هل كفرات الجمس الجديد عملية

[السنع كله]

سمعت ان وكالة جنرال تركب كفرات ماتمشي السيارة ولا عشرة كيلوا هل هو صحيح وها من اشترى سيارة جمس لا بد يغير كفراتها ؟؟ابي جواب ياكرام

[شبح الصحراء]

حسب معلوماتي الإطارات التي تأتي في بعض السيارات الجديدة تكون مؤقتة ويقوم الوكلاء بتغييرها فور وصولها للميناء بأخرى جديدة ولكن الكثير اشتكى من وكالة الجميح انها لا تقوم بتبديل الإطارات المؤقتة وهذا سبب انفجار الإطارات في عدد من السيارات الجديدة وسبب حوادث إنقلاب بسبب جشع هذا الوكيل حيث يحتفظ بالإطارات التي اخذها من الشركة المصنعة مجاناً ويبيعها على الناس بدل تركيبها في السيارات الجديدة !.
لذلك أرجوا أن تتأكد من نوع الإطار الذي عندك هل هو مؤقت أم لا وإذا كان مؤقت طالب الوكيل بتغييرها فوراً على حساب الوكالة وقد فعل العديد من الأشخاص هذا وتم تبديلها مجاناً .
إفحص الإطار وأبحث عن الرمز T فهو يعني مؤقت (Temporary) ، ويعني الرمز P-1 سيارة ركاب والرمز LT شاحنة خفيفة والرمز ST مقطورة .
راجع هذا الروابط فيه معلومات أكثر عن الإطارات .
http://www.mekshat.com/vb/showthread.php?t=102456
http://en.wikipedia.org/wiki/Tire_code

[.أبوعبدالرحمن]

سمعت


وخبرك كلمت سمعت قد تكون صحيحة او غير صحيحة


الكفرات اللي تجي على الجموس الجديدة سواءا جنرال او فايرستون تكون كفرات تخزين بس حقت وقفه لانها ما فيه امل تنسم وهي واقفة لو تجلس 10 سنوات


وصناعتها امريكية ما تتحمل الجو الحار اللي عندنا ولا تتحمل الخطوط الطويلة ولا الحمل الثقيل


وفيه ناس ما غيروها الا لين تحفت مشت معهم

[السنع كله]

شكرا شبح الصحراء على الافادة وتسلم يالغالي ولقد اجدت وافدت

[السنع كله]

اشكر لك ابا عبدالرحمن تفضلك مرورك واضافتك النافعه لك ودي وتقديري

[fify]

انا شريت جمس 2007 عندنا فى الكويت والوكيل يعطى مهلة 3 شهور لتبديل الاطارات بما فيها الاحتياطى مجانا لانها اطارت مؤقتة .

[احب البرواهله]

أنا شريت سيارة شفر تاهو 2007من الجميح كان عليها جنرال والظاهر أنها مخزنه ولاحظت أن كفرين من الجوانب مورمه وطلبت من الصيانه تبديلها وبعد أخذ ورد وإلحاح وأستشاره الوكيل الإقليمي بدبي طلبوا مني أدخل السياره للفحص وبعد ساعتين اتصلوا علي ورحت قالوا بنغير الكفرات لك بسعر لا يتجاوز 800 ريال للكفر الواحد وخذ الي تبي ونصحوني بكفر تويو A A H ظغط 400 حولوني على محل بالغرابي وركبتها وطلبوا مني أن أدفع نسبة 10% لإستخدامي الكفرات أكثر من 10000 كيلوا مع أني من شريت السياره وأنا مبلغهم لكن وش نسوي الله يعفوا عنا وعنهم .

[السنع كله]

شكرا اخي الفاضل fifyعلى الاضافة وماقصرت لكن وكيلنا ماعنده وزارة تجارة تعلمه السنع

[السنع كله]

شكرا احب البر واهله على الاضافه الماتعه لكن مالي بغثاهم هل عليها سنة صنع والا ماتنفع حتى وهي جديده؟؟

[مساير الليل]

أخي الغالي طلعنا جمس جديد

وبعد صيانة الألف طلبنا تغغير الكفرات وتم تغييرها

وواحد من معارفي سواء مثلنا وتم تغييرها

[شبح الصحراء]

أخي الغالي طلعنا جمس جديد

وبعد صيانة الألف طلبنا تغغير الكفرات وتم تغييرها

وواحد من معارفي سواء مثلنا وتم تغييرها
يعني لو ما طلبت كان ما غيروها حسبي الله عليهم هذي كفرات مؤقتة غير مخصصة للقيادة في السرعات العالية وعرضة للإنفجار في أي لحظة ! .

[شبح الصحراء]

شكرا احب البر واهله على الاضافه الماتعه لكن مالي بغثاهم هل عليها سنة صنع والا ماتنفع حتى وهي جديده؟؟
إذا مؤقتة ما تنفع ولا للبقالة غيرها وطالب بحقك عند الوكيل قبل لا يروح الضمان .

[مكحل الحنشان]

اتوقع ان كلام اخوي شبح الصحراء في محله وخاصة مع الجميح

عندنا جمس 2002 طلعناه وكالة من الجميح
وكانت الكفرات اللي عليه ( جينرال )) من يوم ما طلعنا الموتر وحنا شاكين بالكفرات بس قلنا بلا وسوسه
وبعد 20 الف بدت الكفرات تتفتت كنك صاب عليها اسيد
رحنا للوكالة وقالو غيروا الكفرات اللي تبون وحنا ندفع 75% من قيمة الكفرات لانكم مشيتو عليها مسافة طويلة
وغيرنا الكفرات ودفعو النسبة اللي عليهم

والصراحة ماتوقعت ان الموضوع سرقة وجشع من الجميح كنت متوقع ان اللي حصلنا صدفة تحدث لأي شخص اخر
بس وييييين الجهات المسؤووولة
الموضوع هذا فيييه ارووووااااح

وشوكرن

[الذيب الاول]

مبروك السياره
صحيح الوكاله تحط كفرات سيء تمشي 4000كيلو بس احتياط غيرها ب ميشلان او دنلب
الذيب الاول

[السنع كله]

شكرا للجميع وماقصرتوا