نيسان تماتيك !!!

[طناف]

أخواني المكاشيت

مجرد أستفسار عن نيسان سفاري موديل 92 قير تماتيك .
طبعاً هي قليلة جداً وياليت من أستخدمة يفيدنا مأجور
عن أستخدامة في المدن وفي البر هل فعلة طيب
لاتبخلون علي بشيْ ناوي على واحد

[shaheenshah]

دور لك قيرعادي احسن لك وأوفر لك

[طناف]

ما قصرت ياشيهان
وينكم يا أهل الخبرة

[ابوحافظ]

هلابك اخوي طناااف




نعم جربت نيسان تماتيك كمل معي 3سنوات ولا اشتكيت منه لحد مابعته


وعند ولد عمي نيسان ربع تماتيك ولعن والده 5سنين وللحين عنده.. الصراااحه انه ريح بس فرقه عن القير العادي البطاريه لافضت والغراز ماتقدر تلاعب السياره او تنتعها.


والسموووحه.. (ولو اتفقت الأراء لابارة السلع)

[طناف]

الله يبيض وجهك يابو حافظ دنيا وآخرة
نعم أبي نصيحة من أستخدمة يذكر سلبياتة وأيجابياتة

لاهنت

[الوعب]

السلام عليكم

اخوي اذا السياره نظيفه و ودك فيها مثلا للبر و الرحلات انصحك بنصيحه
خذ السياره و على اقرب كراج وبدل جير السياره الى جير عادي
دور لك في التشليح على جير مستعمل بس يكون نظيف
السيارات هذي بعد ماتغير جيره من تماتيك الى عادي يصير احسن من الي جاي من المصنع جير عادي
انا كان عندي نيسان كان تماتيك و الشخص الي شراه قبلي غيره جير عادي و انا شريتع بعدين كانت مكينته وعزمه شي عجيب
وبالتوفيق

[طناف]

ألأخ عزيز لاهنت على النصيحة وأبيض وجهة
لكن الطمع في التماتيك لأنة مريح

[الوعب]

اما من ناحيه انك بتخليها تماتيك فا الله اعلم اتوقع يكون عزمه ماهو الي يطربك ,,, اذا كانت عندك سياره سو الي قلت لك واقلبها عادي اما اذا كانت هذي سيارتك الوحيده فهذا شي انت تقرره لانك انت ادرى بإحتياجاتك
موفق خير

[الدحبول]

الاوتومتيك ممتاز و أقل خراب و يصبر مريح وتقدر تسحب عليه
بس شرط يكون القير نظيف ركز لاتشتري واحد قيره تعبان صدقني رح تتعب
ان عندي لاندكروزر 1997 فيكسار أوتومتيك أطعس عليه وخطوط على خفيف وداخل بلاد
سنتين مستخدمه
ماوجهتني أي مشكلة الحمد الله
علشان تحافض عليه
1) لاتعشق القير بدون ماتضغط بريك وضغط مضبوط على البريك
2) تغير زيت القير مع الفلتر كل 50 الاف حد أقصى
إن غير كل 50 لانه ما اكرف القير
3) ماتضغط على أزرار القير مثل باور و لاند 3 و زرق الاورديف غلا وسيارة واقفه تمام والقير على فاضي

[ابوفهود]

الاتوماتيك جيد في المدينه ومريح ولكن عيبه في السفر وخاصة اذا كان الطريق فيه مرتفعات أو واجهك هواء قوي ما يتعدى 140 كيلو في ساعه ولكن في البر لابد ان تكون حذر من مفاجأت الطريق مثل تقاطعات الطرق
او المنعطفات ولكن في الطعوس يسحب وما عليه خوف . وكما ذكر الاخوان لابد تغيير الفلتر الجير كل 6 شهور وهذا من خلال تجربتي مع السفاري 99.
هناك ملاحظة : عندما تتوقف في التغريس خفف من هواء الكفرات وخله على 20 وحطه بالثقيل ودي1 واذا تحرك غير الى دي2 وخله يسحب على كيفه ولا تدوس اسحب له شوي .

[الشامخ]

انا كان معي 99 عادي 6 سنوات ما رفع ظغطي الا القير بالديرة
والحين معي 2002 توماتيك وكمل 3 سنوات تقريبا والحمد لله ماشفت منة الا كل خير والصراحة مريحا بالبر وبالطعوس بس بدون ما اتهيبل يعني لازم تكون راكد اما اذا انت راعي سحب وجفاسة ما ضنيت انة يكون مطلوبك :no2:

[طناف]

الأخوان
عزيز
الدحبول
بوفهود
الشامخ

الله لايهينكم على تفاعلكم وماقصرتم

[only]

صراحه الاوتوماتيك
من خلال تجربتى مع السفارى vtc الى ماهى طويله
بس والله لااحلى ولا اجمل ولا اطعم ولا اشهى من ماجميعه
يمكن فى المرتفعات شوى ثقيل زى الشفا
بس انا شايف انه ذالشى طبيعى ماهو عيب فيه تلا حضه زيه زى غيره من السيارات
انا بصراحه لقيت سيارتى الى ماابى غيرها مع الفتك
بعد مجال طويل مع السيارات الصغيره المنوعه

[ناوي نيه]

نصيحه خذلك عادي والله يعلك كان عندنا 90 تماتيك
وضبناه ثلاث مرات ما ارتحنا لين حطينا عادي ...

[raed]

السلام عليكم
عندي 2005 والحمد الله ممتاز وما شوفت اي مشكلة والحمد الله

شكرا

[النشمى22]

مشكوررررييييييين