شوركم وهداية الله

[مرباع]

كل التحيه والتقدير للجميع واسأل الله ان نكون من عتقائه من النار في هذا الشهر الكريم


عندي استفسار انا محتار ابشتري سياره وما ادري ايش رايكم مين يعطينا الشور الطيب والتوفيق بيد الله سبحانه وتعالى
انا حاط براسي مبلغ من 95 الى 110 الف ريال ابشتري سياره
ايش رايكم vxr او يوكن او باترول
النسبه عندي انا vxrتقريبا 45%
يوكن 30%
باترول 25 %

علما بأني راعي بر وطلعاتي كثيره وعلى ما يقولون شين على السياره بس اذا تطلب اعطيها حقها قطع غيار اصلي وورش محترمه
وللمعلوميه راح اوقفها لأني عندي سياره ثانيه لرياض وشوارعه وزحمته

الف شكر للجميع

[ولد وايل]

تبي الشور اذا راعي بر خذ جي اكس ار قير عادي بس عيبه بزحمات المدينه العادي

[راس الرعيلة]

لا تشاااااااااااااااااور

إن لقيت (في إكس آر) نظيف

طقه ولا تشاور

[مخاوي الذيابه]

الباترول سعره زين و يفيدك بالبر ...
توكل على الله ...

[رقبة حاشي]

كل اللي انت قلت زينات ..... وما فيها حسوفه ابد //// يعني كل وحده ازين من الثانيه // وكلن راح يمدح اللي جرب // ارجو الفائده وبالتوفيق

[مرباع]

يعطيكم العافيه جميعا
بالنسبه لليوكن احب اسأل اهل المعرفه هل فيه نوع معين مجرب وماشي مع الناس لأني اشوفها اشكال وانواع كثيره

[وسيـع البـنايد]

إن بغيت الشور يا مرباع ..
عند الـ Vx-r لا تحتار

وأنا من واقع تجربة بين الـ 2000 Vx-r وَ 2007 Gx-r
ومن دون نقص في باقي المواتر لكن انا اشور باللي جربت

[بوسحمان]

gx بريمي تماتيك ابيض لؤلؤي 2007 -2006 تحصله 100-110 بالسوق بالدمام قبل كم اسبوع

[ابوطاقية]

الله يجزاك خير يا اخ مرباع على ها الدعاء بالشهر الكريم

انا بشور عليك والاختيار لك
وش رايك بموتر بر جديد من الوكاله حق بر والله يكرمك والسامعين حمار كده

ترى الموضوع والصورة للاخ الديحاني بعد الاذن
وهذا موضوعه عن السياره
http://www.mekshat.com/vb/showthread.php?t=95725

http://www.toyota4arab.com/forum/uploaded/13645_1184625990.jpg

[.أبوعبدالرحمن]

وانا اخوك جربت الجي اكس ار 2001عايدي و 2004تماتيك ما شاء الله تبارك الرحمن



ايضا جربت باترول 1999 عايدي اعوذ بالله من ذيك السيارة


ايضا جربت اليوكن 2002 و 2007 ما شاء الله تبارك الرحمن


وشوري عليك خذ جي اكس ار ولا تتعداه


وعند الجي اكس البريمي بعد شكل وقوة


ولا تنسى الاستخارة وانا اخوك


نسيت اقول لك ما فكرت بالفورنتشر تويوتا تراه رهييب وقوي وفكر فيه

وخذ لك واحد جديد ولا تاخذ مستعمل

وبفلوسك تجيب لك واحد جديد 2007 وفل كامل

[مرباع]

الف شكر للجميع
انا بصراحه قررت اخذ يوكن
اما في اكس ار ما عليه غبار انا مجربه بس ال جي اكس ار ما يمشي مع اللي جرب ال في اكس ار
الله يوفق الجميع

[moonset]

شف وأنا أخوك خذ مني من واحدن مجرب
الباث فاندر عجيب بالرمل بس عيبه الكبير أنه صغير من الداخل وبعدين يشرب بنزين واجد
الباترول (سلق أو عادي) ممتاز بعد ولاكن العيب الكبير في النيسان أنها تستهلك بنزين واجد
ال vxr أفضل بالمواصفات ولا كن لا تنسى وأنا أخوك أنه 8 سرندر يعني الله يعينك على البنزين والصراحه أن فيه مواصفات حلوه
ال gxr هو طيب وإستخدامه ممتاز خاصه إذا جاك إسطبات لكزز ولا تأخذ اللي أستبنته الثانيه معلقه لأنه شكله غلط وإذا جيت تبيع قليل من يسومه على عكس اللي خلفيته إصطبات لكزز.
الفورشونر (تويوتا) هذا عجيب صراحه أنا أعجبني وهو نوعين 4 سلندر و 6 سلندر لا كن أنا أنصحك ب 6 سلندر وهو مرتفع يعني مهو مثل اللاند كروزر وممتاز بالحيل اللي جربوه مدحوه كثير لا كنه صراحه عجيب في الرمل أنا جربته وصرفيته للبنزين حلوه وترى وأنا أخوك الـ 4 سلندر زين في صرفية البنزين لا كن ما فيه عزم وإذا جيت تبيعه ما أحد يشتريه

وإنتبه لا تشتري جيب إلا قير تماتيك والقير العادي يتعبد خاصه إذا طلعت للبر بتتعب من التعشيق

[مرباع]

شورك وشور الإخوان هو المبارك لكن السياره انا معي شركاء (العائله والأطفال ) ما يناسب لنا غير اليوكن وال في اكس ار
وطلعاتي للبر ترا ماهي واجد بس تخبر مناطقنا شوي وعره من البطيحانيه الى لينه الى قيصومة فيحان على الحدود مع العراق نطارد االقطا الي نصيبنا منه التعب الا ما قل
لك وللجميع الف شكر