الورش ..........و تعلم الحلاقة في روس الايتام :)

[عاشق سدير]

السلام عليكم
مساكم الله بالخير يا شباب
قرأت في المنتدى عن مشكلة المكيف ( موزع الهوا) وانه يحتاج تشحيم للباثفاندر لكن تماهنت به وتركته الى ان علق الاخ وصار على تحت بس :( يعني على الرجلين تتجمد واللي في الوجه يخلف الله.........
ولما وقع الفاس بالراس وعلق........ خذت شحم وضبطته لكن ما زال معلق ...
مريت البارح من عند صناعية ام الحمام وقلت ابمر لي محل متخصص لعل وعسى ويمكن المشكلة اني عليمي في التشحيم لأن مكانه صعب شوي

مريت الورشة الاولى ولا الأخ من الجنسية اليمنية فأشترطت عليه ما يحرك شي بس يوزع الشحم مضبوط ويحرك اللسان بيده لعله يفك التجييم فبدأ يتفلسف تقول هو اللي صانع السيارة وفي الاخير قال ما اعرف:(
مريت ورشه ثانية يقولون فيها فلبيني متخصص ولكن بقدرة قادر تحول الفلبيني الى بنقالي مع الاسف فقلت له لو تكسر شي ترا باكسر راسك:no2: :D بس حرك الموزع وشف الشحم صح الطريقة ولا لا
المهم ويدخل تحت الطبلون ويلت ويعجن وفي الاخير طلع لي وقال :mad: يحتاج تغير مكينة الموزع لأن التروس متكسرة وقعد يتفلسف تقول نيوتن ولا اديسون :confused: قلت والله ان ما عندك سالفة ... كم يكلف شغل يدك لو اجيب لك القطعة تركبها... قال 150:no: فقلت له الخلا ,:) ومشيت من عنده وشغلت المكيف
ولله الحمد كما توقعت اني ما عرفت اوزع الشحم مضبوط وضبط معي ولله الحمد حتى ساعة كتابة هذه السطور وعسى الله يتمم على خير

ما يستفاد من القصة:)
1- لا تعتمد على كلام العمالة خصوصا اذا ما كنت تعرفهم
2- شحم المجرى حتى لا تقع فيما وقعت فيه
3- لا تترك المشكلة الصغيرة حتى تكبر

وفقكم الله ....... وأعاننا الله وإياكم على صيام وقيام رمضان ...... ونسأل الله القبول

أخوكم ........ عاشق سدير ,,, أبو محمد

[ahmad963]

حنا عندنا يالعرب وخاصة الخليج مشكلة انه عيب تشتغل بيدك بس ما هو عيب انه يجي واحد مايعرف كوعه من بوعه ويتفلسف ويضحك علينا وياخذ دراهمنا
لي واحد قريبي راح يدرس بأمريكا وكان زملاؤه الامريكان يقولون له انتم يا السعوديين ماتشتغلون ولا تعرفون شي ، فالواحد منهم تلقاه يصلح سيارته بنفسه ويسوي سباكة بيته بنفسه وكذالك الكهربا والنجارة والكمبيوتر و0000الى آخره
والواحد منهم اذا بغى يسوي شغلة وماهو عارفلها أخذ عليها دوره

فماهو عيب ياجماعة اننا نشتغل بيديننا ونعرف الشغله ولا يمنع اذا عرفنا اننا نصلح عند مصلح بس بهذه الحاله مايقدر يخدعنا او يضحك علينا


مره من المرات يوم كنت طالب بالكلية ولا عندني ذاك الوقت الا الله ثم المكافأة خربت ددسني وصارت تحرق الفيوز اللي يعبي البطارية أول ماحط الفيوز يطق ويحترق بنفس اللحظة رحت وديتها الورش وأذكر ان ارخص كهربائي لقيته قالي فك الطبلون 150 ريال + الشغل اللي يطلعلك له حساب ثاني ( هذا أرخص كهربائي لقيته ) قلت له الحساب الثاني بحدود كم ، قال بعد ما أفك الطبلون أشوف علي حسب الوايرات الملتمسه وكان ذاك الوقت ما بجيبي غير 13 ريال بس رجعت البيت قاعد أفكر وش أسوي بعدين رحت مشي لمحلات الزينة ( 3 كيلو عن البيت والرجعة مثلها ) لالني خايف انه البطارية تفضي علي وشريت واير مترين ب 4ريال وواير أمتن منه متر ب 5 ريال وتيب امريكي ب 4 ريال 0
وبعدين رجعت البيت وفكيت الطبلون والدركسون ( معلوماتي وقتها بالكهرب والميكايكا قليلة جدا لا تكاد تذكر ) وجلست وطلعت الويرات من الانوار والهرن وكل واير لقيته مجروح ضبطته وبعدين لقيت داخل الطبلون وايرين عريانين بطول شبر تقريبا ولامسين بعض قلت بس هذا بلا أبوك يا أحمد وقصيتهم وظبطتهم وبعديت رحت رجعت كل شي زي ماكان ، طبعا الشغلة خذت علي ثلاث أيام متواصلة من الصبح الى الظهر ، ومن العصر الى المغرب لين رجعت كل شي مثل أول ( طبعا سبب التأخير انه في واير ماكنت أدري وين مكانه وعيت السيارة تشتغل بسبب هالواير لين اكتشفت مكانه آخر يوم وهو واير البويبينه على ما أظن ) أول ما ركبته وشغلت السيارة اشتغلت والفيوز 100% غمرتي وقتها سعادة ما يعلم فيها الا الله
أشكرك أخوي عاشق سدير على هالموضوع وأعتذر على الاطالة وأنصحكم أن تعرفوا من كل شيء شيء وتعرفوا من شيء كل شيء

ودمتم سالمين
00

[عاشق سدير]

صدقت والله اخوي ahmad963 وياليت نحاول قدر المستطاع نشتغل بيدينا خصوصاً الأمور البسيطة وشبه البسيطة
مثل البواجي تغيير الزيت بعض الاحيان تغيير صفاية البنزين تغيير الشمعات ووزنها تغيير القرب والخراطيش ........


-ahmad963 - فماهو عيب ياجماعة اننا نشتغل بيديننا ونعرف الشغله ولا يمنع اذا عرفنا اننا نصلح عند مصلح بس بهذه الحاله مايقدر يخدعنا او يضحك علينا





وتسلم على المرور والإضافة المتميزة

[محب النبى]

جزاك الله خير

ما حك جلدك مثل ظفرك

[مـدحـدر]

يا جماعه الخير

شيبانا كانوا يسوون كل شي من البنشر الى توظيب الماكينه

يعني البلاء فينا حنا جيل الاتكاليه والكسل

والا من قال انه عيب الا العيب ان يجي واحد ويستغفلك

[ساري15]

على الطاري ::: حتى الوكالة مايدرون وش السالفه

هذا واحد من الشباب قدر الله عليه واشترى يوكون 2006

طبعاً هالكلام قبل سنه تقريبا أو أقل شوي

المهم السيارة جديده وعلى الضمان وكل شي تماااااااااااااام

بعد شهرين من إستعماله لها فجأة ولعت لنبه بالطبلون وضاق صدره السيارة جديده

ولا لاحظ أي شي فيها ماتغير عليه الموتر

الزبده راح يم الوكاااااااااااالة دخلها عندهم وبعد نصف ساعه طلع عليه المهندس او المشرف على الورشه قال
السيارة تحتاج برمجه ::: قال طيب وبكم ؟؟؟؟

قال بــ 1700 ريال

وتخليها عندنا يوم كامل !!!!!!!!!

ماقتنع بكلامه قال عطني سيارتي واجيك بيوم ثاني :::

أخذ السيارة وطلع ::: وصل البيت وطرت عليه فكره إنه يشوف أيش مكتوب بالكتلوج حق السيارة لعل وعسى يحصل العله

جلس بالسيارة وفتح الكتلوج ويقلب بالصفحات من هنا وهنا

وكل حاجه يشك بها يتتبعها :::

أخيراًً وش تقعووووووووووون صار السبب والعله والمشكله ؟؟؟؟؟؟؟؟؟؟؟؟

حاجه ما تسوى !!!!!!!!!!

سلك تحت كرسي الراكب منفصل ..... ركبه وطفت اللمبه وربنا ولك الحمد

وين 1700 وبرمجه ومدري أيش

المسأله نهب بنهب ::::: ولا يعرفون إلا هالبرمجه ::: حسبنا الله ونعم الوكيل

إذا للواحد قدره يصلح سيارته بنفسه

وسلامتكم :::

[عاشق سدير]

جزاك الله خير

ما حك جلدك مثل ظفرك


وإيّاك يا محب النبي وصدقت والله

[عاشق سدير]

يا جماعه الخير

شيبانا كانوا يسوون كل شي من البنشر الى توظيب الماكينه

يعني البلاء فينا حنا جيل الاتكاليه والكسل

والا من قال انه عيب الا العيب ان يجي واحد ويستغفلك


مشكور وعز الله انك ابخص :)

[عاشق سدير]

على الطاري ::: حتى الوكالة مايدرون وش السالفه

هذا واحد من الشباب قدر الله عليه واشترى يوكون 2006

طبعاً هالكلام قبل سنه تقريبا أو أقل شوي

المهم السيارة جديده وعلى الضمان وكل شي تماااااااااااااام

بعد شهرين من إستعماله لها فجأة ولعت لنبه بالطبلون وضاق صدره السيارة جديده

ولا لاحظ أي شي فيها ماتغير عليه الموتر

الزبده راح يم الوكاااااااااااالة دخلها عندهم وبعد نصف ساعه طلع عليه المهندس او المشرف على الورشه قال
السيارة تحتاج برمجه ::: قال طيب وبكم ؟؟؟؟

قال بــ 1700 ريال

وتخليها عندنا يوم كامل !!!!!!!!!

ماقتنع بكلامه قال عطني سيارتي واجيك بيوم ثاني :::

أخذ السيارة وطلع ::: وصل البيت وطرت عليه فكره إنه يشوف أيش مكتوب بالكتلوج حق السيارة لعل وعسى يحصل العله

جلس بالسيارة وفتح الكتلوج ويقلب بالصفحات من هنا وهنا

وكل حاجه يشك بها يتتبعها :::

أخيراًً وش تقعووووووووووون صار السبب والعله والمشكله ؟؟؟؟؟؟؟؟؟؟؟؟

حاجه ما تسوى !!!!!!!!!!

سلك تحت كرسي الراكب منفصل ..... ركبه وطفت اللمبه وربنا ولك الحمد

وين 1700 وبرمجه ومدري أيش

المسأله نهب بنهب ::::: ولا يعرفون إلا هالبرمجه ::: حسبنا الله ونعم الوكيل

إذا للواحد قدره يصلح سيارته بنفسه

وسلامتكم :::


الله يعطيك العافية على اضافتك الرائعة اخوي ساري وياليت نقدر نفتك من استغلالهم

[أبو خالد 12]

حنا عندنا يالعرب وخاصة الخليج مشكلة انه عيب تشتغل بيدك بس ما هو عيب انه يجي واحد مايعرف كوعه من بوعه ويتفلسف ويضحك علينا وياخذ دراهمنا
لي واحد قريبي راح يدرس بأمريكا وكان زملاؤه الامريكان يقولون له انتم يا السعوديين ماتشتغلون ولا تعرفون شي ، فالواحد منهم تلقاه يصلح سيارته بنفسه ويسوي سباكة بيته بنفسه وكذالك الكهربا والنجارة والكمبيوتر و0000الى آخره
والواحد منهم اذا بغى يسوي شغلة وماهو عارفلها أخذ عليها دوره

فماهو عيب ياجماعة اننا نشتغل بيديننا ونعرف الشغله ولا يمنع اذا عرفنا اننا نصلح عند مصلح بس بهذه الحاله مايقدر يخدعنا او يضحك علينا
ودمتم سالمين
00

تصدق عاد كلامك صحيح 100% المشكلة الناس ماخذه فكرة سيئة للي يحب يشتغل بيده حتى لو كان الخراب بسيط وتافه يقولون عنه اكيد بخيل مستخسر يدفع فلوس للورشة!!! شي يقهر :mad: .
والغريب لو تحب تتحربث بسيارتك بالشارع من باب الهواية يتجمعون عليك عيال الجيران ويقلبونها سواليف عندك وتمضية وقت وإحتمال يناظرك واحد حقود ويخرب موترك بعد ما تروح ويمخش بودي السيارة بالمسامير علشان يقهرك :mad: .
وإحتمال يشوفك شايب حسود ويصكك عين وتروح في خرايطها :mad: :no: .

[االديحاني]

بارك الله فيك
هذاء الحاصل

[عاشق سدير]

تصدق عاد كلامك صحيح 100% المشكلة الناس ماخذه فكرة سيئة للي يحب يشتغل بيده حتى لو كان الخراب بسيط وتافه يقولون عنه اكيد بخيل مستخسر يدفع فلوس للورشة!!! شي يقهر :mad: .
والغريب لو تحب تتحربث بسيارتك بالشارع من باب الهواية يتجمعون عليك عيال الجيران ويقلبونها سواليف عندك وتمضية وقت وإحتمال يناظرك واحد حقود ويخرب موترك بعد ما تروح ويمخش بودي السيارة بالمسامير علشان يقهرك :mad: .
وإحتمال يشوفك شايب حسود ويصكك عين وتروح في خرايطها :mad: :no: .

شكرا على اضافتك اخوي ابو خالد12

[عاشق سدير]

بارك الله فيك
هذاء الحاصل


حياك الله ياالديحاني