المساعد الشخصي الرقمي

مشاهدة النسخة كاملة : اللي جرب البرادو


تيتشر
03/10/2007, 02:55 AM
مساكم الله بالخير

افكر اخذ لي برادو بدال الفكتوريا اللي كل شوي منسرقه

المهم اللي قد جربه واستعمله

يقول لي رايه بالضبط بدون تحيـّـز للسياره

وكم سعره حاليا بالوكاله
Alwaily-Q8
03/10/2007, 03:09 AM
عليك السلام والرحمه...

أختيار طيب وبالتوفيق أنشالله وانا على دربك أن الله يسر...
أنا سألت اللي جربوه يمدحونه حيل ..

وهذا رابط يفيدك ولا تنسانا من الدعاء
http://www.assayyarat.com/forums/showthread.php?t=111653
راعي الركيات
03/10/2007, 03:09 AM
تبي العلم السياره ممتازه جدآ ولا عليها كلام وثباتها علي الخط روعه وخفيفه في البر وسريعه في القومه مقارنه بالجيوب وعمليه جدآ بس اعتقد ممكن يغيرون 2008 اصبر وشف وش يصير بس البرادو هو فرخ الاند كروزر فعلآ مايفرق بين الاثنين الا الحجم وعلي فكره ماطور البرادو اكثر تطور من الاند كروزر واقل في استهلاك الوقود لكن لي تحفظ من ناحية السعريعتبر غالي اتمني اني قدمت معلومه جيده تفيدك عن السياره وبالتوفيق
.أبوعبدالرحمن
03/10/2007, 03:22 AM
توكل على الله وخذه


بس انتبه لا تاخذ الا 6 سلندر



موتر عملي ورسمي وقوي ونشيط


وخفيف


وانا اخوك الـ 2008 والله اعلم انه ما تغير


لاني شفت لي واحد جديد بعارض النسيم نفس الشكل بس عليه خطوط رهيييييييييييييييييييييييييبة للغاية واعجبتني خطوطه بالحيييييييييييييييييييييييييييل


والظاهر انه الـ 2008


والله يكتب لك اللي فيه خير


ولا تنسى الاستخارة
برادو vx
03/10/2007, 03:48 AM
أخوي أبتكلم لك من واقع تجربة . .

أنا ياخوي معي برادو 2007 vx2 أقل من الفل بنمرة (قير عادي - ست تعشيقات) . .

من أبرز مميزاته (دفع رباعي مستمر - أمان بشكل كبير مع اللفات - مرتبة ثالثة أصغر من حقت الجي أكس آر - وساع عموما - ثلاجة أكبر من الجي إكس آر (كل الدرج ثلاجة) - مواضع عديدة للدركسون والمراتب - الدرايش كلها أوتو - المرايا تصفط توماتيك - غير الفتحة والدعامية - والسيدي إم بي ثري . .

نجي للزبدة . . العزم خيال بما تعنيه الكلمة ( من واقع تجربة أكثر من مرة أقوى من الربع و الفتك و الباثفدر وغيرها من الجيوب ) . .

غير الراحة في الخط (حطه في السادس وإرتح - يعني تمشي 120 ما تسمع المكينة -) وطبعا الرساوة في الخط ما فيها كلام . .

طبعا أكيد فيه عيوب . . منها شكل الخلفية + إنه رفيع شوي . . هذا أبرز شي . .

تقبل مروري . . وحنا في الخدمة متى ما شئت . .
عدابي
03/10/2007, 03:49 AM
انا عندي عدل ويمشي مشكور
تحياتي
عدابي......
الأستاذ محمد
03/10/2007, 03:53 AM
موتر ماعليه توكل على الله
احمد بن حماد
03/10/2007, 04:06 AM
اذا انت ماتلف ونت مسرع توكل علي الله بس زي ماقلو الاخوان 6سلندر
مرسال1
03/10/2007, 05:45 AM
توكل على الله وخذه ...

بس أنتبه لا تأخذ إلا خليجي .. علشان فيه تانكيين بنزين سعه 180 لتر ...يعني عب من الشرقيه ولا تاقف إلا في مصر :)
أبوطلال2007
03/10/2007, 06:22 AM
توكل على الله.. صدقني ما راح تندم إن شاء الله .،،
تيتشر
03/10/2007, 02:36 PM
الله يجزاكم خير جميعا

لا خلا ولا عدم
رقبة حاشي
03/10/2007, 05:24 PM
يا اخي يقول زميل ان اخوه انقلب فيه بسهوله اي انه سريع الانقلاب
وان انقلابه من الهواء اللي من التريلات لما يكون الخط مزدوج
والسلام..........
يوسف عبدالله
03/10/2007, 08:02 PM
توكل على الله

السياره ماعليها أي كلام .. ممتازه بكل معنى الكلمة
al-ftal
03/10/2007, 09:08 PM
السلام عليكم ورحمة الله وبركاته
اخواني اعضاء المنتدى الغالي على قلوبنا ابي اشاوركم على اليوكن من موديل 2006 الى 2001 واستفساري هل هو صالح للاستعمال وهل هو قوي ولا لا طبعاً للبر والكشتات وعن اسعارهن في المعارض .
al-ftal
03/10/2007, 09:13 PM
ارجو الافادة عن اليوكن
اخواني اعضاء المنتدى الغالي على قلوبنا ابي اشاوركم على اليوكن من موديل 2006 الى 2001 واستفساري هل هو صالح للاستعمال وهل هو قوي ولا لا طبعاً للبر والكشتات وعن اسعارهن في المعارض .

http://www.mekshat.com/vb/images/misc/progress.gif