المساعد الشخصي الرقمي

مشاهدة النسخة كاملة : لوتكرمتكم استفسار


برق الحيا9
27/09/2007, 02:08 PM
السلام عليكم عندي باثفيندر 2003 ومريت محل السوافي بالرياض وهو متخصص تركيب بطاريات اضافية وانوار وغيرها من تجهيزات وطلبت منه تركيب بطارية اضافية وقال 700 ريال وحقيقة مازلت متخوف من مشاكل الالتماس وخاصة ان السيارة شد بلادة وش رايكم اركب واللي ركب منكم وجد مشاكل وجزاكم الله خيرا
ابولولو
27/09/2007, 05:35 PM
السلاعليكم انا ركبت عندهم لي 6شهورواللة وانا صايم مافية اي مشاكل واطلب منهم الفاتوره وهذي قيمته
النداوي1
27/09/2007, 05:45 PM
أخي برق الحيا9 مساك الله بالخير ياليت توصفلي مكان محل السوافي وين أنا بالرياض

أخوك / النداوي1
برق الحيا9
28/09/2007, 02:36 AM
الدائري الجنوبي مخرج 18 اتجه شرق يأتيك محلات على يمينك بعدها ملف يمين اتجه جنوب اترك الملف الاول والثاني والثالث لف يمين يأتيك مسجد على يمينك هو مقابل المسجد جهت الجنوب طبعا يفتح شمال
احدثية الموقع N 24 37 72 0
E 064 48 777
عاشق السيل
29/09/2007, 12:29 AM
وعليكم السلام ورحمة الله وبركاته ،،

أخوي برق الحيا ،، ولايهون الشباب :

أنا من رأيي الشخصي إنك تبي تكلف على نفسك بتركيب البطارية وماأشوف منها أي فايدة !!!

أخوك راعي كشتات وتخييم ومشاوير بعيدة بهالبران وماعمري قلت ياليت معي بطارية إضافية والسبب الاعتناء بالبطارية الحالية ، وعدم استهلاكها بشكل متواصل والموتر طافي ، واختيار أنواع من اللمبات لاتستهلك الكهرب بشكل كبير ،،

أكرر : هذا رأيي الشخصي وإن كان البعض لايمكن يقتنع !!!!

تقبل مروري يالغالي .....





.
ق ب م 632
29/09/2007, 12:40 AM
طيب انا من رأيي انك تشتري بطاريه وتخليها من العزبه ام 70 امبير وسعرها حول الـ200 ريال وتخليها لانوار والكهرب عموما واذا شفت انها ضعفت اشركها ببطاريه الموتر وبكذا وفرت على نفسك وزود على كذا ماتحوس السياره عليك


مجرد رأي وانا اخوك
Abu Saad
29/09/2007, 12:54 AM
عاشق السيل 100%
برق الحيا9
29/09/2007, 01:37 AM
بارك الله فيكم
برق الحيا9
09/10/2007, 02:57 PM
بارك الله فيكم وباقي الاخوه