من ينقذني من وكالة نيسان وله دعوة في رمضان ..( بخصوص زيت قير الباترول..)

[Black VTC]

الشباب المكشاتيين السلام عليكم ورحمة الله وبركاته ... رحت امس لوكالة نيسان بشيك على زيت القير للباترول و اثر المسألة كيف الحال خذ موعد كأني بادخل عند اطلق استشاري زائر ... وبعد ما تأخذ موعد جب موترك ويمكن يبات الموتر عندنا ليلة عطوني موعد على بكرا ؟؟؟؟!!!!!

المسألة تشييك على زيت فقط لاغير يعني الزيت ناقص زيدوه زين خلونا نقضب الباب ...

اللي ابي احد يفزعلي هل يوجد ورشة (ثقة) تشيك على زيت الباترول وتزيده والله لاسحب على الوكيل و الوكالة لكم من هالحين لبكرا ابي الفزعة الله يطول باعماركم ..وكا ما فيه الله يعيننا على خرابيط الحمراني !!!..

وتقبل الله منا ومنكم الصيام والقيام ...

[دهام]

السلام عليكم
اخوي التشييك على الزيت عند اي بنشر ما يبغا فني ولا وكاله
وصدقني انت من تستفيد منهم الوكالة يبغون يحسسونك انه شي غير طبيعي وانه ما يعرفه الا هم
خذ نصيحتي انا معي سفاري وغيره سيارات قبلة الوكالة ما اعرفها الا في شي حساس بس
وشف لك بنشر صح وخلك حوله
والمسالة بيفتح مسمار العيار ويشوف بس

[سعد777]

اذا كان زيت السياره مالة عيار ولا يهرب ماله داعي تغيره او تزيده لأنه زيت أسبشل وبعدين كم مشى مده موترك وشو موديله؟

[سعد777]

السلام عليكم
اخوي التشييك على الزيت عند اي بنشر ما يبغا فني ولا وكاله
وصدقني انت من تستفيد منهم الوكالة يبغون يحسسونك انه شي غير طبيعي وانه ما يعرفه الا هم
خذ نصيحتي انا معي سفاري وغيره سيارات قبلة الوكالة ما اعرفها الا في شي حساس بس
وشف لك بنشر صح وخلك حوله
والمسالة بيفتح مسمار العيار ويشوف بس

خطاء اذ كان موديله من 2003 او 2002 فما فوق لأن زيت الير ماله عيار ولا يمكن تغييره او تزيده الا في الوكاله

[Black VTC]

اخوي دهام الله يطول بعمرك ويجزاك خير على المشاركة بس اللي اعرف ان الباترول من 2002 وطالع ما فيه لا فلتر زيت و لا عيار ويبي له ورشة متخصصه عشان زيت القير ...

ـــــــــ

اخوي سعد الله يجزاك خير على المشاركة الباترول ما يحتاج يغير الزيت بس مع الوقت والممشى ينقص زيته (يتبخر مع الحرارة ) ويبي له تشييك كل 40000 كم و موتري 2004 ويبي له تشييك على زيت القير ..

[سعد777]

اخوي دهام الله يطول بعمرك ويجزاك خير على المشاركة بس اللي اعرف ان الباترول من 2002 وطالع ما فيه لا فلتر زيت و لا عيار ويبي له ورشة متخصصه عشان زيت القير ...

ـــــــــ

اخوي سعد الله يجزاك خير على المشاركة الباترول ما يحتاج يغير الزيت بس مع الوقت والممشى ينقص زيته (يتبخر مع الحرارة ) ويبي له تشييك كل 40000 كم و موتري 2004 ويبي له تشييك على زيت القير ..

والله انا كان معي واحد موديله 2003 وبغيت اشيك وصراحه مافيه الا الوكاله وقالولي اذا هو مايهرب لا تزيده:confused: ومشيت عليه حوالي 60 الف وبعته ما سويت شي له وبعدين اذا حصل نقص تولع لمبه للقير او زيت القير

[Black VTC]

والله انا كان معي واحد موديله 2003 وبغيت اشيك وصراحه مافيه الا الوكاله وقالولي اذا هو مايهرب لا تزيده:confused: ومشيت عليه حوالي 60 الف وبعته ما سويت شي له وبعدين اذا حصل نقص تولع لمبه للقير او زيت القير


الله يجزاك خير اخوي سعد و يبيض وجهك على حرصك و يتقبل صيامك وقيامك ... تراي اتهدد اسحب على ام الموعد بكرا و اتركهم يحترونن ;) اجل رايك نترك الموتر اللين تولع لمبته :confused: مع العلم اني شيكت عليه قبل سنة ونصف و قالوا انهم زادوه شوي ؟؟!!.. الله يفكنا من هالوكيل اللي كيف الحال

[حمد808]

قيمت تغيير زيت الفتك بالوكالة 600ريال ويقولون ان الزيت مغنط موب زيت عادي
ويغير كل 100الف
اذا عرفت ورشة تغير زيت الفتك علمنا

[Black VTC]

قيمت تغيير زيت الفتك بالوكالة 600ريال ويقولون ان الزيت مغنط موب زيت عادي
ويغير كل 100الف
اذا عرفت ورشة تغير زيت الفتك علمنا

الله يعطيك العافية اجل ما عندي سالفة على الــ40000 وعلى كذا باقي لي 60000 على التغيير :)

بكرا ابروح على الموعد وبرد هنا في هالموضوع على المعلومات الاكيدة من سيادتهم الله يبدلهم بخير منهم وابشر بسعدك ياحمد اول ما القى محل يغير مالك الا رسالة عالخاص وانا اخوك

[المرقب العالي]

المشكلة محتكرين الشغله ماتقدر تزيد الزيت إلا عندهم العيار لايوجد

إلا عندهم لا وسعر اللتر غالي ب150 ريال

لكن إنتبه لاتقع بالمطب اللي وقعت به زودو لي الزيت بالقير والظاهر زودو الكميه وفقع الصوفه

اللي بين الدبل والقير وغيرتها

المهم بعد تغيير الصوفه جيتهم عشان يشيكون على الزيت لقوه ناقص

لكن انتبه إذا جاء يزود العامل الزيت طبعآ السياره تكون شغاله وهو يزود خلك بالغماره وعشق القير

سو له تبديل والموتر واقف حتى يأخذ العيار صح لان بيني وبينك هم غشمان

بسبب غلطتهم زودو الزيت لي بالمجان وزبط فأ نتبه

[غضنفر]

اذا موترك
تبترونك
لا تغيره الا بالوكالة
لأنه عله ولا فيه بالورش احد يفهم لمثل ذا القيور او يقدر يعايرها
وهذا الي نستفيده من التقنية
في الاخير ترجع على جيبك
زيت التبترونك اغلى من زيت القير الاتوماتيك و لا يغيره الا الوكالة
اما ان كانه قير عادي
ارقد آمن
اقرب بنشري يقدر يعايره لك ويزوده ان كان ناقص
والسلام

[Black VTC]

اخوي المرقب العالي الله يجزاك خير على المشاركة وترا الوكالة ما يطيعون احد يدخل جوا الورشة يستلمون السيارة ويسلمونها لك في وقت ثاني لا ومن زين الطبع يقول يمكن السيارة تجلس عندهم ليلة ؟؟!! على زيت قير ؟؟..


ـــــــــ

اخوي غضنفر جزاك الله خير على المشاركة والله يطول بعمرك ايه موتري قيره تبترونك و شكل ما لي الا الوكالة الله يعيننا عليهم الليلة ...


ـــــــــــــ

كل المشاركين وكل من مر من هنا شكراً لكم جميعاً وتقبل الله طاعتكم ..

[مخاوي الذيابه]

أنا عندي واحد من أخوياي عندة سوبر سفاري 2004 كل ما
ما صار له شئ بالسيارة راح لأوتوستار ...

وكل ما سألته ليش يقول لي خدمتهم زينه
ومجربه وأسرع من الوكاله ...

[Black VTC]

أنا عندي واحد من أخوياي عندة سوبر سفاري 2004 كل ما
ما صار له شئ بالسيارة راح لأوتوستار ...

وكل ما سألته ليش يقول لي خدمتهم زينه
ومجربه وأسرع من الوكاله ...


اخوي مخاوي الذيابة الله يعطيك العافية على المشاركة وجزاك الله خير وتقبل الله طاعتك بس ابسأل هل قير خويك تبترونك او تماتيك او عادي لانه مثل ما انت عارف تفرق والوكيل ما يزال محتكر السالفة ..

[طحنون]

انا مره طالع للبر النعيريه هالاكلام الصبح قالي شيكت على زيت القير قلتله لا قال مشينا الوكاله نشيك عليه
وصلنا الورشه وطلع لي باكستاني وقالي تخلص اليوم الثاني قبل المغرب
وحنا شادين العفش وجاهزين واطلع للمديرالعام اللي هو واحد من عيال اصحاب الحلال الجبر
وقلتله وش السالفه ابي اشيك على الزيت ويقول اليوم الثاني ونا وضعي كذاوكذا
ويتصل على مديرالورشه ويطلع ميكانيكي عند باب الورشه ويشيك عليه بالمعيار ويلقاه ناقص 2 ليتر ويلطشون مني 400ريال قيمه الزيت وشغل اليد والسياره بالشارع اجل وشلون لو دخلت الورشه كم ياخذون

[Black VTC]

انا مره طالع للبر النعيريه هالاكلام الصبح قالي شيكت على زيت القير قلتله لا قال مشينا الوكاله نشيك عليه
وصلنا الورشه وطلع لي باكستاني وقالي تخلص اليوم الثاني قبل المغرب
وحنا شادين العفش وجاهزين واطلع للمديرالعام اللي هو واحد من عيال اصحاب الحلال الجبر
وقلتله وش السالفه ابي اشيك على الزيت ويقول اليوم الثاني ونا وضعي كذاوكذا
ويتصل على مديرالورشه ويطلع ميكانيكي عند باب الورشه ويشيك عليه بالمعيار ويلقاه ناقص 2 ليتر ويلطشون مني 400ريال قيمه الزيت وشغل اليد والسياره بالشارع اجل وشلون لو دخلت الورشه كم ياخذون


يااخوي طحنون الله يطول بعمرك على المشاركة و يتقبل منك طاعتك .. ثم ليش الواحد اذا بغى حقه لازم يرحو ويقابل ولد فلان و ولد علان ليش ما يكون الوكيل على مستوى من الوعي و الثقافة الخدمية يعني تبي تشيك على زيت القير او على شغلات بسيطة مفروض يكون فيه خط صيانة سريع واخر بطيئ السريع لمثل هالحالات زيت قير وانت نازل اما الشغلات الصعبة يتم مواعده اصحاب تلك السيارات ...

[طحنون]

الاخ العزيز
بلاك فتك
هاذا والله من رداهم لان الواحد اذا بغى حق من حقوق لازم يروح عينه صايره حمراء لان هم ماعندهم اي ترتيب وكل شي عندهم ماشي بالفوضى والمشاكل لان مافيه حمايه مستهلك وهم عارفين ان حقك ضايع
وعارفين ان المواطن البسيط ماحد حوله يعني حقه مهضوم مهضوم
واذا بتروح تشتكي ضحكو عليك يقولون والله انك مسكين وبتروح بتضيع وقتك
يعني لازم من الهواش والمشاكل والقوه
ولافي رقابه من المصنع الام ولافي مجال للشكوى على الوكيل ألا عبر المراسله بالانترنت
ويمكن تاخذ حقك او ماتاخذه
عندنا وكلاء للسرقه والنهب فلوس المواطن فقط
انت لوتشوف الوكيل بالسودان تحط يدك على راسك مواصفات وخدمه صيانه مابعدها وزياره مستمره لوفد
من المصنع لتفقد الوكاله
ربعنا اذاجاهم وكيل طاروبه
مثلوثه ومندي وعزايم لين ينتفخ بطنه ويرجع دريته ولا عاد يجي او يرسلونه الى دبي يوسعون صدره في الفنادق لين يمل ولا يدري عن الوكاله بشي
خلني ساكت يارجال الخافي اعضم اجل زيت الفتك اللتر 100ريال على ايش بس مجرداحتكار

[أبو فروة]

الله يعين المسلمين على هالوكالات
وحد من ربعي راح لوكالة نيسان بالقصيم معه فتك 2007 قير تيترونك عايروا الزيت وهو واقف
ويقول ان الفلتر مايغير يغسل ثم يرجع للقير مرة ثانية

[Black VTC]

الاخ العزيز
بلاك فتك
هاذا والله من رداهم لان الواحد اذا بغى حق من حقوق لازم يروح عينه صايره حمراء لان هم ماعندهم اي ترتيب وكل شي عندهم ماشي بالفوضى والمشاكل لان مافيه حمايه مستهلك وهم عارفين ان حقك ضايع
وعارفين ان المواطن البسيط ماحد حوله يعني حقه مهضوم مهضوم
واذا بتروح تشتكي ضحكو عليك يقولون والله انك مسكين وبتروح بتضيع وقتك
يعني لازم من الهواش والمشاكل والقوه
ولافي رقابه من المصنع الام ولافي مجال للشكوى على الوكيل ألا عبر المراسله بالانترنت
ويمكن تاخذ حقك او ماتاخذه
عندنا وكلاء للسرقه والنهب فلوس المواطن فقط
انت لوتشوف الوكيل بالسودان تحط يدك على راسك مواصفات وخدمه صيانه مابعدها وزياره مستمره لوفد
من المصنع لتفقد الوكاله
ربعنا اذاجاهم وكيل طاروبه
مثلوثه ومندي وعزايم لين ينتفخ بطنه ويرجع دريته ولا عاد يجي او يرسلونه الى دبي يوسعون صدره في الفنادق لين يمل ولا يدري عن الوكاله بشي
خلني ساكت يارجال الخافي اعضم اجل زيت الفتك اللتر 100ريال على ايش بس مجرداحتكار

اخوي طحنون مساك الله بالخير وتقبل الله طاعتك ... الوكيل وغير الوكيل حتى البنشري اللي جنب البيت لو اخطاء عليك ما راح تلقى احد ينصفك انت وانا مواطنين مساكين والله لنا ...

ابشرك رحت للوكالة والتشييك على مستوى الزيت بـــ50 ريال ... وهنا وقفه تخيل لو تروح للمشحمة وتقول لعامل المشحمة عاير الزيت حق المكينة ثم شافه وقال لك تمام ما يحتاج يغير ثم صك الكبوت وقال هات عشرة ريالات قبل لا يكمل كلامه راح يشم ريحة كربون الموتر قال عشرة قال ... انا امس دفعت غبناً 50 ريال بس عشان يشيكون هو ناقص او زائد ... ثم بعد كذا كل لتر بـــ85 ريال و الحسبة تحسب ...و الشكوى لله ...


ـــــــــــــــ

اخوي ابو فروة تقبل الله منا ومنكم صالح الاعمال و بالفعل فلتر الزيت ما يغير و الزيت زي ما قلت لاخوي طحنون هذا اللي صارلي امس .. نسيت اعلمكم سيارتي قعدت عندهم 4 ساعات عشان يعايرون الزيت :mad:

[حمد808]

الله يعوضك ياvtc
شفتهم وهم يعايرون زيت القير
فكوالمسمار اللي على العيار
وقا لولك التغير بعد 100الف؟
وبعد العيار لقو الزيت ناقص؟

[Black VTC]

الله يعوضك ياvtc
شفتهم وهم يعايرون زيت القير
فكوالمسمار اللي على العيار
وقا لولك التغير بعد 100الف؟
وبعد العيار لقو الزيت ناقص؟


والله ياحمد ما شفتهم وهم يعايرون الزيت لانه ممنوع دخول العملاء الى الورشة حط موترك ويعطونك موعد بعد كذا ساعة عشان تستلمه منهم ...

وما ادري وش سوو المهم انهم قالوا الموتر تمام :rolleyes: ..

و اما التغيير سألت البش مهندس متى يتم زيادة الزيت و التشييك عليه قال وبالحرف الواحد
المواتر تختلف معك جيب ومعي جيب حسب السواقة وحسب الضغط على القير بالسرعات الدنيا والعليا ؟؟!!

قلت له طيب متى تبي اراجعكم عشان اشيك مره ثانية على زيت القير ؟؟

رد مأجوراً ينبغي ان تعتمد على جدول الصيانة حسب الكيلوات اللي تقطعها سيارتك ... يعني بالمختصر خلك مواطن صالح وكل 20.000 كيلو رح للوكيل و عطه لك 1500 ريال عشان يشيك لك على القير و الماكينة والفلاتر و الدفرنسات والدبلات و الصوف و البطارية و الانوار والسيور و عمود الكردان و المكيف و المراتب والدعاسات ولون السيارة و بالمرة يشيكون على راعي الموتر ;) اظنك فهمت قصدي يا حمد المسألة ابتزاز العملاء ...

تخيل يقولي الفني المهندس اللبناني اللي عندهم ( يالله شو غليض على السيارة معقول لهلا ما غيرت الصوف وشحمت رمانات العكوس الامامية لسيارتك ؟؟؟!!!!..)

قلت له الموتر سليم وما فيه تهريب ليش اغيرهن خلهن يهربن زيت وابشر ابطمر لكم و ابغير كل اللي انت تقول وما راح اكون غليض ..

قال ما بيصير هيك كلام :no2: هلا بدك تغيرهم وتخلي السيارة عندنا لنهار الخميس ... فرديت عليه بعبطيت اهل نجد تخسي يالدافور :D

[حمد808]

مااقول الا الله يعيننا على هالوكالة ونصبهم

[طحنون]

الوكاله ماعندهم الازيت القير الله يعينا عليهم والباقي يتسهل الورش واجد

[مكشات 2007]

اخواني المرسيدس والبي ام واللكزس فيه ورش احسن من الوكالة وحنا نتكلم عن جيب نيسان باترول رح للصناعيه وتلقى خير بلى وكاله واستغلال الوكالة لاتروح لهم ابد خذ رأي وفر الي بياخذونه للكشتات وهرفي لك انت وربعك ولا الحمراني 0 الله يوفقك

[ســـرحـــان]

السلام عليكم وتقبل الله صيام وقيام الجميع ... الاخ بلاك فتك اعانك الله على بلا الوكالات ... واحنا معاك بنفس الموال .. ان كان وكالتكم كيف الحال فعندنا الوكالة الله بالخير .... انت على الاقل تاخذ موعد لشيئ رئيسي ومهم وممكن تقعد يوم واحد بس .... انا عندي سفاري 2007 اخذت موعد عند البابطين - الوكيل بالكويت لمدة 10 ايام وتمت السيارة عندهم بالوكالة 4 ايام .... تدري على ايش ... ماراح اتصدق ... على ميزان ورجفة تواير (ترصيص الكفرات وميزان والذي منه ) فقط لاغير ... بتقولي غلطان موديه للوكاله على هالشغلة البسيطة اقولك انهم الوحيدين اللي يعملون الميزان لان عياره يختلف عن باقي السيارات ... وقسما بالله اني مفكر ابيعه بسبب هالمعاملة وقصص ثانية لها اول مالها تالي ... يا اخي تقول معطينك السيارة هدية موشاريها بحلالك وتستحق عليها الخدمة المناسبة .... انا بس حبيت اقولك علشان تهون مصيبتك شوي .... واسف على الاطالة

[Black VTC]

حمد اللهم امين والله يصبرنا .

ـــــــــــــــــــ

طحنون صدقت و ما فيه الا زيت القير ويبي يجي اللي يفكنا منهم ..

ــــــــــــــــ

مكشات 2007 ترا لفيت الورش اللي بالرياض كلها عشان زيت القير ما فيه احد النتيجة فشل و حطيت موضوع هنا والربع زي ما نت شايف ما لهم الا الوكيل ..

ـــــــــــ

اخوي سرحان عندنا وعندكم خير و الله يفكنا واياكم من هالاحتكار وعموماً انتبه تبيع الفتك وانا اخوك من اجل فتك نصبر على وكيل :)

[winchester]

الله يرضـا على الهايلكس

عندي هايلكس ماشيه 380.000الف كيلو أغير زيت المكينه والكفرات والركب والمساعدات والقطع الاستهلاكيه فقط لاغير وماعمرهـا وقفت بالوكاله

زيت القير ماشيكت عليه من الوكاله ولادفرنش

وماشـاء الله مشيها مثل العسل والله يعينكم على الخساير

دمــتم بود

[Black VTC]

الله يرضـا على الهايلكس

عندي هايلكس ماشيه 380.000الف كيلو أغير زيت المكينه والكفرات والركب والمساعدات والقطع الاستهلاكيه فقط لاغير وماعمرهـا وقفت بالوكاله

زيت القير ماشيكت عليه من الوكاله ولادفرنش

وماشـاء الله مشيها مثل العسل والله يعينكم على الخساير

دمــتم بود


ابو تركي ما شاء الله تبارك الرحمن على الهلي ذكرتني من اول فك لي الوالد الله يطول بعمره موديل 92 جي ال اكس اول هايلكس بدرايش كهرباء (ولد جيراننا معه موديل 91 جي ال اكس درايش هندل ) وما غير امر من عنده وافتح الدريشه واصكها;) تصدق انك ذكرتني بالموتر هذاك اللي باعة الوالد العام ما شيكنا على زيت القير :D

[شبوب]

السلام عليكم ..

هذا عيب النيسان (الوكيل) فقط ..

من وسائل أستغلاله لا يمكن أن تجد زيت القيرالتماتيك للجيب خارج الوكالة ...!!!!صدق أو لا تصدق

[Black VTC]

السلام عليكم ..



هذا عيب النيسان (الوكيل) فقط ..



من وسائل أستغلاله لا يمكن أن تجد زيت القيرالتماتيك للجيب خارج الوكالة ...!!!!صدق أو لا تصدق



اخوي شبوب في زمن عدم حماية المستهلك صدق صدق صدق ... و ما يضيق الصدر الا سعر اللتر 85 ريال + خذ موعد عشان تشيك على القير :(

[raed]

السلام عليكم
والله ياخوك عنديلك ورشة محترمه ماسكة باكستاني محترم احط موتري عنده يومين وثلاثة من غير خوف الباترول العندي 2005 وغيرت زيت القير وصيانة كاملة واكثر من كاملة وكلفني تقريبا 4000 وانا مطمئن والحمد الله اذا بغيتة ارسلك احداثية في القوقل ايرث او دق علي واوصفلك المكان والله اشوره عليك غليوي شي بس ارخص من الوكالة وانظف مكان
جوالي 0500572137 رائد
شكرا

n24'40'27.71 E 46'40'02.89

http://www.mekshat.com/vb/images/misc/progress.gif

[Black VTC]

السلام عليكم
والله ياخوك عنديلك ورشة محترمه ماسكة باكستاني محترم احط موتري عنده يومين وثلاثة من غير خوف الباترول العندي 2005 وغيرت زيت القير وصيانة كاملة واكثر من كاملة وكلفني تقريبا 4000 وانا مطمئن والحمد الله اذا بغيتة ارسلك احداثية في القوقل ايرث او دق علي واوصفلك المكان والله اشوره عليك غليوي شي بس ارخص من الوكالة وانظف مكان
جوالي 0500572137 رائد
شكرا

n24'40'27.71 E 46'40'02.89


http://www.mekshat.com/vb/images/misc/progress.gif



رائد الله يعطيك العافية ويسلمك على المعلومات واخذت الاحداثيات وان شاء الله بابحثه في القوقل و ان ما زبط معي راح ادق عليك ;) الله يطول بعمرك و يقبل طاعتك ...

[ابوريما99]

بلاك فتك

اقسم بالله ان واحد من الشباب دخل سيارته ماكسيما يمكن موديل 2001 هو فاكها وكاله يعني جديده مره
المهم طلع صوت بالقير راح للوكاله وخلوها اسبوع عندهم قالوا من الكلتشات الظاهر المهم طلع الموتر
وقعد اسبوع الا ورجع نفس الصوت يوم وداه لورشه برا الوكاله قالوا له القير مغير مو شد بلاده
يعني مركبين قير مستعمل .

واللي ابي اوصل له انتبه تخلي السيارة تمرح عند الحمراني

انتبه انتبه انتبه

[ســـرحـــان]

ابشرك يا يبلاك .... بعد استخارة الله عز وجل والتوكل عليه فقد بعت السفاري في اخر رمضان ... ولا لي عودة لهذه الوكالة مع ان الموتر للاسف لا يعلى عليه ولكن على مايقولون عافه الخاطر ... والحمدلله رب العالمين على نعمه التي لا تعد و لا تحصى والصلاة والسلام على اشرف خلق الله محمد عليه افضل الصلاة والسلام

[jomran]

ياشباب انا عندي لكم ورشه ثقه وعندهم معيار للزيت حق القير والورشه موجوده في الصناعيه القديمه(صناعية الخرج)مخرج 17 واسم الورشه (ورشة الحسن للقيرالاوتوماتيك) والعيار ما يوجد الاعندهم وعند الوكاله وموقعها والله ما اذكره بالضبط وسامحوني على القصور.



مع تحيات jomran

[زاهد99]

يالربع بما انكم تتكلمون عن الورش
تكفون تكفون تكفون اللي يعرف لي ورشه جيده للفور اكسبلورر عندي صوت في الدفرنس وقد صلحته في الوكالة الحراميه ورجع بعد 40000 كم , ورحت للوكاله قالو لي بتكلفك 3000 ريال تقريباً

[pharamazar]

كل الشركات اسغلاليه ؟

[الهدد...؟]

انا رايي ابعد عن الباترل وخذ تيوتا ازينلك بلا وجع راس بلا قلق

[ذرب المعاني]

يالغالي

شف الوكيل الاقليمي بالشرق الاوسط

مثلا
اخوي شرا ابيكا من الجميح لاوفقه الله

وفيها مشكله وراجعهم وعزروووا به
اتصلنا على الرقم الاقليمي المجاني طلعوا في دبي
وردت علينا بنت وماقصرت كفت ووفت وعملت الاجرائات واتصلت على الوكاله
لدرجة انهم عطوه سياره يقضي فيها مشااويره الين خلصوا مشكلة سيارته

شف رقمهم في ستكر على قزاز السياره

والله يعينك