أيـــــن أجـــــــد مكينة جمـ(GMC)ــس 350 تعمل بالـديــــــــزل ؟؟؟

[فرد حمزة]

السلام عليكم ورحمة الله وبركاته


أنتم تعلمون أن الشتاء والربيع على الأبواب

ومكينة الجمس لدي تعبانه وتحتاج توظيب ويكلف توضيبها قرابة 2500 ريال طبعاً تعمل بوقود البنازين

خطر ببالي أن أزيد على المبلغ وأشتري ماكينة ديزل طبعاً كي أرتاح من عناء صرف البانزين

وبحث بالأمر وسمعت أن بالقصيم تباع مكائن ديزل للجمس لكن أين لا أعلم :(

أود من من لديه علم وخبر عنها وإن أمكن عن أسعارها إفادتي ولله مني وافر الشكر والتقدير


وجزاكم الله خيراً مقدماً





تحياتي للجميع

محبكم أخوكم

فرد حمزة

[Bader-M]

اسمع رايي
وخلك على البنزين
لاسباب
1- عدم توفر قطع الغيار
2- قطع الغيار مكلفه
3- سعرها اغلى من البنزين
4- اقل قوه من البنزين
وراي الاول والاخير لك
تقبل تحياتي

[ابوحمد2001]

السلام عليكم ورحمة الله وبركاته
بخصوص مكينة الديزل فهي كثيرة الخراب ولاتقدر تغامر وترواح لبربعيد ،ونفس ماقال الاخ طاير بالعجة ،،،، ومكينة الديزل ماتصلح الاتجي وكالة وشكر

[مهيلان]

فرد حمزه سلام عليكم
حياك الله وبياك
ذكرت انك تبي تركب للبليزر مكينة ديزل ....
انا اقول انها خطوه مباركه والله ييسر امرك
ولحبي للديزل .. ولانني من المستخدمين له ..
فسوف اساعدك
رح للخرج واسال عن التشليح
واذا جيت التشليح اسأل عن اللي عندهم معدات وسيارات الجيش الامريكي
وهي متوفره بالخرج لقربه من القاعده الجويه التي خرجوا منها بفضل الله ...
ثم باعوا المعدات على تشاليح الخرج ,,
سوف تجد ان شاء الله طبك ولن يكلفك كثير
.. احد الاخوه اخذ من عندهم قير بليزر مع الدبل بتسعمئة ريال فقط ..
الله يوفقك
وييسر امرك
وترى خسارتك بترجع لك خلال ست شهور فقط من استخدام الديزل ...
وكل من نصحك بعدم تركيب مكينة ديزل ..قل له ما جربتوا الديزل مثل مهيلان ..
معبي من الطائف ب22 ريال وامشي 140 ووصلني التانكي الى الرياض !!!
يالله سلاااااااااااااام

[فرد حمزة]

الرسالة الأصلية كتبت بواسطة طايربالعجه
اسمع رايي
وخلك على البنزين
لاسباب
1- عدم توفر قطع الغيار
2- قطع الغيار مكلفه
3- سعرها اغلى من البنزين
4- اقل قوه من البنزين
وراي الاول والاخير لك
تقبل تحياتي


السلام عليكم ورحمة الله وبركاته

هلا بأخوي الراسي بالعجة :)

رايك من فوق على رأسي ،

وقد نبهتني لأمور غفلت عنها وحقيقه لابد من التركيز فيها

حاليأ لا أخفيك سأعمل برأيك ...

وأستميحك عذراً إن وجدت الماكينة كما ذكر أخي العزيز مهيلان رخصية



أغلى تحية

محبك أخوك

فرد حمزة

[المغترب]

كلام الأخوان
ابوحمد2001
و طايربالعجه صحيح من ناحيت اتكاليف.

وكلام اخوي مهيلان صحيح من ناحيه اخرا.
مع العلم انقطع الصيانه نادره الاعند بعض التشاليح.


لاكن انا عتقد ان العيب مهوب بالبنزين ولا بديزل
العيب بالوكيل الأنه هو مادعم الديزل بالمملكه.


وشكرآآآآآآآآآآآآآآآآآآآآآآآآآآآآآآآآآآآآآآآ

[فرد حمزة]

الرسالة الأصلية كتبت بواسطة ابوحمد2001
السلام عليكم ورحمة الله وبركاته
بخصوص مكينة الديزل فهي كثيرة الخراب ولاتقدر تغامر وترواح لبربعيد ،ونفس ماقال الاخ طاير بالعجة ،،،، ومكينة الديزل ماتصلح الاتجي وكالة وشكر


ابو احمد 2001


وعليكم السلام ورحمة الله وبركاته

أشكر لك النصيحه والمشورة وأعتبرها أغلى ماتقدمه لي

و أن شاء الله سأعمل بنصيحتك :)


فرد حمزة

[فرد حمزة]

الرسالة الأصلية كتبت بواسطة مهيلان
فرد حمزه سلام عليكم
حياك الله وبياك
ذكرت انك تبي تركب للبليزر مكينة ديزل ....
انا اقول انها خطوه مباركه والله ييسر امرك
ولحبي للديزل .. ولانني من المستخدمين له ..
فسوف اساعدك
رح للخرج واسال عن التشليح
واذا جيت التشليح اسأل عن اللي عندهم معدات وسيارات الجيش الامريكي
وهي متوفره بالخرج لقربه من القاعده الجويه التي خرجوا منها بفضل الله ...
ثم باعوا المعدات على تشاليح الخرج ,,
سوف تجد ان شاء الله طبك ولن يكلفك كثير
.. احد الاخوه اخذ من عندهم قير بليزر مع الدبل بتسعمئة ريال فقط ..
الله يوفقك
وييسر امرك
وترى خسارتك بترجع لك خلال ست شهور فقط من استخدام الديزل ...
وكل من نصحك بعدم تركيب مكينة ديزل ..قل له ما جربتوا الديزل مثل مهيلان ..
معبي من الطائف ب22 ريال وامشي 140 ووصلني التانكي الى الرياض !!!
يالله سلاااااااااااااام




أخي العزيز / مهيلان

وعليكم السلام ورحمة الله وبركاته

الله مير يحييك ويبقيك لعين ترجيك

أي والله فكرة تركيب مكينة ديزل قيد الدارسة وخاصة بعد ردود الأخوان اللي قبلك

والله يبارك فيك وفي جميع خطاك

ولا عدمناك أخ عزيز وغالي وعسى الله يساعدك ويسعدك دنيا وآخره

الخرج بعيد عني وأنا بمنطقة حائل لكن كان الله يسر زرقة للرياض فأنا بمر الخرج ..
ولا غديني أوصي أحد بالرياض ينشد لي .. وغديني ألقاه بسعرن رخيص يستاهل التغيير ..

وجعل التوافيق والتيسير بخطاك وين ما وجهت .. أخوي مهيلان

وأنا ما أهلكني إلا البانزين وصرفه ...

بارك الله فيك وأجز الله لك المثوبة




أغلى تحية

محبك أخوك

فرد حمزة

[فرد حمزة]

أخوي مهيلان

لا هنت أبي منك وصف مكان التشاليح بالخرج ..

أغديني أوصي أحد

[فرد حمزة]

الرسالة الأصلية كتبت بواسطة المغترب
كلام الأخوان
ابوحمد2001
و طايربالعجه صحيح من ناحيت اتكاليف.

وكلام اخوي مهيلان صحيح من ناحيه اخرا.
مع العلم انقطع الصيانه نادره الاعند بعض التشاليح.


لاكن انا عتقد ان العيب مهوب بالبنزين ولا بديزل
العيب بالوكيل الأنه هو مادعم الديزل بالمملكه.


وشكرآآآآآآآآآآآآآآآآآآآآآآآآآآآآآآآآآآآآآآآ


أخوي المغترب

السلام عليكم ورحمة الله وبركاته

وكلامك صحيح

والشباب ما قصروا كلن صفطلي ونصحني

تحياتي

فرد حمزة

[Bader-M]

وش رايك نحسبها انا وياك
راي الاول والاخير لك
كم راح تكلف عليك مثل هذه المكينه
تقريبا على اقل تقدير 6 الف ريال
كم تمشي في السنه على السياره
30 الف كمتوسط
يعني
نقول 500 كم تعبي 80 ريال بنزين
اما
الديزل 500كم 20 ريال
للمحرك 350 ( 5700 سي سي )
يعني
البنزين المستهلك خلال المسافه المقطوعه قدرها 30 الف كم
خلال 80 * 6 = 4800ريال
ام الديزل
20 * 6 = 1200 ريال
يعني الفرق 3600
يعني تحتاج سنتان لتعويض سعر خساتك على محرك الديزل
هذه غير الاسباب الاولى التي ذكرتها
وحط في بالك الطرنبه الديزل
لو خربت عليك اقل حاجه راح تكلف عليك 1500 ريال ( هذا ان وجدت القطع )وقليل من يجيد اصلاحها
والقوة
البنزين انشط بكثير من الديزل
وارجع واقول
اري لك
وانا عملت هذه الارقام ( ارقام تقربيه يعني تحتمل الزياة او النقص ولكن بفارق قليل )
اذا كانت تناسك فتوكل على الله

[مهيلان]

فرد حمزه
سلام عليكم مره ثانيه
ان بغيتها بالحسابات
فيكفيني ان اقول لك
ان تكلفة توضيب سيارتك تعادل تركيب مكينة الديزل بل انها اكثر منها
بعدها يبدأ الحصاد
وماعاد يردك شيء
ولا عاد تفكر متى الراتب بتقنص اول الشهر و اخره
والله ييسر امرك
من ناحية العزم
فما اضنك تبي تسابق خلق الله 160 فيها بركه
وفي البر بيوصلك المكان اللي تبي بيسر وسهوله
لكن طعس ام دباب ما اضنه يرقاه
دمت سالما

[فرد حمزة]

الراسي بالعجة ... :)

تسان قيمة مكينة الديزل بـ3500 عز الله اللي ما شريتها ماهو عاد بـ6000 ريال


وأنا بحسبتك معك قلباً وقالباً

وبيني وبينك ماعنده سالفه اللي يبي يشتري مكينة ديزل بالقيمة هذي

ودمت لنا أخاً عزيزاً سالماً يستفاد من علمه وتجاربه


أغلى تحية

محبك أخوك

فرد حمزة

[فرد حمزة]

مهيلان

لاهنت عز الطلب أنها قيمتها بتكون مقاربه لقيمة التوضيب و أقل بعد :)

و أن شاء الله بقرر عن قريب التحول للديزل من عدمه

لكن أبي منك إن أمكن وصف دقيق للتشاليح اللي تبيعا بالخرج ..

وأبي كان تعرف راعي التشليح النصوح السمح تعطيني اسمه


ودمت لنا أخاً عزيزاً سالماً يستفاد من علمه وتجاربه


أغلى تحية

محبك أخوك

فرد حمزة

[ابورشيد]

اخوي فرد حمزة انا حسبتها قبل
معي جيب تويوتا موديل 96 فكيته وكالة وهو ماشي الحين 264000 كيلو يوم اني حسبت كم دفعت عليه قيمة بنزين حيث ان الريال الواحد يكفي 4,3 كيلو لقيتها 61000 ريال
بينما الديزل فان الريال الواحد يكفي 23 كيلولقيتها11400 ريال
طلع الفرق حوالي 50000 ريال
لاشك ن لفرق شاسع .
نقول ان قطع الديزل غالي لكن خلني كل ما عبيت ديزل اكون مبسوط ولا احس ني مغبون من قيمةالبنزين

[المغترب]

كلمك صح في حال انك اخذت الموتر شدبلده ديزل.

لاكن كانك تبي ترهم شي ماله قطع الابتشليح.

فنت زي الى(شراله من حلاله عله)

وشكرآآآآآآآآآآآآآآآآآآآآآآآآآآآآآآآآ

[فرد حمزة]

الرسالة الأصلية كتبت بواسطة ابورشيد
اخوي فرد حمزة انا حسبتها قبل
معي جيب تويوتا موديل 96 فكيته وكالة وهو ماشي الحين 264000 كيلو يوم اني حسبت كم دفعت عليه قيمة بنزين حيث ان الريال الواحد يكفي 4,3 كيلو لقيتها 61000 ريال
بينما الديزل فان الريال الواحد يكفي 23 كيلولقيتها11400 ريال
طلع الفرق حوالي 50000 ريال
لاشك ن لفرق شاسع .
نقول ان قطع الديزل غالي لكن خلني كل ما عبيت ديزل اكون مبسوط ولا احس ني مغبون من قيمةالبنزين


ابورشيد

كنك مطلع على اللي بقلبي وحسرة البانزين :(

وكلامك رفع معنوياتي للتحول للديزل

بارك الله فيك

ولا عدمنك

[مهيلان]

فرد حمزه سلام عليكم
التشليح بالصناعيه
لف يسار مع ثالث اشاره وانت جاي من الرياض

وان شاء الله ابسال عن افضل تشليح يبيع هذي المكائن
عموما الله ييسر امرك ويوفقك
وان شاء الله تتمشى الربيع الجاي وانت مبسوط
وتعبي بعشرة ريال من حايل وتوصل الزعبيه وترجع ..
ولا تنسانا من الصور كعادتك السنويه
سللللللللللام عليكم

[فرد حمزة]

عليكم السلام ورحمة الله

حياك يامهيلان

الله يجزاك خير

وصيت رفيقنا بالمنتدى العيد والله يجزاه خيري الدينا والأخره تعنى الرجال ووصل الخرج ينشد عنهن

في البداية مالقاهن عن اللي اشترى خردة القاعده يقول خلصن وللمعلومية هو الوحيد الحصري اللي شرى خردة القاعدة بالخرج

ويقول انه ما ينصح بهن لانهن بلشة وقطع الغيار نادرة ويقول تبي توهق لو خبرت عليك طرمبة الديزل وبالسعودية كلها ما تلقى محل يجيب للديزل ولا هو ذاك الجيب إلا محل السبيعي وعساك تحصل عنده
لو خربت المكية أو حشي به يقول عـــكـــه من جديد :(

مجمل كلامه ما ينصح بالتغير

وأنا صرفت نظر عن فكرة الديزل ورحت فكيت ماكينة الجمس لتوضيبة أستعدادا للربيع والمقناص

وفي الختام
أشكر كل من أسمهو في ردودهم بالموضوع وعلى رأسهم أهي (( الراسي بالعجة )) و (( مهيلان ))

وأسأل الله أن يرزقهم خيري الدنيا والآخرة ويعينني على رد الجميل لهم

أغلى تحية

محبكم وأخوكم

فرد حمزة