مكينة جمس على الباترول

[راعي العود]

أخواني أعضاء مكشات الأعزاء

السلام عليكم ورحمة الله وبركاته :
أنا عندي باترول صالون اربع ابواب موديل 90 وصرفيته بالبنزين تجيب الهم وعزمه ونشاطه مهوب اللي يوسع الصدر وأفكر الحين اركب عليه مكينة جمس 350 اقوى عزم وأقل صرفيه لكن ما ادري هل سأواجه مشاكل مع المكينه وهل مشاكلها كثيره أو لا لأني اروح وأجي ما اترك مكان الا واروح له واخاف المكينه تحوسني وخصوصا في البر
عشان كذا ارجو من الأخوان اللي يبخصون في هالموضوع يفيدوني وانا لهم شاكر ومقدر

والعشر عليكم مبااااااااااااااااااركه

[شاهين999]

ما شاء الله تبارك الله وما قصرت يالغالي ..................

[SilverSniper]

توكل على الله وركب.. وزين ما اخترت..
المشكلة الوحيدة اللي راح تقابلك.. هي تركيب القير... لأن داير قير الباترول ما يطبق على مكينة الجمس.. قدامك واحد من حلين..
1) تركب قير ودبل جمس( أوتوماتيك H400 مثلاً أو عادي Borg-warner ).. وفي هالحالة تتلخبط بالدفرنس والسنترة والحوسة هذي.. ولا أنصحك بذلك
2) تركب تحويلة بين داير قير الباترول والمكينة.. والتحويلة هذي يجي منها استرالي (وهو أفضلها ) وقيمته في حدود 3000-3500 ريال.. أو اماراتي أو سعودي وتلقاها بحدود 1800-2500 ريال.

بالنسبة للمكينة 350 فيه أنواع..
1956 - 1986 مكينة 350 كاربريتر..
1987- 1994 مكينة 350 حقن تتابعي ( حلابات )
1995 - 1999 مكينة 350 بخاخ (LT1)
2000 - 2007 مكينة 350 بخاخ (LS1)

كمكينة شد بلد بدون أي تعديلات... الأقوى هي المكينة الأخيرة.. ولكن التقنية العالية اللي فيها مشكلة.. نظام فورتيك وكومبيوتر وكويلات والمكينة كلها ألومنيوم.. لكن أعطالها قليلة..
LT1 مثلها ولكن بدون كويلات.. وأقل في تقنية الكومبيوتر.. وليست مصنوعة كلياً من الألومنيوم..
350 حلابات جيدة.. ولكن الحلابات تعطل باستمرار..
350 كاربريتر... قطعة من حجر لا يمكن تدميرها.. حديد قوي .. وزن ثقيل .. معدومة الأعطال... لا يوجد أي تقنية.. الاختيار المناسب لأصحاب السيارات البرية التي تتعرض لجميع الأحوال.. رمل .. طين.. ماء.. صخور..
أنصحك .. 350 كاربريتر... وتوكل على الله والله يعينك.. :)

[moonset]

والله فكره حلوه صراحه جرب إنشاء ما تواجه مشاكل

[escape_man]

الكلبريتر اعطالة واجد وال ومن سؤالي ووقوفي على بعض الورش الي ترهم ... يرفضووون مكينة 350 على

الجيوب عامة لكثرة مشاكلها ولانها اصلاً ماتفرق واجد...الي اشوفه انه اصحاب الجيوب النيسان اما يرهمون

Ls1 او مكينة Vtc

وعلى العموم كانك تبي النصح وراي مجرب ... ازرق يوم لتشليح الباطن بالقصيم ومر على ورشة

الصمعاني واخوه بجنبه وتلاقي المكاين عندهم وتلاقي الرخص والشغل المضبوط

[.أبوعبدالرحمن]

شوري عليك ركب فتك


لانه اتوقع تتسقط مباشرة والله اعلم


وانتبه للقير

والله يعينك

[ابوعلوش]

أنا من رأي انك تخلي كل شئ على شد بلده .. وهذا مجرد رأي .. والدعاء لك بالتوفيق فيما تختار

[راعي المدئ]

مرحبا عزيزي
بختصار شديد جدا
توكل على الله وركب ولا تسمع كلام احد لا تسمع كلام الا واحد مجرب
انا مركب على باترول مديل 89 مكينة 350 كبليتر ومركبها بدون تحويلة لا استرالية ولا سعودية
مركب حديدة بين القير والمكينة بحيث تربط القير من جهه وتربط المكينة من جهه اخرى ومتعرف عليها باسم (( بليته )) المهم انا مركبها مع المكينة وشغل اليد وكل شي كلفتني 4500 مع المكيف والمراوح
وذا حاب تستفسر عن اي شي انا بالخدمة على الخاص
ولك تحياتي

[SilverSniper]

ومركبها بدون تحويلة لا استرالية ولا سعودية
مركب حديدة بين القير والمكينة بحيث تربط القير من جهه وتربط المكينة من جهه اخرى ومتعرف عليها باسم (( بليته ))
وفسر الماء بعد الجهد بالماء....
البليته هذي هي التحويلة السعودية يا فاهم... راجع حساباتك تلقى سعرها زي ما كتبت الله يصلحك..
أنا عندي ورشة وأشتغل فيها بيدي ... وركبت أكثر من عشرين مكينة جمس على جيوب.. واشتغلت في تزويدها بعد..
إذا احتجت راسلني على الخاص..

[الثويرات]

http://www.mekshat.com/pix/upload/images39/mk55341_zaz.gif






انا انصحك تاخذ تحويله من القفاري يجي معها كل اغراضها مجربه وناجحه 100%

[فهووودي 7991]

انا مالي خبره في المكينه ولا تحويله ولا ترهيم

المهم حبيت انبهك عن حاجه

انا عندي ونيت جمس 350 قير عادي 97م ماشاالله على عزمه نشيط يفحط بالرابع ((( على كفرات شد بلاده ))) وليسى شمبر

الي ابي اوصلك المعلومه

( كلتش القير طلع الشيب في راسي ادوره لي اسبوع كامل اجمعه من محل لمحل كلفنيني تصليحه الشغل مع القطع حول 3000ريال )

[الوعب]

السلام عليكم ورحمه الله

من خيرك ضيعك .. ما شالله كل واحد ينصح بشي و المشكله كلهم مجربين :)
بالنسبه لمكينه الفتك هي الانسب و اقل ترهيم بشرط انك تاخذها مع الكمبيوتر و الظفيره ,, وكذا بتكون شغل نظيف و مثل شد البلد ,, ولكن راح تكلفك قيمه سياره ثانيه ,, تقريبا 30 الف بس خذ مكينه و عزم و استعمال
والمكينه الثانيه الي شفتها مركبه على نياسين هي مكينه التيوتا 2001 فما فوق و مكينه ال vxr
على مكينه ال gx النيسار بيكون روعه من جميع النواحي ولكن فيه شغلتين
الاولى هي ان المكينه راح تكون شوي اثقل من مكينه النيسان وهالشي يخليها تظب في الشاصي مع المطامر القوي جدا
والشي الثاني هو المنفول الي يوصل للشكمان ,, في مكينه التيوتا عكس مكانه في النيسان
بلاضافه الى وصله الجير الي ذكروها الشباب
بالنسبه لمكينه الفتك سقت نيسان 96 باب واحد عليه مكينه فتك وكلفت 30 بالضبط
لكن خذ سياره خياليه في العزم ترقا اكبر طعس وانت مرتاح و الحراره طايحه
وبالنسبه لمكينه الجمس فمن قال لا اعلم فقد افتى :)

اذا تهت ولا قدرت تستقر نصيحتي لك بع السياره على حالها و قيمه المكينه الي بترهمها حطها على قيمه السياره مع كم الف من عندك و خذ لك نيسان سوفر سفاري 94 فما فوق ,, مكينته بخاخ و زينه
موفق خير

[تيمون2]

السلام عليكم أنصحك أخوي إنكانك تبي النصيحه وش تبيب الغثا لنفسك
أنكانك تبي النشاط بعه ودورلك جيب ثاني منها اضمن في الطلعات البعيده ونها شد بلد ونا خوك
ونا عندي مرهم عليه مكينه التي ون مبهذلني بهذله خاصه في الطرمبات البنزيم والقير والتهريبات
دورلك باترل ربع وش زينه بخاخ منها بران ومنها راحه ولا خرابات ولاتشغل بالك
والله يوفقك أخوي وشكرآ

[راع الكرم]

انا راي بع السيارة وخذلك غيرها اقوى بالعزم بدال الترهيم ومشاكله

[راعي العود]

والله ياشباب ما قصرتو كل واحد من الاخوان اللي شاركو حاول قدر المستطاع يفيدني بالطريقه المثلى اللي المفروض اني اسويها لكن بكل صراحه لم اتوصل الى حل نهائي لكن اتوقع مع أعضاء هذا المنتدى الرائع اني سأجد ضالتي بإذن الله بين الردود وبإنتظار المزيد من المشاركات

[راعي المدئ]

عزيزي سلفر
اولا انا اقول بليته لانها بليته وليست تحويلة سعودية
يا عزيزي التحويلة السعودية تجي المنيوم والبليته حديد
ثانيان انت تقول قيمت التحويلة السعودية بحوالي 2500 وهذا صحيح لان التي تتكلم عنها تجي تقليد للاسترالية بالظبط وهي من الالمنيوم وهي عبارة عن جنوط تجمع وتصب في قالب حتى تعطي الشكل المطلوب وانت ابخص
يا عزيزي يا فاهم... الحديدة الي اتكلم عنها ما كلفتني 40 ريال وينك عايش فيه انت.. وانا صاحب تشليح وترهيم وفاهم الشغلة زين
وذا تبي شي انا حاظر على الخاص
ملاحظة
تمتاز البليته انك تقدر تركب كلتش ودزق حق باترول بس مشكلتة ما يتحمل الجور
وبنفس الوقت تقدر تركب دزق وكلتش حق جمس انت مخير
ولك تحياتي

[راعي المدئ]

عزيزي سلفر
اولا انا اقول بليتة لانها بليته وليست تحويلة
التحويلة عبارة عن المنيوم والبليتة حديد
ثانيان عزيزي التحويلة السعودية عبارة عن جنوط والمنيوم يصب في قالب ليعطي شكل التحويلة الاسترالية
وانت صادق قيمتها 2500 لاكن انا اتكلم عن حديد وليس المنيوم
يا اخي الكريم بختصاااااااااااااااااااار شديد الحديدة مكلفتني فقط 40 ريال لا غير في المخرطة
بعدين ميزة الحديدة تقدر تركب عليها دزق وكلتش حق باترول بس مشكلتة مع الجلد يقضي على طول
وتقدر تركب حق جمس وهي الي تصبر وزينة
يا اخي انا راعي مصلحة وعااااااااااارف شغلي زين
وذا تبي تشوفها بعينك راسلني على الخاص والله يحييك
انت تتكلم عن السعار خيالية يا اخي انا اتكلم عن اسعار منطقية اقولك المكينة مع البليتة مع المكيف والمراوح كلفني 4500 ريال فقط انا عندي باترو ثاني مكلفني 21000 حاط فية ls1
بس ما كلن بيدفع مبالغ عالية علشان ترهي يقول اشتري موتر شد بل احسن لي
هذا الفرق بين هذي وذيك

واي شي تبية انا في الخدمة
ولك تحياتي

[قطن]

أنا من رأي انك تخلي كل شئ على شد بلده .. وهذا مجرد رأي .. والدعاء لك بالتوفيق فيما تختار

[بن ناصر]

انا اشور عليك ان تبيع الموتر وتحط عليه قيمة الترهيم وتزيد اشوي وتاخذلك Gmc موديل2000 بحدود ال35 الف ريال والله ازينلك من الترهيم والشقى مع الورش انا عندي جمس2000 له ثلاث سنوات والله اني مرتاح ولا مره اشقاني معه وعزمه اطلق من اي جيب توكل وخذ جمس بس يكون2000 وطالع دفرنشين وبتوفيق

[ابو عكلي]

والله يعطيكم العافيه

[الحصان 1]

اخوي انا مكانيكي وانصحك لاتركب المكينه
لان الترهيم ماكل مكانيكي يزبطه وبالذات مكينة الجمس

[السناعيس]

مرحبا عزيزي
بختصار شديد جدا
توكل على الله وركب ولا تسمع كلام احد لا تسمع كلام الا واحد مجرب
انا مركب على باترول مديل 89 مكينة 350 كبليتر ومركبها بدون تحويلة لا استرالية ولا سعودية
مركب حديدة بين القير والمكينة بحيث تربط القير من جهه وتربط المكينة من جهه اخرى ومتعرف عليها باسم (( بليته )) المهم انا مركبها مع المكينة وشغل اليد وكل شي كلفتني 4500 مع المكيف والمراوح
وذا حاب تستفسر عن اي شي انا بالخدمة على الخاص
ولك تحياتي

راعي المدى انا ابي اركب مكينه الجمس وصامل وعطني رقمك للتواصل

[anwar6080]

السلام عليكم
انصحك اذا بتركب عليك ب LS1 اخف واحدث وبخاخ
واحد ركب 350 كربريتر قويه شوي لكن في الخط يمشي عليه 4500 التايوتا اللاندكروزر
دامك ناوي على الترهيم ركب LS1 والله ما تندم

[bad boy]

ياشباب الله يهديكم الموضوع قديم من 2007 ركزوا شوي بالتواريخ ههههههههههههههه
صاحب الموضوع يمديه ركب مكاين بدال مكينة وحده !!

[GMC89]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه

[ساكن الساده]

كله من (ابو عكلي ) رفع الموضوع
خخخخخخخخخخخخخخخخخخخخخخخخخخخخخ