صقر ابيض للبيع

[sonar_20]

http://www.9m.com/upload/3-10-2007/0.351011913566.JPG




صقر للبيع قياس 17 17 للراغبين بالشراء الاتصال الفوري على >>>>>>>>>>>> الاردن

[بوعوف]

السلام عليكم
ماشاء الله بس ياخوي عطنا علوم الطير بس منا والطريق صقر ابيض_علوم الطير _وش صايد_عمره__مكانه _كم مسيوم او كم حدك فيه_نوعه
طبعا ياخوي انا ماني شراي بس للفائده لي وللاخوان الاعضاء او الي وده يشتريه
والله يحيك بين اخوانك
والله يوفق البايع والشاري
اسف على الاطاله
تقبل تحياتي اخوك بوعوف

[شاهين999]

الله يرزقك ان شاء الله

[taag1]

والله يالربع ماندري عنه وطيره طير شيوخ واكيد بنحول الفلوس تحويل وبنقعد نتحرى الطير والله يخلف والدليل المشاركات .....

[راعي ساموده]

لا ياأخوان شكل الموضوع فيه ان ؟

اولا صعبه هالصقر يصير بالاردن
ثانيا شكله مقلب مسويه بواحد

ثالثا اول مشاركه بصقر مثل هذا ؟

[همايل برديه]

والله يالربع ماندري عنه وطيره طير شيوخ واكيد بنحول الفلوس تحويل وبنقعد نتحرى الطير والله يخلف والدليل المشاركات .....

نفس الاحساس ما ادري ليه ناغزني قلبي من الموضوع

[ناصح]

الرجاء عدم المجازفة بالشراء

حتى الصورة من الواضح أنها ليست في الأردن ...!!

[طارق الحربي]

الاتصال الفوري يعني ترسله بالفاكس ولا كيف ؟

[اول الوسم]

الموضوع هذا فيه إن على قولتكم ومهو صحيح ابد ابد
دور غيرها الله يسلمك واترك العلوم اللي مالها خانه

يالله على طاعتك فانك تساعدني ** وتعوضني عن علومن مالها خانه
وانك على طرقت اهل الخير ترشدني** وتبعد مكاني عن الخوان واخوانه

[قرناس الرياض]

الله يبيض وجيهكم كل على قلب رجل واحد وخايفين على بعض وهذا مو غريب على اعضاء مكشات التكاتف ولكن وش بيضر لو اتصلنا وتاكدنا ومن قال اننا بنحول فلوس ما حنا اغبياء إلي هالحد واذا بقدر يوصله للسعودية انا اسومع عشرين الف ويجي للرياض غيره الله يخلف والله يحفظكم ويرعاكم

[راعي الشلفاء]

السلام عليكم
اخاف وله من الي يستغلون الارقام

[قلب شاهين]

الطير ماظهرت صورته !!

[*الـزيـن*]

ياكثر ماشفت هالصوره

وقديمه بعد

[قلب شاهين]

أنا أسوم 50 ألف والله الموفق ،،











<
>
<
>
<
>


ألعب على غيرها الصورة هذي قييمه ومنشوره بالمنتديات ،،

والطير جير ماهو حر ،،

دور منتدا غير مكشات الله لايهينك ،،

تحياتي / قلب شاهين ،،

[قلب شاهين]

ويااجمااعة الخير أنتبهو من الآوادم الي شروا الرجال هذا ،،

اذا اتصلت عليه يسحب فلوسك من المكالمه نفسها وشلون لو ترسله فلوسك علشان الطير !!

أرجو حذف الموضوع ،،

تحياتي / قلب شاهين ،،

[النداوي1]

الصورهـ قديمه حتى بجوالي فيه نفس الصورهـ

حفظها من زماااااااااان.

[راعي ال 8100]

الا اقول يالحبيب انت عارضن صقر ولا بوالين ؟؟ اشوفك كاتب 17

خخخخخخخخخخخ

اللهم اني صايم

[طارق الحربي]

راعي 8100

في مقاسات للطيور :)

[المري]

ياليت المشرف يشيل هالموضوع بأسرع وقت..

[هاوي الربيع]

هي يا جماعه اتحذروا
هذا الطير صورته برا يعني ما هوب في الاردن
ثانيا هذي الصوره شفتها من سنتين في احد المواقع الاجنبيه المتخصصه بالصقور
واذا كان جاد خلوه ينزل فيديو لهذا الطير وهو ناقلنه على يده
والسموحه

[sonar_20]

ساقوم يتزويدكم بعدد من الصور للطير يا اخواني الكرام الطير قادم من اسرائيل وتم اصطياده ولله الحمد بالاردن للمصادفه ولم يتم شرائه من اي مكان اخر والاخوه المشككين سامحهم الله

[hawwamT]

ياأخوان امنعونا من الخوف اللي ماله داعي حتى التأكد والتثبت من الطير وراعيه..وفلوسك في مخباك ولاحد بيأخذها غصب..ولا تأمن على أي انسان تحول له فلوسك خارج المملكة ..اذا عجبك الطير خله يجيب الطير الى السعودية ولاتدفع فلوسك أبد أبد مهما بلغت التطمينات حتى تشوف الطير عندك غيرها يفتح الله...
وأنا أسوم الطير ب22ألف بشرط أنه طير وحش ماهو بيتي..والطير موصل الى الرياض ويستلم دراهمه في الرياض

[قلب شاهين]

انا أسوم 24 ألف بشرط توصله للشرقية ،،

تحياتي / قلب شاهين ،،

[أبو_خالد]

كلام فاضي !!!!!!

[صياد حضرموت]

باختصار:
اذا ببتاكدو من ان هذا الشخص كاذب نجس ادخل قوقل وسوي بحث بعنوان صور صقور بيجيلك رابط ادخله بتجد نفس الصوره موجوده ضمن صور لصقور كثيره
ارجو من الاداره طرد هذا النجس

[taag1]

الصراحه طير طيب من وجه ... اللهم اني صائم ,,,,, على مين يابو.... تبيع البيض على سلاقينه
اسوم الطير 128000 دينار كويتي حتى اغطي على (النادر):D :D :D بس لي شروط انه وحش ومقاس 16
وتيوبلس ماهو لستك وتوصله للرياض .....

[حر الشمال]

هذا نصاب. الطير جير تهجين مزارع ومنتشره في المنتديات >>> صايد له حمامه بيضه وحسب انها جير ههههه اللهم اني صائم