يا اهل الجيوب ياهل التجالرب

[ابو سليمان]

انا يا جماعه شفت الجيب السزوكي الفيتارا واعجابني فاوش رايكم يا اهل الخبره او من جربه الرجاء انه يعلمني وما قصرتوا و مشكورين الف شكر .

[الخبير]

ابو سليمان يا مرحبا
الرجال مهوب سهل 6 سلندر حوالي 165 حصان لكن تبي الصحيح شف بنفسك سوزوكي فيتارا (http://www.suzukiauto.com/sr02/gv/gv_flash_int.html)

[الهاوي]

اقول رايي انك تاخذ موتر لك ولزمان يعنيان بغيت تبيع وليه شيك وان استعملت ليه منظر ورزه يعني لا تبعد عن التيوتا لاند كروزر GXR وبس

[نجم سهيل]

حياك ابو سليمان, ان مع راي اخوي الهاوي لايفوتك اللاند بالذات هالوقت....قل ليش؟؟

لأن تصدقون يالربع ان اللاند GXR1 موديل 2001 قيمتة 101500 فقط!!!!! يعني سعرة طاح منة فوق 28000!!!! طبعاً كل الموديلات انتهت ومابقي الا GXR1 عند عباللطيف جميل. انا ماخذ منهم في رمضان اللي فات يعني قبل شهرين لاند GX ب 108000 يعني اغلى من GXR1 بحدود 7000 ريال.

المهم لايفوتك هالعرض يابوسليمان انكانك من هاويين اللاند كروزر..

والله يبارك لك في اللي بتشتريه يابو سليمان مقدماً ويعطيك من خيرة ويكفيك شرة.

وسلامي للجميع

[ابو سليمان]

هلا والله بالخبير والهاوي ونجم سهيل مشكورين وما قصرتوا
بس يا نجم و الهاوي انا وانا اخوكم امشي في اليوم من 100 الى 150 كيلو غير الخميس والجمعه اما طلعت لبر ولا رحت منا ولا منا و عشان كذا فكرت في السزوكي لانه ما يصرف بنزين والاند وانا اخوكم ما عليه ترا يصرف .
وبعدين انا كان معي جيب سلقه شريته مستعمل موديل 99 ماشي تقريباً يوم اشريه 17000 بس و نظيف ما مثله والله ماخذه بسعراً زين لاكنه ملعون والدين اعبيه كل يومين بــ 70 ريال واذا دخلتبه نفود ما يمشي الا حوالي 300 كيلو .
مع انه والله موتر وخفيف ولا يحتمي كلتشه بسرعه حتى لو تشب عليه بس صرف هالبنزين ولد الحراش
:D :D :D
ولا الاند ممتاز والي يقول فيه شي مهبول بس ان فيه مشكله في الموديلات من 97 ونازل انه يحتمي كلتشه بسرعه اذا شبيت عليه في النفود وييصير ما يعشق الدبل الثقيل واحياناً اذا صار الكلتش اك عليه شوي معاد يعشق الدبل الا كود تخليه الين يبرد
عاد ما ادري الجديد هم صلحوا المشكله ولا لا .
و تقبلو تحياتي

[بو خليفه]

سعره رخيص كون يوجد فيه مثبت سرعة و مكيف خلف و سبع أشخاص Abs
و لكن وصلت الوكالة و سألت الضمان فقط على ماكينا والدفرنش فقادرت الوكالة بسبب أن الضمان غير شامل الأدوات الكهربائية

[salehhd]

السلام عليكم

الموتر ممتاز وخفيف وسعرة مناسب جداً في البر يطرب

بالنسبة لوكيله الشهادة لله ما شفت احد يشتكي منه وواحد من زملاي اخذ واحد قبل كم يوم ويمدح فيه

عيبة الوحيد الضيق فقط والسيارة محترمة بمعنى الكلمة

[escape_man]

انا مع الاخوان الي يأيدون شريته ممتاز جدا ولابه عيب الا صغره بس وعسر بيعته او بالاصح يطيح قيمته
وكذلك معروف اسعار قطع الغيار غويليه شوي