المساعد الشخصي الرقمي

مشاهدة النسخة كاملة : وش تنصحوني به


ناصر الدوسري
04/10/2007, 05:39 PM
السلام عليكم ورحمة الله وبركاته
وش اخباركم انشاء الله طيبين

هذه اول مشاركة لي

وأب اسئلكم عن افضل ورشة سمكره في الرياض

تعرفون كنت في السوق موقف سيارتي ويوم جيت ولقا الجنب الأيمن معروش الله يهدي اللي عرشه

ههههههههههه

سيارتي من نوع هايلكس 2007

وأبي ورشه مضبوطة في السمكرة

لأن السيارة جديدة

الله يجزاكم خير
اسد نجد
04/10/2007, 06:30 PM
يسعدني اكون اول من يرد عليك

والله يعطيك خير السيارة ويكفيك شرها

في ورشة ماشفت في حياتي كلها شغل مثل شغلهم

هي ورشة الجديد البيان حقت معارض الجديد البيان في حي الشفاء

في صناعية الشفاء .

سمكرت عندهم BMW وارمادا ومازدا زوم وسوناتا

ماشاء الله شغل ماعليه كلاام وضمان على الشغل وعلى البوية سنة

عمالة فلبينية

المشكلة غالين شوى لكن موترك جديد ويستاهل

تزيد كم ريال ويضبط موترك

احسن من تودية ليمني شهرين وتتقشر البوية

واسف على الاطالة وتقبل مروري
ناصر الدوسري
04/10/2007, 06:50 PM
الله يجزاك خير يا اسد نجد على النصيحة ان شاء الله بامرهم وشوفهم
هويدي
04/10/2007, 08:07 PM
الله يخلف عليك

ولا هو قصورن بأخونا اسد نجد ولا ورشته

بس اذا ما صلحولك عندك ورشه الوفا بالصناعيه القديمه

شغل 100% بس غالين شوي
.أبوعبدالرحمن
04/10/2007, 10:33 PM
وانا اخوك فيه ورشة ابو ماجد بالصناعية القديمة


والصراحة شغلهم روعة


وهو بشارع الجمعية

وبذكر لك بعض السيارات اللي صلحتها عندهم


لاند كروزر 2001

ولاند كروزر 1999

وهايلكس 2000

وكرسيدا 1996

وددسن 2003

وكامري 2003


والصراحة صلحت عنهم سيارات كثيييييييييييييييييييييييييرة


اذا بغيت الرقم راسلني على الخاص وببيضون وجهك ان شاء الله