شى غريب يحدث لسيارتى السفارى vtc 2800

[only]

يالربع الله بالخير للكل والجميع
انا اول مره اشارك فى منتدى السيارات
عندى مشكله بالسياره وهى ما تبان الا اذا مشيت مشوار طويل فوق ال 100 ك واوقفت السياره وهى صاخنه ورجعت شغلتها بعد ربع الا نصف ساعه تقريبا يطلع منها دخان كثيف جدا لدرجه ملفته للنضر يعنى لو الهوى جاى ناحيه السياره يمكن يغطيها الدخان ابيض وشوى بس بعدها يروح ولكان شى ماصار 0 حصلت معى 3 مرات بعدها غيرت البنزين من 95 ال 91 قلت يمكن ولا كن تكررت الحاله رغم ان الحراره طبيعيه والعزم طبيعى والله حيرتنى موديلها 2004 جيربكس تماتيك 0 ياليت الى مرة عليه او يعرف يريحنى والله انها هامتنى

[الوعب]

السلام عليكم ورحمه الله و بركاته

اخوي الي حاصل معاك وحد من اثنين

اولا : يا انه فيه باغه نايلون لصقت على الشكمالن ولا الدبه و يمكن تكون في مكان غير مكشوف
وهذي حصلت معاي انا شخصيا ,,, ماخليت شي ماسويته و اشم ريحه نايلون يحترق طبعا ماخطر في بالي انه كيس نايلون لصق على الشكمان و انا انشي لقيته ذايب .
ثانيا: وهذا شي حصل مع اخوي ,, وانا ارشخ انه حاصل معاك هذا الشي,, الي هو تهريب في ربله الجير,, الي تصير بين الجير و المكينه تنقط على الشكمان ويطلع الدخان ,, نفس الشي تبهذل اخوي وبعد معاناه اكتشف و سيارته كانت تماتيك (لكسيز صالون)
وماتشوف مكروه ان شالله

[.أبوعبدالرحمن]

هل انت تذهب لعدة مشاوير حسبتها وطلعت 100 كم؟؟؟؟؟


او

هل انت تمسك خط 100 كم؟؟؟؟


اذا كان الاول لا اعلم والله يعلم سبحانه


اما اذا كان الثاني يعني تمت الموتر 100 كم مرة وحدة جرب انك اول ما توصل ما تطفي السيارة وخلها و تقريبا 5دقايق بعدين طفها وهذي الحركة معروفة انك اذا مسكت الخط وتوقفت ما تتطفي السيارة على طول الا بعد خمس الى عشر دقايق


والله يعينك وان شاء الله الشباب بيفيدونك وجرب الحركة اللي قلتلك لعلها تنفع

[shaheenshah]

موترك كم ماشي؟

[only]

اخوى aziz شكرا على الرد
هذا الشى ماهو من باغه على الشكمان ولا شى
الدخان صادر من الشكمان
ولا يطلع اذا مشاويرى داخل البلد يعنى مشاوير قصيره
بس فالمشوير الطويله وبشكل غريب كثيف جدا ابيض وثوانى ويروح ولكن شى صار

------------------------------------------------------------------
ابو عبد الرحمن الصفيان
هلا والله
طبعا ما تحدث الا نادر اذا رحت مشوار طويل وطفيتها وهى صاخنه وشغلتها وهى بعد مابردة السياره
على قولك الا فضل تبقى السياره شوى قبل ماتطفى

------------------------------------------------------------------
shaheehs
اخوى الموتر ماشى 79
الزيت ماينقص
انا اقول مافى دخان من غير نار
يعنى الحاجه هذى وراها بلى والله يستر

------------------------------------------------------------------

للتعديل 4800 vtc

[المميـز]

اانا ماودي افتي ولا اخوفك ولكن مجرد توقع

شيك على البستم ,, اخاف انك بعد مشوار الـ 100كم يطلع الزيت فوق البستم وذلك بسبب وجود خلل بأحد البساتم

وشوري عليك لا تشيك عليه الا عند الوكاله لأنهم راح يفحصونه كمبيوتر اول شيء

وقطعتك لمشوار الـ 100كم .. كم تمشي ؟؟ هل فوق 160 ؟؟


وان شاء الله تنحل مشكلتك بأبسط الامور ,,,

[only]

شكرا اخوى المميز
سؤالك عن السرعه طبعا مثلكةعارف المشوار الطويل يبغاله همه شوى
وانا اوافقك الراى
مالها الا الوكاله والله فى بالى من زمان ونت شجعتنى مشكور اخوى
الله يجزى الجميع بالخير

[only]

يرفع

ياشباب يهمنى ارائكم للفائده
مشكورين

[ذئب اليل]

أخوي الي اعرفة ان الي يسبب ادخان البيض وخروجة من الشكمان هي جلاد البلوف والله اعلم

[حاتم نجد]

مثل ما قال ذئب الليل الظاهر والله اعلم انها جلد البلوف

[flan]

السلام عليكم ورحمة الله وبركاته اخي الفاضل الحركه هذي كانت عند واحد من ربعي عنده نيسان 98 وطلعت المشكله من الربل اللي فوق الصبابات مايكلفك ميتين ريال بس وشكرا

[أبوعزام11]

الله يزيل مصيبتك

[winchester]

أذا كان لون الدخان يميل الى اللون الابيض (هذا طالع عمرك يوجد تهريب لزيت لغرفة الاشتعال من جلد بلوف أو بساتم أو غيره)

أمـا أذا كان لون الدخان يميل الى اللون الاسود (هذا طالع عمرك المشكله بالبنزين والهواء البخاخ ماينظم صح)


هذا والله أعلم

أتمنى أني أفدتك ودمــت بود

[الوعب]

السلام عليكم

ماكنت اتوقع من الشكمان لكن ارجح موضوع ربلات الصبابات الي ذكروه الشباب
وعشان تقطع الشك باليقين الي راح يحسم لك الموضوع هذا الله يسلمك ود السياره لمحل من محلات فحص الكمبيوتر ,, الي لاشريت سياره مستعمله توديها تفحصها ,, راح يحط الكمبيوتر على السياره وبيعطيك تقرير مكتوب عن المشكله ,,, حاول انك دايما تشوف عيار الزيت لايقصر و انت ماتدري
بالتوفيق

[المرقب العالي]

حصل معي لسيارة تايوتا نفس ماقالو الاخوان

جلد البلوف إذا ماينقص الزيت واجد مافيها مشكله عادي

[gasomi]

ذيب والمرقب العالي كلامهم صحيح ولا تفحص بالكمبيوتر ولا شي

صوف البلوف والله أعلم يتسرب منها الزيت إلى البستم أثناء التوقف فترة طويلة

إذا كانت تحدث نادرا لا تلتفت لها ولا تصير حساس مرة

[only]

اخوانى الكرام

---------------------------------------------------------------------------------------------------------------
ذئب اليل
-----------------------------------------------------------------------------------------------------------------
حاتم نجد
----------------------------------------------------------------------------------------------------------------
fian
-------------------------------------------------------------------------------------------------------------
ابو عزام
--------------------------------------------------------------------------------------------------------------
مشعل ابو تركى
-------------------------------------------------------------------------------------------------------------
aziz
--------------------------------------------------------------------------------------------------------------
المرقب العالى
--------------------------------------------------------------------------------------------------------------
gasomi
--------------------------------------------------------------------------------------------------------------
السلام عليكم ورحمه الله وبركاته
شكرا على تشريفكم موضوعى
وارائكم التى استفت منها
وارجو السموحه لانشغالى وتاخرى فى الرد ورمضان كريم
وما ادرى اذا كانت السبب من جلد البلوف واهملتها هل لها تاثير على السياره

[shaheenshah]

المشكلة هذي صارت لواحد من الشباب معه باترول 93 وعلى كلام الميكانيكي انها جلد بلوف والله أعلم

[الساهر2003]

جلد بلوف الصبابات واحد منها متعطل يهرب زيت وعندي للاند 97 وفيه المشكلة من زمان واذا شغلت السيارة من كثر الزيت مايشتعل البنزين وتسمع طقطقه خفيفة ثم يظبط ويروح الدخان واذا جا وقت واحتجت تفك راس المكينه فصلح جلد البلوف واذا ودك الان فالامر عادي جدا
والسلام

[only]

اخوى
haheenshah
نعم زى ماتفضلت عرضت السياره على مهندس قال احتمال كبير انها من الجلد

---------------------------------------------------------------------------------------------------------------------
اخوى الساهر 2003
والله نفس الاعراض انا الان سيارتى لها ثلاث ايام تدق سلف وتبى تشتغل واذ رفعت يدى عن السلف طفت الين اوشكت اخلص البطاريه اش الحل افك البواجى وغسلها ببنزين 0 بعدين من قبل تحس اذا تبى تشغلها كن البطاريه ضعيفه وهى كويسه
:confused: :mad: :rolleyes:

[الساهر2003]

اول شيي اخوي تاكد من قوة البطارية وتاكد من الدائرة الكهربائية ووصول البنزين ومستحيل الزيت يملىء البستم ممكن يكون البطارية ضعيفة والسيارة موموقته الساعة بشكل سليم