قرقعة في قرقعة وش الحل

[مشغول]

السلام عليكم

يا هلا وغلا بالشقردية اللي بيحلون مشكلتي هذي ..

الله يعطيكم العافية عندي VXR موديل 2005 نظيف جدا ولا طب البر .. لكن فيه مشكلتين

الأولى يقرقع الديكور الداخلي للسيارة والمراتب تقرقع والتندة تقرقع ... حتى راسي صار يقرقع ولا ادري وش الحل ..

اما المشكلة الثانية .. يطلع صوت طقطقة عند عامود التوازن او الدفرنس خاصة اذا مسكت فرامل ووقفت السيارة
واذا تركت الفرامل بعد يجي الصوت وبعض المطبات الخفيفة ..

وديته للعضيب وفحص كل الجلب يقول جديدة ماشاء الله وعجزت اعرف وين الصوت منه .. والله انه قاهرني وازعجني..

تكفون دلوني على الحل يا هل الخبرة

وهذه دعوة خاصة لمن يساعدني

(( اللهم إن لك في كل ليلة عتقاء فاجعل من يساعدني من عتقائك هذه الليلة وكل ليلة )) وانا واللي جنبي واللي يقرأ موضوعي

[بواردي الدلم]

شف يبوي شيك على البيبان الخلفيه ركب واحد من اخوياك ورى يتسمع محل الطقطقه

عاير هواء الكفرات يمكنه زايد او نوعيه الكفرات قاسيه

يمكن فيه جسم يتحرك تحت المراتب ويتهياء لك الصوت انه من بطن الموتر والبلاء عندك في الغماره

اما من ناحيه راسك مالك الا تخبره في زيت زيتون لين يلين ولاعاد يقرقع

[رقبة حاشي]

سلامة راسك /// سؤال // الموتر ماقد انصدم صدمه قويه او لا سمح الله انقلب !!!!!

[محمد الجويسر]

اخوي الغالي يمكن الكفرات قاسيه وهواها زايد وبعدين لازم تسوي تربيط كامل للموتر وبعدها يمكن يخف الصوت او تحدد مكانه اذا الديكور ترى مع التربيط بيروح الصوت والله يوفقك

[سفير الجزيرة]

الآند في قرقعة لو تطلعة من الوكالة للأسف

خاصة الباب والشنطة الخلفية

[خالد940]

انت شاري موترك جديد وكالة ولا مستعمل ؟

[الوسيطاء]

اخوي ما ودي اخوفك بس شيك على كرسي القير وجلب الكنداسه

[مشغول]

تسلم يابواردي الدليم على النصيحة وخاصة زيت الزيتون

يا شباب الموتر شاريه مستعمل بس اخو الجدي ما شي 25 الف والجلب جديدة والحمد لله ما قد انصدم

كان معي قبل هذا الموتر جي اكس ار الحمد لله ما فيه قرقعة ولا شي والحقيقة استغربت الفي اكس ار

هل من حل يا جماعة الربع خاصة الصوة اللي عند الدفرنس

[طناف]

مشغول
أمرك بسيط .تبي نفس موترك وكالة ؟؟؟
ماعندنا تربيط في السعودية . أتجة لدولة قطر ورشة الأنصاري
وأستلم سيارتك جديدة في مدة لاتتجاوز ثلاثة أيام

وللمعلومية :لديهم حجز مواعيد

[مشغول]

هلا والله بطناف

وين موقعهم في قطر وكم ياخذون وهل لهم رقم ممكن اكلمهم عليه واستفسر واحجز

الله يعطيك العافية

[الساهر2003]

صباح الخير اخوي ...

اذا انت ملزم وعندك استعداد تخسر شوي وتدفع ... عندك ورشة بن مرضاح في الصناعيه القديمه في الرياض ..

بصراحه شغلهم متعووب عليه ..لكن غويلي شوي ..

والله يملييك بركة الموتر ...

[al-nashmi]

هلا اخونا مشغول

اولا موترك.... منين مصدره.. بريمي ولا بازعي .. ولا يحيى... او قص ولزق..... ابو جميل


نوعية المورد لها دور كبير..في تماسك الموتر وانا عندي ملا حظات عليهم جميعا ما عدا البريمي


ثانيا الصوت الخلفي سهل هذا من وايرات الجلنط.. يكون بسبب ارتخا فحمة الجلط شد عليه من الهوبات الخلفية

ماهو من من عند يد الجلنط اللي في الغماره... وان شاء الله انها تبي تنحل..

اما القرقعة اللي في راصك مدري بس يمكن من....:no:

تحية ود للجميع