هل يوجد طريقه لتقليل صرفية البنزين في الباترول ؟

[ع . خـــــاص]

السلام عليكم ورحمة الله وبركاته

اما بعد ....

عندي باترول ( 99 ) كل بليتر اعبي فل كل التانكين ويمشين 410 كيلو مع العلم اني منظف الكل بليتر .

1س/ هل هذه الصرفيه معقوله ام لا ؟

2س/ هل يوجد طريقه لتقليل هذه الصرفيه ؟ وما هي الطريقه ؟

(( وتقبل الله منا ومنكم صالح الأعمال ))

[صقر20]

حياك الله أخوي
س:بكم تعبي التانكين ؟؟
وأرجع بإذن الله أعطيك حلول بعد الصلاة

[ع . خـــــاص]

هلا فيك اخوي صقر 20
ج /اعبي التانكين تقريبن با 48 ريال او 50

[صقر20]

هلا فيك اخوي صقر 20
ج /اعبي التانكين تقريبن با 48 ريال او 50


أجل الممشى حلو وطبيعي ولاتنسى أن موترك كلبليتر

أنا معي بخاخ موديل 99 سوبر سفاري
أعبيهن ب64 والممشى حول ال550 الى 600 على حسب السرعة
حلول:
1- تركيب فرارات وموجوده بالغرابي قيمته 480 ريال.
2- تركيب مرواح كهرب سوبارو وراح تحس بفرق كبير ويخف عليك الموتر بالخط ,,,وتقل واجد صرفية البنزين.
3- بواجي وصفاي بنزين.
4-عمل تصفية وتنظيف للكلبليتر عند ميكانيكي جيد.
والله يوفقك ويسعدك
تحياتي

[NAWAF90]

السلام عليكم ورحمة الله وبركاته

نفس الشي أنا معي باترول 2005 وإذا اسرعة البنزين يطير

[التعـ King ـديل]

اخواني معروف ان الموتر مهما كان نوعه فوق 130 يفتح كل صماماته
اللي مايبي صرفيه بالباترول يحدد سرعته بـ 140 على الخط منها يحفظ نفسه وبنزينه
ويركب فرارات زي ماقال اخوي صقر مع مرواح كهرب سرعتين
وفي نقطه مهمه اهم دعسه رجلك تكون موزونه مب كل شوي داعس ورافع رجلك وداعس
ترا هذا يضر بالموتر مهما كانت صناعته ويقلل من عمره الزمني

[shaheenshah]

اخوي عسول وشي مراوح كهرب سرعتين؟

[قناص متقاعد]

اشتر فتك وانا اخوك وانسى الصرفيه مررررره .

والله اني مشيت عليه مع خط الجنوب وصفرت العداد وقطعت مسافه 620كم وباقي تحت خط الربع ويوم شفت على القارمن اقرب محطه وليتها تبعد عني مسافه 100كم وخفت انه يقطع مايوصلني . يعني اعتقد انه بيمشي 650بالراحه .

مع العلم ان ممشاي 140كم بالمكيف

[مغلي]

أجل الممشى حلو وطبيعي ولاتنسى أن موترك كلبليتر




أنا معي بخاخ موديل 99 سوبر سفاري

أعبيهن ب64 والممشى حول ال550 الى 600 على حسب السرعة

حلول:
1- تركيب فرارات وموجوده بالغرابي قيمته 480 ريال.
2- تركيب مرواح كهرب سوبارو وراح تحس بفرق كبير ويخف عليك الموتر بالخط ,,,وتقل واجد صرفية البنزين.
3- بواجي وصفاي بنزين.
4-عمل تصفية وتنظيف للكلبليتر عند ميكانيكي جيد.
والله يوفقك ويسعدك
تحياتي








اهلا اخوي


هل تركب هذي المراوح على


يوكن 2002


واين اجدها في الرياض


واي ورشه تركبها صح بالرياض


وشكرا

[خالد940]

بالله يا اخوي هل مراوح الكهرب تركب على الباث وهل لها فايدة ومالها اضرار ؟ وشكرا سلفا .

[الوعب]

السلام عليكم ورحمه الله و بركاته

اسمحولي ادخل معكم في الموضوع
اشوف اكثر من شخص يسئل عن مراوح الكعرب و احب اني اشرح الموضوع للاخوان
الطريقه هي عباره عن ازاله مروحه الشركه مروحه التبريد ,, الي فيها كلتش المروحه
طبعا هي اعتقد تركب على اي سياره لكن عن نفسي انصح اصحاب السيارات ال 8 سلندر لايركبونها ,, و افضل نتيجه لها هي النيسان الباترول
وبالنسبه لنوع المراوح اشوف الاخوان ذاكرين مراوح السوبارو ,, و احنا في قطر مانركب مراوح سوبارو لان شفرات المروحه حديد و احتمال في حال حدوث حادث بسيط لاسمح الله او اذا صار اي شي راح تضر الراديتر وينشق .
الافضل هو تركيب مراوح المكسيما و اعتقد افضل نوع هو مراوح مكسيما 2002 و السبب هو عدد ريش و هي اساسا عباره عن مروحتين.
وتركيب المراوح محتاج فك للراديتر و تفصيل قواحد للمروحه تركب خلف الراديتر و تتثبت فيها المروحه وتجي على كبر الراديتر
وتفيد المراوح هذب بزياده عزم السياره و السبب انك انك ازلت حمل من المكينه وهو حمل الكلتش الي يدور لان المروحه هذي تشتغل على الكهرب فا راح تكون السياره اخف
و الشي الثاني و الي هو اهم بالنسبه لي هو انتهاء حنه المحرك ,, يعني بعد ماتركبها ماراح تسمع صوت حنه للمكينه
والفايده الثالثه هي في اغلب الاحيان حراره السياره تنزل و تكون ثابته
ولكن اوصي بنقطه الا وهي الكتاوت ,, ماعرف ايش اسمه في السعوديه ,, هو القطعه المربعه (فيوز) الي اذا صار خلل في الكهرب يفصل الكتاوت ,, لازم يكون اصلي
هذا الي اقدر اقوله في الموضوع و بالتوفيق للجميع

[رجل كريم]

وتفيد المراوح هذب بزياده عزم السياره و السبب انك انك ازلت حمل من المكينه وهو حمل الكلتش الي يدور لان المروحه هذي تشتغل على الكهرب فا راح تكون السياره اخف
و الشي الثاني و الي هو اهم بالنسبه لي هو انتهاء حنه المحرك ,, يعني بعد ماتركبها ماراح تسمع صوت حنه للمكينه
والفايده الثالثه هي في اغلب الاحيان حراره السياره تنزل و تكون ثابته




اسمحلي اختلف معك فتغيير المروحة الكلتش الى مروحة كهربائية لايفيد اطلاقا بعزم المحرك .. لان الكلتش لايأخذ قوة حصانية تذكر من المحرك .. وتقدر تقيس قوة المحرك عن طريق جهاز الداينو ..
وايضا اذا تقصد بالحنة صوت المروحة فايضا اختلف معك فصوت المراوح الكهربائية اعلى .. واذا كنت تقصد صوت المحرك نفسه فلا دخل اطلاقا .. لان حنة المحرك من داخله وليست من الخارج واعتقد انها طبيعية جدا ..اما من ناحية نزول الحرارة فاتفق معك .. ولكن تذكر ان المصنع جعل الحرارة ثابتة في درجة معينة وذلك حتى يكون المحرك في افضل اداء له فزيادة الحرارة او نقصها قد يؤثر في اداء المحرك واقتصاديته للوقود وتسريع عملية الصيانة الدورية ..

تحياتي ..

[الوعب]

اشكرك داكار على تعقيبك و توضيحك
و ما ادري انت جربت ولا لا,, بالنسبه لي جربت على نيسان 97 كل الي ذكرته حاصل معاي بعد تغيير المروحه
مع ان اخوي الموضوع عن الصرفيه

[نصور]

السلام عليكم....
شكراً يأخوان على التوضيح على المراوح صحيح انها تهدي من صوت حنة المكينه والموتر يبرد ويرتاح اكثر بس انا عندي سؤال

شنو الفرارات ؟
وسؤال لأخوي عزيز...كلتشات الزوم كم سعرها عندكم ؟ موتري 99
وشكراً

[ع . خـــــاص]

اخوي صقر 20

(( كل هذي مسويه )) بس باقي المراوح .

1- تركيب فرارات وموجوده بالغرابي قيمته 480 ريال.

3- بواجي وصفاي بنزين.
4-عمل تصفية وتنظيف للكلبليتر عند ميكانيكي جيد.

[رجل كريم]

المراوح صحيح انها تهدي من صوت حنة المكينه والموتر يبرد ويرتاح اكثر





الحنة اللي تعتقد انها تخف مع تركيب المراوح هي بسبب سحب الكهرب اللازم من المحرك وتحويله للمراوح .. فيضعف دخول الكهرب من الكويلات للمحرك فينخفض عداد دوران المحرك .. صدقوني الشغلة وهم وتقدرون تودونها للورش المتخصصة مثل ورشة متخصصة في سيارات الدفع الرباعي لااذكر اسمها ولكن اعطيكم رقم جوال مسؤولها وهو السيد/عبدالحق ورقم جواله 0555512813 ولديهم جميع التعديلات المطلوبة وبشكل مدروس ..


تحياتي ..

[سابق الصوت]

يعطيكم العافيه اخواني عندي سؤال ؟
الاندكروز بتركب له مراوح نفس النيسان من موديل 97 وتحت
افيدوني بهذا ..

[باترول03]

410 بالخزانين غير طبيعية الا ان كنت مغير الى كفرات اكبر فانت تمشي اطول بالخزانين
كان معي 2003 كربليتر كامل يمشي حول 600 سرعة (120-150) وبالفرارات 750 + مراوح

* اذا انت مهتوي غير الكربيلتر الى واحد من ذوات الاداء العالي ( هولي مثلا)

[الوعب]

السلام عليكم ورحمه الله


شفرات المروحه يعني ريش المروحه
------------
وبالنسبه لكلتشات الزوم ,, اسمحلي اخوي اول مره اسمع عنها
------------
وبالنسبه لصاحب الموضوع اضيف شغله بعد هي لازم تسوي ميزانيه للصبابات (لها تاثير بالصرفيه)
------------
وبالنسبه ايضا لسؤال الاخ عن لاند كروزر 97 تركب له ولا لا ,, تركب بس قليل اشوف احد يركبها على 97
كانو يركبونها على المديلات القديمه 90 و 91 عشان يقوى عزمها و تروح منه الحنه نهائيا لان المديلات هذي مشهوره بالحنه. انا اشوف اذا ماكان عندك سبب قوي انك تشيل مروحه الشركه وتركب مراوح مكسيما لاتركبها ,, شد الشركه اكيد افضل .. اذا كانت عندك حنه يمكن الكلتش الي عندك فيه مشكله تقدر توديه ويفتحونه لك وزيتونه و تقدر تشتري واحد جديد بس لاتاخذه الا من الوكيل نفسه
------------
مستحيل داكار كلامك يكون صحيح مع احترامي لخبرتك في السيارات .. هو مركب مروحه ماركب مكيف مركزي عشان يسحب كهربها بالطريقه هذي. بعدين هذي اساسا مروحه مكسيما شلون بتسحب من الباترول كهربها و ماراح تسحب من المكسيما الي هي اساسا جايه عليها من الشركه , بعدين السياره وهس ماشيه الكهربا تولد من الدينمو باستمرار يعني مافيه مشاكل . بالضبط يكون صوت محرك السياره هو صوت المحرك اذا فصل كلتش المروحه في حال تركيب مروحه الشركه
------------
باترول 03 ,,, انا مستغرب من الي قلته .. معقوله الفرارات تقلل صرفيه السياره ,, طيب ايش السبب على حد علمي هي مجرد انها تفصل الدفرنش الامامي,, هل هذا الشي يقلل صرفيه السياره بالشكل هذا فرق 150 كيلو تقريبا في كل تفويله خزان,, هذا شي طيب
------------
شباب بختصر لكم موضوع تاثير المروحه على الحراره و هذا شي مجرب
على النيسان : اذا ماكان عندك خلل في نظام تبريد السياره فمعروف انه النياسين خصوصا القديمه 97 و تحت حرارتها تكون بين الخطين ,, في حال مراوح الشركه,, اذا وقفت مثلا فتره ترتفع الحراره لانه مافيه هوى يدخل على الراديتر و المكينه و اذا مشيت تنزل ,, اذا كانت مراوح مكسيما دايما تكون ثابته حتى لو وقفت ,, وتصير الحراره بين الخطين
في الاند كروزر الحراره تقريبا الربع و ترتفع اذا وقفت و في حال مراوح مكسيما تثبت على الربع الي هو اساسا طبيعه حراره المكينه الي جايه من المصنع ,, مع فارق انها تقريبا تكون ثابته
وبالتوفيق للجميع ان شاالله

[ع . خـــــاص]

اخوي / Aaziz

من المتخصص في هذي الشغله ؟

وهل المراوح تسبب التماسات في الكهربا ام لا ؟ يعني منها خطر على السياره ام لا ؟

والله يعطيكم العافيه جميعن لتفاعلكم مع الموضوع

[الستانس]

رح لمحل العليات للرحلات بطريق خريص عندهم قطعه صغيره تحط في حق البنزين تخفض نسبه الأستهلاك 8 % وقيمة القطعه 45 ريال والتركيب 10 ريال ولا لها أي مضار جانبيه

[عبرود الشمال]

عليك ابكبليتر الاتيماء
وتشــــــــــــوف الفرق

[الوعب]

السلام عليكم ,,,
ع.الخاص اخوي انا من قطر و اعتقد انت من السعوديه يعني ماينفع اوصفلك ,, عموما الي يشتغل فها هم هل الراديترات والكهربائيين .يعني فيه محلات يكون حق راديترات و بنفس الوقت كهربائي
وبالنسبه انها تسوي مشاكل والتماسات فهذا يرجع للشغل الي بيركب
ترى هي بسيطه جدا ,, وبعطيك الخطوات لاني كنت موجود يوم ركب المروحه على سيارتي
اول شي شال الراديتر و نزله وبعدين شال المروحه مع الكلتش وبعدين راح فصل قواعد للمروحه لانه هي تجي شلون ,, مروحتين راكبين في اطار بلاستيك مقاسه مقاس راديتر المكسيما ,, هو شيسوي يرهم قواعد يشيل القطعه البلاستيكيه الي تجي خلف الراديتر الي هي تغطي مروحه الشركه عشان الحمايه ,, ويركب المروحه حقت المكسيما في نفس فتحات قطعه البلاستك الواقيه ..
بعد مايركب المروحه على الراديتر يرجع الراديتر مكانه و تكون المراوح خلف الرايتر (بين الراديتر و المكينه ) تسحب هوى من قدام الشبك و يدخل في الرايتر ويضرب في المكينه ,, وطبعا يوصل الوايرات بالكهرب و يكون فيه وصله كتاوت للحمايه من الالتماس او شي ,, و تشتغل المراوح مع اخر دقه للسلف وتكون شغاله على طول.
ملاحظه اقتراح عبرود الشمال اعجبني :) هل احد جرب كربيتر التيما على نيسان سفاري
اذا حد جرب من قبل يقولنا ايش النتيجه و كربيتر التيما اي موديل والنيسان اي موديل ؟
ليش اعجبني الموضوع لانه قبل كان معاي نيسان 89 ربع نظيف جدا وكان يصرف ويقطع ومدحولي واحد باكستاني ورحت له ويوم دخلت المحل انصدمت بكميه الكربيترات الي عنده في المحل قالي خل السياره و تعال بكره ,, جيته بكره وشغل السياره وكانت بارده قعد يوزن في براغي الكربيتر ويحط يده على المكينه لين صار اشتغال السياره شي غير طبيعي هادي جدا .
ويوم جربت السياره رجعت له بعد اسبوه من صدمتي بصرفيه السياره قلت له ايش سويت عزم السياره زاد و الصرفيه صارت شي خرافي صارت تقريبا صرفيه ددسن لدرجه واحد من ربعي خذا السياره يستعملها فتره و يوم رجعها قالي مادري ليش الناس يقولون الناس النيسان يصرف :)
رجعت للباكستاني وقلت له ايش سويت قالي غسلت لك الكربيتر بدلت لك الابر وسويت وزنيه صبابات وديلكو .. ورفض يعلمني ايش هي الابر الي ركبها يقولي هذا سر المهنه ,, وللاسف رجعت له يوم خذيت النيسان الثاني لقيته مسكر.
فا الحلول الي مثل هذي اتوقع فعلا مفيده

[الغنيمان]

انا معاي باترول 2004 بخخات اعبيه 50 ريال ويمشيني 550 الى 600