رحت لكل ورشات الرياض حتي الوكالة ماعرفوا المشكلة

[اسد نجد]

.
السلام عليكم ورحمة الله وبركاتة

ماشاء الله تبارك الله
تعبت من هذي السيارة
.
.
..
.
.
.
السيارة ميركوري 2002

المشكلة

اذا هزيت السيارة مع الكبوت اومع الشنطة يطلع صوت صرصرة

او اذا رقيت مطبة يطلع صوت صرصرة

رحت لكل ورشات الرياض حتي الوكالة ماعرفوا المشكلة

تكفون وش الحل والله تعبت مرة

غيرت اشياء وخسرت عليها ومالها دخل في السالفة

ابي استانس بها يوم العيد

[راس الرعيلة]

وعليكم السلام ورحمة الله وبركاته

أخي الكريم :

هل موترك سعودي ولا أمريكي؟؟

هل سبق أن تعرض موترك من قبل لحادث أو قشعة رصيف أو شي من هالقبيل ؟؟؟

وش وضع الهيدروليك الخلفي هل هو طامن ولا نازل؟؟

يمكن نقدر نعاونك بشي

[ZIAD_KSA]

الحل بسيط جدا صارت معي
شف فيه مسامير اثنين في الكبوت في الاطراف ارفعها شوي وانشالله تزبط

[برنو بيشة]

يمكن يكون من مسامير وزن الكبوت
أو من كلبسات الصدامات تالفه
أو من مسامير الرفارف مو مشدوده
وترى المشكله بسيطه ولاتخاف منها
تقبل مروري

[هتلر11]

هلا بك اخوي اتوقع انه من مسامير البدي الي في الشاص و شيك على جلد البدي و جلد المساعدات
والله اعلم

[اسد نجد]

أخي الكريم :

هل موترك سعودي ولا أمريكي؟؟

هل سبق أن تعرض موترك من قبل لحادث أو قشعة رصيف أو شي من هالقبيل ؟؟؟

وش وضع الهيدروليك الخلفي هل هو طامن ولا نازل؟؟

يمكن نقدر نعاونك بشي

والله ماعندي خبرة بالسيارات

لكن الموتر سعودي

تعرض الموتر لصدمة في الصدام الامامي في الزاوية لجهة السائق

صلحتها فيبر

والله ماعرف الهدروليك لكن الموتر مهوب طامن وقفتة حلوة

[الدحبول]

طبلون سيارتك عداد ولا شاشة ديجيتال
إذا كانت عداد كم نهاية العداد 120 أو 180-200
الكراسي السيارة جلد ام قماش
الهيدروليك نظام معروف يا خوي واثبت كفائته في الفرد
وهو إذا حمالت السيارة تضغط زر عندك ترتفع و إذا ما محامل إذاغاط تنزل السيارة
يعني المساعدة الخلفية غاز
ماتشوف السيارة مرفوعة من وراى ؟؟
أفتحة الشنطة الخلفي هل في جهاز هيدروليك ؟؟
مثال ماقالو الاخوان
أو الصوت من الفحمات الامامية
صارت لي في لاندكروزر

[حمد808]

شف القفل حق الكبوت الصوت منة شحم الحديدة اللي تمسك في القفل او اربط علية شطرطون
وان كنت تبي تتاكد افتح الكبو ت وهز الموتر

[ذئب اليل]

مساء الخير أخوي أنا اتفق مع الخ هتلر واتوقع انة تكون من ربلات البدي والا افضل شي انك تفحص ربلات الموتر كلاه وارجو اني افتك

[اسد نجد]

جزاكم الله خير

لكن الصرصرة تطلع من تحت السيارة

من قدام ومن وراء

مرة يطلع الصوت قوى مرة

ومرة يطلع خفيف

ونادر مايختفي الصوت

[.أبوعبدالرحمن]

شف القفل حق الكبوت الصوت منة شحم الحديدة اللي تمسك في القفل او اربط علية شطرطون
وان كنت تبي تتاكد افتح الكبو ت وهز الموتر


كلام حلو

بل اعجبني

[نديم السهر]

شفلك ذيب من ربعك يحب يستكشف ويدور وحط السياره فوق حفره الورشه

وافتح الكبوت والشنطه وهز السياره من قدام ومن الخلف مافي صوت قفل الكبوت والشنطه وكمل هز السياره

للين تحدد مكان الصوت

مجرد فكره يمكن تنفع

[ضحية بيشة]

شحم الكبوت صارت معي شف الكبوت والشنطه شحم البساتم اللي تفتح وتسكر

[اسد نجد]

Up Up Up Up

[ابوعبدالله 2]

الحل عندي اخوي صارت معي وجابت لي الجنان وابشرك عرفتها طلعت شي بسيط شف فية جلد تحت مدورة عند عامود جاي عرض السيارة من قدام تحت بجنب المقصات واللة ماعرف اسمة لكن على مايبدو هذا هو غير الجلد جديده بأذن الملى عزوجل يروح الصوت والله ياهي جابتلي الجنان وسويت هالشي والحمد لله رااااااااااااااااااااحت الله لايعيدة تقول بساس تحت السياره يتهاوشون 0

[دمك]

هذي الصوت من احدى مميزات الفورد

لا تتعب انا قبلك والله مافي حل

لكن غسل بستم وشحم لعل يزبط

[البريدي]

الحل بسيط
اسمع انا اخوك دخل موترك في الحوش وارفعه وربط الصواميل حفت البدي انشالله تبي تدعيلي
هذا الي عند انشالله تضبط معك

[اسد نجد]

الحل عندي اخوي صارت معي وجابت لي الجنان وابشرك عرفتها طلعت شي بسيط شف فية جلد تحت مدورة عند عامود جاي عرض السيارة من قدام تحت بجنب المقصات واللة ماعرف اسمة لكن على مايبدو هذا هو غير الجلد جديده بأذن الملى عزوجل يروح الصوت والله ياهي جابتلي الجنان وسويت هالشي والحمد لله رااااااااااااااااااااحت الله لايعيدة تقول بساس تحت السياره يتهاوشون 0



والله انك صادق يابو عبدالله2

كانهم قطاوة يتطاقون والله ان الصوت يجيب المرض

بس الله لايهينك تتاكد من اسم الجلدة علشان اغيرها

لاني غيرت اشيا وخسرت من دون فايدة

[بدرالقصيم]

السلام عليكم

انا معي ماركيز 2000
له معي 3 سنوات والصوت هذا تعودت عليه
السبب من الجلد اللي تحت من مقصات واذرعه والبدي على الشاصي
لازم تغيره طبعا هو استهلاكي
وحل ثاني مؤقت بس بيعدم عليك الجلد هاذي وهو غسيل بستم ديزل علشان يشد الجلد ولا يطلع لها صوت
ولا خلهن مايضر بس ازززززززززعاج

[قناص متقاعد]

خذ العلم وانا اخوك .

انا صارت معي في ميركوري 2002 مريكي وبهذلتني ولقيت الحل في شي بسيط وسهل جداً .

رح بالموتر لمغسله السيارات البستم وخلهم يرفعون الموتر ويغسلونه بديزل ولا يغسلونه بمويه . يعني خل الديزل يقعد في الموتر .

وسأل مجرب ولا تسال خبير .

[أحب القمرا]

اخوي الكريم صوت الصرصرة ما تطلع الا مع بداية برودة الجو .
وانت لاحظ ذلك .
هل في الظهر يطلع الصوت ؟؟؟؟
هل في الليل أول ما تشغل السيارة وتمشي يطلع الصوت ؟؟

إذا كان الجواب للسؤال الاول ( لا ) والثاني( نعم ) فهذا يعني انه من صوت الجلد ( بكسر الجيم )
وهذا شي طبيعي بالفورد . وجرب تشحمها .
وعطني خبر

[اسد نجد]

اخوي الكريم صوت الصرصرة ما تطلع الا مع بداية برودة الجو .
وانت لاحظ ذلك .
هل في الظهر يطلع الصوت ؟؟؟؟
هل في الليل أول ما تشغل السيارة وتمشي يطلع الصوت ؟؟

إذا كان الجواب للسؤال الاول ( لا ) والثاني( نعم ) فهذا يعني انه من صوت الجلد ( بكسر الجيم )
وهذا شي طبيعي بالفورد . وجرب تشحمها .
وعطني خبر


السوال الاول نعم

السوال الثاني نعم

حتي اذا ركبت السيارة يطلع الصوت

بعض الاحيان اسكر الباب يطلع لكن خفيف

[أحب القمرا]

اخوي اسد ...... رح لمحل تغيير الزيت وقل له يشحم الجلد اللي تحت كلها والرُكب والأذرعة .
وعلمنا بالنتيجة ،،،،

[المتزن]

اذا انتهيت من موضوع الجِلد

شف الغطاء الكبير اللي يجي فوق المكينه على البخاخ (شيك على مسمار التثبيت حقه يمكن يكون مرخي ماهو مشدود) جرب هز نفس الغطاء هل هو نفس الصوت اللي تسمع والا لا

اذا صار مرتخي يطلع صوت مع المطبات أو اهتزاز السياره

[جندي ساده 0]

شفلك ذيب من ربعك يحب يستكشف ويدور وحط السياره فوق حفره الورشه



وافتح الكبوت والشنطه وهز السياره من قدام ومن الخلف مافي صوت قفل الكبوت والشنطه وكمل هز السياره


للين تحدد مكان الصوت



مجرد فكره يمكن تنفع


كلامك صح ومعقول

[Alwaily-Q8]

هلا بك اخوي اتوقع انه من مسامير البدي الي في الشاص و شيك على جلد البدي و جلد المساعدات


والله اعلم



هذا أقرب لصواب .