الحذر الحذر !! من الجيب اللكزس وvxr الياباني لهذا السبب ..

[anas]

السلام عليكم
كنت مع رحيمي (أخو المدام ) ومعاه جيب لكزس موديل 2000شراه من الامارات في سنته جديد بقراطيسه ياباني الدركسون يمين وقام باللازم اول ما شراه هناك وتم التبديل من اليمين الى اليسار وكلفه في ذاك الوقت قيمة السيارة مع التبديل حوالي 126000 فقط مع العلم ان الجديد من جميل ذاك الوقت 240000 ريال
معليش طولناها وهي قصيرة :D
الزبدة انه يوم جاء يبدل فلتر الهواء ما حصله ولا حتى في الوكالة عند وكالة جميل لأنه طلع فلتر الهواء اللكزس الياباني يختلف عن اللكزس السعودي :confused: ، مع العلم ان المكينة نفسها ، والرجال ورطان وقلت خلني اطرح هالمشكلة على اخوانا المكشاتيين يمكن نطلع بنتيجة ؟

[طارق الحربي]

طيب هل هذه اول مره يغير فلتر الهوا ؟

والله ماعندي علم بس وش ارائه حول السياره لو سمحت ؟

[الرسن]

انس
هذا لكزس ياباني ديزل صح ولا انا غلطان
اذا كان كذا قل لرحيمك يروح لصناعية العويضة بشارع علي بن ابي طالب وبيحصل فلتر الهواء للجيب
اللكزس الياباني المعدل اللي يمشي بالديزل.
معالسلامة

[مرقاب]

اخوي واذا مانفعت اقتراحات الاخوان يراسل الشركه باليابان بالدي اتش ال اوغيره وهذا اعتقد الحل الاخير.

[.أبوعبدالرحمن]

الله يستر


الله يعينك اخوي

[المرابط]

إذا مالقيت حل غير القربه حقت الهواء إلى قربة

جيب سعودي من التشليح وأعتقد أن قربة حقت

VXR تركب للكزس أرجو أن تكون الفكره واضحه

[Black VTC]

الله يفتح عليه و يريح باله بهاليوم الفضيل ..

[حمد808]

غير القربة حقت الهواء وركب قربت هواء الكزس سعودي

[anas]

طارق الحربي
نعم هذه اول مرة يغير الفلتر من يوم شرى السيارة
السيارة ممتازة ونشيطة ولا يوجد اي مشاكل
الرسن هو لكزس بنزين وليس ديزل وجزاك الله خير المشكلة من سكان جدة
مرقاب
ابو عبد الرحمن
ابو ابراهيم
black vtc
حمد 808
جزاكم الله خير ما قصرتوا وبأشور عليه يغير القربة

[الدحبول]

انصح يفك الفلتر وينظفة بالهواء مضبوط ويمشي عليه إلا إذا كان مرة وسخان
إذا كان مستطيل فهو نفس السعودي لان الجيب فيكسار من 98 إلى 2007 مستطيل
أتوقع يركب
وإذا كان مدور يركب فلتر الهواء حق لاند من 81 إلى 97 قيمة الاصلي 70 والتجاري مايز 30
صدقني يركب و إذا يبغا يتاكد يروح إلى أي محل ضخم يملك كتلوج يعطيه الرقم الشاصي ورح يعطيه رقم القطعة
و يسجله ويقول عطني فلتر هواء فيكسار ويطابق بين الشكل إذا كان نفس بعض يركب يتاكد من رقم القطعة حقه
والفيكسار هل يطابق ولا
إذا ماركب انصحه يسال عن فلتر الجمس سوبر 2000 وانت طالع يمكن يركب

[anas]

اخي الدحبول
الفلتر دائري وبانصحه يسأل عن الموديلات السابقة .. وجزاك الله خير
ازعجنا رحيمي.. آآآآآآآآه يا اخو المدام لاجل عين تكرم مدينة :p .

[الدحبول]

يه والا المدام تكسر راسك ......................أمزح
هذا حال الرجاجيل هذي الايام

[الدحبول]

أجل يركب حق 97

[مغلي]

إذا مالقيت حل غير القربه حقت الهواء إلى قربة



جيب سعودي من التشليح وأعتقد أن قربة حقت



VXR تركب للكزس أرجو أن تكون الفكره واضحه





هذا هو افضل حل

[بدرالقصيم]

السلام عليكم ورحمة الله وبركاته

فيه حل اللي هو الفلتر الرياضي يركبه وخلصنا
وتراه مافيه ضرر ابد

http://www.mekshat.com/pix/upload/images50/mk61382_f1.jpg

[anas]

اشكر الجميع على الردود ..
الرجال باع اللكزس بعد طول معاناة وشرى fj كروزر ..

[بيبسي]

السلام عليكم



كنت مع رحيمي (أخو المدام ) ومعاه جيب لكزس موديل 2000شراه من الامارات في سنته جديد بقراطيسه ياباني الدركسون يمين وقام باللازم اول ما شراه هناك وتم التبديل من اليمين الى اليسار وكلفه في ذاك الوقت قيمة السيارة مع التبديل حوالي 126000 فقط مع العلم ان الجديد من جميل ذاك الوقت 240000 ريال
معليش طولناها وهي قصيرة :D


الزبدة انه يوم جاء يبدل فلتر الهواء ما حصله ولا حتى في الوكالة عند وكالة جميل لأنه طلع فلتر الهواء اللكزس الياباني يختلف عن اللكزس السعودي :confused: ، مع العلم ان المكينة نفسها ، والرجال ورطان وقلت خلني اطرح هالمشكلة على اخوانا المكشاتيين يمكن نطلع بنتيجة ؟

ماشاء الله 8 سنوات ماغير فلتر الهواء الله لايضره ... مالك الا مثل ماقالوا الاخوان يغير قربه جديده .... او اذا انت بالرياض روح لصناعية العويضه شارع علي بن ابي طالب هناك محلات كثيره للفلاتر تلقى حق طياره لو بغيت << الله من الصدق

[المميـز]

اشكر الجميع على الردود ..
الرجال باع اللكزس بعد طول معاناة وشرى fj كروزر ..


ماشاء الله ... الله يعطيه خيره ويكفيه شره

والله يعين اللي شرا اللكزس

[شامخ ألهيلا]

الله يوفق الشاري بس في مثل هذي الحالات مالك الا الفلتر الريااضي

[سفير الصمان]

يجيب اي فلتر يركب ويركبه وانتهت المشكلة والصناعية مليانة فلاتر