من يعرفها يالربع يفيدني وله الأجر ,,,,

[لعّاب المنايا]

يالربع سمعتوا بكفرات سي مكس ابو طير ,, بالون.. وين القاها يالربع سألت عنها بالرياض والقصيم والشرقيه ولا لقيتها من يعرف احد يبيعها يدلني تكفون اسم المحل وموقعه وابد إن شاء الله إني أبوصله ,,,, وله الأجر برمضان أبدعيله ,,,,

لا هنتوا يالمكشاتيه ,,,

[المزوحي]

اخوي نسل الاحرار


اول مره اسمع فيها منك


اللى اعرفه اربع انواع بس


وتوني ناشد عنها في بنشري جنط 16 8غاط


المكسس ابو جمل على 340ريال


الهيرو على 400ريال


والدنلوب 420ريال


والسيام تاير على 600 ريال




اخوك المزوحي:)

[أبوطلال2007]

اول مره اسمع فيها منك

[الوعب]

السلام عليكم
التواير هذي على موتري الحين و انا من قطر اذا انك حولنا في الحسا ولا الدمام تراها متوفره باكثر المحلات
لكن مستغرب انك تسئل عنها ماسمعت انها متميزه او شي, ركبتها لانها ارخص شي لقيته خذيت الاربع على 1200

[أبوكلبشة]

بسئل لك بنشري اعرفه وان شاء الله القا رد عنده

[.أبوعبدالرحمن]

وانا اخوك انصحك لا تركبها


لانها فيما بعد الله لا يقدر تظرب عليك او تنشق او يحصل لها اي شيء ما تقدر تحصلها


فشوري عليك خذ شي تشوفه منتشر

[ابو سمحه]

موجووووووووده



في الرياض هي اسمها مكسس


وذا ما لقيتها في الرياض تلقاها في الخرج ممتازه ممتازه مرررررررررررره


تراها تيوبلس لا تحسبها لستك ولا تخا ف بلخط ترا ها رقعه

[لعّاب المنايا]

أشكر العموم على المرور وبيض الله وجيهكم وعلمكم غانم ,,,

الظاهر إني ابشوف السيام تاير حصلتها ب 470 ريال بالغرابي بالرياض ,,,

اما النوع الثاني اللي أدور عنه والله ما لقيته ولا حصلته ,,, ولا عاد إني ابغاااه ,,,,

[الوعب]

الله يوفقك و السيام مع الله تاير زين , يعيبه انه شوي شووووي وعر بالنسبه لانواع التواير الثاني
والسعر الي انت لقيته ترى زين ,, و اهم شي اهم شي تاريخ صنع التاير اذا هو 2006 انسى تركبه
وبيقولون لك اذا بتركبه تيوب لس راح نعطيك اياه بدون ضمان ,, و شوري لك ركبته تيوبلس و الضامن الله
لله الحمد صار لي سنين مانزلت عدت البنشر و السبب اني اركب دايما تيوب لس و اذا بنشرت مكينه هوى صغيره على 250 ريال انفخه و اروح لاقرب بنشري يرقعه تيوب لس
ترى بعلمك بشي عن السيام خاصه و تواير البالون بانواعها عامه ,, بعد ماتركب التواير جديده و يسوون لك ترصيص ,, بعد حوالي شهر راح تسوي رجه و السبب ان التاير اذا جديد مايكون تمدد و خذا شكله , فبعد شهر يكون خلاص ظبط ,, ركب و انتظهر اسبوعين او شهر و بعدين سو ترصيص مره ثانيه ويسلم راسك
الله يوفقك ويستر عليك.

[معديان]

وكيل الكفرات الي تبي ابو طير بالامرات لكن على فكره انا جربته ينصلخ ماجازلي .
لو راي الناس واحد لبارت السلع.
تراه يجى ببريده لاقبل الموسم.