طيوري للبيع -ماعندي اجازة

[ملاعب الطير]

1-حر صايد الحبارى والكروان والارنب ويطلع
3-حر يطلع ويلحق صايد العام ثلاث
3-شاةين جير فارط صيدها العام خمس حباري كلها تلحيق

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير يا ملاعب الطير
اللي مجمع هالطيور ما ظني بيبيعها بسبب الأجازه
طيور طيبه . ينفعك شوفها .والأجازه بتجي ان شاء الله
الواسطات وين راحت ههههه
اخي العزيز اشياء بينشدون الأعضاء عنها
اعمار الطيور ومقساتها وقيمتها صورها
ياليت توضح اللي ممكن توضيحه وترى لي نظر فالشاهين الفارط
والسلام
الفيتو
الحجاز
13-9-1428هـ

[ابوحافظ]

صباااااح الخيرررر


عين من الله خير ورااااح تحصلك اجاااازه ان شاءالله.



ربي يوفقك ان شاءالله

[عواض]

صبحك الله بالخير ياملاعب الطير

عسى الله يرزقك بالاجازه وتهد وتستانس

وبالنسبه للجير اذا انت بياع نبي نعرف مقاسه, وسنه, وشركته , وكيف قرناسه الله لا يهينك

[رآعي آلبآترول]

اررررررحب ياراعي الطير

يارجال لا تبيعها تكفى طالبك طلبه
ياخوي الاجازه بتحصل ان شاء الله
وهالطيور ماينتفرط بها وانا اخوك
والله اني شفق عليك من الحسوفه بعدين
تعوذ من ابليس ولو مايجي الا انك تدعيها خميس وجمعة
والدعوة ان شاء الله خيره وانا اخوك
"وعــسى ان تكرهــوا شيــئاً وهـو خـير لكم"

مـــوفق اخـــوي

[((الخالدي))]

الله يوفق البايع والشاري

[النداوي1]

أخي ملاعب الطير
السلام عليكم ورحمة الله وبركاته..
أول شي نطلب من الله العلي القدير ان يسهل لك أجازه وتستانس بهدد طيورك
وثانياً أن كان أنك مصمل على بيعهن أن كان أنك بالرياض نبي نشوف الطيور أرجو أن ترسل لي رقم جوالك على الخاص ولك كل الشكر ..
اخوك/ النداوي1

[جار ابو علي]

اللة يوفقك

[ابو سمحه]

افا بتبيع

ونا اخوك والله ثم والله لو تبيها ان تندم ندم

يا سرع الدنيا اصبر واصبر مفتا ح الفرج

[ابو عايد]

تم نقل الموضوع الى بيع وشراء الصقور ومستلزماتها (http://www.mekshat.com/vb/forumdisplay.php?f=97)

[النداوي1]

وينك أخوي ملاعب الطير مرديت علينا عسى المانع خير

[قرناس الرياض]

هلا النداوي عندي جير شاهين اسود للبيع طوله 17 ونصف وعرضة 18 وشرط الذبح واللحق والحمام اذا بديت ما تشوفه بالدربيل هد وتلحق والركاده الله يخلف بس بالسيارة راكده شوي وتكوش على العلف وفيها صيحة شوي ومسيومه ب 25 الف ريال ومشروط بورقة الذبح واللحق وذابحة خرب لحق .. تحياتي

[النداوي1]

أخي قرناس الرياض مساك الله بالخير بالنسبه للحوق عندنا وعندك خير عندنا ولله الحمد حر ماشاء الله يلحق لكن أنا أبيلي طيرراكد على التكيه طول النهار ولا يكفخ ويكون يطلع طلعٍٍ ثبات أما بالنسبه للجير والله ياخوي ما أرغبها وأنت أطلب من الله أن يوفقك بالبيعة الطيبة لطيرتك 0 شاكرلك

[ملاعب الطير]

الطيور واحد ضاع
واثنين ماتو
وسلامتكم
الله الله
خللللللللللللللللللللللوووووووووووههههههههاااااااا ااا

[..@القناص@..]

الطيور واحد ضاع
واثنين ماتو
وسلامتكم
الله الله
خللللللللللللللللللللللوووووووووووههههههههاااااااا ااا
خوش تصريفه هههههههههههههههههههههههههه

[صقرالشعلان]

ملاعب الطير اتوقع ياابوصالح انه من اهل الشعيبه والتسحيبه هذي مهي زينه مع الربع ومشكور على خفت الدم هههههههه

[لعّاب المنايا]

ملاعب الطير والله ما الومك اذا موضوعك هذا قبل سنه ,,’’

فتوقع اي شي يموت يغدي ..,,

والله يعوضك خير منها ويعقل اللي غدا منها ان شاء الله .,,

[صافى السريره]

يااخوان الا ترون ان مثل هذه التصرفات : 1_ لاتجوز عرفا ولاشرعا 2_ تفقد الموقع الثقه ومع الاسف انها من ( مكشاتي متواصل) وفق الله الجميع لاحترام الاخرين

[الخرب الازرق]

السلام عليكم الله يهديه ويصلحه

[شيخ الشرقية]

يا شباب الموضوع مر عليه سنة يمكن

[فداع]

لاتعليق000000

[طواش]

الطيور واحد ضاع
واثنين ماتو
وسلامتكم
الله الله
خللللللللللللللللللللللوووووووووووههههههههاااااااا ااا

عنبووووه من سمت على الطيور الي مات والي ضاع :confused: :rolleyes: :mad:

[..@القناص@..]

ياخوان .. لاتضلمون الرجال
والله توي ادري ان الموضوع صار له سنه
او اكثر .. انا احسب الموضوع كاتبه الرجال قبل يومين
ويمكن يكون صدق .. والله وعلم

[قطراوي]

الله يعوض عليك
ههههههههههه
عرجاء ومكسورة مثل مايقولون
الله يعين
تقبل مروري

[راعي مطروح]

لا تعليق لا

[ملاعب الطير]

ياخوان انا اخذت براي لأخوان ولا بعت ورزقني الله بأجازه
وقنصت وهديت ردام وضاع
وزراق مات كذااااااا ارادة الله
في يوم واحد
واليوم اللي بعده لحقهم الثاني
بعدين انا بحثت عن المواضيع اللي انا كتبتها ولقيت الموضوع وتذكرت طيوري
وشفت الربع يسألون عن الطيور
ورديت هذا الرد المحطم
وبعدين انا كتبت موضوع اول ماضاع ردام وماتت الطيور
وكتبت قصيدة كان مطلعها
غــصاب مــات وعــقبه بيوم زراق*** وردام راحتـبه شرود مخروشه
طــارت وراحــتبه بعـــيد" بالافاق*** وذابو سوا بالغيم من دون ريشه
مشــتاقة" للغــيم بتــعانق اعـــناق*** وفي بالها كل الأراضي وحيشه
وردام يعشــقها وعــشقه بالعمــاق*** عاشــق ثــناديها ولا ذاق عـيشه
ومن عقبهم جوي معكر ولا راق*** ومليت من تشق الهوى والمعيشة

[رآعي آلبآترول]

الله يعوضك خير منها ياملاعب لطير
وصح لسانك على هالابيات
"وردام راحتبه شروج مخروشه"
الله يعوضك خير منها وكل مسلم

[بوخالد الكعبي]

الله يعوض عليك يالغالي

[راعي ذياب]

السلام عليكم الخ المكرم لهنت نبي الصور حقات الحر الي صايد الحبارى والكروان الله ليهنك

[ملاعب الطير]

شكرأ لتفاعلكم
واسف على سوء فهم وظن البعض

[محمد الفهيد]

صح لسانك والله يعوضك

[بعيد الشوح]

يربع الموضوع ذا قديم مره قبل سنه الموسم اللى راح