افضل مساعدات للاند كروزر؟؟؟؟؟؟؟؟؟ افتوني في امري

[زين الشباب]

السلام عليكم ورحمة الله وبركاته


حياكم الله اخواني الاعزاء تقبل منا ومنكم الصيام والقيام


ياخوان الله لا يهينكم ودي استفسر وشي احسن مساعدات للجيب اللاندكروزر الهدد 2002 (بالعربي مساعداتي دمار)
علما ان اليايات استرالي المساعدات قدام مدبله الله لا يهينكم <افتوني في امري>



وجزاكم الله كل خير

[زين الشباب]

افا ياجماعة 18 زيارة ولا واحد رد ولا ما هقيته

[ابوريما99]

أخوي زين الشباب

في مساعدات استرالي لكل السيارات الدفع رباعي مجربه ومضمونه صح قاسيه شوي
بس تشيل الموتر شيل اسمها منورو لونها اصفر غازيه طبعاً ولهم مركز بالصناعيه القديمه الاولى يعني
مع حقين قطع الغيار اللي تحت الكبري عند دوار الخرج الظاهر يسمونه كذا المهم بالضبط محلهم
شمال دورات المياه بالضبط

انا بصراحه هي المساعدات اللي اعبجتني

[Dead]

مساعدات Kyb الرصاصية هي أفضل مساعدات وسعرها معقول بس مادري وين تلقاها بالسعودية

عموما هي صناعة يابانية ومعروفة وتجي للددسن والباث واللاند ...

[فتى حرب]

احسن شي للجيوب اللاندكروزر
1: مساعدات أستراليه لونه أصفر حلوه للتحميل.
2: مساعدات رانشوا لونه أبيض ومكتوب رانشوا بالأحمر

[رحال7]

اخى للامانه جربنا مساعدات اولدمان من الرمايه وصارت السياره كانها بدون مساعدات وشلناها فورا..قد تكون المشكله فى المجموعه التى شريناها والله اعلم
ملحوظه حاول ان تشترط ارجاعها فى حال ما ناسبت سيارتك او بها عيب

[مريقب العيفار]

اللي نعرفه ان مساعدات تويوتا شد البلد حلوة ومناسبة

واخونا المترو قبل فترة تكلم عن مساعدات مينورو

يقول انها حلوة

[مدهوش]

طع شور أخوك وخلك على مساعدات البلد وهذا من واقع تجربة شخصية في أحد المحميات والتي إستهلكنا فيها مساعدات كثيرة ولا صمل معنا إلا مساعد البلد لأن المساعدات الثانية تسبب لك مشاكل مثل تقصص في قواعد التندة من فوق راس الراكب والسواق وفي الرفارف من داخل الكبوت

[.أبوعبدالرحمن]

وانا اخوك طع شور وخل مساعدات البلد

تراهن زيان

والله يطرحك بالبركة

[إعصار]

كلام الاخوان صحيح ..

خله على شد البلد ابرك ..

والله يكتب الي في صالح لك ..

[زين الشباب]

أخوي أبو ريما اشكرك على المعلومات الرئعة


أخويdeadأشكرك


أخوي قتى حرب مشكور

أخوي رحال 7 أشكرك على التحذير والوصية


أخوي مريقب العيفار مشكور


أخوي الحابور مشكور


أخوي أبو عبد ارحمن الصفيان مشكور


أخوي اعصار مشكور





اعتذر من الجميع على تأخر الرد وعدم متابعة الموضوع
كنت مسافر للعمرة نسأل الله القبول

[slomi]

السلام عليكم
عن تجربة في هدد 2007
مساعدات الوكاله وحط ورا ياي استرالي وسط يشد الموتر من ورا ولا ينزل مع التحميل
وهذا عن تجربة شخصية

[قايد النيسان]

السلام عليكم ورحمة الله وبركاته
يجي بوالين تنحط في وسط الياي وترفع الموتر
وتنزله متى ما بغيت عن طريق الهو وبنسبه لي تكون اريح من انك تفك حق الوكاله