المساعد الشخصي الرقمي

مشاهدة النسخة كاملة : غشييم جاكم يسأل


هاوي 2700
23/09/2007, 07:15 PM
السلام عليكم ورحمة الله وبركاتة

الله لايهينكم يالربع أبشري باترول ربع بس أني أبسال بما اني ماعرف بالباترول ابد
س/ هل يصلح للخطوط ؟ أنا ابية اكثر شي للخطوط والنفود
وش تجهيزاتة للبر من الصدام الى الصدام الله لايهينكم وهل يركب علية بطارية اضافية

وبس
وجزاكم الله خير
wewe150
23/09/2007, 10:32 PM
الموتر ممتاز جدا جدا

لكن ما جربته ولا أعرف تظبيطاته

لكن ياما مدحوه واجد :)

لعل اللي تحتي يفيدك
kwa_198
26/09/2007, 09:29 PM
الموتر معليه كلام بس انت تقدر على صرفيته بالبنزين اشتر وتوكل على الله واستخر
عاشق السيل
27/09/2007, 01:59 PM
وعليكم السلام ورحمة الله وبركاته ،،

من ناحية الخطوط ممتاز جدا ومريح جدا وراسي جدا واقتصادي جدا بس لاتسرع ،،

أما النفود معروف إن الباترول من أفضل الجيوب بالنفود وأخفها وأقواها وخاصة الربع ،،

أما التجهيزات كثيرة جدا بس من أهمها دعامة على الصدام الأمامي يكون ارتفاعها على مقاس الصدام ،، وتانكي ألومنيوم أو استيل للماء إذا فيه مكان تحت يكون أفضل وإلا تضطر تسويه بالداخل ،، واير للسحب من النوع القوي وأفضل مقاس خمس أمتار ،، ومنفاخ هواء ومعيار للكفرات والأفضل ميشلان الأصلي ،، أسلاك إشتراك للاحتياط ،، شنطة عدة متكاملة ،، لمبة قوية ثابتة بالكبوت ،، وغيرها كثير بس هذا أهم شي ،،

أما البطارية الاضافية فحسب الفراغ داخل الكبوت ،،

هذا اللي عندي وأنصحك تاخذ من 98 وفوق لأنها أقوى وأنشط وأرفع وأريح ومتماسكة أكثر وبالله التوفيق ،،

وتقبل مروري يالغالي .....




.
هاوي 2700
27/09/2007, 06:41 PM
مشكورين وجزاكم الله خير وهالموتر كل ماقلت شريت هونت
ناس تسب وناس تمدح
عالعموم انا ان شريت إن شاء الله من 2003 وفوق
بيرتا
28/09/2007, 06:14 AM
اخوي هاوي 2700 الباترول اطلق موتر مهوب عنصريه

بس خذه ولاتشاور ازين من موترك الي انت هاويه

اما من ناحيه التجهيزات ف طب وتنق وما انصحك بالتانكي الخارجي ولا بريال

يايات مراوح هدرز ولا تخاف من النقص وفرارات تانكي المونيوم داخلي وخرج قير وخلفي

ذا الدراهم واجد تبي تبتل تحط فيه والبطاره الثانيه تركب وبالراحه

اما من ناحيه الخط مايكفيك الموتر محمل بلاوي وامشي فيه 210 بالراحه بلا هوا بلا هم

توكل علا الله والله الله بالنظيف
مخاوي الذيابه
28/09/2007, 01:39 PM
توكل على الله وإشتر...

ولا تشاور احد ...

الموتر لا يعلا عليه ...
ذيب ساقان
29/09/2007, 11:21 PM
أخوي هاوي 2700
إنشهد إنك إخترك موتر خط وبر الباترول الربع يابعدي أشر ولا تردد ومنت متحسف إنشاء الله . يقولون (أسأل مجرب ولا تسأل طبيب) .
باترول 585
30/09/2007, 04:24 AM
هلا اخوي هاوي
الباترول موتر ماعليه كلااااااااااااام موتر خط وبر
وعلى فكره ترا الباترول يتميز برساوه عاليه جداجدا جدا

وتوكل على الله بس وطقه
برنو بيشة
30/09/2007, 04:39 AM
الباترول بتاع كله ياعم
ابوفهد36
30/09/2007, 04:43 AM
خذ باترول ولا تراوي الموتر ما يحتاج بالبر والديره وموتر مكده
راعي ساموده
03/10/2007, 12:03 AM
توكل على الله وخذ باترول

عيبه يبيله تربيط بين فتره وفتره .
ويصرف بنزين بس الحين البنزين رخيص ولله الحمد.
ومراتبه نازله يعني وانت راكب تشوف الطبلون كنك واقف بالسطح .
وضيق شوي بالداخل .
وقطع غياره نار .
ووكيله سيء جدا .
واذا تبي بطاريه اضافيه لازم ترهيم يعني تبعد علبة زيت بالكبوت وتركب بطاريه صغيره.
ومايجي فيه ونش يعني اذا انت راعي صيد ومحلات طين ( تبي توهق ) بس تقدر ترهمله بست الاف بالصناعيه .
ويبيله مراوح كهرب .
ويبيله فرارات .

لكنه سياره بالنفود يطربك

وكلامي من خبره ( أربعه من اخواني معهم باترول ) ماشاء الله
الحضرمي2006
03/10/2007, 10:51 PM
توكل على الله وخذه
والله الله بالنظييييف
ولاتنسانا من دعائك