العيد وين ناوين تقضونه !!!!!!! [الأرشيف]

ابو الشمقمق

26/09/2007, 12:16 AM

تقبل الله منا ومنكم الصيام والقيام هذا أولا .......

احبابي الكرام السلام عليكم ورحمة الله وبركاته ......
العيد قرب والتهاني توالت ....... وكل تذكر من يعزه ويغليه

تكثر المناسبات العائلية دائما في الاعياد والاجتماعات الطيبة

وكنا في الاعياد الماضية نطق لنا مخيم باحد هالبران ننبسط حنا والعيال ولو ماكان فيه ربيع ولكن الاجواء زينة والبر عندي اونس من الاستراحات وفيه الفة اكثر وفيه خروج عن الروتين الممل بالديرة

ولكن هالسنة الجو مايساعد خاصة بالنهار حرررررررررررررررررررر
ولكن بالليل الجو عسل

فودنا نسمع آراء الكشاتة

بعض الشباب يقوووول نتفق اننا نطلع بالمساء من بعد العصر يعني ويصير جلسة وعشاء وسهرة وبعدها للبيت وطبعا النهار نوووووووووووووووووووووووووووووم

او صياااااااااام الست من شواااااااااااااال لاتنسووووووووووون

فعطونا اقتراحاتكم تكفوووووووووووون

قبطان البحار

26/09/2007, 04:33 AM

في العمل
اللللللللللللللللللللللللللللللللللللللللللللللللل للللللللللللللللله يخارجنا

فيصل الزير

26/09/2007, 04:59 AM

انا والشباب مخططين كل يوم ناخذ الكاتم
والخراره
يالله لا تخلينا
وسهره ولا احلى

احب الربيع

26/09/2007, 05:00 AM

من ومنك صالح الاعمال انشالله انا اقول ياخوي العيد اسافر طبعن ثاني يوم العيد اول يوم اعايد علي الجميع واقولك من الحين العيد عليك مبارك انشالله اكون اول واحد يقول العيد عليك مبارك عرفت يالغالي العيد انا متعود اني اسافر طبيعة صارت بس اتوقع انت ماتحب السفر واقول العيد كل شي فية زين بالبيت ولة بالبر والله يعطيك العافية علي الموضوع اطيب اللي مايجي الة من الطيب مشكور ياخوي واسمحلي علي اني طولت عليك بس العيد كلة زين انشالله

kwa_198

26/09/2007, 08:25 PM

نفس المشكله بس لقين حل وهو انا نطلع للحساء ونروح شاطي العقير ومميزات شاطي العقير انه هادي ونضيف وبعيد عن الناس وفيه الميناء سابقن ونمر بعض العيون ثم نطلع راس تنورة يعني نقلبه تمشيه لين الله يفرجها

عرق دقله

26/09/2007, 08:37 PM

ولله أول يوم عند الأهل ألين صلاة الظهر وبعدها على الدوام

TURKI-HS

27/09/2007, 02:33 AM

ولله أول يوم عند الأهل ألين صلاة الظهر وبعدها على الدوام

ههههههههههههههههههههههههه هههههههههههههههههههه هههههههههههههههههههههه ههههههههههههههههههههههه

يامساكين حنا بالتعليم لين 8/10 يعني يمدينا نروح 7 طييييبه

اكيد نبي نروح انشاء الله للعويقيلة على الصحن على القرية على ام الضيان

:hot: بس انشاء يعتدل الجو :hot:

ابو الشمقمق

27/09/2007, 03:03 AM

الله يحيي الجميع على المرور الكريم ولكم مني جزيل الشكر
والله فكرة العقير ممتازة
والله يسعدنا واياكم ويجعل حياتنا كلها افراح
والله يعين المداومين منكم ويعوظكم الله خير

واحد من البشر

27/09/2007, 04:23 PM

الصراحة يكون في الديرة (غالبا) وبعدين نطلع كل يوم في الليل مع الشباب نشوي وتنعشى ونفلها وفيه اختفالات جيدة في ديرتنا

رحـ R ـال

27/09/2007, 05:22 PM

والله تونا نفكر في الأمر ..

قبل فتره طالعين للخرارة والشباب يتكلمون عن الاجازة وين نروح ؟

البعض كان في السنين الماضيه في النفود الكبير أو في الدهناء وهالسنه الظاهر ما به الا الحر (:

والله يجيب الخير والامطار ..

وشكرا لك على الموضوع المتميز :)

راع الابل

27/09/2007, 05:38 PM

العيد هذا يمكن يكون الجو فيه حارررررررررر والعلم عندالله

وعلى كذا ماينفع البر

فاللي عندة فراغ يروح لملتقى عتيبه لمزين الابل والتراث

مسوين شي يستحق التمشيه والتفرج

علماً بان الاخبار تقول

باأن عدد المشاركين 350 ذود يعنى ثلاثمائة خمية مضمونه في ذلك المكان

فرصة الوواحد يغيير من جو المدينة وحياكم الله

غالي

28/09/2007, 04:17 AM

اكيد اول يوم مع الاهل
والايام الي بعدها شكلها كشتات ليلية يالثمامه من داخل بعيد عن العالم يم الطوقي او حوله
والا في شعيب الرمحيه
بيصير عندك من المغرب الييييييييين الفجر وانت حر طليق
الا عاد اذا كلفونا بالشغل فا الله يستر :(
وشكرا لك

ابو الشمقمق

28/09/2007, 12:54 PM

والله منتازة فكرة الروحة لمزاين عتيبة

الورقا

29/09/2007, 03:02 AM

مزاين عتيبه وعليكم بالبحر مافيه بر الجو شووووو;) ووووووووووب

برق بريده

29/09/2007, 02:33 PM

الله يكفيكم الشر
عندي موعد بعد العيد عمليه في رجلي لفك الاسياخ
على اثر حادث تعرضت له قبل اربع سنوات

ارجو الدعاء لي بنجاح العمليه ولجميع مرضى المسلمين في هذا الشهر الفضيل

ابو الشمقمق

30/09/2007, 01:27 AM

اخوي برق بريدة اسال الله ان يجمع لك بين الاجروالعافية
والله احزننا هذا الخبر

عرق دقله

01/10/2007, 03:32 AM

الله يكفيكم الشر
عندي موعد بعد العيد عمليه في رجلي لفك الاسياخ
على اثر حادث تعرضت له قبل اربع سنوات

ارجو الدعاء لي بنجاح العمليه ولجميع مرضى المسلمين في هذا الشهر الفضيل

الله يشفيك لابأس طهور أن شاء الله

مـدحـدر

01/10/2007, 01:21 PM

اول يوم عند الاهل وليله العيد طالع للبر

فرصه عطله وما صدقناااااااا

وبالنسبه لمزاين عتيبه وين موقعها

موووستاش

01/10/2007, 01:56 PM

اول يوم عند الاهل وليله العيد طالع للبر

راعي الفروة

02/10/2007, 03:38 AM

اول يوم عند الاهل وليله العيد طالع للبر

فرصه عطله وما صدقناااااااا

وبالنسبه لمزاين عتيبه وين موقعها

ابو الشمقمق

02/10/2007, 04:21 AM

حووووووووووووول الدوادمي

الاداري

02/10/2007, 04:40 AM

كل عام وانتم بخير

وتقبل الله منا ومنكم صالح الاعمال

ام عن مزايين عتيبه وين محلها ياشباب

نبي احداثيه للموقع او خارطه واضحه

MAX MAX

03/10/2007, 02:49 AM

اقول السلام عليكم ورحمة الله وبركاته في البداية

أنا ان شاء الله ناوي اقضيه في جيزان أو في الربع الخالي ((الرمله))

قطن

03/10/2007, 10:55 AM

كل عام وانتم بخير

وتقبل الله منا ومنكم صالح الاعمال برق بريده الله كللها بنجاح امين امين امين

برق تميم

03/10/2007, 11:33 AM

انت خلنا نعطل الدوام الله يعين الى 28 رمضان

ثاني العيد ان شاء الله كان الاجواء في حائل وتبوك زينه مثل كل سنه نسير على هاك الديار

والا قعدنا في الديره ومرينا مزاين عتيبه

والي يسال عن المزاين موقعهم غرب شقراء 70 كيلوا قبل المحمديه والي جاي من الدوادمي بعد المحمديه

موقعهم على الخريطه

http://www.upload.ps/280807/c7b7bd8058.jpg

والي يبي يترزق الله في البيع يبي يعين خير المزاين مثل ام رقيبه او حوله اقلوبها تجاره ازين لكم والله العالم تاخذ محلات والعجائز والعماله كلن يحجز له مكان والخيام كل فخذ له كم خيمه

ولـد الدوادمي

03/10/2007, 11:51 AM

الحين متى يبدون المزاين من تاريخ كم إلى كم

ابوديحم2

03/10/2007, 04:38 PM

بعد مانتعيد إن شاء الله بعدة أيامالشرقيه بس الله يعين على الزحمه

http://www.up7up.com/pics/k/15/1191452469.jpg (http://www.up7up.com)

دبكه

03/10/2007, 07:49 PM

الشمال افضل شي هذه السنه الجو البارد

Magellan

04/10/2007, 08:58 PM

أنا ما خذها عادة بعد عيد الفطر بالرياض .....
أتعيد بالرياض ثم للديرة (الغاط) ...
وبعدها أشد الأحزمة للقصيم (عنيزة فقط) ثم حائل والجوف ......
وكلها تمشيات وخصوصا هذه السنة إن شاء الله تكون جميلة بسبب بداية موسم الأمطار على الشمال

قطن

05/10/2007, 06:30 AM

من ومنك صالح الاعمال انشالله انا اقول ياخوي العيد اسافر طبعن ثاني يوم العيد الئ المدينه ثم الساحل الغربي بتجاه حقل انشاء الله

ابو الشمقمق

08/10/2007, 08:50 PM

ماجلان انا من حايل وساكن الرياض
ولكن بصراحة احب الغاط
كنا ايام الربيع بيد رمضان نتعيد بالرياض الى الظهر وبعدها الغاط على توووووووووول
ونطق ذاك المخيم فالنفود وياسلام سلم
والله اني احيانا ابروح لحايل وامر الغط كذا من شوقي لها لاهلها
الله يوفق اهل الغاط كلهم ويؤلف بين قلوبهم ويجمعهم على العز والطاعة

abu yaser

09/10/2007, 03:49 AM

بعد الدعاء لبرق بريدة بنجاح العملية وشفاءة باذن الله
بعد صلاة العيد معايدة الوالدة اطال الله بعمرها وامدة على طاعتة باذن الله معايدة الاخوان والاقارب
وفى المساء متابعة احتفالات المحافظة لانها هذة السنة غير خصوصا للاطفال
و بعد اليوم الخامس زرقة لمزايين عتيبة والذى يبدا من 5 الى 20 شوال

وفى الختام كل عام وانتم بالف خير اعادة الله علينا وعليكم اعوما عديدة

أبوطلال2007

09/10/2007, 05:38 AM

بيتي .......................ودوامي ......... لنسهر أنا وزملائي على راحتكم .،،

ali742

09/10/2007, 06:08 AM

ان شاء الله في الربع الخالي

مداوي

09/10/2007, 06:22 AM

الله يقبل منا الصيام والقيام ويمن علينا بتمام رمضان وبعد العيد ان شاء الله يكون خيييييييييييييييييير

الرسن

09/10/2007, 06:45 AM

انا ودي اسافر بس وين اسافر اقصد اسافر برا
النفود والطعوس تستهويني
بس البراد مابعد جاء النفود حليو اقصد النفود الكبير.
معلسلامة

ابو الشمقمق

10/10/2007, 04:44 AM

انا اتوقع مكة والمدينة طيبات لاذن الله خاصة للي يبي يصوم

برنو بيشة

10/10/2007, 04:57 AM

أما أنا فعيدي مع والدي ببلاد غامد إنشاء الله

winchester

10/10/2007, 05:04 AM

العيد بربوع حفرالباطن

دمـت بود

عبدالعزيز الوسمي

10/10/2007, 05:10 AM

العيد فالكويت صباح الناصر (ديرة مطير) وعقبها نطلع نخيم في العبدلي قريب من حدود العراق يقولون تحصل حباري ونبي نستانس

desertman777

10/10/2007, 05:49 AM

ابو الشمقمق

11/10/2007, 02:11 AM

ااه ياعزتي لكم يا مرضى المسلمين..!!:(

ااااه ياعزتي لكم يالعسكر..!!:(
الله يكون بعون اللي ما يقدر يعايد اهله..!!:(
لأي ضرف كان..!!
والله يا اخوان انها فرصه ان تعرف نعمة الله عليك..!!
وان تتذكر ان لك اخوان ما يعرفون طعم للعيد..!!
بسبب جوع، حرب،خوف، ظروف الدوام، الغربة........

وقبل النهاية اقولكم عيدكم مبارك مقدما..
وتقبل الله طاعتكم..

وان شاء الله يكون اول يوم من العيد في الرياض(اجتماع العائلة)
اما ثاني يوم على الزلفي على طول..
وهناك تحلو الكشتة..
ويحلو السمر في النفود..

ودمتم سالمين/
desertman777

حركت المواجع نسأل الله ان يديم الامن والايمان على بلادنا خاصة على بلاد المسلمين عامة
والله انها فرصة اخي للتذكير بكثير من الامور
منها لنتذكر الاطفال الايتام الذين فقدوا والدهم فالاطفال يرجعون من المسجد ويعايدون آبائهم وهم لا حول لهم ولا قوة فمسحة على رأس اليتيم وقبلة له وعيدية يسيرة تدخل السرور على قلبه

الله المستعان

ذيب نجد

12/10/2007, 05:10 AM

الشرقية غيررر
برغم الرطووووبة

طحنون

12/10/2007, 05:32 AM

كل
ما
يتردد
هاذا
السؤال
يتبادر
الى
ذهني
ايام
أول
وتحزفي في نفسي كيف افتقدنها الى الابد وتبقى ذكريات فقط
العيد الان مجدرلبس ثياب جديده وضحكات عابره لاتوحي لك سوى تكمله لجماليات ومجاملات الناس في الوقت الحالي لان الناس تغيرت في حياتهم وامورهم
وعشنى في المدن وزادت الطين بله
كلن مقفل بيبانه ونايم ولايصح ألا الظهراوالعصراولمغرب
والشياطين راكبه عيونه
الله يعين
العيدفي المدن اسميه عيدنوم
بعكس القرى تشوف البزارين والناس رايحه جايه وانواع الازعاج والزحمه
وين ابقضي العيد .................................................. ...................
كل عام وانتم بخير