخم اسمه : BUDDY L SUPER CHARGER

وموفق إنشاء الله ...
كروكي
20/09/2007, 03:03 PM
أخوي/ عبدالله العمرو


مشكور على مرورك وعلى المعلومات الي طرحتها


ولكن هل اقول السلام على الشاحن والبطاريات او البطاريات بس


او اشتري البطاريات الوصيتني عليها واجربها مع الشاحن الي عندي


وإذا ما نجحت اشتري الشاحن الي قلت عليه


علماُ ان الشاحن والبطاريات الي عندي استمر الشحن اكثر من 12 ساعه


الخوك / كروكي
الوشاح
20/09/2007, 03:08 PM
مشكور اخوي كانو1 على مرورك

____________________________


اخوي الوشاح تعتقد المشكلة في البطاريات


وهل شركة سانيو جيده


مع العلم ان العامل الي في الوكالة اتصل بالصيانه وانا موجود في المحل


وكلمت الي في الصيانة وقال ان شاحن وبطاريات سوني هي الافضل


( شف يمدح شركه غير شركته خوش وكاله )


بس حبيت اخذ وجه نظر المجربين والي عندهم شواحن وبطاريات


لان ما يمدح الشي الا الي مجربه



اخوكم / كروكي



بطاريات سانيو ممتازه ..... من تجربه

عندي ثمان بطاريات لهن سنتين معي زي الحلاوه

اشتر وعلى مسؤوليتي

بالمناسبه .. سانيو افضل شركة للصناعة البطاريات بالعالم :)
عبدالله العمرو
20/09/2007, 03:14 PM
أخوي/ عبدالله العمرو



مشكور على مرورك وعلى المعلومات الي طرحتها


ولكن هل اقول السلام على الشاحن والبطاريات او البطاريات بس


او اشتري البطاريات الوصيتني عليها واجربها مع الشاحن الي عندي


وإذا ما نجحت اشتري الشاحن الي قلت عليه


علماُ ان الشاحن والبطاريات الي عندي استمر الشحن اكثر من 12 ساعه



الخوك / كروكي




أخوي كروكي طالما عندك الشاحن والبطاريات وش المشكلة ؟؟؟

إذا كنت تبي زيادة بطاريات إضافية خذ إنرجايزر أو سوني مثل ما تفضل أخوي الوشاح ..

أما الشاحن لا تشتري وانا أخوك طالما الشاحن اللي عندك يشحن ....
تحياتي ...
كروكي
20/09/2007, 03:17 PM
مشكور اخوي / الوشاح على المرور والمعلومه


الله لا يخليني منكم اعضاء مكشات


اخوكم / كروكي
كروكي
20/09/2007, 03:24 PM
مشكور اخوي / عبدالله العمرو


اخوك / كروكي
فتى الدهناء
20/09/2007, 09:15 PM
شف يالغالي .. فيه نوع مضروب من الــ Gp
فأنا جرّبت الأصلي والتقليد .. التقليد مايكمّل ربع ساعة الا وهو يلفظ أنفاسه ..

أما الأصلي فعندي 2000 ملي امبير استعمله ثلاثة أيام في البريّة مابين تصوير ثابت وفديو وحربثه ..
الأصلي شريته من ( أحمد عبدالواحد ) العقارية عمارة 2 على ماأذكر .. بــ ثمانين ريال الشاحن وأربع بطاريات .. لون الشاحن بردقاني على صفار بيض :)

وفقك الله
كروكي
20/09/2007, 09:40 PM
اخوي / فتى الدهناء


اشكرك على المرور


اخوي اما لونه بردقاني على صفار بيض ، هذي الوان جديده ، امزح معك


لكن الجهاز ماخذه من الوكيل ، معقول يعطيني جهاز وبطاريات مضروبه وش مصلحته ، الا اذا كان بيضر سمعته


وتقول استعملت الاصلي والمضروب ، الاصلي وعرفنا مكانه ، بس المضروب من وين شريته ، علشان نبعد عنه


اخوك / كروكي
كروكي
21/09/2007, 02:42 PM
اخوي / فتى الدهناء


ما قدرت احدد اللون قلت ارفق صوره للجهاز مع البطاريه


http://www.mekshat.com/pix/upload/images48/mk24153_gp1.gif



مع الشكر ، اخوك / كروكي
أبو الطلعات
21/09/2007, 04:53 PM
السلام عليكم ورحمة الله وبركاته
شكراً لك أخوي كروكي في طرح الموضوع ، كما أشكر الأخوان على تفاعلهم .
وعندي بعض الإضافات لنفيد ونستفيد .
فيه عند ساكو أنواع متعددة من الشواحن بعضها معها بطاريات وممكن تشتري بطاريات لوحدها ( قابلة لشحن )
ومعروف أن ساكو لديها أكثر من فرع في الرياض .
وفيه بعض الشواحن تقدر تشحن بها البطارية AA أوالبطارية AAA حيث تضع البطارية في نفس المكان فهو مجهز ومناسب للبطاريتان .
وتقدر تمر ساكو الي بجنب اكستر وتشوف الفرق ، وأذكر ان عند محل بست بطاريات فقط
وحصلت في الأثنين بطاريات بقوة 2500 mha وهي أعلى قوة للبطارية حتى الآن وتحتاج فترة أطول في مدة الشحن .
وصراحة الشواحن كثيرة لكن كيف نختبر الشاحن ونقدر نقارنه بالشواحن الأخرى ونعرف أنه يعطي أفضل شيء بالنسبة لباقي الشواحن .
وشكراً للجميع .
فتى الدهناء
21/09/2007, 08:38 PM
اخوي / فتى الدهناء



ما قدرت احدد اللون قلت ارفق صوره للجهاز مع البطاريه


http://www.mekshat.com/pix/upload/images48/mk24153_gp1.gif




مع الشكر ، اخوك / كروكي



ايوه بالضبط .. هذا هو البردقاني ;)
بس اللي كان معي 2000 ملي امبير وكان ودي أحصل 2400 وفوق لكن مالقيت
وبالنسبة للمضروب شريته من برا .. وصناعته ماليزي ..
شيّك على اللي عندك .. وبعدين الوكلاء بهالوقت ذممهم وانا اخوك واسعة .. وسع الدهناء :D
وفقك الله
كروكي
21/09/2007, 09:18 PM
اخوي / فنى الدهناء
شيكت على الي عندي وطلع صناعه china
ودي استفسر منك الأصلي ألي عندك ومأخذه من العبد الواحد وش صناعته


__________________________________________________ ___________


اخوي / أبو الطلعات
وعليكم السلام ورحمة الله وبركاته
اشكرك على طلعتك والاضافات الي ضفتها
ومن طلتك جاتني فكره الي هي
حصر الشواحن والبطاريات القابله للشحن والتي يستخدمها الاخوة الاعضاء
وذلك لمعرفة الشواحن الى تعطي افضل اداء مقارنة بباقي الشواحن
اخوكم / كروكي
فتى الدهناء
22/09/2007, 12:07 PM
اخوي / فنى الدهناء

شيكت على الي عندي وطلع صناعه china
ودي استفسر منك الأصلي ألي عندك ومأخذه من العبد الواحد وش صناعته



تشاينا .. أجل نفس اللي عندي .. غريبه !
يمكن الخطأ في الطريقة .. أو انك مغيّر بالأزرار ..
كروكي
22/09/2007, 06:49 PM
اخوي / فنى الدهناء
مساء الخير ، كنا وصلنا للحل


ترا مهنا الا زرار واحد في الشاحن ، كما هو واضح في الصوره


http://www.mekshat.com/pix/upload/images48/mk24153_gp2.gif




هل وضعه كما في الصوره ولا في الجهة الثانيه


والعذر والسموحه لاني طولتها شوي


ومشكور ، اخوك / كروكي
فتى الدهناء
22/09/2007, 09:39 PM
نعم ضعه كما في الصورة .. واذا انتهى الشحن .. على طول البطاريات في بطن الكمرا .. لأن تركها مده طويله بالخارج أو اذا لامست بعض الأجسام .. ربما يحصل تفريغ .. لأنها بطاريات جافه ..

وفقك الله
كروكي
22/09/2007, 10:21 PM
اخوي / فنى الدهناء


انا استخدم نفس الطريقة


ومع ذلك سوف اجرب ، لعلنا ننجح ، ولا مالها الا بطاريات جديده وهي مهب خساره


ومشكور ، اخوك / كروكي