الكداد ( نبته ) ابي الفزعه بالعثور عليها ( للعلاج ) صورر [الأرشيف]

مشاهدة النسخة كاملة : الكداد ( نبته ) ابي الفزعه بالعثور عليها ( للعلاج ) صورر

*الـزيـن*

26/09/2007, 02:34 AM

السلام عليكم ورحمه الله وبركاته

يالربع النبته هاذي اعرفها زين وتستخدم للعلاج الطيور من ضيق التنفس

والنبته هاذي طول عمري اشوفها لاكن مو هنا في الجبيل الصناعيه لاني ماخليت مكان مارحت فيه وماخليت طلعه الا وطلعتها غررب الجبيل وشرق وشمال وجنوب بس للاسف تعبت وانا ادور

فا الي يدلني عليها راح تجيه دعوه في ارمضان

وطيري تعبان ونبي فزعتكم ياربعي

طيري صاير صوته مثل الرجال المبحوح ولا ياكل ابد ولا يعلف ولا له نفس ونازله عدته

ورحت للدكتور فارس وعطاني العلاج التالي

1- كورس اقلاع حبتين في اليوم لمده سبع ايام

2- عطى الطير ( ابره ) في ثنادي الطير واتوقع انها واحد ملي او اكثر شوي

ولا اتوقع ان العلاج في محله

والدكتور فارس قال بعد الحبتين بعد ثلاث ساعات عش الطير والطير ماياكل ابد ( اوكله غصب ) ويطلع الاكل ( يخرج الاكل بعد دقايق )

والمويه اسقيه دايم ( غصب )

الطير مقاسه 17 ينقص شرطه والطير ( حر )

صور النبته الي ادور علهيا

http://www.mekshat.com/pix/upload/images49/mk23726_63_22992435407bc5a55e.jpg

وبعد الله ثم هالنبته تشفي الطير

للمعلوميه الطير له ثلاث ايام على حالته ولا تغير وله ثلاث ايام على الكورس ولا فيه فايده واول ماشفته كذا وديته في نفس اليوم يعني الطير توه طالع فيه المرض عسى الله يشفيه

اخوكم الزين

ولد وايل

26/09/2007, 02:40 AM

اخبرها كثيره بالحفنه وشعيب الطيري

العابر سبيل2

26/09/2007, 02:45 AM

الله يشفيلك طيرك وهذي النبته الله العالم انها موسمية مع الامطار والربيع وياما شفناها وهي من الشوكيات ولها ثمرة بيضاء على شكل بالونة معباة هواء وعساك تلقاها في هالايام وينفع الاله بهاالطير

طارق الحربي

26/09/2007, 02:53 AM

الله يشفي طيرك يالزين ويبعد عنه المرض

الشباب ماقصروا النبته ماتطلع الا وقت الامطار

تحياتي

مشكور

26/09/2007, 02:58 AM

انشالله اتحصل النبته يالزين

عناز

26/09/2007, 03:08 AM

اخوي الزين

الله يشفي طيرك والكداد أقرب مكان لك قريه العليا

وص أحد او أقمز عقب الدوام وافطر هناك وان شاء الله تلقى مطلوبك

*الـزيـن*

26/09/2007, 03:08 AM

يالربع النبته طول الموسم

وانا متأكد من كلامي ( طول الموسم )

والله يعطيكم العافيه على ردودكم ياربعي

اخوكم الزين

*الـزيـن*

26/09/2007, 03:11 AM

اخوي الزين

الله يشفي طيرك والكداد أقرب مكان لك قريه العليا

وص أحد او أقمز عقب الدوام وافطر هناك وان شاء الله تلقى مطلوبك

فعلآ مالها الا ابعد شوي ولا هي بعيده علشان الطير وانا بمشي بعد صلاه الصبح واروح ادور ان شاء الله

وعساني القى شي

بس الي يخبر مزارع قريبه وانا بروح الصبح لم القريه العليا واذا مالقيت ابي امر المزارع

والي عنده اي شي ثاني او علاج احسن من كذا يعطينى العلم

وبالنسبه اروح بعد الدوام ماضنتي لاني ماخذ اجازه رسميه علشان الطير !!!

فتى باريس نجد

26/09/2007, 03:13 AM

الله يشفي طيرك

ابوحافظ

26/09/2007, 03:20 AM

ابشر بالكدااااد عندنا برفحااااا كثيررررر

بس مدري لازم تكون خضرا الكداااااده؟

ابشر بالخيررررر والله يشفي طيرك

*الـزيـن*

26/09/2007, 03:24 AM

يتم قطع جذور الكداد فى وقت لاتكون فيه الشمس ظاهره (( حتى تكون العصارات كلها فى الجذور لان النباتات الصحراوية تخزن عصاراتها فى الجذور حينما تغيب الشمس )) ثم يتم تقطيعها لقطع بطول الكف . بحجم المساويك
وبعدها تبداء مرحلة التحظير والعلاج

منقول عن موضوع اخونا سرهيد

*الـزيـن*

26/09/2007, 03:28 AM

ابشر بالكدااااد عندنا برفحااااا كثيررررر

بس مدري لازم تكون خضرا الكداااااده؟

ابشر بالخيررررر والله يشفي طيرك

هلا والله اخوي ابوحافظ

ياطويل العمر تبشر بالخير طول عمرك لاكن ربعي توهم جايين من رفحاء ولا فيه احد بيروح والمكان بعيد شوي

ولازم تكون خضراء واحسن مكان المزارع لان المزارع رطبه واكيد بتصير خضراء

وانا بحاول امشي ان شاء الله للمزارع الكبيره القريبه وبدور وعساني القى شي لاني والله تعبت وانا ادور امس

تصدق طلعت من 10 الصبح ومارجعت الا بعد صلاه المغرب بساعه واكثر ولا لقيت شي ابد بس غلطتي اني مامريت المزارع

ابوحافظ

26/09/2007, 03:33 AM

الله يشفي طيرك

وان ماحصلت شي هذا رقمي 0556765552 وابشر لو اوصله بنفسي وانا اخووك

*الـزيـن*

26/09/2007, 03:35 AM

الله يشفي طيرك

وان ماحصلت شي هذا رقمي 0556765552 وابشر لو اوصله بنفسي وانا اخووك

امين يارب مانبي الا دعواتكم ياربعي

وجزاك الله الف خير اخوي ابوحافظ ورقمك موجود يابعدي

والله اني ادري فيك ماتقصر

*الـزيـن*

26/09/2007, 04:56 AM

الله يشفي طيرك

امين يارب

الله يجزاك خير

الاشعل 316

26/09/2007, 05:23 AM

الله يشفي طيرك

واذا حصلت العلاج كلمني الني ادور وطيري فيه نفس حالت طيرك اذا ماخاب ظني

اخوك ابو سطام

*الـزيـن*

26/09/2007, 07:22 AM

الله يشفي طيرك

واذا حصلت العلاج كلمني الني ادور وطيري فيه نفس حالت طيرك اذا ماخاب ظني

اخوك ابو سطام

امين وجزاك الله الف خير

وابشر بعزك عساني القى شي وهذاني بطلع الحين ادور

مدرب الطير

26/09/2007, 11:25 AM

ابشر بالفزعه ونخوك انا ابكشت اليوم وبكره وان لقيته ابشر بعزك

بس ارسلي رقم جواللك على الايميل

راعي الشلفاء

26/09/2007, 12:05 PM

السلام عليكم
اخوي الزين خذ هن نصيحه من واحدا مجرب عط الطير شراب الاطفال فلااجيل 5 ملي بعد نص ساعه
عشه يبي يتغير الطير عليك استمر ثلاث ايام

المنصوووري

26/09/2007, 12:23 PM

لله يعينك أخوي الزين نصيحه أخذ من عند الدكتور فارس كورس ألتهاب عام و الطير أذا ماياكل

بعد ما تعطيه حبتين بساعتين أنشاء لله بياكل حتى لو شوي ولله يشفيه

المري

26/09/2007, 01:01 PM

وعسى الله يشفى طيرك اخوي الزين..

والله يعينك ..

اخوك - المري

أبتسم دائما

26/09/2007, 01:13 PM

الله يشفي الطير يارعيه

ريم البراري

26/09/2007, 01:19 PM

تنبت في منطقتنا كثير
لكن ماتلاقيها الحين اخوي
هي موجودة وقت الربيع بعد الوسم

الوهـ قحطان ـاج

26/09/2007, 01:49 PM

السلام عليكم
اخوي الزين خذ هن نصيحه من واحدا مجرب عط الطير شراب الاطفال فلااجيل 5 ملي بعد نص ساعه
عشه يبي يتغير الطير عليك استمر ثلاث ايام

اخوي الزين
اوافقه الراي وانشاء الله ماراح تخسر شي لان الفلاجيل جميع البكتيريا التي في الطير تروح بأذن الله تعالى

وقدام طيرك العافيه

تحياتي لك يالغالي

قلب شاهين

26/09/2007, 02:27 PM

الله يعينك ويشفي طيرك انشاء الله ،،

وأنا أذا حصلت طلبك أبشر بعزك ،،

تحياتي / قلب شاهين ،،

حطاااااب

26/09/2007, 02:38 PM

السلام عليكم ورحمة الله وبركاته
الله يشفي طيرك ان شاءلله

ابرق العزاف

26/09/2007, 03:58 PM

ولد حايل

26/09/2007, 06:02 PM

الله يشفي طيرك

وان شاء الله يطيب طيرك يونسك

انا بحايل ومتوفرة هذه الشجرة

وجوالي تحصله بالتوقيع

وابشر بسعدك

تقبل تحياتي
ولد حائل

الحر جساس

26/09/2007, 07:54 PM

الله يشفي طيرك ,,,, وجااااااااري البحث يالغالي

بويوسف الكويت

26/09/2007, 09:44 PM

ان شالله تلقاها و الله يشافى طيرك ان شالله و تقبل مرورى و انا اخوك بويوسف

*الـزيـن*

27/09/2007, 03:37 AM

والله ياربعي ادري انها اكثر شي باالشمال وانا من اهل حائل واعرفها زين واعرف شعيب شعيب وضلع ضلع وادري انها تتواجد بي كثره في المناطق الشماليه حائل وجبه وبقعاء هاذيك ديرتي محد يدلني عليها

لاكن المشوار فوق الف كيلو والله يعين

ماخليت مكان اليوم ومالقيت شي في الشرقيه وللأسف لا وجود لها

*الـزيـن*

27/09/2007, 03:41 AM

السلام عليكم
اخوي الزين خذ هن نصيحه من واحدا مجرب عط الطير شراب الاطفال فلااجيل 5 ملي بعد نص ساعه
عشه يبي يتغير الطير عليك استمر ثلاث ايام

ياهلا وغلا

وعليكم السلام

باخذ في نصيحتك لاكن الكورس اخاف اعطيه كورس الاقلاع والشراب الي ذكرته ويختلفون مع بعض واخاف يظره

وهذا مايمنع اني اجرب

وراح اردلك خبر ان شاء الله

اذا عطيته واحد ملي اعطيه ماء ؟

والله يعطيك الف عافيه اخوي راعي الشلفاء

اخوك الزين

*الـزيـن*

27/09/2007, 04:02 AM

لله يعينك أخوي الزين نصيحه أخذ من عند الدكتور فارس كورس ألتهاب عام و الطير أذا ماياكل

بعد ما تعطيه حبتين بساعتين أنشاء لله بياكل حتى لو شوي ولله يشفيه

هلا وغلا بالغالي

يالله حيه يابعدي اعلومك واعلوم الطيره ياجعل ربي يوفقك

وجعل ربي يعين الجميع

واليوم ابشرك الطير افتحت نفسه لاكن فخذ ولا كمله كله :(

والدكتور يابن الحلال ( خلها على الله ) ماغير يملي الكبسولات ولاندري وش فيها الطير من يوم عطيته الكورس وهو متغير على الف درجه مهو طيري الي اعرفه

وديته لم رجال تعرفه زين يامتصيقر الي اخر مره شفتك فيهاا

رحتله اليوم وقلتله كل شي عن الكورس الاقلاع

قال لا فيه لا اقلاع ولا شي وعطاني العلم المضبوط الي هو الطير ملتهب وهو امر عادي لاكن لا يتطور وعطاني الازم

اصلآ الدكتور فارس ماتطلع من عنده الا ولازم يعطيك كورس

يارجال تصدق يوم اروح افحص الطير لقيت فوق عشرين رجال

عشر من العشرين جايين يقولون الكورس خلص نبي نفحص

والعشر الثانين لحقت على نصهم وكلهم سرد كورسات يعطيهم

والله ياطيور عدتهاا ما شاء الله مافيها الا العافيه

ماغير الواحد مايطلع الا بكورس

وال ( صقار ) يخاف على طيره وهو فارس يدري ان الواحد طيره اغلى من بنته علشان كذا الدكتور يقول اي شي وال ( صقار ) ينفذ اي شي

انا ماابي ادخل بذمتي شي

الدكتور فارس عطاني اعلاج مو في محله وانا غاسل يدي من اول لاكن طيري وخفت عليه وقلت ياولد خل الحق ومن بعد الكورس وهو الله يخلف

ويعطيك الف عافيه اخوي متصيقر

اخوك الزين

*الـزيـن*

27/09/2007, 04:07 AM

وعسى الله يشفى طيرك اخوي الزين..

والله يعينك ..

اخوك - المري

امين يارب

وجزاك الله الف خير

وجعل ربي يعين الجميع

وسررني مرورك يابومعيض

اخوك الزين

*الـزيـن*

27/09/2007, 04:16 AM

تنبت في منطقتنا كثير

لكن ماتلاقيها الحين اخوي

هي موجودة وقت الربيع بعد الوسم

نبات على مدار السنه (من الشجيرات) تنبت في الفياض وفي الأراضي الصلبة والصخرية، ارتفاعها قرابة المتر وأوراقها صغيرة بيضاوية، وتتميز ثمارها بوجود انتفاخ كالبالون أبيض مصفر وبداخله النواة وهي ذات طعم حلو ولها أشواك طويلة وقوية ومدببة يصل طولها إلى 7 سم وتأكلها الإبل.

http://www.mekshat.com/pix/upload/images49/mk23726_63_22992435407bc5a55e.jpg

معلومه علميآ

*الـزيـن*

27/09/2007, 06:29 AM

http://www.kashtah.com/4images/data/media/8/alibadplanet.jpg

*الـزيـن*

27/09/2007, 06:34 AM

هلا اخوي الشجره اللى بالصوره اسمها الغاقه
وجذورها لذيذة الطعم وتستخدم مساو يك وانا من
استخدمها العام كانت بكثره بالربيع غرب الرس
حوالين وادي الرمه وناحية قصر بن عقيل وضريه
كذلك قبل الرياض 40 كم شفتها وانت جاي من القصيم
اما القتاد غير ماينبت الا بالجبال وجبال طريق ينبع المدينه
وجبال الفقره مليانه منه000000 سلام

الله يعطيك العافيه وماقصرت

والي انت تقصده وتشوفه اسمه العوشز واذا جا الربيع يصير ثمرته أحمرشديد الحمرة مدوّر مأكول وطعمه مقبول واذا نضج صار لونه اسود داكن ولكن في هالصورة هذا كداد او قداد

ابونشوان

27/09/2007, 08:07 AM

الله يشفيه .....

والله أخبر ذي النيته قد شفتها في اول معبر بعاريين وانت رايح للقصيم بعد التفتيشوو بعد صلبوخ..

ريم البراري

27/09/2007, 02:18 PM

من المعروف ان ثمر هذا النبات يتساقط في شهر ابريل ولا يعود الى مع عودة الامطار والربيع

أسامة

27/09/2007, 02:29 PM

تعال للرياض وتلقى اللي يملا لك تريلة بإذن الله
وبالتحديد منطقة رماح والرمحية بل ربما تلقاها في سعد يعني قبل الرياض بتسعين كيلو
وإذا جزمت علمني على الخاص
الله يوفقك ويشفي طيرك

((الخالدي))

27/09/2007, 02:30 PM

انشالله اتحصل النبته يالزين

النداوي1

27/09/2007, 09:03 PM

الزين مساك الله بالخير طمنا عن الطير عساه تعافا

أخوك / النداوي1

*الـزيـن*

27/09/2007, 09:05 PM

من المعروف ان ثمر هذا النبات يتساقط في شهر ابريل ولا يعود الى مع عودة الامطار والربيع

اشكرك على المتابعه

لاكن والله الي اعرفه وبحثت عنه انها نبته صيفيه
لان بعض الناس مايحب تقول له لا هذا مو صحيح
لاكن ان دل على ردك دل على وحده فاهم ومستوعبه
يعطيك العافيه وترى النبته صيفيه يعني بالشتاء والصيف :D

ويمكن تقصدين وتشوفه اسمه العوشز واذا جا الربيع يصير ثمرته أحمرشديد الحمرة مدوّر مأكول وطعمه مقبول واذا نضج صار لونه اسود داكن ولكن في هالصورة هذا كداد او قداد

ونفس الشكل بس يختلف اذا جت الامطار ويبان العوشز بثمرته ويبان الكداد بعشبته الزايده والخضراء

اخوك الزين

الكريزي

27/09/2007, 09:23 PM

هاه بشر يالزين علوم طيرك عساه تحسن

*الـزيـن*

27/09/2007, 09:42 PM

هاه بشر يالزين علوم طيرك عساه تحسن

يعطيك العافيه

والله ياابن الحلال الطير نازله عدته

وعلى الله

ماخليت شي فيتامينات وكورسات واليوم رابع يوم

وعسى الله يشفيه

راعي الجمس454

27/09/2007, 10:12 PM

*الـزيـن*

27/09/2007, 11:53 PM

السلام عليكم
اخوي الزين خذ هن نصيحه من واحدا مجرب عط الطير شراب الاطفال فلااجيل 5 ملي بعد نص ساعه
عشه يبي يتغير الطير عليك استمر ثلاث ايام

السلام عليكم ورحمه الله وبركاته

وبعد :D

بعد الاراء والاقتراحات من اعضاء مكشات الكرام

العضو راعي الشلفاء

ذكر شراب للاطفال واسم ( فلااجيل )

وبعد البحث في جميع الصيدليات لم اجد شي ولاكن كل صيدلي يقول فيه نفس البديل ونفس المفعول اللهم انه من شركه او مصنع ثاني

قلت خل اجرب

واعطيه خمسه ملي مثل ماذكر اخونا الغالي هذا الكلام قبل نص ساعه

وبعد ماعطيته الشراب الطير تغير واحس انه كان نايم وقام من النوم <<< دقق زين هنا

وبعد خمس دقايق او اقل شي لا يصدق شي غريب في الطير

اشوفه وامسكه الا صوتك صار كأن رجال بصدره بلغم << قلت بس الطير زبط العلاج

وانتظر شوي الا اسمع الطير يكح احم احم ومريت الا اشوفه يخرج شي ؟؟!!! تتوقعون وشو

الطير طلع بلغم اي نعم الطير طلع بلغم ( مثل مايطلع الرجال ) سبحان الله

الصوررررررررر

http://www.mekshat.com/pix/upload/images49/mk23726_1.jpg

http://www.mekshat.com/pix/upload/images49/mk23726_2.jpg

http://www.mekshat.com/pix/upload/images49/mk23726_3.jpg

وادعولي ياربعي انه يقوم ويرجع بالسلامه

وجعل ربي يوفقك يا الغالي راعي الشلفاء

وجزاك الله الف خير يابعدي وكثر الله من امثالك

وانا ارفقت الصور علشان اثبت ان كلامك في محله وان بعض الناس مثل ( الدكتور ) الي ماخذ على قولهم الدكتوراه وهو من جنبها

وفعلآ اسئل مجرب ولا تسئل دكتوراه :D

وهذا اول يوم اعطيه

وراح اعطيكم الخبر بعد ثلاث ايام من العلاج

اخوكم الزين

*الـزيـن*

28/09/2007, 12:22 AM

أخوي الزين
السلام عليكم ورحمة الله وبركاته

الله يشفي طيرك إنشاء الله

وأنا بدور حول بقيق وغونان وراح الردلك
وفارس ما عليك منه
ولو تقدار توديه لامارات يكون أحسن عيادة العين متخصصين وعطني أخبار طيرك
وهذا جوالي 0555897824

وعليكم السلام ورحمه الله وبركاته

امين وجزاك الله الف خير

والله يعطيك الف عافيه ماتقصر ياطويل العمر

ريم البراري

28/09/2007, 01:16 AM

لا اخوي ماهو اصرار على ان كلامي صح ولا اني ماابي احد يقول لي لا لان هالشي من الجهل .. انا اكتب لك معلوماتي الشخصية.

وهذا اللي اتكلم عنه
نبات الشويط : القتاد Astragalus Spinosus

وصورة من تصويري لنفس النبات
http://www.tabe3e.com/up/uploads/3b856c862f.jpg

*الـزيـن*

28/09/2007, 02:08 AM

النباتات البرية وفوائدها الطبية ... (http://www.altanaya.net/vb/showthread.php?t=39952)

الذعلوق : نبتة موسمية منفرشة تنبت في السهول .... الكداد : نبات صيفي (من الشجيرات) تنبت في ...
www.altanaya.net/vb/showthread.php?t=39952 - 146k - نسخة مخبأة (http://64.233.183.104/search?q=cache:lXwvYS7XXuwJ:www.altanaya.net/vb/showthread.php%3Ft%3D39952+%D9%86%D8%A8%D8%AA%D9%8 7+%D8%A7%D9%84%D9%83%D8%AF%D8%A7%D8%AF&hl=ar&ct=clnk&cd=4&gl=sa) - صفحات مشابهة (http://www.google.com.sa/search?hl=ar&q=related:www.altanaya.net/vb/showthread.php%3Ft%3D39952)
موسوعة النباتات البرية - ساحات القصيم (http://www.al-qassim.org/sa7at/showthread.php?t=3609)

وزهرة هذه النبته صغيرة الجحم وأغلفتها كبيرة .... الكداد نبات صيفي (من الشجيرات) تنبت في ...
www.al-qassim.org/sa7at/showthread.php?t=3609 - 110k - نسخة مخبأة (http://64.233.183.104/search?q=cache:Fa0g1jH1xDEJ:www.al-qassim.org/sa7at/showthread.php%3Ft%3D3609+%D9%86%D8%A8%D8%AA%D9%87 +%D8%A7%D9%84%D9%83%D8%AF%D8%A7%D8%AF&hl=ar&ct=clnk&cd=5&gl=sa) - صفحات مشابهة (http://www.google.com.sa/search?hl=ar&q=related:www.al-qassim.org/sa7at/showthread.php%3Ft%3D3609)
موسوعة النباتات البرية [الأرشيف ... (http://3emme3.com/vb/archive/index.php?t-8192.html)

نبتة صغيرة نسبيا أوراقها منفرشة وتتفرع من .... الكداد نبات صيفي (من الشجيرات) تنبت في ...
3emme3.com/vb/archive/index.php?t-8192.html - 75k - نسخة مخبأة (http://64.233.183.104/search?q=cache:ZOhUC0fFZtMJ:3emme3.com/vb/archive/index.php%3Ft-8192.html+%D9%86%D8%A8%D8%AA%D9%87+%D8%A7%D9%84%D9 %83%D8%AF%D8%A7%D8%AF&hl=ar&ct=clnk&cd=6&gl=sa) - صفحات مشابهة (http://www.google.com.sa/search?hl=ar&q=related:3emme3.com/vb/archive/index.php%3Ft-8192.html)

قتاد - كداد

نبات على مدار السنه (من الشجيرات) تنبت في الفياض وفي الأراضي الصلبة والصخرية، ارتفاعها قرابة المتر وأوراقها صغيرة بيضاوية، وتتميز ثمارها بوجود انتفاخ كالبالون أبيض مصفر وبداخله النواة وهي ذات طعم حلو ولها أشواك طويلة وقوية ومدببة يصل طولها إلى 7 سم....

------------------------------

وبالنسبه للصوره

http://www.tabe3e.com/up/uploads/3b856c862f.jpg

بالنسبه للصوره ماينطبق شي من هالقبيل

نبات على مدار السنه (من الشجيرات) تنبت في الفياض وفي الأراضي الصلبة والصخرية، ارتفاعها قرابة المتر وأوراقها صغيرة بيضاوية، وتتميز ثمارها بوجود انتفاخ كالبالون أبيض مصفر وبداخله النواة وهي ذات طعم حلو ولها أشواك طويلة وقوية ومدببة يصل طولها إلى 7 سم....

والله ياريم يمكن يكون!!

العوشز واذا جا الربيع يصير ثمرته أحمرشديد الحمرة مدوّر مأكول وطعمه مقبول واذا نضج صار لونه اسود داكن

لان فيه احمرار في الصوره وتوه بادي

بس بالصور الي ذكرتهاا لونها ابيض وطولها بحدود المتر واكثر

http://www.kashtah.com/4images/data/media/8/alibadplanet.jpg

وكل هذا مايمنع انه بس ينبت في الشتاء

والله اعلم

كل الي ذكرته منقول من محركات البحث وحتى الصور

وان شاء الله جاري البحث للنبته

واذا لقيت راح اعطيكم خبر

اخوكم الزين