فائده لأهل نيسان

[ابوديحم2]

بسم الله الرحمن الرحيم

السلام عليكم ورحمة الله وبركاته

يلاحظ في سيارات نيسان الجديده خاصة الدفرنسين منها كثرة تهريب الصوف دبل وقير ودفرنس

ماهو الحل ؟

أنا شريتلي موتر جديد ولله الحمد وبعد مامسكت خط طويل وإذا بصوفة الدبل تهرب فضاق صدري
الموتر جديد مامشى ألا 350كيلو فذهبت إلى الحمراني الله لايبلاكم بالحمراني وخدمته فقال الموعد بعد اسبوع
فبغيت أموت من الحمق فخرجت وذهبت إلى ورشه معروفه قال سهله صوفه دبل خلفيه قلت سهله غير
ركب الصوفه واسلكت الامور بالديره

يوم سافرت ثانيه وإذا بالصوفه تهرب نفسه بأقل من أسبوع قلت وش السوات يمكن ماركبه زين رجعت يمه ثاني شد على السسته حقت الصوفه ونفس الحكايه بالديره زينه لكن لامني مسكت خط هربت فضاقت علي الارض بما رحبت بغيت ابيع السياره قلت خل أمر الوكاله اللي بالقصيم وامرهم واشرحلهم الموضوع قالوا خلاص خرب الضمان لإنك سويتله صيانه برا قلت السوات ؟
قالوا سوات ربك

فوجدت سوداني شغال بالصيانه فشكيت عليه الحال وعيني تفيض من الدمع فأشفق علي فقال لي حط زيت 140 للدبل ولا تتعب نفسك ولا تغير الصوفه ولا شي فتعجبت وقلت معقول؟
قال جاك العلم

فأضاف إلي معلومه وقال الزيت حق شد البلد طبعا السوايل يجي من اليابان خفيف جدا والاجواء عندنا تختلف

فبسبب الحراره يسيل الزيت ويصير مثل الماءويتخلل مع الصوف

فجزاه الله خيرا عني وعن المسلمين

صارت قضية فلسطين بالتوفيق للجميع

[أبو حـــمد]

جزاك الله خير و مشكور على نصيحتك ,,, و الله يجزى السوداني خير بعد :)

[إعصار]

الله يبارك في السوادني الي فزع لك

[العريض]

مشكور على المعلومه والله يوفقكم اجمعين

[برق تميم]

مشكور على المعلومه والله يحفظنا واياكم من كل سوء

[غضنفر]

بارك الله فيك
اذا ما عندك مانع
ممكن تذكر لنا نوع سيارتك

[خالد940]

تسلم يا الغالي على هالمعلومات

[turkiq]

اذكر الله يا خوي ..... انا شابت لحيتي وانا ما اعرف غير النيسان باترول
ولا قد صادفت شي منها تهرب صوفه الا القديم بطبيعة الحال يعني موديلات الثمانينات

اما بخصوص موترك فانا اقول اكيد انه خلل تصنيع مو اكثر... وعندي نقطتين احب اوضحهم لك:


1- الضمان صح راح عليك بالوكالة بس هذا ما يعني انهم ما بيصلحونها لك لا .. بيصلحونها بس بحقها مهو ببلاش.

2- اما حكاية نصيحة اخونا السوداني فهي في نظري غير سليمة لان لو كان كلامة صحيح كان شفت كل اصحاب النيسان يشتكون من التهريب ويغيرون الزيت على طول ... اعرف ناس لها 5 و6 سنوات ما قربوا من الدفرنس. انت الان مبسوط ان التهريب وقف والحل هذا مهو الحل السليم.

ارجع للكتلوج راح تحصل درجة الزوجة الصحيحة رح البنشر وغير واذا رجع لك التهريب ارجع الوكالة واشرح لهم كل القصة.

* ملاحظة صغيرة : عمود الكردان اذا كان غير متزن ممكن يسبب تهريب الصوف .. حتى لو اهتزاز غير ملاحظ.

[only]

مشكور اخوى على المعلومه

[الساهر40]

والله ياخوي الي حصل معك من أغرب الخربات في البترول
لإن أحد مميزاته عدم تهريب زيوت الصوف مهما كان نوع الإستخدام سواء خطوط أوبر أوجبال وترى تهريب زيوت الصوف تشتهر بها سيارات تيوتا وهذا من واقع تجربه ,,,,,,,,,, نصيحة تقيدبالزيت الموصى به من الشركه 0000

[ابوديحم2]

بارك الله فيك
اذا ما عندك مانع
ممكن تذكر لنا نوع سيارتك


مافيه مانع سيارتي ددسن ديزل دفرنسين

[ابوديحم2]

اذكر الله يا خوي ..... انا شابت لحيتي وانا ما اعرف غير النيسان باترول
ولا قد صادفت شي منها تهرب صوفه الا القديم بطبيعة الحال يعني موديلات الثمانينات

اما بخصوص موترك فانا اقول اكيد انه خلل تصنيع مو اكثر... وعندي نقطتين احب اوضحهم لك:


1- الضمان صح راح عليك بالوكالة بس هذا ما يعني انهم ما بيصلحونها لك لا .. بيصلحونها بس بحقها مهو ببلاش.

2- اما حكاية نصيحة اخونا السوداني فهي في نظري غير سليمة لان لو كان كلامة صحيح كان شفت كل اصحاب النيسان يشتكون من التهريب ويغيرون الزيت على طول ... اعرف ناس لها 5 و6 سنوات ما قربوا من الدفرنس. انت الان مبسوط ان التهريب وقف والحل هذا مهو الحل السليم.

ارجع للكتلوج راح تحصل درجة الزوجة الصحيحة رح البنشر وغير واذا رجع لك التهريب ارجع الوكالة واشرح لهم كل القصة.

* ملاحظة صغيرة : عمود الكردان اذا كان غير متزن ممكن يسبب تهريب الصوف .. حتى لو اهتزاز غير ملاحظ.

والله مادري هو خلل بسيارتي ولا لا
هالحين مر على تغيير الزيت أكثر من شهر ولله الحمد لم تهرب بينما يوم الزيت الخفيف هربت عدة مرات بأقل من أسبوع
والسوداني ذلك أحسبه والله حسيبه أنه نصوح وأمين
قال غير الزيت ولا تهتم ويقول أغلب الموديلات الجديده هذي مشكلتهم

[ابوديحم2]

والله ياخوي الي حصل معك من أغرب الخربات في البترول
لإن أحد مميزاته عدم تهريب زيوت الصوف مهما كان نوع الإستخدام سواء خطوط أوبر أوجبال وترى تهريب زيوت الصوف تشتهر بها سيارات تيوتا وهذا من واقع تجربه ,,,,,,,,,, نصيحة تقيدبالزيت الموصى به من الشركه 0000

سيارتي ددسن بارك الله فيك ومشكلتنا بالنيسان التويوتا ماقلنابوه شي
الله يحفظك ويسلمك

[الرحال الحزين]

مشكور على النصيحه

عندي باث فندر ويهرب زيت من الدفريشن
وجاري التجربه
بس عندي سؤال
اضيف له زيت ولا اغيره بالكامل
والف شكر لك

[راعي كيف]

السلام عليكم
ودي احط معلومة ربما يجهلها الكثير
من المعروف ان زيت القير 140وممكن تركب علية 90
وزيت الدفرنس 90 وممكن تركب علية 140
هذ للقير العادي
هذا والله اعلم

اخوكم راعي كيف
ابو ناصر

[ابوقتيبه]

السلام عليكم

انا عندي ددسن دفرنسين ماشي الحين 40 الف توها تطلعلي المشكله ان الدفرنس يهرب زيت فوش الحل هل هو اني اغير الزيت واحد زيت ثقل مع العلم انه الى الان على ضمان الوكاله

[بواسامه]

السلام عليكم

انا عندي ددسن دفرنسين ماشي الحين 40 الف توها تطلعلي المشكله ان الدفرنس يهرب زيت فوش الحل هل هو اني اغير الزيت واحد زيت ثقل مع العلم انه الى الان على ضمان الوكاله
طع شوري
صار لي مثلك بالباث اول ماطلعته قبل 5 سنين ورحت للوكاله وحطو هم الزيت الثقيل عيار 140 لي وقال لي الزول احسن من الخفيف وقبل لا يطلع لك صوت بالكرونه
وفقت للخير

[ابوديحم2]

مشكور على النصيحه

عندي باث فندر ويهرب زيت من الدفريشن
وجاري التجربه
بس عندي سؤال
اضيف له زيت ولا اغيره بالكامل
والف شكر لك


بالنسبه لي غيرته بالكامل حتى شفط باقي الزيت الاول حتى مايبقاله اثر
واتمنى لك التوفيق

[ابوديحم2]

السلام عليكم

انا عندي ددسن دفرنسين ماشي الحين 40 الف توها تطلعلي المشكله ان الدفرنس يهرب زيت فوش الحل هل هو اني اغير الزيت واحد زيت ثقل مع العلم انه الى الان على ضمان الوكاله

تبي رايي أول شي رح للوكاله إذا رجعلك التهريب ثانيه لاتقبل عليهم ثقل الله يثقل حسناتك