ماااااااااااااااانع انقلاب ...فكرة ..!!

[مدور ربيع]

السلام عليكم ورحمة الله



الحقيقه هي فكررره ولكن ممكن تكون حقيقه ..



شرح الفكره ..!!



بدءت الفكرة على اساس الارتكاء الجانبي للسيارة في حالة ميلانها الغير عادي


والفكرة عبارة عن بساتم جانبيه قويه التحمل , ومثبت في طرفها عجل مناسب


يختفي في حالة عدم الحاجه تحت الشاسيه وبدون تأثير على خلوص السيارة




ويمكن ربط هذهي البساتم بجهاز حساس للميلان ..


بحيث تخرج العجلات الجانبيه ذاتيا , في حالة تعرض السيارة لميلان


مفاجئي .. وعند استواء السيارة ليس لها تأثير لاارتفاعها عن مستوى الكفرات العادي

وطبعاء هي مناسبه للسيارات المرتفعه مثل الجيوب


وهذي صورة للفكرة ..
http://www.mekshat.com/pix/upload/images49/mk41078_99999.jpg



وتصميمها يمكن ان يكون بهذا الطريقه :


بساتم متقابله (( البساتم الخلفيه لمضخة الاسمنت ..البمب )) مناسب للفكره


ترهيم هوبات دراجه ناريه في راس كل بستم


فيش زنبرك , يوضع بين اشرطه اليايات


ويتم تصميم حاوي للكفرات ينفتح بلحظة شبك البستم


واعذرونا فكررررة وحبينا نطرحها لعل يجيء من وراها فايده


...

وسلامتكم


واعذرونا على الاطالة والفكررررة قابلة للنقد والشرشحه

[برق بريده]

تسلم اخوي على ها الفكره الرائعه

بس وين الي يزينه ((مانب احطمك ))

[داق لطمه]

حلوه منك على أد سنّك
( ملاحظة :العبارة أعلاه تقرأ بالمصري ) هههههههههههههههههه

لكن وش رأيك لوكنت ما شي وضربت لك مطب بجهة وحدة من السيارة ، ولا طاحت الكفرة بحفرة وأنت ماشي ، عاد ما تدري إلا الكفرة طالعة برى وتناظر فيك .

[السرب]

يعطيك العافيه وتسلم

[الوعب]

السلام عليكم


طرت علي سياكل البزران :)
مع خالص احترامي للفكره و راعيها هي ممكنه نظريا لكن مثلا وانت في الطعوس غالبا السياره مايله
هي مفيده في شغله .. في الازفلت مثلا انفجر احد التواير ترى الي يلقلب السياره الله يكفينا وياكم الشر هو اختلال توازن السياره ,, حتى لو تلاحظون السيارات الي تجي احجمام الجنوط فيها كبيره (مقاس 20 و 22 ) مثل البي ام و البورش هذي السيارات اذا بنشرت و انت مسرع ماتحس باختلال توازن ابد لانه حجم الجنط كبير و حجم التاير صغير جدا عشان كذا مايصير فيه فرق في الاتزان.
وانا احييك اخوي على الفكره حتى لو كانت صعبه التطبيق او غير مفيده
على الاقل الشخص فكر وهذا الاختلاف بينا و بين الاجانب
وابيكم تلاحظون شي .. مثلا لو الفكره هذي صعبه فهذا شي عادي مش غريبه يعني
لانه اساسا احنا العرب ماعندنا تصنيع سيارات و غيره
اما مثلا في موضوع الخيام و عدة الرحلات شوف الابتكارات
والسبب سهوله التجربه و امكانيه التطبيق
بالتوفيق للجميع

[مدور ربيع]

الاخوان الكرام .. كلن بأسمه

شاكر لكم المرور والمشاركه والله محييكم ..



وعموما هي مجرد فكرة ,, مناسبة للقياده بالزفلت خصوصا"

اما النفود والمطانيج فمالها علاقه :D:p



(( برايفت عزيز ))

اشكرك اخوي على الدعم الفني والمعنوي للفكرة وكثر الله من امثالك



شاكر لكم حضوركم ولاهنتو :)

[ابو شيخة]

الفكرة جيدة بس ما تصلح في الارصفة بالبطحة ههههههههههههههههه

[الغريري]

الفكرة نظريا معقولة ...

ويمكن تطويرها إلى جعل الكفرات تخرج وتُثبت آليا ، أو يدويا . في حالة السفر لمسافات طويلة على الإسفلت فقط .

مثلا ..
قبل أن تُسافر، ومع التشييك على السيارة ، الزيوت والكفرات ، تثبت هذه العجلات، التي ينبغي ألا تكون بارزة كما في الصورة أعلاه ، بل تكون في نفس محيط السيارة ، قريبة جدا من الإطارات، وترتفع عن الأرض بمقياس10 سم تقريبا . ويكون التثبيت قوي جدا بحيث لو حدث ارتطام ، لا تنفلت هذه الكفرات فتنعدم الجدوى منها .

وفق الله الجميع ، وحفظ الله المسلمين من شرور الحوادث .

[مدور ربيع]

هلا ابوشيخه ..

البطحاء ياخوي ماتبي السيارة بكبرها ... يفضل الدبابات اوالسياكل هناك :D:p


هلاوين الغريري ..

اشكرك على التفاعل مع الفكررررة , واقتراحاتك جميلة

وعموما الشغلة بسيطه نظريا , وعمليا يبغالها فني محترف :cool:


لاهنتو وشاكر لكم المرور وامن الطرق :D:p

[الشــامخ]

التفكير في شي يفيد في حد ذاته مفيد

بيض الله وجهك ورحم الله والديك وانا ايد الفكره 100% وعلى القوه انشاءالله

[صقار البكيرية]

الفكره جيده بس يبغاله تطوير
الكفرات ماتكون بارزه
ومثل ما قالو الاخوان تصلح للخطوط
والاحسن تكون مقاربه للكفرات الاساسيه وترتفع عن الارض بنسبه بسيطه حتى لوبنشر احد الكفرات ماينزل الموتر بشكل كبير

بس وش نوع الكفرات
الي يتحمل



هذا الي عندي ونحتاج تطوير عشان يكون تطبيق

[مغلي]

هل سمعتم عن المساعد المانع للإنقلاب قبل تقريبا 5 او 7 سنوات كان له دعايه كبيييييره جدا والحين اختفى !!!!!!!!!!!

[مدور ربيع]

اهلا بالاخوان ..

الشامخ ..
تسلم اخوي على المرور والكلام الطيب .. ورحم الله والدينك وبيض الله وجهك دنياء واخرة


صقار البكيريه ..
من ناحية التطوير , اكيد يبغالها تطوير ,, وكلامك صحيح بالنسبه لقربها للكفر وارتفاعها عن الارض
وبالنسبة للكفرات , واجد النوعيه الصغيرة شديدة التحمل
(( خاصة مايسمى الكفرات الحجريه , بدون هواء ))
لاهنت على مرورك وتعليقك

مغلي ..
قد مرت علي الدعاية اللي تتكلم عنها ,, واظنها مساعد يركب على ذراع الديركسون


وهذي صورة سرقتها :D:p من اخونا سعد الليالي الله يسعده
وارجو منه المعذرة,, وتقريبا تحاكي نفس الفكرررره


http://www.mekshat.com/pix/upload/images49/mk41078_suburban_large.jpg


حياكم اخواني ولاهنتو :)