سؤال عن اسهل طريق من الدمام للمدينة المنورة

[رجل كريم]

السلام عليكم ورحمة الله وبركاته:


ارغب في قضاء الخمس الاواخر من الشهر الفضيل في المدينة النبوية وبما اني اسكن الشرقية فآمل من لديه خط السير ان يعلمني بالتفصيل .. كل ما اعرفه اني اطلع من الدمام وادخل الرياض وبعد كذا ماعندي علم اكيد يعني امشي على لوحة القصيم او لوحة مكة ام توجد لوحة اخرى ...؟


وسؤال اخر لو تكرمتم .. بالنسبة للشقق المفروشة القريبة والبعيدة عن المسجد النبوي كم السعر التقريبي لليلة الواحدة في هذه الايام ..؟


شاكر ومقدر مساعدتكم وتقبلوا تحياتي ..

[Black VTC]

تقبل الله طاعتكم و يسر الله امرك و لاتنسانا والاخوان في مكشات من صالح دعواتك ..

اما بالنسبة للطريق فلله الحمد طريقك كله سريع الله يستر عليك و ييسر امرك امسك الطريق من الدمام الى الرياض راح تخش من (شرق الرياض) و استمر بالطريق لا تروح لا يمين ولا يسار عندها ستكون انت في الدائري الشمالي للرياض ... يبي يجيك لوحة (القصيم - المدينة المنورة ) الى اليمين رح مع المخرج يمين و يبي يصير وجهك لجهة (الشمال) الى القصيم استلم الخط و لا تتركه الا وانت في المدينة ... انتبه لا تروح مع طريق مكة تراه ابعد واكثر كلافة ..

اما بخصوص الشقق فالله يعينك على البحث وانصحك بمنتديات السفر والسياحة يمكن تلقى معلومات مفيدة عندهم ..

[رجل كريم]

تقبل الله طاعتكم و يسر الله امرك و لاتنسانا والاخوان في مكشات من صالح دعواتك ..

..


اللهم آمين وابشر اخي الكريم /Black VTC بدعوات في ظهر الغيب لك وللأخوة الاعضاء , والله يبيض وجهك على الشرح السهل والواضح .. وجزاك الله كل خير ..

تقبل خالص تحياتي ..

اخوك داكار

[نمر بن حثلين]

الله يسهل دربك

بالنسبه للبانزين يفضل اذا وصلت القصيم تعبي من المحطات الي تجي على يمينك

واذا تانكي موترك يمشي 500 ك توكل على الله للمدينه
واذا ما يكمل
اذا مشيت 250 كيلو في منتصف الطريق تجد مخرج على اليمين فيه محطة بانزين

[رجل كريم]

الله يسهل دربك

بالنسبه للبانزين يفضل اذا وصلت القصيم تعبي من المحطات الي تجي على يمينك

واذا تانكي موترك يمشي 500 ك توكل على الله للمدينه
واذا ما يكمل
اذا مشيت 250 كيلو في منتصف الطريق تجد مخرج على اليمين فيه محطة بانزين




اللهم آمين .. وجزاك الله كل خير ورحمك ووالديك اخي الكريم نمر بن حثلين على هذه المعلومة القيمة جدا ..

تقبل خالص تحياتي ..

[عاشق السيل]

والله ماقصروا الشباب وماعطونا فرصة نفزع لك الله يعطيهم ألف عافية ويبيض وجيههم ،،

إضافة : وأنت بالدائري الشمالي استمر مثل ماقال أخوي بلاك فتك حتى مخرج ( القصيم المدينة المنورة ) ترى رقم المخرج (( 4 )) ،،

وتكفى دعواتك لي ولكل الأخوان بالمنتدى والمسلمين عامة ومالك إلا الأجر ،،

الله يوصلك ويردك سالم غانم وتقبل مروري .....




.

[ابوغلا2004]

اخوي اليك بعض ارقام الشقق في المدينه 048383989(العطير للشقق المفروشه)اخوي ترى المدينه فيها ميزه عن مكه وهيا لك ان تستأجر بعيد عن الحرم وتأتي الى الحرم على سيارك الخاصه ثم توقفاها بالمواقف تحت ساحة الحرم الساعه بريال واحد ثم تصعد بالسلالم الكهربائيه الى ساحة الحرم وبالتوفيق ولاتنسانا من صالح دعاك.

[sameer_1798]

حياك الله أخوي داكار بالمدينة و ما شاء الله الشباب ماقصروا بوصف الطريق و مواقف الساحات , عندي إضافة بالنسبة للفنادق موجودة بالمنطقة المركزية و الأفضل الجهه الشمالية والغربية من الشقق إلى غرف 5 نجوم , أبد أنزل و تخير . و إن بغيت أي أستفسار ما يردك غير البورد .

[رجل كريم]

الاخ الكريم /عاشق السيل

بيض الله وجهك وماقصرت انت والاخوان وابشر بسعدك بالدعاء في المدينة وفي جوف الليل ان الله احيانا واياكم ..


تقبل تحياتي ..

[رجل كريم]

اخوي اليك بعض ارقام الشقق في المدينه 048383989(العطير للشقق المفروشه)اخوي ترى المدينه فيها ميزه عن مكه وهيا لك ان تستأجر بعيد عن الحرم وتأتي الى الحرم على سيارك الخاصه ثم توقفاها بالمواقف تحت ساحة الحرم الساعه بريال واحد ثم تصعد بالسلالم الكهربائيه الى ساحة الحرم وبالتوفيق ولاتنسانا من صالح دعاك.



اخي الكريم / ابوغلا

جزاك الله خيرا وتم الاتصال والحجز على الرقم المذكور وابشر بالدعاء ..

وفقك الله لما يحب ويرضا ..

تقبل تحياتي ..

[رجل كريم]

حياك الله أخوي داكار بالمدينة و ما شاء الله الشباب ماقصروا بوصف الطريق و مواقف الساحات , عندي إضافة بالنسبة للفنادق موجودة بالمنطقة المركزية و الأفضل الجهه الشمالية والغربية من الشقق إلى غرف 5 نجوم , أبد أنزل و تخير . و إن بغيت أي أستفسار ما يردك غير البورد .



الاخ الكريم / سمير

جزاك الله خيرا ورحم والديك .. وصلت المعلومة جيدا واصبحت اكثر دراية بخط سيري حتى المدينة بفضل الله ثم بفضلك انت والاخوان اللي ردوا علي ..

شاكر ومقدر لك ولجميع الاخوان ..واسأل الله لنا ولكم المغفرة والرحمة ..

تحياتي للجميع ..

[هاوي قطا]

سهل اللة دربك واصولك الى مرادك انت ومن معك بأتم الصحة والعافية وانا انشا اللة ناوي اروح الخمس الأواخر ولن انساكم من الدعاء ان شأ اللة وترى الطريق سريع وواضح وما يحتاج الا انك تنتبة للوحات وافضل انك تعبي بنزين عند اخر محطة بالفصيم ودمتم سالمين

[ابوطاقية]

يا اخوان سؤال
بعد الوصول لبريده هل الطريق السريع متصل بطريق المدينه والا لازم تروح من عند عنيزه مثل اول
لان الواضح بالخريطه المرور من عنيزة والا شكل الخريطه قديمه


http://i103.photobucket.com/albums/m143/zqqz_3/medainah2.jpg

[رجل كريم]

سهل اللة دربك واصولك الى مرادك انت ومن معك بأتم الصحة والعافية وانا انشا اللة ناوي اروح الخمس الأواخر ولن انساكم من الدعاء ان شأ اللة وترى الطريق سريع وواضح وما يحتاج الا انك تنتبة للوحات وافضل انك تعبي بنزين عند اخر محطة بالفصيم ودمتم سالمين



اللهم آمين وجزاك الله خير.. والله يجعل دربك نور وامان انت وعائلتك وتروحون وتردون بالسلامة ان شاء الله .. والحمدلله بالنسبة للبنزين ان شاء الله ماهناك مشكلة الموتر اللي معي يشيل 90 لتر ويقطع 700 كم على سرعة 120 كيلو متر في الساعة وراح اعبي مثل ماوصيت اخوي عند آخر محطة ان شاء الله تعالى ..

لك خاص تحياتي ..

[رجل كريم]

يا اخوان سؤال
بعد الوصول لبريده هل الطريق السريع متصل بطريق المدينه والا لازم تروح من عند عنيزه مثل اول
لان الواضح بالخريطه المرور من عنيزة والا شكل الخريطه قديمه





اللي فهمته من الاخوان ان الطريق مباشر من القصيم للمدينة ..

تحياتي ..

[عاشق السيل]

أخوي أبوطاقية ،،

الطريق متصل من طريق الملك فهد بالرياض وحتى الحرم النبوي بالمدينة (( دعسة وحدة )) وماراح تمر أي مدينة لاعنيزة ولا بريدة ،، بس أهم شي فلل التانكي من محطات القصيم !!

وبالتوفيق للجميع .....




.

[رجل كريم]

شاكر جدا لك اخوي عاشق السيل على التوضيح ..


تقبل تحياتي ..

[الدحبول]

نشاء الله تروح وترجع بسلامة
ما قصرو الاخوان
انصحك تغير زيت المكينة وتشيك على الكفرات مع الاستبنة وتتاكد من الاذرعة الطريق طويل ونتبه لطبلون السيارة وخصوص عداد البنزين
ومثل ماقالو الاخوان حاول ماتخلي البنزين ينزل عن النص

ترجع سالم غانم

[رجل كريم]

نشاء الله تروح وترجع بسلامة
ما قصرو الاخوان
انصحك تغير زيت المكينة وتشيك على الكفرات مع الاستبنة وتتاكد من الاذرعة الطريق طويل ونتبه لطبلون السيارة وخصوص عداد البنزين
ومثل ماقالو الاخوان حاول ماتخلي البنزين ينزل عن النص

ترجع سالم غانم



اللهم آمين وانا اشهد ان الجميع كفوا ووفوا .. وبارك الله فيك وفيهم اخوي الدحبول ونصايحك على العين والراس وانا فعلا غيرت زيت المكينة وبغير جلد المقصات الامامية خلال اليومين القادمين ان شاء الله .. لاني بديت اسمع صوت خفيف فيهم وانا احب سيارتي تكون سليمة مية المية في الحضر والسفر ..


شاكر لك ولجميع الاخوان وتقبلوا تحياتي ..