الإيرانية للبيع

[خيال الصبحا]

بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟أن شاء الله بخير
العلم سلامتكم .. الجبلية الإيرانية للبيع ..والله ييسر
السن : بكر"بيتيه"
المقاس : حدود 13.5
مقيضه طلق عند ابو معيض"المري"وباقي معاها الموس ويقول ابو معيض انها هالاسبوع تحذفه.
***
علومها :



الطيره مقاسها 13 ونص .. الطير سبوق على الحمام..


***




هدها راعيها على كروان من الروض ولا جاته ..




***




صحيح ترتفعه واطياره زين..




***


السوم


2100 عند ولد الدوادمي


والبيع قريب جدًا ، يعني لايسوم الا الصامل تراني بياااااااااااااع
وهذي صورها
***
http://www.mekshat.com/pix/upload/images42/mk1168_1%20(small).jpg
***
http://www.mekshat.com/pix/upload/images42/mk1168_4%20(small).jpg
***
http://www.mekshat.com/pix/upload/images42/mk1168_3%20(small).jpg
***
http://www.mekshat.com/pix/upload/images42/mk1168_2%20(small).jpg
***
وشكرًا

[اعقاب]

ماشاء الله ارفع واكبس اذا امكن المقاس بالظبط

[المزوحي]

خيال الصبحا وش جاك مره تبي تبيع ومره لا

العلم وشو


اخوك المزوحي

[فتى باريس نجد]

اخوي اعلومة مع الحمام

[عناز]

الظاهر اني تسببت على الطيره نصيحتي لك دور لك حر صايد راكد
وأصمل على بيعة الايرانبه أو أهدها لـ (kavian) ابيك تصمل
شف ردي على موضوعك سابقا
^
^
^


الله يرزقك بالخرب الازرق اللي يطير بطيرتك(شكلي خربتها بالاخير)

[اعقاب]

الله يهديك ياعناز هااااااااذي ايرااااااانيه يعني الخرب اللي شايف نفسه تفقع وجهه

[خيال الصبحا]

السلام عليكم
حي الله كلن باسمه
.
.
الأخ أبو محمد
وش قصدك يوم تقول
ارفع واكبس؟؟ولد الدوادمي
موجود إذا تبي أعطيك رقمه تتاكد منه.
ومقاسها 13.5 على كلام ابو معيض يوم شريتها
والطيرة لين الحين مقيضه عند ابو معيض(جنوب الحساء)
وانا من الخرج يعني المقاس على كلام ابو معيض ، وهلا بك
.
.
الأخ المزوحي
العلم سلامتك
من قبل يوم بغيت
ابيع على شان الظروف
كنت محتاج شوية دراهم ، وكذلك
جدول الكلية كان عندي 3 ايام دوام العصر
(يعني مااقدر ادعي الطيرة الا 4 ايام بالاسبوع)وقررت
ابيعها ، ولكن الحمد لله تيسرت الامور وهونت عن بيعتها
أم الحين يوم ابي ابيعها على شان اشتري غيرها(لإن باقي معها
الموس وانا مستعجل على الصقارة ابيها حامي حامي)ووالله اني
كنت متردد انزل خبرها بمكشات او لا(لإني عرضتها قبل وهونت
عن البيعه)ولكن مالقيت بديل ، كذلك توها ماصفت يعني ماينفع
انقلها واجلبها لسوق الرياض ، وهلا بك
.
.
الأخ ابو عبدالله
هذي علومها مع الحمام



الطيره مقاسها 13 ونص .. الطير سبوق على الحمام..


طبعًا مع أهلها والا أنا مانقلته ، وهلابك
.
.
الأخ ابو ريان
هلا بك
ووالله ماادري
وش اقول لك ، كافين
يستاهل<<<<<كثر منها
الطيره ماتروح لكافين وشرواه ، الطيره
تروح للي مثلك وشرواك ، وتراك تامر عليها
وبخصوص الحر الصايد الراكد السنه الجايه ان شاء
الله هالسنه حر مجهول ويالله يالله ، وبخصوص دعوتك حولها للطير الجديد ههههههه ، وهلابك
.
.
وهلااااااااااااااااااااااااااااابكم

[قلب شاهين]

هلا بو نايف ،،

أتوقع لاكلمك أبو معيض وقالك الطيره حذفت الموس بترجع تقول هونت ماني لطيرتي بياع هونت يوم زانت العلومي :)

هههههههههههههههه

الله يرزقك بالبيعه الطيبه والصقارة يبيلها واحد صبوور والله يعين ،،

ونصيحتي لك خل الطيره عندك واصبر شوي لأن الحين الجو لين الحير حر بس بدا يتعدل خفيف وهذا اول طير لك يعني تركد وتعلم عليها وهدها على الحمام واستانس عليها واذا جابتلك قيمه بعها واشتر لك حر وقيضه وسلامت راسك ،،

تحياتي / قلب شاهين ،،

[خيال الصبحا]

هلا بو نايف ،،





أتوقع لاكلمك أبو معيض وقالك الطيره حذفت الموس بترجع تقول هونت ماني لطيرتي بياع هونت يوم زانت العلومي :)


هههههههههههههههه


الله يرزقك بالبيعه الطيبه والصقارة يبيلها واحد صبوور والله يعين ،،


ونصيحتي لك خل الطيره عندك واصبر شوي لأن الحين الجو لين الحير حر بس بدا يتعدل خفيف وهذا اول طير لك يعني تركد وتعلم عليها وهدها على الحمام واستانس عليها واذا جابتلك قيمه بعها واشتر لك حر وقيضه وسلامت راسك ،،


تحياتي / قلب شاهين ،،




هههههههههههههه

هلا بك يابو عبدالعزيز
والطيرة الله لا يعوق بشر
بايعها بايعها بالي هي به لو ماتجيب
راس مالها لو ماانقل طير هالموسم ، من
اول اتصبر اقول بالعيد انقلها ، ويوم قابلت ابو ريان(عناز)
ذاك اليوم بالسوق قلت له ان باقي معها الموس تحذفه هالاسبوع
وانقلها بالعيد قال لي ان الموس بالعيد يكون خضر ويكون اخطر شي
اذا انتصف ، لإن الموس يطلع لبرى اذا انتصف ، وابو سعد(طير حواران)
يقول برده على موضوع لي ان الطير يبقى موسه خضر بالعيد ، لذلك بايع بايع لو
ماانقل طير هالموسم ، لي شهر اتصبر واخرتها ماانقلها بالعيد ، اجل متى انقل اذا جت الاختبارات
وهلابك

[بويوسف الكويت]

الله يباركلك فيها و يرزقك بالسومه الطيبه الى تطيب خاطرك و الله يبارك للشارى و البايع

[اعقاب]

افا ياخيال الصبحا
والله اللذي لااله الاهو ماقصدت
وهذي السومه قليله في حقها
ماني مكذبك
ونا جايها عند المري في المقيض
ماشاء الله عليها

[خيال الصبحا]

الأخ بويوسف الكويت
أشكر لك مرورك وردك الكريم
وجزاك الله خير ، وهلا بك
.
.
الأخ ابو محمد
حصل خير ان شاء الله
واعتذر عن سوء الفهم الي صار
وهلا بك

[صاحب الطير]

سومي 2500ريال واللي يزيد زاد اللله في رزقة..

[خيال الصبحا]

سومي 2500ريال واللي يزيد زاد اللله في رزقة..
الاخ ابو عبدالعزيز
سومة(ن)طيبة من وجه
طيب ، وتراني بياع يالربع الي
له شف يسوم ، ويابو عبدالعزيز ان كان
مااحد زاد عليك ليوم الاربعاء تراها نصيبك ، وهلابك

[myking]

السلام عليكم

الشهرعليكم مبارك وياخيال صبحا افرق السوم ب 2600ريال واللة الرازق

[عبرود الشمال]

مشاءالله عليها
اله يكتب لك البيعه الطيبه يارب
وابشر بالي طلبت

[خيال الصبحا]

السلام عليكم
حي الله كلن باسمه
.
.
الأخ myking
وعليكم السلام ورحمة
الله وبركاته ، والشهر مبارك
علينا وعليك ، وبخصوص السومة
أقول لك مثل ماقلت لابو عبدالعزيز
سومة(ن)طيبة من وجه
طيب ، وتراني بياع يالربع الي
له شف يسوم ، ويـmyking ان كان
مااحد زاد عليك ليوم الاربعاء تراها نصيبك ، وهلابك
.
.
الأخ ابو ليان
أشكر لك مرورك
وردك الكريم ، وجزاك
الله خير ، ومبشر وسالم من الشر،وهلابك

[أبو شلفى]

أخوي خيال ودي ولاتهون تعطيني الطول والعرض بالظبط. أنت كاتب 13.5 تقريباً ياليت تفصيل؟؟؟

[خيال الصبحا]

أخوي خيال ودي ولاتهون تعطيني الطول والعرض بالظبط. أنت كاتب 13.5 تقريباً ياليت تفصيل؟؟؟
الطيره مقيضه هالحين
وصعب قياسها ، ولكن مقاسها
قبل الربطة 13.5(طول وعرض أن
كان ماني واهم)وهلا بك

[((الخالدي))]

الله يفق البايع والشاري

[خيال الصبحا]

الله يفق البايع والشاري
الأخ ((الخالدي))
الله يجزاك خير ، وشكرًا

[صاحب الطير]

يا خيال الصبحا..أزيد على الرجال بمية يعني2700ريال...

[خيال الصبحا]

يا خيال الصبحا..أزيد على الرجال بمية يعني2700ريال...
هلا بك يابو عبدالعزيز
وسومة طيبة من وجه طيب
واليوم للساعة 12 بالليل أن كان
مااحد زاد عليك تراها نصيبك ، وهلابك

[خيال الصبحا]

يا خيال الصبحا..أزيد على الرجال بمية يعني2700ريال...
نصيبك يابو عبدالعزيز
وعسى الله يبارك لك بها
وتاكل من صيدها ان شاء الله

[خيال الصبحا]

................................

[المري]

الله يربحك يابو عبدالعزيز.. ويوفقك فيها ..

وتراني حااااضر باللي تامر عليه .. ان بغيت اوصلها لك لمكانك تراني حاااااضر طال عمرك..

اخوك - بومعيض