وش الفرق بين هذا وهذا (يوجد صور مرفقه)

[الدلوع]

وش الفرق بين السياره هذه( الربع )

http://www.efi4500.com/rba/7.jpg

وهذا الحوض مهي كلها تايوتا

http://www.efi4500.com/ho/13.jpg

[الدبل الثقيل]

الفرق ان الربع اللي في الصورة من الموديلات اللي من 92 الى 99 وهذه الموديلات سواء كانت السيارة ربع ولى شاص تكون من الأمام ومن الخلف سست (يعني ينطبك لين يشبعك نط). وغير هذا مكاينها كربريتر(يعني يشرب بنزين ماهو في السنع) وقوة المكينة 210حصان
اما الصورة الثانية فهي للشاص موديل 2002خليجي (وبعض الدفعات في السعودي (هذا بالنسبة لخطوطه الجانبيه) وهذه الموديلات تبدأمن موديل 2000وانت طالع (بالنسبة للشاص والربع) وهي من الأمام يايات ومن الخلف سست. ومكاينها بخاخ وقوة المكينة 240حصان ( يعني أريح وأقوى وأقل صرفية للبنزين. وبالنسبة للشاص في هذه الموديلات غمارته اوسع من الموديلات اللي قبله) وأيضا الشاص السعودي والبريمي (عماني) يكون من الخلف 11 سسته (يعني يذبحك بالمطبات بس انه حق تحميل ثقيل). اما الفطيمي (الأماراتي) يكون من الخلف 8 سست (يعني أريح وأخف في المشي ويحمل تحميل زين).

ملاحظة / الصورة الثانية / الشاص الأبيض موديل 94 أما الشاص البيج موديل2002 .

هذا اللي عندي وان كان في خطأ أرجوا من اللي يعرف يصححه وجزاكم الله خير...

[najeme]

السلام عليكم ورحمه الله وبركاته
وبعد : الجيوب سواء كانت ربع او شاص من موديل 92===== >99 علي كيفك ليش علشان هاذي الموديلات خاصه للكد يعني للمرش امرش السياره ماتخرب علشان هاذي الموديلات كلها سست مما يساعد اثنا الطرد علي التحكم بالسياره ثاني شي اقوا هيكل من الالفين وورا

اما الموديلات من 2000============>الي مالا نهايه هاذي المكينه قويه وقليله صرفيه بس ياي

يعني مما يساعد على الانقلاب بسرعه اثنا الضغط على الياي وسلامتكم

ربع 97 وبس وبس:good:

[الدلوع]

شكراا على المرور

لكن قصدي وش الفرق بين الربع وشاص

[السالمي]

اذا كان هذا قصدك

الربع والشاص نفس الماكينه على ما اعتقد

العزم نفس العزم

لاكن الشاص يجي بعض انواعه تانكيين ويشيل عفش اكثر من الربع

والربع يشيل ركاب اكثر من الشاص مع المناطق الجبليه افضل لانه حجمه اقصر من الشاص


لاكن وشرايك لو دمجناها وصارت زي الصوره هذا وش رايك تضبط الشغله والا لا

http://www.3zazi.com/vb/uploaded/sd.jpg

شاص بابين ركاب وعفش

الصوره حقيقه وليست تركيب ومصورها انا من ساحة معارض الدمام

[أبو يوسف]

اخوي السالمي


الشاص هذا عز الطلب


ومن ناحية القوة
اللي اعرفه ان الشاص والربع اذا نفس الموديل
فالمكينة وحدة


مشكور اخوي على الموضوع


تحياتي

[* ضب *]

انا اقولك الفرق

الاول طالع
والثاني نازل

لكن والله العالم ان عقولهم وحدة


والفخر للصانع وليس للمفحط او المطعس


تحياتي
والله يهدي الجميع

[الصياد الليبي]

السلام عليكم ورحمة الله وبركاته
الفرق في السواق بس
لا حتي الربع ماهي هينه