المساعد الشخصي الرقمي

مشاهدة النسخة كاملة : ممكن أفضل ورشة لتفصيل تانكي ماء في الرياض او القصيم؟؟


أحب القمرا
27/09/2007, 04:14 AM
السلام عليكم ورحمة الله وبركاته

أبي أفضل ورشة في الرياض أو في القصيم لتفصيل تانكي ماء ستيل أو المونيوم ثابت لسيارة نوع باترول 2006
أرجو الا تبخلوا علينا بإرائكم وتجاربكم كما تعودنا منكم .
هدد ؟؟؟
27/09/2007, 02:04 PM
ورشة المواهب .. جيدة
فيه واحد بالقصيم اسمه أبو محمد العجلان ..جيد ويذكر بخير في هالمنتدى وأنا ماجربته..
خذ رقمه 051684256
ثعل البرد
27/09/2007, 02:06 PM
في الرس مصنع الوادي و مصنع الضويان لتوانك الماء والعربات وغيرها ... شغلهم نظيف ومعروفين على مستوى المنطقة ... لكنهم غالين
عاشق السيل
27/09/2007, 02:09 PM
وعليكم السلام ورحمة الله وبركاته ،،

الرياض ، حي السلام ، شارع عبدالرحمن بن عوف ، ورشة اليحيى : تفصيل توانك ألومنيوم وشغلهم على كيف كيفك !!

وتقبل مروري يالغالي ....




.
الشقاوي8
27/09/2007, 02:28 PM
مشكور عاشق السيل وممكن رقم ورشة اليحيى للمفاهمة
أحب القمرا
27/09/2007, 04:05 PM
الله يجزاكم خير على مشاركتكم ...... أخوي هدد و ثعل البرد وعاشق السيل ...
وبإنتظار معلومات أكثر
أخوي عاشق السيل إذا تكرمت تزودنا برقم ورشة اليحي .
أحب القمرا
27/09/2007, 04:08 PM
أخوي هدد ...... رقم أبو محمد العجلان اللي وضعته غير صحيح
بإنتظار الرقم الصحيح
العنبري1
27/09/2007, 04:42 PM
رقم ابومحمد

0501684256
أحب القمرا
27/09/2007, 05:15 PM
شكرا اخوي العنبري والله يجزاك خير على الرقم لكن الرقم ( غير موجود بالخدمة مؤقتا )
نيتروجين xp
27/09/2007, 05:18 PM
كذلك بالرس فيه مجمع الصقعبي الصناعي شغل تمام التمام
موقعه بالصناعية .

اتمنى افدتكم . .
أحب القمرا
27/09/2007, 10:23 PM
هلا بك أخوي المجتهد
مجمع الصقعبي اللي بالرس هل سبق وأن صلحت عندهم توانك ؟؟ وإذا كان الجواب ( إيه ) وش نوع التانكي
المونيوم وإلا ستانستيل ؟؟
هدد ؟؟؟
27/09/2007, 11:05 PM
0501684256
والمعذرة يالغالي
winchester
27/09/2007, 11:09 PM
ورشة الوادي أو النجوم بالرس شغلهم زين

دمــت بود
حمد808
27/09/2007, 11:35 PM
احب القمرا وين تبي تركب التانكي تحت او داخل السيارة
أحب القمرا
28/09/2007, 12:20 AM
اخوي حمد
انا بركب التانكي تحت
اخوي هدد ........ الرقم غير موجوبالخدمة مؤقتا إذا كان فيه رقم ثاني تتكرم علينا فيه أكون لك ممنون
اخوي مشعل ..... ورشة الوادي والنجوم يشتغلون المونيوم وستانستيل ؟؟ وإلا حديد ؟
واكس
28/09/2007, 01:30 AM
انا متابع بعد س عندي استفسار وزنه شلون وهو مليان؟؟ وهل له تاثير على الموتر ؟؟؟
حمد808
28/09/2007, 01:36 AM
انا مركب تانكي تحت ما ياخذ الا40لتر
نمر بن حثلين
28/09/2007, 02:12 AM
العجلان جواله مفصول من الخدمه مادري عنده جوال ثاني ولا لا
وليت الي يعرفه من الاخوان ببريده يحطون لنا رقمه
لانه رجال ما يتفوت شغله ممتاز واسعاره ببلاش


وبالنسبه للستيل لا يقربك لانه ثقيل بالحيل ومع الماء يزيد الوزن على الموتر

والالمنيوم عندك عروق الشمال والسنيدي كلهم عندهم تفصيل المنيوم
بس مادري عن الاسعار ولا عن جودة الشغل
أحب القمرا
28/09/2007, 02:14 AM
افا 40 ليتر بس؟؟ ليه ؟؟ مافيه مكان كافي تحت السيارة ؟
اخوي حمد بأي مكان انت مركبه بالضبط في السيارة ؟
ارجو ان تفيدني
أحب القمرا
28/09/2007, 02:17 AM
العجلان جواله مفصول من الخدمه مادري عنده جوال ثاني ولا لا
وليت الي يعرفه من الاخوان ببريده يحطون لنا رقمه
لانه رجال ما يتفوت شغله ممتاز واسعاره ببلاش



وبالنسبه للستيل لا يقربك لانه ثقيل بالحيل ومع الماء يزيد الوزن على الموتر

والالمنيوم عندك عروق الشمال والسنيدي كلهم عندهم تفصيل المنيوم
بس مادري عن الاسعار ولا عن جودة الشغل

ياليت أحد يجيب رقم ابو محمد

اخوي نمر .... الألمونيوم اللي عند السنيدي وعروق الشمال هل تثبت تحت السيارة وإلا تقصد اللي تركب في الشنطة ؟؟
حمد808
28/09/2007, 02:22 AM
مركبة تحت تانكي البانزين والصدام
نمر بن حثلين
28/09/2007, 02:25 AM
الالمنيوم ما ينفع خارجي لانه ممكن الحصا يكسره
اذا تبي خارجي اجل الستيل هو الي يتحمل

لكن اكثر الناس الحين يحطون التانكي داخلي واقف على ظهر المرتبه الثانيه
بس لازم تستغني عن المرتبه الثالثه
واكس
28/09/2007, 02:29 AM
واللن انا ايضا محتار بس ابي الي مركبين على السفاري يوضحون لنا اكثر بخصوص الوزن؟

وبالنسبه لي 40 لتر مهوب شين
حمد808
28/09/2007, 02:40 AM
يكفي طلعت يوم اويومين بس تقتصد بالماء وضوء وطبخ
أحب القمرا
28/09/2007, 03:36 AM
الالمنيوم ما ينفع خارجي لانه ممكن الحصا يكسره
اذا تبي خارجي اجل الستيل هو الي يتحمل



مركبة تحت تانكي البانزين والصدام



لكن اكثر الناس الحين يحطون التانكي داخلي واقف على ظهر المرتبه الثانيه
بس لازم تستغني عن المرتبه الثالثه


فعلا أخوي معلومة مفيدة مهمة ؟
لكن التانكي داخلي أحس انه ياخذ مكان وميزة الخارجي أن الماء معك 24 ساعة توقف اي مكان وتتوضأ ويتوضون الناس بعد إن صرت على خط دايري
لكن الداخلي شغلته شغله حول التانكي ركب التانكي ( وجهة نظر )

اخوي حمد والله 40ليتر احس انها شويه يعني يعبيه 0برميلين من براميل المنهل .
طيب اخوي حمد هل بالإمكان اني اركب اكبر يتسع اكثر من 40 ليتر ؟
حمد808
28/09/2007, 03:45 AM
ممكن تركب اكبر بس يكون بارز على تحت شوي ويكون على مساحة تانكي البانزين كاملة ممكن ياخذ60لتر
أحب القمرا
28/09/2007, 04:20 AM
اخوي حمد ............. الله يجزاك خير على متابعتك الموضوع ولا خلا ولا عدم منك ومن جميع المشاركين .
لكن مسألة ان التانكي بيكون واضح من تحت اعتقد انه بيشوه منظر السيارة
عاشق السيل
29/09/2007, 12:17 AM
واللن انا ايضا محتار بس ابي الي مركبين على السفاري يوضحون لنا اكثر بخصوص الوزن؟

وبالنسبه لي 40 لتر مهوب شين


أخوي واكس : أنا مركب تانكي بالسفاري ألومنيوم 86 لتر ومافيه أي تأثير على السيارة مليان أوفاضي ،،

أما 40 لتر تراها ماتكفي أبد إلا إذا كنت تطلع وترجع بنفس اليوم ولازم تقتصد بعد ومايتجاوز عددكم أربعة أشخاص !!!


.
عاشق السيل
29/09/2007, 12:21 AM
والشباب اللي يسألون عن رقم ورشة اليحيى أرجو أن يعذروني لأن الرقم لايحضرني لكن ممكن أوصف المحل للي جازم يروح :

مخرج 15 اتجه شرقا حتى ثالث إشارة ( إشارة المقبرة ) رح معها يسار حتى أول شارة تجاوز الإشارة قدام يجيك يوتيرن ( مديور ) ارجع معاه 50 متر وتجيك الورشة على اليمين ،،

والله يوفق الجميع ....



.
winchester
29/09/2007, 12:26 AM
المونيوم مدري عندهم أو لا بالنسبه للستانستيل والحديد عندهم

وأكيد الالمنيوم أخف ومايغير لو الماء وكذلك الاستانستيل لكن عيبه ثقيل والحديد ماينفع يصدي

وأنصحك واقف داخل الموتر أفضل لان الثقل يصير على الدفرنس

دمــت بود
خادم تميم
29/09/2007, 12:39 AM
اليحي الي بالرياض انا فصلت عندهم مرتين والاخيره من 5 سنوات انقله من سياره بسياره. وعليك بالالمنيوم صبور وطيب . لكن الاستبنه عندك علاق حظك وان كانت تحت التانكي مايتعدا اربعين لتر.لكن ماعندهم تلفون ومكانهم مقبره النسيم يمينك باتجاه الشمال اليحي يسارك عند مسجد ولوحتهم يالله تشوفها.ووووفقك ربي
أحب القمرا
29/09/2007, 03:44 AM
اخوي عاشق السيل ........... التانكي اللي عندك ياخذ 86ليتر ثابت في السيارة والا متحرك ؟؟؟
اخوي خالد تميم ............... الله يجزاك خير على الوصف ويرحم والديك وعلى فكره الاستبنة عندي علاق .
عاشق السيل
01/10/2007, 12:35 AM
اخوي عاشق السيل ........... التانكي اللي عندك ياخذ 86ليتر ثابت في السيارة والا متحرك ؟؟؟
اخوي خالد تميم ............... الله يجزاك خير على الوصف ويرحم والديك وعلى فكره الاستبنة عندي علاق .

أخوي تقدر تقول ثابت وتقدر تقول متحرك !!!!

لأني مفصل طبق بالخلف وتحته مقسوم نصفين الأيمن درج لأغراض البر والأيسر التانكي وممكن تسحب التانكي ويطلع معك لكني مخليه على طول بالسيارة ( شبه ثابت ) ،،

وبالتوفيق .........




.
أحب القمرا
01/10/2007, 01:11 AM
اخوي عاشق السيل ........ ليتك تصور الطبق والتانكي اللي عندك عشان نستفيد إذا كان ممكن وإذا ما قدرت معذور وانا أخوك .
الوافe
01/10/2007, 01:35 AM
ورشة المميز اشهرواحد في الرياض اختصاصي رقم 1 وهو الان في صناعية الدائري الجنوبي بالرياض
لعّاب المنايا
01/10/2007, 02:07 AM
تبي رأي ولي 3 سنوات آخذ من عندهـ هو عروق الشمااال ببريدهـ

أخذت من عنده اول مره وركبته على Gx 2006 المنيوم 100 لتر صراحه خيااال لا صدأ ولا غيره والماء ينزل نظيف أطبخ منه وأغسل وللوضوء كل شي ولا احد مره استنكر طعمه ولا شي يعجبك ,,,

والثاني على باترول العام واحد من الربع ,,, والسنه هذي على باترول معي انا وقنصت الساحل اول رمضان ما شاء الله محد اشتكى منه كل الربع راحوا يركبون مثله ,,, ويجي مع تلبيسه خرج ويجي برضوا شراع كامل للشنطه اللي ورى ,,, ومن رأي انت بنفسك تروح وتفصل لا تآخذ جاهز ,,,, اطيب لك

مع التحيه ,,,,,,,
أحب القمرا
01/10/2007, 03:51 AM
اخوي الوافي الله يجزاك ووالديك خير على المرور لكن ارجو انك تشوف ها الرابط عن ورشة المميز
http://www.mekshat.com/vb/showthread.php?t=105939

اخوي نسل الأحرار ............. كم كلفك التانكي الألمونيوم 100 ليتر وهل التانكي خلف المرتبة أو مسدوح ؟
عاشق السيل
02/10/2007, 12:41 AM
اخوي عاشق السيل ........ ليتك تصور الطبق والتانكي اللي عندك عشان نستفيد إذا كان ممكن وإذا ما قدرت معذور وانا أخوك .

أبشر بعزك يالغالي !!

هذا الرابط لموضوعي اللي تكلمت فيه عن الطبق والتانكي وابتكار المغسلة اليدوية :

http://www.mekshat.com/vb/showthread.php?t=89157

وادعلي بالتوفيق ....



.
أحب القمرا
02/10/2007, 02:41 AM
عاشق السيل .................... بيض الله وجهك والله يرحم اللي جاوبك على الصور
عاشق السيل
03/10/2007, 01:02 AM
عاشق السيل .................... بيض الله وجهك والله يرحم اللي جاوبك على الصور


وجهك أبيض يالغالي ،،،،،،،




.
عاشق السيل
03/10/2007, 01:03 AM
عاشق السيل .................... بيض الله وجهك والله يرحم اللي جاوبك على الصور


وجهك أبيض يالغالي ،،،،،،،




.
عاشق السيل
03/10/2007, 01:07 AM
وجهك أبيض يالغالي ،،،،
عاشق السيل
03/10/2007, 01:08 AM
معليش تكرر الرد بسبب خلل في المنتدى وتأخر الردود الأولى ،،
سد الصفرات
28/03/2010, 01:17 AM
ركب المونيوم اخف للسياره
سفاري959
28/03/2010, 06:03 AM
بالنسبه للباترول اذا تبي تانكي يكفيك مالك الا داخلي الخارجي ما ياخذ واجد عشان تانكي البنزين وانا ركبت اكثر من واحد داخلي ركبت حق السنيدي المنيوم جاهز اخبره ب 630 ريال 100 لتر وفيه الوادي حجمين 90 و 145 لتر وكلها ممتازه بس الخارجي نصيحه لاتركبه صغير ويشوه شكل السياره اتمنى اني افدتك وتفبل مروري