المساعد الشخصي الرقمي

مشاهدة النسخة كاملة : اللي معه باث فاندر يدخل


Y A S S E R
22/09/2007, 09:25 AM
السلام عليكم ,,

أخواني انا رايح لسنيدي وابشتري لي التلبيسه اللي ورى مرة ؟

عرفتوها ؟

اللي لها جيوب ومخابي وتفرش على كامل اللي ورى ..

المهم وش اسمها وبكم ؟

ــــــــــــــــــــــــــــــــ


الامر الاخر /


ابأرفع الموتر من ورى وش ر ايكم بالكعكات ؟

اليايات غاااااليه 550 رياال !




....
escape_man
22/09/2007, 11:17 AM
اسمها تلبيسة باث فايندر

تلاقي التلبيسة مكتوب عليها نوع السيارة

سعرها يوم اخذها قبل 7 شهور تقريبا (قبل غلا الرز) بـ 75 ريال

بصراحة خياليه

شغلة الكعكات مالي علم فيها
خالد940
22/09/2007, 11:33 AM
مثل ما قال الاخ سكابي مان اسمها تلبيست باث بس خذ تنزاني ابرك
اما الكعكات ماي علم فيها
مساير الليل
22/09/2007, 12:48 PM
قبل سبوعين كنت في برق الحيا وموجوهـ عندهـ التلبيسه
أبرق الشقيقة
22/09/2007, 01:52 PM
السلام عليكم ورحمة الله وبركاته

هلا اخوي ياسر بالنسبة لتلبيسة الي تقول عنه ااذا بالقصيم تلقاه يمكن ولا هب اكيد لأني تعقدت من كثر ماروح ولا القى الي ابي السنيدي وعروق الشمال

وبالرياض ياطويل العمر فيه محل العليان الي على متداد خريص بتلقى عنده انشالله

وبالنسبه لليايات شف الرابط هذا يبي يفيدك انشالله الأخوان ماقصرو وبالتوفيق يالغالي
http://www.mekshat.com/vb/showthread.php?t=100929&page=3
ق ب م 632
22/09/2007, 01:53 PM
اذا على التلبسيه افادوك الشباب


واذا على الكعكات انصحك تركب كعكات على مساعدات الوكاله وراح يأخذ شهر تقريبا وينزل شوي لكن يبي يصير ارفع من الوكاله وتبي تصير وقفته حلوه بالحيل




اتمنى افدتك




واي استفسار انا حاظر
عبدالرحمن 11
22/09/2007, 04:20 PM
وعليكم السلام ورحمة الله وبركاته

اذا تبي التلبيسة شغل صح ويناسب مع الللون داخل الباثفندر خل عنك الصبني ابو سبعين ريال

وتلقاه في محل في بريده اسمه غنام شغله ميه بالميه.

وخذ وصف المحل :وانت طالع من بريدة تخلي موقف النقل الجماعي على يدك اليسار, وتطلع سيده

والمحل يجي على يدك اليمين والمحل صغير يعني يبي لك تركز شوي عشان تشوفه.

وبالنسبة للكعكات حلوه ورخيصه وانا مجربها ركبت امامي وخلفي وكلفت الشغلة 500 ريال,

رفعت الامامي 2سم والخلفي 3سم , واستخدمتها مدة سنه كامله ما شفت اي ملاحظة عليها ولله الحمد.
نمر بن حثلين
22/09/2007, 04:43 PM
بالنسبه للتلبيسه انا افضل شغل عروق الشمال عن شغل السنيدي
السعر العام مفصله ب150 ريال بس تراه نزاني ومبطن باسفنج
وهذي صورته بس عيبه على الجنوب ما حطو الا ربطه وحده للتثبيت والمفروض يحطون ثنتين بكل جهه عشان يرتفع صح
بس مادري هل يتوفر عندهم جاهز ولا لازم تفصيل
http://www.mekshat.com/pix/upload/images21/mk7373_09.jpg

وبالنسبه للكعكات هذي تجربه الاخ عجاج مع الكعكات



الحقيقة ماعندي كمرة اصور الكعكات ولكن هي عبارة عن قطعتين المنيوم على شكل طاسة مفتوحة من الوسط ارتفاع الوحدة 3سم يوضعن تحت اليايات بالخلف ( يلقفن اليايات) وذلك يؤدي الى ارتفاع الياي 3سم ... والسعر 50 ريال للثنتين والتركيب لايتجاوز 50 ريال خلال نصف ساعة ومكان البيع عند محلات قطع الغيار واذا ماحصلت تجدها عند المخرطة لان محلات قطع الغيار يأخذونها من المخارط .. ارجو ان المعلومة وصلت
Y A S S E R
23/09/2007, 07:29 AM
الاخ نمر بيض الله وجهك ووفقك الى كل خير ويسر امرك
وابعد عنك الشر وحماك الله ..

امين
امين
امين
أبدعت

ممكن وصف عروق الشمال ؟ واين مكانه؟
أورقم الهاتف؟
نمر بن حثلين
23/09/2007, 01:07 PM
حياك الله اخوي وجزاك الله خير وكان ودي لو انك رديت على كل الاخوان

هذا وصف عروق الشمال من السنيدي سيده لحد ما يجيك فندق موفنبيك على اليسار
http://greee7.googlepages.com/3ROG1.jpg

http://greee7.googlepages.com/3ROG2.jpg

ورقمهم 3855666
جنتلمان نجد
23/09/2007, 01:18 PM
ماقصرو الشباب جميعاً ,, الله يعطيهم العافيه