عطونى ورشة لليوكن

[sobeeh2005]

الحمدالله شريت يوكن 99
وفيه شوية اصلاحات ودي اسويها وهي
- اصلاح الدبل
-وجه للبلوف ووجه للكرتير
- اصلاح الفرامل
- مع تغيير السيور وتشييك عام ربلات مساعدات وتربيط والازم منه

ابي اجهز الموتر للموسم ..


ياليت تدلونى على ورشه عندهم ذمة وضمير وشغلهم مشهود له سواء في الرياض او القصيم
ولكم الدعاء في هذا الشهر الفضيل

[fares998]

مساء الخير اخوي انا سمعت عن ورشة العضيب يمدحونها وعندك ورشة بطريق خريص ملاصقة لمعرض الصبر سمعت عنها كثير.

[sobeeh2005]

مساء الخير اخوي انا سمعت عن ورشة العضيب يمدحونها وعندك ورشة بطريق خريص ملاصقة لمعرض الصبر سمعت عنها كثير.

العضيب هذي وين ؟
وياليت توصفلي الورشه الثانيه بدقه اكثر ..انا منيب من الرياض وخبري بذيك الجهات قليل
والف الف شكر على المبادرة

[fares998]

العضيب بالصناعه القديمه بالرياض وفرعهم الثاني بطريق الملك عبدالعزيز اما بالنسبة للورشة الثانية بطريق خريص وانت متجه غرب قبل مخرج 13 على اليمين .
ومدامك انت بالقصيم اسأل ببريده اكيييد بتلقى ورش فيه سعوديين متحمسين بالشغل .

[sobeeh2005]

لا خلا ولا عدم تسلم يالقرم
جزاك الله الف خير

[fares998]

الله يسلمك واتمنى ان تسأل اكثر من واحد علشان دخل سيارك وانت مطمئن

[مستبشر]

اولا مبروك السيارة والله يعطيك من خيرها ويكفيك شرها 000
ويذكرون ورشتين في صناعية الرياض على مخرج17باتجاه الغرب الاولى متخصصة في الgmوهي لعبدالرحمن الجميح والرجل مذكور جدا بالخير والخبرة والامانة ويعطيك القول الفصل في السيارة وكل ماتحتاجه من صيانة 000
وهي بالتحديد 00
وانت جاي من الدائري الشرقي باتجاه الجنوب تطلع من مخرج 17يمين باتجاه الغرب وتمشي حتى تنزل من اول نفق بعد ماتطلع من النفق تجيك اشارة هي اول اشارة بعد النفق ترجع من عندها باتجاه الشرق وتمشي حوالي300م تجيك محلات تجاريه على يدك اليمين بعد ماتنتهي المحلات يجيك شارك سيدين على يمينك ادخل معه تحصل ورشته ثالث او رابع ورشة (اعتقد على اليمين ) مكتوب عليها ورشة عبدالرحمن الجميح 00
والورشة الثانية نفس الوصف بالضبط تجدها بجنب ورشة الجميح وعليها لوحة الجـــــــــــــابري
وبالتوفيق والسداد